$$$## مسابقة افضل محلل فوركساوى ##$$$

بسم الله الرحمن الرحيم

الزوج مرتد من ترند هابط

و لكن أدخل شراء لسسب:

1- دايفرجنس قوى السعر مكون قيعان هابطة و مؤشر الماكد مكون قيعان صاعدة

دليل لصعود الزوج

2-بما ان التوقيت لأربع ساعات نخد الشموع فى الاعتبار

أ-شمعة انفرتد هامر
ب-بعدها شمعة انجراف شرائى بعد هبوط قو من الترند
ج-شمعة انفرتد هامر أخرى تقريبا بس نصها طاير من الشارت


3- بعد تشبع البيع على ال stoch بدأ الزوج فى الارتفاع و لكنه يصل الان لنقطة مقاومة قوية ممكن ترده لأسفل

ان شاء الله الدخول شراء

لو هدخل ماركت هيكون (الستوب تحت الخط الواصل بين القاعين بحوالى أربعين نقطة)

الهدف هو الترند الهابط مع كسره نكمل لفوق و مع الارتداد بشمعة انعكاسية على الساعة خروج

و أفضل اننتظار كسر المقاومة قبل الدخول

لو كان بينفع أرسم فيبو على الشارت كنت يمكن أكتشفت حاجة يمكن تغير حركة السعر

بس ما باليد حيلة أصلى ماعيش أستك زى نادر باشا

و مش هجاوب أول واحد تانى عشان أغش منكوا

بسم الله الرحمن الرحيم

بالنسبة للاتجاه العام كلاسيكيا هابط

لكن يوجد اشارة دايفرجنس تؤكد تغيير الاتجاه على مؤشر الماكد لكسر مقاومات قوية ممايشير الى الصعود
كما توجد اشارة تشبع على مؤشر الاستوكاستيك تشير الى تشبع البيع ومنها سيتجه الزوج شمالا حتى يتم التقاطع بين الخط الاحمر والاخضر ويعلو الخط الاحمر
والهدف هو نقطة كانت دعم حاول الزوج كسرها أكثر من مرة ثم اخترقها فتحولت الى مقاومة سيحاول الزوج كسرها ثانية فيما بعد أما الستوب فيكون أسفل الشمعة الاخيره بنصفها تقريبا يعنى لو حجمها 100 نقطة يكون الاستوب أسفل لو الشمعه ب 50 نقطة.... وان كنت على الحساب الحقيقى لا أدخل مثل هذه الصفقات التصحيحية لكن عموما أنا رأيى انه عند ضرب الهدف نأخذ الزوج بيع من منطقة الهدف لانه كلاسيكيا للبيع أما اذا ضرب الستوب فننتظر ونأخذه بيع من منطقة أفضل لان الاتجاه العام هابط ولكن الاتجاه على المستوى القريب صاعد والله أعلى وأعلم

التوقيع

[عذراً, فقط الأعضاء يمكنهم مشاهدة الروابط ]

معلش نطول شوية فى تحليل الشارت بس ناخذ المعطيات كلها أحسن واحدة واحدة ونشوف أية المرجح بعد التحليل (ويبقى عملنا اللى علينا وندعى نقول يارب يطلع صح أو فية حاجات صح ) :

* المعطيات : الجاب - السعر بشموع 4 ساعات - الزوج اليورو أسترالى - شكل أخر شمعة - ماكد - ستوكاستك .

* المطلوب : حركة الزوج من السعر الحالى - أتجاه الدخول - الهدف - الستوب - أسباب كل ماسبق.

*الأجتهاد :
1- الجاب : وعدد الشموع بعدها بيقول أن أحنا يوم أول الأسبوع وخلصنا أول شمعة من اليوم وكانت فى أسيا والسعر باين خالص أنه فتح على جاب سفلية (سعر الأوبن أقل من كلوز اللى قبله) ( دليل أن السعر فى الأجازة تعرض لضغوط هبوطية كويس لكن مش مهم مش رئيسى فى التحليل) وغطاها بصعود ( كدا المفروض مفيش حاجة ضاغطة على السعر نفسيا وللا حاجة ) ..( والدكتور تالت مرة يجيب سؤال صعب فى يوم صعب مرة يفرمنا فى السوق يوم الخميس ومرة يرمينا فى بحر يوم الجمعة من غير عوامة والنهاردة يقول خدوا يالله أول يوم فى السوق المظلم ومعاكوا شمعة واحدة وورونى بقة ربنا يستر)

2- الزوج يورو أسترالى: بدأ الأفتتاح فى سوق غير بطئ بالنسبة له لأنه زوج أسترالى ومكمل معانا أن شاء الله فى سوق أوروبا يعنى الهدف ممكن يتحقق النهارده .

3- أخر شمعة هى بولش أنجلفش : موحية بالصعود وأمامنا حالتين أما أستغلالها فى البيع ونكسب نقاطها مع الترند العام أو نشترى أعتمادا عليها ...نكمل .

