انا من الفلول ....وانت كمان فلول ؟؟؟

flymero

عضو فـعّـال

تاريخ التسجيل: Aug 2010

المشاركات: 1,143

معدل تقييم المستوى: 15

27 - 08 - 2011, 03:14 AM

انا من الفلول ....وانت كمان فلول ؟؟؟

بيقولك المجلس العسكرى عميل كبير وبينيم الشعب ومبارك لسه بيحكم ..

واحد بيرد ويقول ياعم دة بيقولك ان مبارك اصلا مش فمصر من ساعة الثورة ....

واحد رد وقال يا عم انت وهو وهو انتو مش عارفين حاجة انا هقولكم على الحقيقة ..

بيقولك ان الراجل اللى فى المحاكمة دة الشبيه بتاع مبارك زى اللى اتعدم فى العراق كده هو الشبية بتاع صدام.....

واحد رد وقال ايه يا جماعة اللى انتو بتقولوة دة .؟؟

... بيقولك مبارك مات ياعم من زمان ..عارفين مات امتى ومخبيين؟؟ ...

واحد رد بيقول امتى مات

..قام ضحك بثقة وسخرية من جهل اللمجموعة اللى قاعدة معاه لأنة اعلم وانصح وافهم واحد فيهم

قام الصوت على جدا وكلو بيتكلم قام واحد قال يا جماعة سيبو الباشا يتكلم عشان الراجل دة شكلو مثقف وفاهم ..

.اتفضل يا باشا
قام الباشا مسك الشيشة وقال ... (بيقولك ) مبارك مات من ايام اغتيال اديس ابابا

الصوت على والدوشة زادت
.ووووووووووا يا ولاد اللذينة ....ششششش اسمع يا كابتن لو سمحت
كمل يا باشا

الباشا بيكمل
مبارك لما اغتالوة فى اثيوبيا انا عرفت الخبر بحكم شغلى فى جهة سيادية فى البلد
(واحد قالو سيادتك شغال فين يا باشا )

قام قال شغال فى السلك الدبلوماسى (بأقلاطة قام قال)

فى الخارجية وعندنا فى الوزارة بنعرف كل حاجة فى البلد بس انتو عارفين الشغلانة حساسة ومينفعش اتكلم كتير ..... طبعا الناس اللى حوالية صدقوة وميعرفوش انه شغال فى الامن على البوابة اللى ناحية بولاق ابو العلا
المهم
الناس قعدت تتخيل ان مبارك مات وان دة شبية وان امريكا واسرائيل استنسختة فعلا زى المحامى العبيط لما قال فى الجلسة ان الراجل دة مش مبارك

طبعا خيال علمى مصرى ميه فى المية ولا يخرج الا من فلول

مكان تانى بقى واحد بيقول ياعم دول بيقولو المجلس العسكرى هيهرب هو كمان عشان هيتحاكمو ....

قام واحد قال يا عم متفتيش هيهربو ازاى ازا كان طنطاوى اصلا هربان من ايام الثورة

.قام واحد قال ياجدعان انتو بتفتوا وبتهيسوا
المحاكمات دى تمثيلية اصلا ومبارك سليم ومفيهوش حاجة وبرة البلد وعايش فى السعودية

والعادلى ماذال وزير الداخلية ومنصور العيسوى بياخد التعليمات من العادلى ........

واحد ساذج رد وقال يبقى معنى ذلك بقى انهم مش مسجونين

قام واحد فتك رد وقال ههههههههههه ايه ياعم انت لسه مكتشفها دلوقتى؟؟!!!

