رد: توصيات الأخوان المتحدون امجدونا1 وابو هادي المضمونة بأمر الله
اقتباس:
المشاركة الأصلية كتبت بواسطة amjadona1
صفقة الباوند مقابل النيوزلندي جابت 40 نقطة وارجعو للمنصة واتأكدو بنفسكم على العموم ياشباب والله والله من جد انا زعلان من الكلام اللي قاعد اشوفو واقراه في المنتدى بصراحة ياشباب وبدون اي زعل مني حرام ومليون حرام البارح تكسبو واليوم تخسرو تبغو تقولو انت السبب ياامجد ابغى ابقلكم ارجعو لصفحة رقم واحد واحلفكم بالله هل طبقتو الكلام اللي فيها بالحرف الواحد هل كان عندكم استراتيجية رأس مال صحيحة مية في المية بالله ياشباب لمن واحد يخسر 75 في المية من حسابه في ساعات معدودة هل هذا عنده استراتيجية قوية وممتازة لرأس المال اوكي اليورو طلع عليه خبر ايجابي وبعدها قام طلع بشكل غير متوقع لكن الواجب كل واحد فينا يتوقع اسوأ الظروف على العموم الله يكون في عونكم هذا درس لكل متهور دخل بعقود كبيرة وماحسب حساب الإرتداد والله ياشباب انا ماشي في الصفقات كلها على نفس الترند اللي هيا ماشية فيه لكن هذا سوق غدار مجرد خبر يصدر يقلب لك الموازين كلها لاحول ولا قوة الا بالله العلي العظيم ومع ذلك ترى عندنا 10 او 11 صفقة حققو ارباح وبعضهم جابو الهدف الحمد لله على العموم نصلي ويسير خير بعد الصلاة بس بصراحة اللي فيكم راح يستمر بالشكل هذا نصيحة مني ياخذ فلوسه ويطلع من السوق والله اني انصحكم من قلبي اللي فيكم مايحترم استراتيجية رأس المال السوق ماراح يحترمه لاتتوقعو امجدونا اللي حقق امس 970 نقطة جا اليوم يبغاكم تخسرو لاياشباب انا معاكم ويدي في يدكم وماعمري افكر لحظة اني اضر احد فيكم لكن اللي قاعد اشوفو للأسف شي يحزن ويزعل حسبي الله ونعم الوكيل ماادري ايش تشوفو هل نقفل الصفحة وتروحو تشوفو موصين غيرنا انا وابو هادي ولا تلتزمو بإدارة رأس المال بصراحة ماني عارف هل العيب فيا ولا في السوق ولا في ادارتكم لرأس المال اوكي انا معاكم ان المخاطرة احيانا تكون حلوة لكن ايش الفايدة لمن يجي يوم وكل اللي جمعناه نخسره بساعات والله المستعان
ياراجل يا امجدونا الله يعلم اننا نحبك ونحترمك وندري انك تسوي كل الخير عشاننا .. ووالله ان توصياتك على العين والرأس والمشكلة مش منك ولا من التوصيات .. ولا حتى من السوق .. المشكلة مننا احنا اصحاب الحسابات .. احنا ما التزمنا بإدارة رأس المال وهذا هو اكبر خطأ والنهايه احنا حصلنا على درس عشان المرات الجايه
ياراجل انت بتقفل الصفحه ليه .. احنا من غيرك ضياع في ضياع
والا ايه رايكم يا جماعه
والله ان توصياتك كلها ندخل فيها بدون تردد لاننا بنثق فيها وبنثق في الاخ ابو هادي وعشان كذا احنا متواجدين هنا
وانت بالامس مكسبنا كثير واليوم خسرنا عادي .. السوق ربح وخسارة
مع العلم ان خسارة اليوم مش من التوصيات لا والله انا عن نفسي خسارتي انا كنت سببها وهو اني ما التزمت بإستراتيجيه ادارة راس المال
ومادام انتا معانا هنتعوض بإذن الله والايام جايه
ربنا يسعدك يا عم
وجمعة مباركة
الا على فكرة قرأت الرسالة الي على الخاص والا لسه ؟
المواضيع المتشابهه 
