• 5:25 صباحاً




تعالوا نعمل ساوند سيستم

إضافة رد
عضو متقدم
تاريخ التسجيل: May 2009
المشاركات: 5,489
معدل تقييم المستوى: 20
عمر حسين is on a distinguished road
18 - 10 - 2011, 05:10 AM
  #1
عمر حسين غير متواجد حالياً  
افتراضي تعالوا نعمل ساوند سيستم
تعالوا نعمل ساوند سيستم...

السلام عليكم ورحمه الله وبركاته

اخواني الاعـــــــزاء النهارده حبيت اعمل موضوع كتير حلو وهوا ازاي اعمل ساوند سيستم
(سواء هركبه بنفسي او اركب السيستم عند أحد متخصص )
المهم اول خطوه في تركيب السيستم هيا شـــراء الاجهــــزه والمعدات اللا زمه .....
اولا : - الـــــســــماعات .... والووفر ........
طبعا قبل كل شـــــيئ انا هنا هتكلم عن سيستم مكلف شويتين بس هيعيش معانا كتير .. لكن لو استرخصت المعدات واشتريت حاجات اقل صحيح هتكلفنا اقل بس دي موش شطاره .. لانها ليها عمر قصير وكل اللي اتصرف هيكون علي الفاضي .. نصيحتي هيا شراء معدات معروفه ومضمونه ...

فيه نوعين من السماعات هتكلم عنهم :-

1 :- السماعه الــ 300w pioneer ...




2:- السمــــاعه السونـــي Sony Explod 320 w:-




طبعا دول ماركه وكمان فيه الـ Kenwwod بس موش هتلاقيها غير في اماكن معينه ..

ثانيــاً : - الصب ووفر ....

ودا مهم جــدا في اختياره
فيه الـ 1400 A lpine او البيــنا ودا جميل جدا لو لقيته ...



وكمان فيه الـــ 1400 Pioneer ..




وكمان فيه الـ Kenwood ...



واحــد هيســألني ويقولي نركب واحد ووفر ولا اكتر ...
طبعا ممكن تركب واحد كفايه ولو مصمم يبقي اتنين هههه
.......................

ثـــالـــثــــا ً الامبليفاير CAR AMPLIFIER ...

فيه انواع برضه كمان من AMPLIFIER سوني وكين وود بس هنا الكين وود متوفر ...

...

ودا سعره 385 جنيه مصري او 70 دولار




ودا سعره تقريبا 280 جنيه مصري او 52 دولار
.....................

رابــــــــعـــــــــاً :- الكاسيت او البلاير او الدي في دي ...

طبعا انا بقول ان دا من اهم الاجزاء لانك لو عايز بس ساوند يبقي هتركب بلاير موش دي في دي لكن لو هتركب شاشه عرض صغيره للفيديو او للكاميرا الخلفيه يبقي هنركب دي في دي عشان مخرج ال output video موش بس اديو audio ...

1:- Sony Xplod CDX-GT21W Car Stereo السي دي السوني :-

ودا انا مركبه عندي حقيقي جميل وسعره 195 جنيه مصري او 36 دولار... بس دا اوديو بس ..



2: KD8822 DVD/CD/MP3 USB Car Stereo Audio Player Receiver AM/FM

ودا موجود وسعره جميل حوالي 350 او 64 دولار وكمان دي في دي ..

3: فيه الــ JVC الكبير .. التاتش سكرين ..





......................
المهم اننا هنشتغل علي ال يDVD علشان هنركب مع بعض شاشه عرض فيديو ان شاء الله وطبعا دا اختياري هوا هيفرق عن العادي الاديو في مخرج الفيديو فقط يعني لو عازين نركب سي دي بلاير او فلاش بلاير نفس الخطوات ...
.......................

واخيرا يا جماعه الســلك المناسب زي الفايبر وكمان الجاكات اللي هنركب بيها السلوك....

....
........................


دلوقتي مع بعض هنبتدي نركب الــ AMPLIFIER

انسب مكان هوا في شنطه السياره ورا خالص هنشيل الاستبن او نركنه في جنب ونثبته في اليمين او الشمال براحتنا وممكن كمان نشيل فرش الشنطه ونحطه تحته بس ممكن يتبهدل ...



هنشيل القطب السالب من البطاريه اول شيئ ..



