السلآم عليكم ورحمة الله ...~
رداً على قصيدة الشاعر أحساس ..صرخة الشام ...~
أتمنى ان تكون حجة لنا لا علينا ....~
،،
ألا ياحساس صرخات الضمير تهيج الشعار
بكيت من القهر والفيت به دمعا(ن)على الخدين
خذت مني سيوف القاف نبض(ن) يحمل الاسرار
وباحت نبضته والسيف مايرحم ولابه لين
عيوني تلمح الطفل الحزين ولعبته بالدار
يناظرها وبه حيرة تسائل لعبتي!!.. هي وين ؟!
واغض الطرف وامشي بالطريق وخاطري محتار
ويوقفني على مسرى طريقي دمعة المسكين
سئلته ..وارتخت عينه وكنه حس ذل العار
فقير المال لكن نخوتي ماتقبل التخوين!!
هوامير العرب تسمع صداها بلعبة الدولار
واذا هي عودت للنصر لاحيلة ولاتمكين؟!!
دنقت الراس واكملت الطريق وشب قلبي نار
وذكرت ابطال ماتو بس في عيوني بعد حيين
ألا ياخيبة المسلم بأمه طالت المليار
تعدها ولافاد العدد في مواجه الطاغين
ياخوفي يارفيق الحزن يلحقنا لظى الاشرار
ونشكي بعضنا والبعض منا باع كل الدين
علوم(ن) ماتسر الخاطر الي لاوك الامرار
مناظر يارفيق الحال ماتخفى على الساهين
ثكالى يتمت بزرانهم من غير ذنب(ن) صار
وشيبه لا تخطى بالعصى يضرب على الجنبين ؟!!
وبنت(ن) عرضها مصيون يهتك من لدن كفار
وباقي للعرب مجلس يشاور في كلا الطرفين!!
كسيت الحرف بسكوتي شهق ثم قطع الازرار
غدى يامسلمين الموت لعبه في يد الغاوين ؟!!
هلا ياطعنة(ن) هلت بعد ماقلت غاب الثار!
هلا بالنصر دام النصر وهم(ن) في هوى الحلوين!؟!
الا وش بيدي وبيدك سوى دمع(ن) بوقت اسحار
نغسل به ضحايا العز في حمص و حما الحامين
مواطي بالقدم داست ثراها اخمص الابرار
مثال الفارس الجامع لوى ومشورة الصفين
حزينه ااه ياقلبي ونينه قطع الاوتار
ولايدري بوناته سوى من به بعد مبلين
األا ياحساس وانا اختك تعبته وانزفه تذكار
عشان اللعبه الي ضايعه تلقى لها حاوين؟!!
،،
عمق الشكر وأجزله ...~
التعديل الأخير تم بواسطة خادم القرآن ; 14 - 02 - 2012 الساعة 10:25 PM