ملاحظة مهمة جدا جدا ارجو التركيز في قرائتها
لاحظت في الفرصه السابقه أحيانا بمجرد كسر أو إختراق خط ال ٧ لخط ال ١٤ و دون إكتمال باقي الشروط يحدث هبوط كبير فهل من طريقه للإستفاده من هذا ؟
شوفو ياشباب السؤال هذا كان من اخونا حسين وبصراحة سؤال ينم عن ذكاء الأخ حسين الله يعطيه الف عافية فعلا ياشباب احيانا يحدث اختراق فقط من قبل خط ال 7 لخط ال 14 ونتفاجئ بهبوط قوي او صعود قوي والشروط نفس ماذكر الأخ حسين تكون مااكتملت فكيف نفسر هذي الظاهرة؟
اوكي لو رجعنا لكل المؤشرات التالية في اليورو دولار راح نلاقي سهم الفراكتالز ونقاط الباربوليك والار اس اي ومؤشر وليامز بيرسنتج ومؤشر السي سي اي ومؤشر اوسما ومؤشر موني فلو إندكس ومؤشر الديترند برايس اوسكليتوركلهم اكتملت الشروط فيهم وركزو ياشباب كلهم اكتملت فيهم الشروط مليون في المية طيب اذا كان عندي 95 في المية من الشروط مكتملة هل من المعقول اني لو دخلت بيع على اليورو دولار مستحيل اني مااكسب ابدا ولا حتى 20 نقطة لاطبعا اليورو دولار هبط اكثر من 110 نقاط والشروط لسه مااكتلمت بسبب المومنتم
طيب كيف ممكن نستفيد من هذي الحالة على الرغم ان الشروط مااكتملت ؟
سبق اني ذكرت لكم ان المومنتم يتأخر نسبيا عن الار اس اي وهذا احد عيوب مؤشر المومنتم ولكن للأمانة هو مؤشر رائع اذا اكتملت الشروط فيه مع الار اس اي والإستفادة من مثل هذي الحالات تكون كالتالي انا سبق اني قلت لكم الفايدة من كثرة المؤشرات هيا انه بعض الناس يحبو المغامرة فيدخلو في الصفقة بناء على اكتمال الشروط بنسبة 90 او 95 في المية وهذي الحالة اللي سارت قدامنا وحدة من الحالات اللي دايما تتكرر ان الشروط تكون كلها مكتملة ماعدا مؤشر المومنتم او المومنتم والار اس اي تكون لسه مااكتملت فهنا ياشباب في هذي الحالة نقدر اننا ندخل بيع بمجرد مايحصل عندي اختراق من قبل خط ال 7 لخط ال 14 زائد اكتمال الشروط ولو بنسبة 90 في المية يعني تكون كل الشروط مكتملة ماعدا في المومنتم او كل الشروط مكتملة ماعدا في المومنتم والار اس اي او تكون كل الشروط مكتملة ماعدا في المومنتم ومؤشر اوسما مثلا او تكون كل الشروط مكتملة ماعدا في المومنتم ومؤشر الموني فلو اندكس او تكون كل الشروط مكتملة ماعدا في المومنتم والدي ترند برايس اوسكليتور هنا في هذي الحالة نقدر ياشباب ندخل في الصفقة مادام ان الشروط اكتملت ماعدا في مؤشر واحد او مؤشرين ولكن يكون دخولنا بحذر ولمن اقول بحذر يعني مانكبر اللوت بل يكون اللوت اقل من العادي كمان لأن الواحد لازم يحسب غدرات السوق اتمنى ان الصورة تكون اتضحت واشكرك يااخ حسين على سؤالك الرائع اللي فعلا كان لازم نوضح هذا الأمر على اساس نستفيد كلنا بقدر الإمكان من الأرباح حتى في ظل عدم اكتمال الشروط