بعد ما ركبنا الجاكات في اطراف السلك هنبدا نركبه علي البطاريه علي طول (فيه واحد هيقولي طيب ما نركبه علي الولاعه ما هي واخد كهرباء من البطاريه هقوله ان الولاعه ممكن تضرب من الامبليفاير عشان كدا هنخليه علي طول من البطاريه اوك






نخلي بالنا اننا نكون فاصلين الفيوز بتاع الامبلفاير ودا فيدته ان لو ان اي حاجه حصلت في كهربه السياره هوا بيفصل اتوماتيك عشان الامبلفاير موش يتحرق المهم اننا نخلي بالنا واحنا بنركب السلوك عشان مانعملشي قفله اوك يا جماعه ...

طبعا يا جماعه توصيل سلك الباور بالبطاريه بييجي بعد ما نكون ركبنا السلك من الناحيه التانيه بتاعه الامبلفاير



وطبعا موش هقولكم هتعدوا السلك ازاي من الشنطه للبطاريه اظن سهله دي .. اوك



وكــدا هنكون احنا وصلنا سلك الباور بتاع الامبلفاير ...



دلوقتي هنشيل الكاسيت القديم بتاعنا وهنركب مكانه البــــلاير الجديد ونوصل سلوك الامبلفاير والسماعات



هنوصل سلك الرسيفر في ظهر البلاير بتاعنا وهتلاقي مكتوب علي المكان RECEVIR اوك





وكدا نبقي وصلنا الامبلفاير بالبطاريه عشان الباور بتاعه وكمان وصلناه بالكاسيت او البلاير بتاعنا

نشوف بقا الامبلفاير من ظهره



اول سلكلين من الشمال دول بتوع الكاسيت والاممبلفاير اللي احنا وصلناهم قبل كدا
طبعا احنا وصلنا الجاكات بتاعه الكاسيت والامبلفاير عشام احنا هنوصل السماعات علي الامبلفاير علي طول موش علي الكاسيت او البلاير..
وطبعا الترتيب دا ممكن يختلف من امبلفاير لآخر لكن هتلاقي كل الكلام دا من الباور والارضي ومكان الجاكات ومكان السماعات وكله ..

ناخد بالنا من السلك اللي علي اليمين دا اللي هوا الارضي



ودا هنوصله بعضم السياره يعني بصاج السياره هنشيل حته من الفرش بتاع الشنطه ونوصله لو فيه مسمار هنربطه او نثبته بالصاج بتاع السياره اوك ودا مهم يا اخوانا



دلوقتي عايزين نوصل السماعات والصاب ب الامبلفاير اوك



ممكن نوصل الووفر مع السماعات زي كدا



او نعمل ليه علبه كبيره خشب او فبر وموش هتكلفنا كتير بس هتريحنا زي كدا



او نحطه لوحده مع الامبلفاير في الشنطه ونثبته براحتنا اوك ...

طبعا في الصوره اللي هيا ضهر الامبلفاير هنلاقي من ناحيه الشمال تحت سلك الرسيفر بتاع الكاسيت اللي وصلنا فتحنين لجاكين ودول بتوع السماعات ممكن نعمل مشترك ليهم ودا ثمنه رخيص عشان نقدر نطلع اكتر من طرف للسماعات و للووفر بتاعنا
ودي صوره منظم موجات او كروس اوفر للسماعات وشايفين 3 مخارج للسماعات اوك

طبعا نسيت اقول ليكم نوصل الفيوز بتاع الباور بتاع الامبلفاير اللي كنا رفعناه في الاول اوك



وطبعا في النهايه احب اقول يا جماعه محدش يلعب في علبه الفيوزات غير لما يكون متخصص عان كدا انا رحت بيكم علي البطاريه علي طول وعملت فيوز خارجي بعيد عن العلبه عشان دي فيها كل كهربه السياره



وكمان نصيحه أخيره للكل وهيا موضوع الشيكرتون او لزق السلوك اوك انا معاكم الشيكرتون كويس وجميل بس بينشف بعد كده انا بضل طبعا الكلبسات زي دي ودي افضل بكتير وياريت نغطي كل السلوك وموش نسبب اي سلك عريان



وطبعا في النهايه دا مجهودي الشخصي عن تجربه لو فيه حد عايز اي استفسار في الموضوع دا انا ان شاء الله موجود ومتابع معاكم
وان شاء الله هنعمل موضوع تركيب الشاشه بتاعه الفيديو في موضوع تاني مفصل برضه
وان شاء الله تستفيدوا
أسالكم الدعاء لي ولوالديا
وشكراً ..........


.................




التعديل الأخير تم بواسطة خادم القرآن ; 30 - 10 - 2011 الساعة 08:08 PM
رد مع اقتباس


إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
أستفسار عن فوريكس سيستم سيليكتور (FSS) قريشي منتدى المؤشرات و الاكسبرتات 2 30 - 08 - 2009 06:21 AM


05:25 AM