4- الماكد : تم تكبيرة واتضح أن * قضبان الماكد متزايدة الطول لأسفل فى أتجاه البيع . * خط السيجنال لا يزال داخل الماكد ومتجه لأسفل فى اتجاه البيع . أذن أخر أشارة بيع مازالت فعالة وماكد ال 4 ساعات يعتمد عليه.

5- الستوكاستك : طالع من تشبع بيعى ومشى فى أتجاه الشراء قليلا ثم بدأ يتقاطع ليعلن الأتجاه للبيع ولكن ليس من منطقة تشبع شرائى أو بيعى ولكن أشارة بيع .

6- واهم حاجة التحليل الكلاسيكى : الزوج أتجاه عام هابط - يسير فى قناة هابطة ...البيع هو الأأمن ...أرى نموذج رأس وكتفين وممكن يمشى مثلث هابط كمان بنفس الهدف والله أعلم والزوج كسر خط العنق و أغلق أسفله وأعاد الأختبار فى أسيا ..كما ان هدفه لايتعارض مع القناه لأنه لو نزل حتى فى الشمعة التالية ليلامس القناة سيكون قد حقق الهدف . وأذا أستمر السعر ليحقق الهدف فى أكثر من شمعة سيكون أمامنا هدف أكبر هو ملامسة الحد السفلى للقناة .

الأستنتاج : * الزوج للبيع من السعر الحالى .
* معلش أنا عشان عندى حساب قريب من المارجن بحب أعمل لها حسبتين واحدة للحسابات الصغيرة كل رقم 1 فى الخطوات التالية وواحدة للكبيرة كل رقم 2 التى تتحمل بس الصفقة دى بالنسبة للستوب بالذات لو حسابك وأدارة رأس مالك تتحمل الستوب الكبير أستخدمة أفضل لأنة حيكون برضو أقل من الهدف ومش كبير قوى غير أنه حيقلل أحتمال الخسارة لأنك مع التجاه العام ...وأن شاء الله منشوفش ستوب ...أوكى . أتكلنا على الله .

* الستوب :1 - الصغير : فوق هاى شمعة الأربعة ساعات التى سبقت شمعة كسر العنق.

2-الكبير : أغلاق 4 ساعات فوق الحد العلوى للقناة و بالكتير 50 نقطة عند الخط الأبيض الرفيع بالعرض يعنى تقريبا يساوى نص الهدف تقريبا يمكن اكتر شوية صغننين .

* الهدف : * هدف النموذج - لو داخل بكذا لوت أقفل واحد بعد 50 بيب ورحل الستوب لنقطة الدخول +1 ... * هدف تانى ملامسة الحد السفلى للقناة . وثالث مفتوح مع الأتجاه العام .
* الأسباب : الأتجاه العام - النموذج - المؤشرات.





الحمد لله . الله كريم ,

التوقيع

تم أرسال الأجابة على الخاص ... باين عليك حريف غش بس متفضحناش الضابط واقف . .... الله الله الله دا انت جاوبت الأول تانى ...... طيب . أرحمنا بقى فضحتنا .

تانى برضوا أنت كل يوم تنط لى كدا خليتنى سهرت وعندى شغل بكرة .

.وأنا كمان ...وأنا كمان يا درش .

ليه بس دا أنا حبيبك ما تخفش درش مش حيزعل على الخاص برضو ( يعنى عارف انك مش حتبعاتها)

أيه ده أنا باين رجعت بالصفحات كتير قوى ... وبعدين يا حماده ما أنت طيب وقلبك أبيض أهه أمال أية حكاية بحب الخناقات أوى ( وللا بتتفرج بس - أشوفك فى لقاء بورصات أن شاء الله ) وبعدين يا عم أنا بهزر أنا عارفك مش معقول حتغش مرتين هنا وفى الأمتحان مبادئك ماتسمحش عارف .. وبعدين كل واحد فينا له لون معين بيكتب به ...بس الضابط بيأخد باله على طول ...( مره قال لى أنا وهيثم ومش فاكر مين تانى ناقلين الموضوع من نفس الصفحة على الويب رغم أننا كنا ناقلين بتصرف ) يعنى مفيش فايده كدا كدا اللى بيصيع بيضيع ... وربنا معاك فى الأمتحانات أنا واحد صحبى خلص يوم الخميس ما سمعتش عنه حاجة لغاية دلوقت الظاهر نابم من ساعتها !

ربنا معاك ومع الجميع ويارب تكون ظروف كويسة ولو وحشة تكون عدت على خير .

