موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية > منتدى تداول العملات العام

مبتدى يتحدث اليكم (( اقرا وتعلم ))

منتدى تداول العملات العام

إضافة رد
 
أدوات الموضوع
قديم 11 - 10 - 2011, 02:27 PM   #11
عضو نشيط جدا
 

افتراضي رد: مبتدى يتحدث اليكم (( اقرا وتعلم ))

رد: مبتدى يتحدث اليكم (( اقرا وتعلم ))

العملات المتداولة فى سوق الفوريكس:
هذه تسمية العملات الرئيسية فى سوق الفوريكس حسب نظام ISO العالمى:

USD الدولار الأمريكى
EUR اليورو الأوروبى
GBP الجنيه الإسترلينى
CHF الفرنك السويسرى
NZD الدولار النيوزيلندى
AUD الدولار الإسترالى
JPY الين اليابانى

الاسماء السابقة هى الاسماء الرسمية لكل عملة ولكن الدارج فى السوق تسمية كل عملة باسم شهرة فمثلا الدولار الأمريكى يسمى buck والجنيه الإسترلينى يسمى the cable والفرنك السويسرى يسمى swissy والدولار الإسترالى يسمى aussie والدولار النيوزيلندى يسمى kiwi.

بخلاف العملات السابقة هناك بعض الشركات تسمح لك بتداول عملات أخرى ... ولكنها غير شائعة.

أزواج العملات:

ثم شرح عمليات البيع والشراء

فى سوق الفويكس يتم التعامل مع العملات كزوج من العملات وليس كعملة واحده. يعنى مثلا EUR/USD أو USD/JPY وهو يعنى تداول العملتين المذكورين معا حسب السعر الحالى Exchange Rate. والسعر يكون الكمية التى يمكن أن تشتريها من عملة معينة عن طريق دفع العملة الأخرى بالمقابل. يعنى لو أخذنا زوج العملات USD/JPY فهذه النسبة تكون إما "كم دولار يمكن أن تشتريها إذا كان معك 1 ين يابانى" أو "كم ين يابانى تستطيع شراءها إذا كان معك واحد دولار".

عند ذكر زوج عملات فإنه يرمز للعملة الأولى فيه بالعملة الأساسية والعملة الثانية بالعملة المضاده أو المقابلة. فمثلا زوج العملات EUR/USD يكون فيه اليورو هو العملة الأساسية والدولار الأمريكى هو العملة المقابلة.

عند ذكر سعر التحويل وليكن مثلا 1.6030 فإنه يعنى كم عليك أن تدفع من العملة الثانية لكى تشترى العملة الأولى. يعنى فى مثالنا السابق لكى تشترى 1 يورو عليك دفع 1.6030 دولار.

ترتيب العملات فى الأزواج ثابت ولا يتغير من شركة لأخرى أو من بنك لأخر أو من وسيط لأخر وهو متفق عليه عالميا. يعنى زوج العملات USD/CHF يجب أن يكتب دائما هكذا ولا يكتب أبدا بالعكس CHF/USD ولذلك فإن نسبة التحويل تكون ثابته وهى سعر العملة الأولى بالعملة الثانية أو فى هذا المثال كم ستدفع من الفرنكات السويسرية للحصول على واحد دولار أمريكى. وفيما يلى أهم أزواج العملات بالترتيب الصحيح:

اضافة التصنيفات للازواج

EUR/USD
GBP/USD
USD/CHF
USD/JPY
USD/CAD
NZD/USD
AUD/USD

التعامل فى سوق الفوريكس كما ذكرنا يتم عن طريق أزواج العملات وبالتالى فيمكنك إعتبار زوج العملات على أنه سلعة معينة فمثلا EUR/USD يمكنك إعتباره على أنه سلعة (سندوتش ... سيارة ... بيت ... أو أى شئ) ويتم التعامل معه بالبيع أو الشراء. وفعليا فإن عملية بيع زوج العملات تعنى أنك تبيع العملة الأساسية (الأولى فى الزوج) وتشترى العملة المقابلة (الثانية فى الزوج) (أو تشترى العملة الثانية وتدفع ثمنها بالعملة الأولى) وعند شراءك لزوج من العملات فإنه يعنى أنك تشترى العملة الأولى وتبيع العملة الثانية (أو تشترى العملة الأولى وتدفع ثمنها بالعملة الثانية)

وأنت كتاجر ستقوم بالبيع أو الشراء لهذا الزوج من العملات على حسب توقعاتك المستقبلية للسوق. فلو كنت تتوقع أن زوج العملات سيرتفع سعره (العملة الأولى سيرتفع سعرها مقابل الثانية) فستقوم بشراءه الآن وهو رخيص بحيث يزيد سعره وهو معك ... فتقوم بالبيع بعد أن يزيد سعره وبالتالى تحقق ربح.