ياعم دول اصلا مش فمصر والتصوير دة متمثل بمخرج ومكياج وكده

ياااااااااه معقول

....اه ياعم اومال ايه هى مصر مش هتتغير وهتفضل كده طول عمرها ..بيضحكو علينا ياعم وبيأكلونا الاونطة

**************
دى تصرفات فلول يا جماعة لما تتكلم وانت مش عارف انت بتهزى وبتهيس وبتفتى وبتحكى فى ايه ومش عارف اية المصدر تبقى حركات فلول

طبعا اللى انا قلتة دة كلة من وحى خيالى لكنة بصراحة لايق علينا اننا نفتى ونتفزلك ونعمل فاهميين وقافشين الديب من ديلة

وعلى فكرة فى حكايات حقيقية امتع واغرب من كده مليون مرة بس حظى انى مش بركز فى الهبل دة

المهم الموضوع بقى اللى لسه بفكر فيه وانا بكتبة وهو عن الفلول

لو لم اكن فلولا لوددت ان اكون فلولا

طبعا انتشرت جملة النظام السابق وفلولة والعهد البائد وبرغم انى معترض على كلمة بائد لان العهد لم يباد حتى الان والدليل اننا من العهد البائد ومن النظام السابق وشكلنا هنفضل كده لا هنتغير ولا هنبقى من نظام نضيف (مش احمد نظيف)

كلمة فلول بتتطلق على افراد النظام السابق والمقصود بيهم الحكومة والحزب الوطنى
لكن الحكومة اغلبها مسجون والوطنى اتحل لكنة موجود معانا فى كل مكان وفى كل بيت لكن الطريف انى بعتبر الشعب المصرى كلة

(وانا منهم طبعا) فلول

لية فلول بقى.؟؟؟؟؟؟؟؟؟؟؟؟؟؟؟

؟ عشان احنا متغيرناش بالعكس اتغيرنا بس للاسوا

طبعا بقينا فى حالة ارتباك وفوضى وحالة يرثى لها وماذلنا بنتبع نظام الفلول فى كل شىء
يعنى هقولكم على موقف حصل لى

انا بقالى 5 سنين بسوق عربيتى من غير رخصة ومعترف انى غلط بس الحقيقة النظام فمصر مش بيمشى بورق رسمى اكتر من انه بيمشى بكارت شخصية مهمة لازم يبقى فجيبك او بكارنية شغلك لو شغلك مهم او بفلوسك لو انت مش معاك ورق مهم ينقذك وهكذا

الخلاصة اى كمين كنت ادخل علية كنت اخد نفس عميق واجهز نفسى واقول البوقين اللى انا حافظهم ان العبد لله شغال كذا وكذا ...........الخ
طبعا كان بيتفتح الكمين ويتقالى اتفضل ياباشا .وانا منشكح جدا قدام مراتى او اى شخص معايا ...
( تصرف فلولى بحت )

اروح اى مكتب او جهة اقضى مصلحة اروح سائل على اكبر شخصية واطلب اقابلة وادخل اعرفة بنفسى واشرب الشاى وتتقضى المصلحة فثوانى واخرج من المكتب وانا ببص بصة على الطابور والناس اللى واقفة ياعينى واقول ربنا معاهم
طبعا انا (فلول)

وهكذا قى احيان كتير ومواقف لا تعد ولا تحصى لدرجة وصلت انى فمرة كان فى مشكلة كده صغير ة فى البيت مع اخواتى الصغيرين من جيران كده الخلاصة روحت لظابط صاحبى ونفس السيستم بس بصراحة لقيت المواطن الغلبان هيروح ورا الشمس فصعب عليا وقلت لصاحبى لاء شكرا متخدمنيش وتضر الراجل وتلبسة قضية بس برضو برغم انى ضميرى صاحى ومبحبش الظلم بس تصرفى دة يدل على انى (فلول طبعا)

وخرجت فى الثورة وروحت التحرير واحتفلت برحيل مبارك وواعدت نفسى انى همشى صح ومش هستخدم شغلى او وسايطى او انى مقفش فى الطابور زى خلق الله وعزمت على انى مش هعمل اى حاجة غلط .........واتصدمت صدمة عمرى

قلت ابتدى صح

وروحت المرور اعمل رخصة ومقلتش انى ظابط ومتمنظرتش

(مع انى والله مش بعرف اتمنظر اصلا)

اشتريت الدوسية ووقفت فى الطابور وقالى صورة بطاقة اديتة البطاقة شاف المهنة قام مدينى التحية وقالى اتفضل يا باشا حضرتك مقلتش لية ....الخ طبعا اتكسفت وقلتلة شكرا وباختصار برضو ميزنى عن الناس وقضى المصلحة فى السريع غصب عنى يبقى الراجل ده هو ( فلول )