حأجيبلك واحد المرة الجاية معايا ... أستك أية بالزمة دا كلام يتقال وأنت فى قاعدة فوركس ( على فكرة حق الأختراع ده محفوظ ومسجل ) ...أنا نفسى أعرف أنت بتغش من مين وأنت مجاوب الأول يعنى بتأخذ رأى الجمهور مثلا وللا بتتصل بصديق وللا بتحذف سؤالين ؟ حتفضحنا ...متنساش تغير لون الكلام والشارت وتقول حيث أن وكذلك وفيما يبدو وشوية كلام من ده ...فضحتنا فضحتنا أسكت بأه أسكككككككت الظابط واقف .. ضيعتنى وخلليتنى أجاوب بسرعة كنت عاوز أحط 5 او 6 فايبو لزوم الحبكة الدرامية ونسيت ...أستك بأه...يييييييييي قصدى أسكت بأه من ساعة ما دخلت معانا المسابقة ضيعتنى...ضيعتنى ... روح نام بقى وأنا حأصحيك بميسد كوول عشان مش معايا نمرة تليفونك نام بقى نااااااااام

التوقيع

اقتباس:

المشاركة الأصلية كتبت بواسطة Nesr

السؤال رقم 19:

اذكر حركة الزوج من السعر الحالى مع تحديد الهدف و الستوب و سبب الدخول..

بالتوفيق..

بسم الله الرحمن الرحيم
أسف علي التأخير بس منه لله المنتخب بقي ...
السعر في ترند هابط , وبالتالي الآمر الاساسي الذي سيتم اتخاذه هو امر بيع بسبب تقاطع خطين الاستوكاستيك مشيرا الي تكملة رحلة الهبوط بالتساوي مع الترند الهابط .
ولكني لا افضل البيع من السعر الحالي الا بعد ان يكسر السعر الخط الابيض السفلي .
لكن مادام الدكتور عايز سعر حالي يبقي بيع من السعر الحالي , بهدف 100 نقطة والاستوب فوق الخط الازرق ب 10 نقاط .
وجب الذكر انه في حالة ارتداد السعر وكسر الترند الاحمر الاول يكون بذلك ضرب الاستوب وبدأ في تغيير الاتجاه فنقوم بصفقة شرا عكسية بهدف الترند الاحمر الاعلي منه . والاستوب داخل الترند الاحمر المكسور .

التوقيع

بسم الله الرحمن الرحيم
الاجابة هيكون الدخول شراء ان شاء الله
السبب ظهور دايفرجنس ايجابي
وايضا سبب اضافي لكن ضعيف وهو ظهور شمعة صاعدة شبه ابتلاع شرائي
ولكننا في ترند هابط ولذلك يكون الشراء بحذر شديد وعقد صغير

الدخول هيكون ماركت

الاستوب هيكون اللو للشمعة الصاعدة الاخيرة مع مراعاة الاسبريد وللامان تحت اللو + 20 بيب

الهدف هيكون ملامسة الترند الهابط وهناك نتعامل معاه سواء تم الكسر او الارتداد

التوقيع

" لا تفرح بما آتاك ولا تحزن علي ما فاتك "

سبحان الله وبحمده ،،،، سبحان الله العظيم

حأجيبلك واحد المرة الجاية معايا ... أستك أية بالزمة دا كلام يتقال وأنت فى قاعدة فوركس ( على فكرة حق الأختراع ده محفوظ ومسجل ) ...أنا نفسى أعرف أنت بتغش من مين وأنت مجاوب الأول يعنى بتأخذ رأى الجمهور مثلا وللا بتتصل بصديق وللا بتحذف سؤالين ؟ حتفضحنا ...متنساش تغير لون الكلام والشارت وتقول حيث أن وكذلك وفيما يبدو وشوية كلام من ده ...فضحتنا فضحتنا أسكت بأه أسكككككككت الظابط واقف .. ضيعتنى وخلليتنى أجاوب بسرعة كنت عاوز أحط 5 او 6 فايبو لزوم الحبكة الدرامية ونسيت ...أستك بأه...يييييييييي قصدى أسكت بأه من ساعة ما دخلت معانا المسابقة ضيعتنى...ضيعتنى ... روح نام بقى وأنا حأصحيك بميسد كوول عشان مش معايا نمرة تليفونك نام بقى نااااااااام [/QUOTE]


يا نادر باشا أنت محسسنى انى وشى وحش عليك

طب دا أنت أخد 3 مرات 10 ورا بعد من ساعة أنا ما دخلت المسابقة يعنى وشى حلو عليك

أنا مابحسدش ولا حاجة

ان شاء الله نفسى أطلع أنا الوحيد الى مجاوب صح و كل الناس غلط

أنا عارف أنا عارف أكيد حتفرحولى من غير ما حد يأول أنا متاكد

بسم الله توكلت علي الله

اولا يا دكتور حركة السعر هيه هابطه و لكن لو قلتلي ادخل صفقة دلوقتي هقلك مش داخل بس حكم القوي هندخل و امري لله

كلاسيكيا السعر هابط و الترند العام هابط و لكن في اكتر من حاجه بتقول صعود ولو حتي تصحيح

اول حاجه الشمعة الاخيرة دي شكلها والله اعلم شبه ابتلاع و كمان معاها دايفرجنس واضح هنستفاد منه لحد الترند الهابط و الستوب كما هوه موضح بالشارت

التوقيع

اسكالبينج سوينج