والعكس لو كنت تتوقع أن زوج العملات سيقل سعره (العملة الأولى سيقل سعرها بالنسبة للثانية) فستقوم بالبيع الأن للزوج وبالتالى عندما يقل سعره ستعاود شراءه مرة أخرى بسعر أرخص وبالتالى تحقق مكسب.

دعونا نأخذ عدة أمثلة للتوضيح أكثر.

لنتحدث عن زوج العملات EUR/USD ... فى هذا الزوج من العملات العملة الأساسية هى اليورو والعملة المقابلة هى الدولار. يعنى لو قلنا حنبيع زوج العملات ده يبقى بنبيع يوروهات وناخد فى المقابل دولارات ولو قولنا حنشترى الزوج ده يبقى بنشترى يوروهات وبندفع ثمنها بالدولارات. فلو توقعنا إن سعر الدولار حيرتفع أو سعر اليورو حينخفض يبقى إحنا حنبيع الزوج ده دلوقتى وده معناها إننا حنبيع يورو وناخد دولار. وبعد فتره حنرجع نعمل العكس بعد ما يكون السعر إتغير وزاد الدولار وبالتالى حناخد دولارات أكتر من اللى دفعناها وبالتالى نحقق مكسب.

لنتحدث عن زوج العملات USD/CHF ... فى هذا الزوج من العملات العملة الأساسية هى الدولار والعملة المقابلة هى الفرنك. يعنى لو قلنا حنبيع زوج العملات ده يبقى بنبيع دولارات وناخد فى المقابل فرنكات ولو قولنا حنشترى الزوج ده يبقى بنشترى دولارات وبندفع ثمنها بالفرنكات. فلو توقعنا إن سعر الدولار حيرتفع أو سعر الفرنك حينخفض يبقى إحنا حنشترى الزوج ده دلوقتى وده معناها إننا حنبيع فرنكات وناخد دولارات. وبعد فتره حنرجع نعمل العكس بعد ما يكون السعر إتغير وزاد الدولار وبالتالى حناخد دولارات أكتر من اللى دفعناها وبالتالى نحقق مكسب.



محمد السيد ص غير متواجد حالياً   رد مع اقتباس
قديم 15 - 10 - 2011, 03:53 PM   #12
عضو نشيط جدا
 

افتراضي رد: مبتدى يتحدث اليكم (( اقرا وتعلم ))

بعض المصطلحات الجديدة وما يتعلق بها.


الشركات الوسيطة:

الشركات الوسيطه هى الشركات التى تسمح لك بفتح حساب لديها والمتاجرة من خلالها. الشركات الوسيطه تكسب عن طريق الفارق بين سعر البيع والشراء فى العملات وكلما كانت الشركة الوسيطه جيده كلما قل الفارق بين سعر البيع والشراء من خلالها Spread.

المتاجرة بالهامش Margin:

ذكرنا فى الدرس السابق إن أسعار العملات بتتغير بالبيب ... ودى زى ما قولنا قيمة صغيرة جدا جدا ... يعنى علشان نكسب مبلغ معقول يبقى لازم نتاجر بمبلغ كبير جدا ... 10 ألاف ... 100 ألف ... مليون. طبعا مش أى حد يمتلك المبلغ الكبير ده علشان يتاجر بيه ... طيب والحل؟

الحل يكمن فيما يسمى بالمتاجرة بالهامش Margin أو بعض الناس تسميه الرافعه المالية. نظام الهامش ده عبارة عن طريقة تقدر عن طريقها تتاجر فى مبالغ كبيرة على الرغم من أن رأس مالك صغير ... إزاى ؟؟؟

شوف يا سيدى ... دلوقتى لو فرضنا إنك إشتريت 10 ألاف من زوج العملات EUR/USD ... طبعا إشتريت يبقى متوقع السوق يتحرك إزاى ؟؟؟ لأعلى أم لأسفل يعنى السعر حيزيد ولا حيقل ؟ حد جاوب ؟؟ أكيد يبقى إنت متوقع السوق حيتحرك لأعلى يعنى سعر الزوج ده حيغلى ... وبالتالى حتبيع 10 ألاف دول تانى لما السعر يزيد. نرجع لمثالنا ... لو سعر الزوج ده زاد بقيمة واحد بيب يبقى إنت كسبت قد إيه ... نحسبها 0.0001 * 10000 = 1 دولار ... يعنى حركة السوق 1 بيب لأعلى تكسبك واحد دولار ... طيب وحركته العكس ؟؟ تخسرك 1 دولار برضه.

