عايز تكسب فى البورصة احترم قواعدها

السلام عليكم ورحمة الله وبركاته بعد اذن ادارة المنتدى المحترم
اتمنى ان اعرض وجهة نظرى على من يرغب فى التعامل بالبورصة بقواعد تحترم السوق وادراك جيد فى التعامل فى الاسهم ولكن باسلوب تعليمى لابد من يرغب فى المشاركة على ان يبذل جهد بنفسه لكى يتعلم لانى بخبرتى فى هذا المجال 99% من المتعامليين فى البورصة عايزيين السهل يعنى اسم السهم وخلاص ورايح لفيين سواء كلام كذب او تحليل وبعديين يدخلو على المجهول اما يكسبو او يخسرو وده مش اسلوبى فى العمل
هنا ممكن اقول على السهم واخباره الموثقة كجمعيات وخلافه ولابد من يرغب فى دخول الباب ان يـتأكد من المعلومة لانى سأترك لينك وتاريخ الخبر وهو المسئول ولن اكتب معلومة كاملة سوف اعطيه الخيط والبداية فقط
هنا لن يكون خبر على سهم فى جيم لمجرد الجيم يعنى مضاربة تشبه لعب القمار لا
من يريد ان يتعامل فى البورصة يحترم اسلوب الكبار اللى فى السوق

االقاعدة الاولى اى سهم معروف ومشهور وكل الناس بتكلم عنه فى المكاتب والمنتديات ابعد عنه لانه خلاص فى ايد الافراد واللى خلى الدنيا كلها تتكلم عنه الدعاية الجميلة لمندوبى التسويق فى الدعاية واالى بيساعدو اى ميكر فى تصريف سهمه على كل الناس وهما طبعا قلة من المحللين المنحرفيين اللى بيحبو يصرفو على خلق الله .

لازم تحترمو ان الميكر بيشتغل فى السنة كلها فى تلات او اربع جيمات بالكتير لكن فيه بعض المتعامليين فاكريين البورصة فيها مليون شركة عايز كل يوم او كل اسبوع سهم جديد كأن البورصة ولادة .قبل ما تاخد سهم دور على اخباره واقراء جمعياته اللى فاتت على الاقل ل6 شهور سابقة

لاز م تتعلم ان تكون فكرك لوحدك وتفكر الف مليون مرة مين محلل فى الدنيا هايديك معلومة فى سهم هاتكسب منه فلوس ببلاش انت نفسك بتديش فلوس لحد بدون مقابل عمل او لله ودى معروفة
فلازم تميز ما بين معلومة على سهم بيجمع وتقعد مع الميكر لحد مايطلع بالسهم او تختصر وتشترى فى حالة تغيير اتجاه السهم لفوق وتختصر المدة لكن النصيحة الاهم تانى يوم السهم يطلع لازم تفكر فى البيع وتنسى كلمة ممكن السهم يكمل وممكن يكون عليه خبر كل ده بيودى فى داهية ويخسر لو مشيت بمبدأء اخطف واجرى هاتكسب صح

المحللين نوعين بس نوع نفسه يثبت نجاحه وتفوقه ويعمل لنفسه اسم علشان يكبر ويمسك محافظ كبيرة ونوع بيعمل اسم علشان الميكرات يعرفوه ويكون مندوب تسويق ليهم فى اسهمهم فى التصريف وخلى بالك منهم دول بالذات لان معظمهم بيشتغلو ايميلات يعنى بيتقدر حجمهم للميكر بعدد الايميلات اللى متسجلة عندهم الفين او تلات الاف ايميل وطول مالسوق شغال التوصيات عاملة زى الحنفية كتييرة واوعى تصدق مستهدف عالى مبالغ فيه لانه يوم ما هايتحقق هايكون مر عليه على الاقل 6 شهور او 9 شهور من تاريخ المعلومة ماجتلك علشان تقول بعت السهم من هنا راح السهم طالع لان الميكر لازم يربى زبون لسلعته ويعمل عليه تريدات للصبح لحد مايقف السهم عليه ببلاش ويطلع طلعته الكبيرة ويسلم الناس السهم وبألف هنا وشفا

هنا هاقولكم على سهم القومية للاسمنت ومش هاقول رايح لكام لكن اعرفو الخبر وشوفو مصدر الخبر واتعبو نفسكم علشان دى فلوسكم لازم تعملو كل حاجة علشان تحافظو عليها
[عذراً, فقط الأعضاء يمكنهم مشاهدة الروابط ]

تانى حاجة شوف ملخص جمعية سهم اسمنت سينا وأقراءه كويس وانت تعرف السهم بدء يتحرك ليه وخاصة اليوميين دول
[عذراً, فقط الأعضاء يمكنهم مشاهدة الروابط ]

اسامة غزال مكسب جديد للمنتدى

بالتوفيق ان شاء الله

السهم التانى انا عار ف الناس هاتقول انت غاوى اسمنت لا هو السبب قرب تاريخ الخبر وده الاهم
السهم القومية للاسمنت هاتفتتح مصنعها الجديد اللى مساهمة فيه بنسبة 30% خلال الشهر الحالى
شوفو بقى تأثثير افتتاح المصنع هايضيف ايه للشركة كارباح وان فيه خطة لنقل مصنع القومية من مدينة حلوان تحت الدراسة حاليا وده لينك الخبر
[عذراً, فقط الأعضاء يمكنهم مشاهدة الروابط ]