-/ـِ-/ـِ-/ـِ بـمـا ان مـعـظـمـنـا فـي الـمـنـتـدي مـصـريـيـن ـِ\-ـِ\-ـِ\-

المشاركة الأصلية كتبت بواسطة Marvey

بص يا محمد بما انك دخلت تعارض بكل احترام فأنا هرد علي كل كلامك
ما إنك تقول ان بتوع التحرير بقو مبسوطين بقاعدتهم فأنا مش هقدر أسمح لك بأى اساءة مباشرة او غير مباشرة سواء بقصد او بدون قصد
انت صدقت الكلام اللي قاله ما كفايانا بقي خطابات مستفزة
مبارك بيحاول يراوغ الشعب بيلتف حول مطالبنا من الآخر بيلف ويدور علينا
احنا مصريين بلاش استخفاف من الحكومة بعقولنا خلاص مبقناش زي زمان يتضحك علينا بكلمتين
مطالب الثوار هو رحيل مبارك، وأن هذا الخطاب سيصعد الوضع الراهن فى مصر إلى الأسوأ ولن يحل الأزمة، والمؤسسة العسكرية لازم سرعة التدخل لحقن الدماء
أعتقد ان الخطاب مجبش جديد ماهو زي اللى قبله واللي قبله كلهم نفس الصيغة
والكداب اللي كنا فاكرينه كويس عمل ايه لمصر لما طالع في الخطاب يقول ارجعوا بيوتكم منعا للاشتباكات
بعد ما اعلن اما الحوار او الانقلاب وطبعا الحوار مانفعش
اعتبر دة تهديد رسمي من سيادته ولا ايه
القيادة السياسية ارتكبت خطأ فادحا، حيث رفعت سقف التوقعات فى الشارع المصرى قبل الخطاب إلى السماء، ثم جاء الخطاب محبطا للشباب

النهاردة العصر هنكون قدام القصر ودة مش كلامي لوحدي
دة كلام الشعب المصري كله احنا بننزل ونتعب ونتعرض للموت عشان نجيب لك ولباقي الشعب حقه

حقه في الحرية وحقه في كرامته و ............الخ
والسيد عمر سليمان مش هيعمل دة ولا أى حد من ريحته للأسف الشديد
فياريت كلهم يمشوا والطلب واضح جداً من اول يوم نزلنا فيه

الشعب يريد رحيل الرئيس بس الرئيس مش لاقي السرفيس