يعنى معنى كده إنك مش محتاج 10 ألاف دولار فعليا لأنك لما بتكسب أو بتخسر بتتعامل بمبلغ أقل بكتير من 10 ألاف دولار وهو فعليا واحد دولار لكل بيب. وبالتالى النقطة دى هى اللى بتستغلها الشركات الوسيطة علشان تكسب عملاء إنها تفتح ليك حساب بمبلغ صغير وتسمحلك إنك تتاجر بمبلغ كبير بالمقابل ... وطبعا مش حتسمحلك إنك تخسر أكثر من المبلغ اللى إنت فاتح بيه الحساب. ودى نقطه كويسه إنك مهما خسرت عمرك ما حتطلع مديون للشركة أبدا.

وهنا بقه يظهر مصطلح تانى وهو Leaverage بصراحه مش لاقيله ترجمه عربى تدخل دماغى ... بس هما بيترجموه "الرافعه المالية" وده عبارة عن نسبة المبلغ اللى بتحطه فى حسابك فعليا مقابل المبلغ اللى تقدر تتاجر بيه فعليا. يعنى لو قولنا إن شركة وسيطه ما عندها Leaverage = 100 يعنى كل دولار بتحطه فى حسابك فعليا بتسمحلك إنك تشترى أو تبيع مقابله 100 دولار. وبالتالى لو حاطط مبلغ 100 دولار مثلا فى حسابك يبقى ممكن تشترى أو تبيع بقيمة 100 * 100 = 10 ألاف دولار. يبقى إنت حسابك الفعلى فيه 100 دولار بس تقدر تدخل السوق لحد مبلغ 10 ألاف دولار. ولو Leaverage = 200 يبقى لو إنت عندك 100 دولار فى حسابك تقدر تتاجر بقيمة 20 ألف دولار. وهكذا ...

طيب لو حسابك فيه 100 دولار والوسيط عنده Leaverage قيمته 100 وإنت اشتريت 10 ألاف من زوج العملات EUR/USD مثلا والسوق تحرك لأسفل يبقى إنت حتبدأ تخسر ... بس 100 دولار اللى فى حسابك كلهم محجوزين مقابل عملية الشراء 10 ألاف EUR/USD يعنى الوسيط مش حيلاقى مبلغ ياخده مقابل خسارتك دى وبالتالى مش حيسمحلك ... وحيقفل العملية فورا ببيع زوج العملات ده مرة أخرى ... يعنى بمعنى أوضح علشان تقدر تتاجر لازم حيابك يكون فيه أكثر من 100 دولار دول ... علشان الوسيط يسمحلك بالإستمرار فى فتح العمليات عند تحرك السوق فى إتجاه الخسارة.

طيب نتكلم على مثال عملى ... حنفترض إنك فاتح حساب فيه مبلغ 300 دولار والوسيط ده Leaverage عنده 200 ... وعايز تشترى 10 ألاف EUR/USD ... كام حيكون المبلغ الضمان للعملية دى ؟؟ نحسبها ... 200 دى معناها كل دولار تحطه ممكن تتاجر فى مقابله بـ 200 دولار يعنى لو عايزين نتاجر بـ 10000 دولار يبقى محتاجين 10000/200 = 50 دولار. يعنى الوسيط حيحجز من حسابك مبلغ 50 دولار ضمان علشان تقدر تشترى 10 ألاف EUR/USD. طيب لما تشترى حيكون رصيدك المتاح فى حسابك هو 250 دولار بس ... يعنى عندك سماحية لحد خسارة مقدارها 250 دولار ... وإحنا قولنا إن 1 بيب فى حالة المبلغ ده تساوى دولار ... يعنى عندك سماحية إنك تخسر لحد 250 بيب أو إن السوق يتحرك لأسف أو إن سعر الزوج ده يقل بمقدار 250 بيب عن السعر اللى إنت شارى بيه. لو حصل والسوق تحرك بالشكل ده ونزل 250 بيب حيقوم الوسيط بإغلاق العملية فورا وبالتالى حتكون خسرت 250 دولار ويرجعلك مبلغ الضمان لحسابك تانى اللى هو 50 دولار. طيب لو كسبت .. طبعا الوسيط عمره ما حيقفل العملية لأن أى مكسب سيضاف إلى رصيدك بمجرد إغلاق العملية. ها وضحت الرؤيه ؟؟

