اقتباس:
المشاركة الأصلية كتبت بواسطة amjadona1
اليورو فرنك سعره الحالي 1350 وشروط الهبوط شبه مكتملة على فريم الديلي احتمال يوصل الى 500 يعني ممكن يهبط 850 نقطة زي الباوند فرنك والله واعلم
قصة اليورو فرنك
السلام عليكم ورحمة الله وبركاته شوفو ياشباب هذا التحليل انا منزلو يوم الجمعة قبل صلاة الفجر هو وتحليل الباوند فرنك اليورو فرنك جاب 350 نقطة ولله الحمد والباوند فرنك جاب حوالي 340 نقطة يعني المجموع 690 نقطة طيب بلاشي نقول 690 نقطة خلوها 600 نقطة اللي سار هو كالتالي لمن جاء الخبر سلبي على الدولار يوم الجمعة نزلت لكم توصية بيع لسببين الأول ان اليورو فرنك اصلا في ترند هابط على فريم الديلي مهو على فريم الربع ساعة ولا الساعة ولا ال 4 ساعات لا يااخوان على فريم الديلي فكان هذا السبب الأول والكل شاف الهبوط من سعر 1800 بعد ماكسر الترند ودخل في الهبوط الرسمي اللي سار هو كالتالي شمعة الساعة 3 ونص العصر حقت يوم الجمعة اللي هيا اساسا شمعة النص ساعة فتحت على 1117 وهبط السعر الى 1001 يعني هبط حوالي 116 نقطة ورجع ارتد ارتداد قوي وانا اعترف ان السعر ارتد وكان الإرتداد غير متوقع وعلى غير العادة ولكن هذا عاد اللي سار واللي حصل كان المفروض والواجب انو يواصل هبوط كمان اقل شي 100 نقطة او 150 نقطة حسب خبرتي ولكن اللي سار انو صعد الى 1200 وشويا طبعا اللي اصلا دخل معايا من البداية في اليورو فرنك والباوند فرنك من الصباح مافرقت معاه ومااتأثر من الإنعكاس واللي مادخل الا بعد الخبر زعل واضايق من الإرتداد وانا ماالومكم ولكن والله انا مالي ذنب ومالي دخل ووجه الله ماعليه غطى اللي فيكم يبغى يحملني انعكاس اي صفقة بعد اليوم سواء كانت توصية او تحليل رجاء ثم رجاء لايدخل معايا بعد اليوم في اي صفقة واللي فيكم يوزع اللوت على الصفقات ويكون مجموع الصفقات الرابحة اكثر من الصفقات العاكسة في السعر يقفل كل الصفقات ويحمد الله على الربح اللي ربي قسمو لو واللي فيكم اصلا مادخل الا صفقة وحدة فقط اتمنى لايدخل بكامل اللوت المسموح فيه ولكن يخلي شي للصفقات الجاية انا اللي يهمني في النهاية ان الكل كسبان والكل رابح مسئلة يعكس علينا السعر وبعدها يرجع يهبط مرة ثانية ونكسب او نقفل على خسارة مهو مهم عندي ابدا بقدر مايهمني اننا في النهاية بصفة عامة نكون كسبانين وربحانين طبعا انا درست اسباب الإرتداد من جميع النواحي الين مامخي ضرب لقيت مافي غير سببين فقط الأول هو اقفال شمعة خارج حد البولنجر وهذا الشي انا ماانتبهت لو الا بعد اقفال السوق واللي كان اوضح من كذا هو ظهور نقاط الباربوليك على فريم الربع ساعة في الشمعة التالية اللي بعد شمعة الهبوط القوي ومن بعدها واليورو فرنك في صعود ونقاط الباربوليك مستمر تظهر من تحت الشموع على العموم هذا درس وان شاء الله اننا نستفيد منو في الأيام الجاية ومن هذا الأسبوع راح نرجع نلتفت لنقاط الباربوليك زي ماكنا زمان نهتم فيها من باب اننا نحافظ على ارباحنا وراح اعلمكم كيف تتعاملو معاها بكل فن وكيف نحافظ على ارباحنا ان شاء الله وارجوكم ثم ارجوكم راعو مسئلة استراتيجية رأس المال وبشكل ضروري ضروري وبكرة ان شاء الله راح اشرح هذي النقطة بالتفصيل عشان الكل يستفيد
رد: توليفة رائعة
المواضيع المتشابهه 
72Likes