وانا مش فلول دلوقتى

دخلت اختبار السواقة ونجحت بمجهودى ودخلت على الاشارات وقلت انجح بمجهودى طبعا سقطت فى الاشارات وامين الشرطة كان هينجحنى وانا رفضت (بالمناسبة انا ندمان انى تخليت عن اصدقائى الفلول)
ولغاية يومنا ده مش فاضى اروح اعيد اختبار الاشارات ........الخ

( وبرضو ماشى من غير رخصة)

بس الفارق دلوقتى انى لقيت مصر كلها اتحولت لفلول بتطارد فلول

الشعب كله بقى همجى بقى ماشى عافية وبلطجة وغلط وراكن صف تانى وتالث وخامس واذا كان عاجبك مش عاجبك اخبط دماغك فى الحيط

البياعين واقفين فكل مكان حتى قدام باب شقتك ( فلول )

المستغلين اكتر من المستحقين وكلو بيركب موجة انه اتظلم فى العهد البائد وعايز ياخد حقة دلوقتى حالا ( فلول طبعا)

معاك سلاح اكيد من غير رخصة عشان تحمى نفسك واسرتك او على الاقل عربيتك فيها سكينة او سنجة او اى حاجة من دى ............تبقى فلول بس غصب عنك هتعمل ايه

مبتحترمش اشارات المرور لان مفيش مرور اصلا لأن الشرطة بقت

( فى عرض الشعب مش فخدمتة )

اكيد اكيد بتزوغ من الشغل بدرى عشان رمضان وبعد رمضان عشان العيد وقبل رمضان عشان رمضان قرب وهكذااااااااااا ومش عاجبك المرتب وهتضرب عن العمل عشان مظلوم وعايز حقك ..
( على فكرة الفللول احسن منك)
طبعا السلبيات فى الشعب بقت بالعبيط وبالمناسبة احنا من ضمن افراد الشعب يبقى الكلام لينا برضو
( بصراحة ) وكل واحد بيقول ( ياعم هى جت عليا كبر دماغك وعيش وانجز مصلحتك وخليك بارد ) فلول ولاد فلول طبعا

وغيرو وغيرو وغيرو من المشاكل اللى بنعملها وبنقع فيها

وكل اللى ناصحين فيه بنتهم ناس بأنها فلول نظام دمروخرب وافسد بلد وناسيين اننا اللى اشتركنا معاهم فى الجريمة وكنا بنشوف المرتشين والحرامية والمخربين ومقاومناش وسيبناهم بحجة اننا مش قدهم
*****************
ياجماعة احنا فلول والله عشان مشتركين فى كل الجرايم وماذلنا بنكسر قواعد النظام

والاداب والاخلاقيات والاديان والحريات وكل القيم الانسانية

نبقى فلول نظام وسخ لما منربيش ولادنا على الدين والنظام والادب
والاخلاق

نبقى فلول لما منتقيش ربنا فشغلنا ونراقب ونحاسب نفسنا من غير رقيب علينا

نبقى فلول لما نستغل الظروف والاوضاع الامنية والتسيب ونشترك بفعل او بالسكوت على فعل منافى الاداب العامة او مضر بمصلحة المجتمع

نبقى فلول لما نكبر دماغنا ونقول ياعم احنا مالنا خلينا فنفسنا هو احنا هنغير الكون مهى كده كده اتخربت واللى كان كان

( جات عليا انا ووقفت)

يا جماعة الافكار كتير والموضوع كبير ومش هيخلص بس افتكر ان الفكرة وصلاكم

ياريت الللى فيه عيب من اللى فاتو يعرف انه فلول ولازم يطهر وينضف نفسة
واللى بيته من ازاز ميحدفش الناس بالطوب

_ ( ان الله لا يغير ما بقوم حتى يغيرو ما بأنفسهم) صدق الله العظيم

التوقيع

بسم الله الرحمن الرحيم

وقل ربي زدني علما

صدق الله العظيم

rudfa

عضو نشيط

تاريخ التسجيل: Aug 2011

الدولة: المنصورة

المشاركات: 447

خبرة السوق: 1 الى 3 سنوات

معدل تقييم المستوى: 13

رد: انا من الفلول ....وانت كمان فلول ؟؟؟

27 - 08 - 2011, 04:03 AM

موضوع رائع جدا شكرا علي النقل

flymero

عضو فـعّـال

تاريخ التسجيل: Aug 2010

المشاركات: 1,143

معدل تقييم المستوى: 15

رد: انا من الفلول ....وانت كمان فلول ؟؟؟

27 - 08 - 2011, 05:19 AM

اقتباس:

المشاركة الأصلية كتبت بواسطة rudfa

موضوع رائع جدا شكرا علي النقل

نقل مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ قصدك ايه بمنقول؟؟؟؟
انا بتكلم من دماغى وبعبر من نفسى والكلام دة كلة من جوايا انا
..........
ولو نقل كنت قلت منقول للامانة

التوقيع

بسم الله الرحمن الرحيم

وقل ربي زدني علما

صدق الله العظيم

ابوعبدالمحسن

عضو نشيط جدا

تاريخ التسجيل: Dec 2009

الدولة: الرياض

المشاركات: 504

خبرة السوق: 1 الى 3 سنوات

معدل تقييم المستوى: 15

رد: انا من الفلول ....وانت كمان فلول ؟؟؟

27 - 08 - 2011, 06:45 AM

أخترقت ترند وكسرت قاع وأرتديت من قمة ....مع فاليوم كبير

والاتجاه تذبذب حاد بانتظار أنفجار سعري

mohyeldeen

عضو نشيط

تاريخ التسجيل: Jul 2010

الدولة: kuwait

المشاركات: 342

خبرة السوق: 1 الى 3 سنوات

معدل تقييم المستوى: 14

رد: انا من الفلول ....وانت كمان فلول ؟؟؟

27 - 08 - 2011, 08:39 AM

أولا أنت بتنفع تكون كاتب مسرحى

وبعدين والله كلامك ميه ميه وللأسف هذه الحقيقه

للأسف بلادنا العربيه مابتطبق القانون إلااااااا على الفقير

فما بالك إذا ضاع القانون

الله يستر علينا أنا خايف نصير مثل العراق

من 2003 إلى الأن والبلد من مشكله لمشكله أكبر
وأنا براهن أنه معظم العراقيين بيتمنوا يرجع صدام عشان يرجع الأمان اللى كانوا عايشين فيه
مش عشان صدام كان كويس !!! أكيد لأ
ولكن ليرجع لهم الأمان فقط
تحياتى لك

التوقيع

سبحان الله وبحمده

سبحان الله العظيم

أستعينوا بالصبر والصلاة

[عذراً, فقط الأعضاء يمكنهم مشاهدة الروابط ]

mirou_eg

عضو فـعّـال

تاريخ التسجيل: Apr 2011

الدولة: Alexandria, Egypt

المشاركات: 1,832

خبرة السوق: أقل من 6 شهور

معدل تقييم المستوى: 15

رد: انا من الفلول ....وانت كمان فلول ؟؟؟

27 - 08 - 2011, 04:13 PM

السلام عليكم

ازيك يا عمرو

بجد موضوع رائع جدا

انت بجد ما شاء الله عليك بتعرف تعبر عن اللي جوانا كلنا كويس جدا و خلتني افكر اوي و انت بتكتب

و اتضح اني انا كمان من الفلول و كل اللي حواليا فلول

من اول ما كنت في المدرسة ايام الثانوية عامة الحديثة كنت علمي رياضة و كان حيكون مشكلة في المدرسة عشان احنا كنا 3 بس اللي واخدين المجموعة دي و راح بابا المدرسة و طبعا جابو لنا مدرسة مخصوص يدينا رياضات في المدرسة يعني درس خصوصي في المدرسة.. و بعدين لما خلصت الكلية جاني كذا عرض شغل في كذا مصنع و كلهم كانوا عايزيني اكون مديرة المصنع مع اني لسه خريجة جديدة و بدون اي خبرة سابقة.. فلول بقى يا عم.. مع اني مهندسة غزل و نسيج بتقدير جيد يعني في زيي كتير مش مميزة اوي يعني لكن بقى اصحاب بابا .. يعني فلول.. و انا قعدت حطيت رجل على رجل و اخترت بمزاجي.. فلول بقى .. و لما زهقت سيبتها و روحت اشتغلت مدرسة رياضيات في مدرسة خاصة برضو بواسطة..

اما اخويا كان لسه في اولى ثانوي و طلبت معاه انه يعمل راجل و يشتغل.. و بما انه فلول اشتغل في معرض بيع بيجو في التكييف و لابس فورمال و قاعد على مكتب زي الباشا و اخذ مرتب كبير كمان.. فلول بقى.. و لما خلص كليته كمهندس اتصالات و الكترونيات اشتغل في شركة بترول كبيرة.. بواسطة طبعا.. برضو فلول.. حتى زوجي اشتغل في شركة بترول تانية كبيرة برضو .. مدير مواقع.. فلول بقى.. و برضو لما رحت اطلع الرخصة بتاعتي .. انا بقى فضلت قاعدة في العربية ما نزلتش منها في التكييف و ما نزلتش الاعلى الامضاء بس و رجعت قعدت تاني.. و لما حبيت اجدد البطاقة .. طبعا برضو فلول..

زوجي كمان بيحكيلي انه في شغله اذا اداش لبتوع الجمارك " حقهم " ما فيش حاجة حتمشي و ده على فكرة بعد الثورة.. و ده اشتراك مننا مع الفلول..
غيره و غيره

و الله لك حق يا عمرو

بس ان شاء الله كله يتغير
و زي ما انت قلت لازم كل واحد يبدأ بنفسه..

التوقيع

لجلب الرزق و المال تدعو صباحا و مساء سبع مرات بهذا الدعاء :

ياكريم اللهم ياذا الرحمة الواسعة يا مطلعا على السرائر و الضمائر و الهواجس و الخواطر , لا يعزب عنك شيء , أسألك فيضة من فيضان فضلك , و قبضة من نور سلطانك , و أنسا ً و فرجاً من بحر كرمك , أنت بيدك الأمر كله و مقاليد كل شيء فهب لنا ما تقر به أعيننا و تغنينا عن سؤال غيرك , فإنك واسع الكرم , كثير الجود , حسن الشيم , فببابك واقفون و لجودك الواسع المعروف منتظرون يا كريم يا رحيم

اللهم لك الحمد والشكر كما ينبغي لجلال وجهك وعظيم سلطانك

mirou_eg

عضو فـعّـال

تاريخ التسجيل: Apr 2011

الدولة: Alexandria, Egypt

المشاركات: 1,832

خبرة السوق: أقل من 6 شهور

معدل تقييم المستوى: 15

رد: انا من الفلول ....وانت كمان فلول ؟؟؟

27 - 08 - 2011, 05:12 PM

على فكرة من العنوان بتاع الموضوع
انا كنت فاكرة انك حتتكلم عن انصار اللامبارك اللي بنتعامل معاهم كل يوم و اللي للاسف على غير ما كنت متصورة في منهم من اقرب الناس لينا و من عائلاتنا

التوقيع

لجلب الرزق و المال تدعو صباحا و مساء سبع مرات بهذا الدعاء :

اللهم لك الحمد والشكر كما ينبغي لجلال وجهك وعظيم سلطانك

flymero

عضو فـعّـال

تاريخ التسجيل: Aug 2010

المشاركات: 1,143

معدل تقييم المستوى: 15

رد: انا من الفلول ....وانت كمان فلول ؟؟؟

28 - 08 - 2011, 02:42 AM

اقتباس:

المشاركة الأصلية كتبت بواسطة mohyeldeen

أولا أنت بتنفع تكون كاتب مسرحى

وبعدين والله كلامك ميه ميه وللأسف هذه الحقيقه

للأسف بلادنا العربيه مابتطبق القانون إلااااااا على الفقير

فما بالك إذا ضاع القانون

الله يستر علينا أنا خايف نصير مثل العراق

السلام عليكم ورحمة الله وبركاتة

على فكرة موضوع الكتابة دة عندى من زمان وكنت بكتب شعر وبحب الارتجال والتحدث من خيالى