أنواع الحسابات:

يوجد ثلاث أنواع من الحسابات فى الفوريكس

1- الحساب Standard أو القياسى وفى هذا الحساب يكون عمليات الشراء والبيع تتم بمبلغ 100 ألف من العملة ويسمى هذا بـ Lot أو اللوط وتكون قيمة البيب فى حدود 10 دولار. ويمكن فتح هذا النوع من الحسابات بمبلغ فى حدود 5000 دولار.

2- الحساب المضغر Mini وفى هذا النوع عمليات البيع والشراء تتم على قيمة 10 ألاف من العملة ويسمى هذا بـ Mini Lot وبالتالى تكون قيمة البيب فى حدود 1 دولار. ويمكن فتح هذا النوع من الحسابات بمبلغ فى حدود 300 دولار.

3- الحساب الميكرو Micro وفى هذا النوع من الحسابات تتم عمليات البيع والشراء بمبالغ ألف من العملة. ويكوت سعر البيب فى حدود 0.1 من الدولار. ويمكن فتح هذا النوع من الحسابات بمبلغ فى حدود 25 دولار.



محمد السيد ص غير متواجد حالياً   رد مع اقتباس
قديم 15 - 10 - 2011, 05:03 PM   #13
عضو برونزي
 
الصورة الرمزية The Winner
 

افتراضي رد: مبتدى يتحدث اليكم (( اقرا وتعلم ))

الأولى أن تقول أستاذ يحاضر لكم
موضوع رائع أرجو أن تستمر
تحياتي وتقديري



التوقيع:



الورشة الشاملة: مفهوم التكامل في تجارة أسواق المال

محاولة لتطبيق فن المناورة والربح الهادي والتفكير الشامل ...نركز على الكيف ولا يهمنا الكم
The Winner غير متواجد حالياً   رد مع اقتباس
قديم 18 - 10 - 2011, 02:08 PM   #14
عضو نشيط جدا
 

افتراضي رد: مبتدى يتحدث اليكم (( اقرا وتعلم ))


التداول فى سوق العملات

يتم التداول فى سوق العملات كما سبق وتحدثنا بعمليات بيع وشراء لأزواج العملات ويتم هذا التداول من خلال عمليات محددة تسمى عملية أو صفقة Order وتبدأ العملية بفتح للصفقة وتستمر لفترة معينة من الزمن وبعد ذلك تتم عملية إغلاق للصفقة للحصول على الرح أو خصم الخسارة من حسابك.

أنواع العمليات أو الصفقات Orders:
يوجد نوعين من الصفقات فى سوق العملات وهما Market Order صفقة مباشرة و Entry Order صفقة غير مباشرة.

الصفقة المباشرة Market Order:
وهى الغالبية من الصفقات التى تتم غالبا وهذا النوع من الصفقات يتم تنفيذه فى وقت عمل الصفقة بالظبط. يعنى عندما تجد سعر أى زوج من العملات مناسب لتنفيذ عملية معينة عليه تطلب من برنامج التداول تنفيذ العملية مباشرة مثل بيع زوج معين أو شراء زوج معين.

الصفقة الغير مباشرة Entry Order:
وفى هذا النوع من الصفقات تطلب من برنامج التداول تنفيذ الصفقة عند وصول سعر زوج من العملات لرقم معين. يعنى لو تتابع السوق ووجدت أن سعر EUR/USD سيكون مناسب للشراء لو وصل سعره إلى 1.5020 وهو حاليا سعره 1.5040 فبدل من أن تجلس وتتابعه بدقة حتى يصل للسعر المطلوب وتنفذ العملية بشكل مباشر Market Order يمكنك طلب برنامج التداول بتنفيذ العملية نيابة عنك عند وصول السعر إلى 1.5020 وهو سيقوم بتنفيذ ذلك أوتوماتيكيا عند وصول السعر لهذه القيمة. وتكمن أهمية هذا النوع فى حالة الإنشغال عن المتابعة للسوق أو رغبة تنفيذ الصفقة بدقة حيث يمكن أن يتغير السعر سريعا ولا تتمكن من تنفيذ الصفقة حتى لو كنت متابع للسوق بدقة.

