رد: $$$...ورشة عروس الابيض المتوسط...$$$
بسم الله الرحمن الرحيم اليورو دولار EUR/USD اعتقد والله اعلي واعلم ان العملة دي محصورة بقالها حوالي شهر دلوقتي بين نقاط معينة ومش قادرة لا تروح فوق قوي ولا تنزل تحت قوي .. بمعني ادق الدببة والثيران في حالة تعادل بيدة المدي شوية كل واحد فيهم بينتصر فترة صغيرة تقدر بيوم او اتنين والتاني بيرجع يتغلب عليه مرة اخري . علي شارت الاسبوع العملة مكونة شمعة دوجي وان كانت مش مثالية بس شمعة دوجي كويسة .. هل هيا علامة لبداية الهبوط خصوصا ان في ترند هابط علي شارت الاسبوع اظن انه تكون خلاص بهذه الشمعة ؟؟؟؟؟
طيب .. لو حبينا نبص علي باقي الشارتات ... مازال الترند صاعد علي شارت اليوم ومتذبذب بقاله اكتر من اسبوع دلوقتي علي ما اعتقد بين صعود وهبوط وخناقة كبيرة بين الدببة والثيران .. هتنتهي علي ايه ؟؟ الله اعلم .. ما فيش اشارة واضحة تؤكد اتجاه معين ... لكن منتظرين سوينجاية كويسة قريب باذن الله تعالي .. المهم اننا مازلنا في طور الصعود . والاستوكاستيك علي شارت اليوم بيقول صعود باذن الله تعالي .
علي شارت الاربع ساعات ترند ايضا صاعد . ( وفي رأس وكتفين غير مثالية ويمكن مش واضحة خالص بس لو كسر الترند الصاعد علي شارت الاربع ساعات وراح ل 1.4000 اظن هيكون الرأس والكتفين دي ولكني استبعد الاحتمال دا ) حصل هبوط في اخر يوم وأظن ان الهبوط دا مجرد اغلاق السوق ولم للغلة من المضاربين .. الاستوكاستيك اربع ساعات قرب من خط ال 20 وما اعطاش اي اشارة شرا لغاية دلوقتي .. بس لو بصينا علي شارت الساعة هنلاقي اشارة الشرا قربت اوي .
شارت الساعة ..... تكون وتد والله اعلم منتظر اختراق اي ضلع من اضلاعة .. الاستوكاستيك وصل لتحت ال 20 ومش قادر يتنفس خلاص واظن انه ليه ولو تصحيح بسيط لفوق باذن الله تعالي مع بداية يوم الاتنين .. وكذلك البولينجر وصل للخط السفلي ونزل بيه جامد ومنتظر تصحيحه ايضا .
نظرتي للعملة انها الي صعود باذن الله مبدأي يوم الاتنين ... بهدف اولي 1.4220 باذن الله تعالي وبعدها 1.4249 وبعدها باذن الله هاي اخر يوم في الاسبوع 1.4307 باذن الله تعالي ولو اغلق فوقها بشمعة يوم ساعتها هنحدث الكلام ونشوف ايه اللي هيحصل معانا ...
ملحوظة .. لو السوق فتح جاب فوق .. الغي الكلام دا مبدأيا فقط .. لكن لو فتح بدون جاب او جاب سفلي بسيط باذن الله الافتراض دا ماشي باذن الله تعالي .
أسف للاطالة بس زي ما تقوله عطشان الكلام دا ليوم الاتنين فقط لو السيناريو لو مش اتحقق يبقي نشوف غيره التوقيع
الأحرار يؤمنون بمن معه الحق .. والعبيد يؤمنون بمن معه القوة .. فلا تتعجب من دفاع الأحرار عن الضحية دائماً .. ودفاع العبيد عن الجلاد دائماً.