اشكرك على مرورك وليا تعليق على موضوع صدام ( الله يرحمة)
اكيد الامريكان مش داخلين العراق عشان سواد عيون العراقيين ولا عشان الظلم اللى شافوة
وكذلك دهولهم ومساندتهم لليبيا
برضو لنفس الهدف

ولو الناس دى بتخدم لله بدون اطماع طب ميساعدو الصومال مثلا او دول كتير فى افريقيا لكن
بيساندو اللى يقدرو يمصو دمة ويسرقوة ويحاسب على المشاريب
نورت يا اخى

التوقيع

بسم الله الرحمن الرحيم

وقل ربي زدني علما

صدق الله العظيم

flymero

عضو فـعّـال

تاريخ التسجيل: Aug 2010

المشاركات: 1,143

معدل تقييم المستوى: 15

رد: انا من الفلول ....وانت كمان فلول ؟؟؟

28 - 08 - 2011, 02:48 AM

اقتباس:

المشاركة الأصلية كتبت بواسطة mirou_eg

السلام عليكم

ازيك يا عمرو

بجد موضوع رائع جدا

انت بجد ما شاء الله عليك بتعرف تعبر عن اللي جوانا كلنا كويس جدا و خلتني افكر اوي و انت بتكتب

و اتضح اني انا كمان من الفلول و كل اللي حواليا فلول

و الله لك حق يا عمرو

بس ان شاء الله كله يتغير
و زي ما انت قلت لازم كل واحد يبدأ بنفسه..

انا اقتبست دول بس عشان كفاية كلام عن الفلول وفضحنا نفسنا ونشرنا غسيلنا (النضيف) قدام الناس وطبعا انا مصدوم زيكم بالظبط من الكلام اللى انا كتبتة

لأنى بفوق بقد الورطة ما بتحصل

بس تصورى انى شردت نفسى .............
وانتى كمان شردتى نفسك هههههههههه

مش عارف انا بعمل مواضيع غريبة كده ليه

غريب الاطوار اكيد

المهم نورتى يا ست الكل الموضوع بمشاركتك الجميلة وتفاعلك الرائع قصدى التشريد الرائع
متقلقيش يا اميرة فى الهوا سوا

اه صحيح ( متعرفيش حد فى المرور عشان الرخصة ) (فلول بقى )

نورتى يا غالية

التوقيع

بسم الله الرحمن الرحيم

وقل ربي زدني علما

صدق الله العظيم

flymero

عضو فـعّـال

تاريخ التسجيل: Aug 2010

المشاركات: 1,143

معدل تقييم المستوى: 15

رد: انا من الفلول ....وانت كمان فلول ؟؟؟

10#

28 - 08 - 2011, 02:53 AM

اقتباس:

المشاركة الأصلية كتبت بواسطة mirou_eg

لا مخادتيش بالك من المفاجئة ؟؟ لغاية دلوقتى معرفتيش مين هم انصار مبارك؟؟؟

يا خبر ررررررر طبعا احنا كنا انصار مبارك ورجالتة واعوانة عشان كنا تطبعنا بطباعهم واتصرفنا بالشكل اللى فرضوه علينا واتعاملنا بمنطقهم ........... والحمد لله تقدرى تقولى احنا خدنا خطوة لقدام

يعنى قمنا بتطهير انفسنا .وباقى بقى

ان يتولى امرنا رجال منا

اه وعلى فكرة جتلى فكرة اكتب موضوع عن
( تولى امرنا رجال منا )

قوليلى ايه رايك اصدمك بالموضوع دة؟؟؟
الافكار بتهجم عليا دلوقتى

التوقيع

بسم الله الرحمن الرحيم

وقل ربي زدني علما

صدق الله العظيم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة حب حقيقيه بالصور كمان	linker	استراحة بورصات	0	21 - 03 - 2010 09:40 PM

انا من الفلول ....وانت كمان فلول ؟؟؟

التوقيع

التوقيع

التوقيع

التوقيع

التوقيع

التوقيع

التوقيع

التوقيع

روابط سريعة