بعد أن قمت بفتح الصفقة فهناك إحتمالين وهو ربح الصفقة فى حالة سير السعر فى الإتجاه الذى تريده وعند الوصول لحد معين ستكتفى بالمكسب وتغلق الصفقة خشية فى تغير إتجاه السعر للعكس. الإحتمال الثانى أن تجد السعر يسير فى الإتجاه العكسى وتجد الخسارة تتزايد فعند حد معين ستجد أنه لا فائدة من الإستمرار إلا المزيد من الخسارة وفى هذه الحالة ستضطر لإغلاق الصفقة على الخسارة الحالية.

عند فتح أى صفقة يجب أن تكون قمت بالتحليل الكافى للسوق لمعرفة القيمة التى ستغلق الصفقة عندها فى حالة المكسب والقيمة التى ستغلق عليها الصفقة فى حالة الخسارة. لذلك فإن برامج التداول توفر لك إمكانية إغلاق الصفقة على ربح أو خسارة أوتوماتيكيا عند القيم التى تغذيه بها.

يعنى لو فرضنا نفس المثال السابق وهو شراء EUR/USD فى حالو وصول السعر إلى 1.5020 وبناء على تحليلك للسوق وجدت أن السعر لو إرتفع ستكتفى بالمكسب 50 نقطة أى عند وصول السعر إلى 1.5070 ولو إتجه السعر لأسفل فأقصى خسارة ستتحملها هى 30 نقطة أى عند سعر 1.4990 فإن برنامج التداول يتيح لك ذلك عن طريق ما يسمى بـ Take Profit و Stop Loss.



محمد السيد ص غير متواجد حالياً   رد مع اقتباس
قديم 21 - 10 - 2011, 02:58 PM   #15
عضو نشيط جدا
 

افتراضي رد: مبتدى يتحدث اليكم (( اقرا وتعلم ))


نقطة Take Proft الخروج على مكسب:
هى أقصى قيمة ربح من تتوقعها من الصفقة فى حالة الربح ويمكن كتابتها عند فتح الصفقة أو بعد فتحها كما يمكنك تغييرها فى أى وقت طوال عمر الصفقة.

نقطة Stop Loss الخروج على خسارة:
هى أقصى خسارة يمكن أن تتحملها من الصفقة فى حالة خسارتها ويمكن كتابتها عند فتح الصفقة أو بعد فتحها كما يمكنك تغييرها فى أى وقت طوال عمر الصفقة.

مثال 1:
نفترض أن تاجر قام بإجراء صفقة بيع لزوج العملات GBP/USD عند سعر 1.9800 بناء على توقعه بإنخفاض سعر الزوج. وبالتالى فإن نقطة Take Proft الخروج على ربح 1.9750 يجب أن تكون أقل من سعر السوق الحالى ونقطة Stop Loss الخروج على خسارة يجب أن تكون أعلى من سعر السوق الحالى ولكتن مثلا 1.9850

مثال 2:
نفترض أن تاجر قام بإجراء صفقة شراء لزوج العملات EUR/USD عند سعر 1.4845 بناء على توقعه بإرتفاع سعر هذا الزوج من العملات فإن نقطة Take Proft الخروج على ربح يجب أن تكون أعلى من نقطة الشراء ولتكن مثلا 1.4980 ونقطة Stop Loss الخروج على خسارة يجب أن تكون أقل من سعر فتح الصفقة ولتكن مثلا 1.4800


وبالتوفيق ان شاء الله



محمد السيد ص غير متواجد حالياً   رد مع اقتباس
إضافة رد

جديد مواضيع منتدى تداول العملات العام


مواضيع سابقة :

تحليلات ال ( autochartist ) من اف اكس دى دى
المؤشرات الفنية أنواعها و خصائصها
مكتبة المؤشرات

مواضيع تالية :

ارجو من الجميع الدخول
استيراتيجية Black King
استراتيجية)))) Divergence ((((

مبتدى يتحدث اليكم (( اقرا وتعلم ))

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
خسارة مضارب مبتدى منتدى برامج التداول و الشارتات و الشركات
استفسار من مبتدي منتدى البورصة المصرية
انا مبتدى بس فى فكرة فى دماغى منتدى الدروس التعليمية
سؤال من مبتدى الفوركس منتدى الدروس التعليمية


روابط الموقع الداخلية


05:40 PM
Powered by vBulletin® Version 3.8.9
Copyright ©2000 - 2017, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة