السلام عليكم ورحمة الله وبركاته
أحبك يابعد روحي أحبك يانظر لعيان
ترى حبك سكن بالقلب ويسري وسط شرياني
ترى شوفك يسلّيني ويبعد عني الاحزان
على نغمة صدى صوتك اعيش بعالم ثاني
ولامن غبت عن عيني احس بلوعة الحرمان
أحس بلوعة الفرقا تحرك كل وجداني
أموت بنظرة اعيونك أموت بضحكة الاوجان
ربيع الرّوح بشفاتك يروّي كل عطشاني
دخيل الله ياعمري ترفق وارحم الولهان
ترى صبري وصل حدّه دخيلك لاتحداني
ناصر محمد العارضي