رد: <<<إستراتيجية الحَرّيف>>> لابتلاع السوق ونقاط بالجملة
اقتباس:
المشاركة الأصلية كتبت بواسطة ahmadforex
اولا نورت المنتدي و اتمني انها تكون فعلا استراتيجية ناجحه و لكن انا عايز ااسال حضرتك سؤال
هوه لازم بدام الجاب لفوق اتجاه الاسبوع كله يبقي هبوط؟؟؟
انا اللي اعرفه ان السوق هيسد الجاب و بعدين الجاب مش ليها تاثير يعني لو الجاب لتحت السوق هيطلع لحد ميغطي الجاب و بعدين يممشي ز ي ماهو عايز
ده رايي و اتمني من حضرتك تفهمني اكتر
شكرا علي ردك مقدما
أتمنى إنك تكون شاهدت الشارتات بعناية وشفت مدى المكاسب المتحققة وممكن تجرب على حساب ديمو
اقتباس:
المشاركة الأصلية كتبت بواسطة eeelnagm
كلام خطير ويستاهل المتابعه والتدقيق ساقوم بعمل باك تيست واسجل حضورى ومتابعتى يا أستاذ شريف بالتوفيق بإذن الله
شكراً ليك يا أستاذ eeelnagm وبالتوفيق إن شاء الله
المجنون فقط إن شاء الله أنا جربتها على زوج الباوند ين وشغالة تمام لغاية دلوقتى
اقتباس:
المشاركة الأصلية كتبت بواسطة SAdLove
اهلا وسهلا فيك اخوي شريف منورنا حبيبي
ومنتظرين موضوع الشيق من لحظه نورتنا فيها
ان شاء الله بنتابع معك ومع الشباب
شكراً ليك أخ SAdLove والله إنت اللى منورنا وبالتوفيق إن شاء الله
اقتباس:
المشاركة الأصلية كتبت بواسطة mrbody
جميل جدا من الممكن أن تكون إسترتيجية جيدة جدا
ولكن عشان محدش ينسى ويطمع إذا ثبتت اللإستراتيجية نجاحها
أذكر كدا وأحنا على بر الأمان وفى بداية الموضوع بما فى الإقتباس أسفل
علشان محدش يعود يلقط رزقه من كل حته شوية
بس ليا تعقيب على الإستراتيجية من ناحية الإستوب لوز
إن الزوج إذا عمل هبوط أو صعود فى خلال إسبوع عكس إسترتيجيت حضرتك بحوالى 500 نقطة مثلا يبقى سمعنى بودعك علشان فى الغالب مش هيقد يرد تانى فى نفس الإسبوع على الأقل لنقطة الدخول
وتعقيب اخر
إن حضرتك بتقول الستوب لوز من 500 إلى 1000 نقطة
مش شايف إنه كتير جدا إحنا لو وصلنا ل 900- يبقى دا إتجاه لوحده
مش عارف الصراحة الموضوع عايز باك تست أكتر من ثلاث أسابيع أعتقد ذلك ولا أجزم
أعتقد الموضوع عايز ناس أكبر منى فوركسيا عشان تقدر تناقش
بس أنا عرضت وجهة نظرى
هذا والله أعلى وأعلم
الله المستعان بص يا أستاذ mrbody كلامك جميل جداً وتعليقك أكثر من رائع لكن مش هقولك أكثر من إنك تعمل باك تيست على الأسابيع السابقة وتشوف الإرتداد كان عامل ازاي ... وبعدين أنا قلت هنبعد الستوب من 500 ل 1000 نقطة عشان تبقى فى الأمان وماتبقاش قاعد قلقان وانت مستنى صفقة مدتها أسبوع وهتلاقى الإرتداد مش أكتر من 200 نقطة بس .. أتمنى إنك تشوف وتقولى رأيك
اقتباس:
المشاركة الأصلية كتبت بواسطة darsh_7ob87
تعليقا علي كلامك يااحمد كان استاذي شريف خورشيد قالي في مرة ان السوق لو فتح جاب بيرجع يغطي نص الجاب دا علي الاقل ( بس الكلام دا مش دايما يحصل ) . والليل ان في مرة فتح جاب علي اليورو دولار وعملنا امر شرا ( في رحلة 100 دولار ) وقعدنا اكتر من يومين الجاب لم يتم تغطيته او تغططية نصه حتي وكان في اول الرحلة . اما بالنسبة تعليقا علي الاستراتيجية كلها فأظن الاخ mrbody كلام صح وقال المفيد لو عكس السعر بالحجم دا يبقي اتجاه تاني خالص . وأتذكر في كتاب (التحليل الفني للأستاذة الخبيرة اعداد ابو معاذ التميمي ) كانوا ذكروا حاجة مش زي كدا خالص بالعكس الجاب ليس له اتجاه وكان كلامهم ( وان كان علي اسهم وليس عملات ) ان المفروض الانتظار بعد الجاب بساعة او اكتر لمعرفة اتجاه السوق . وبعدين في حالةناقصة لو السوق مافتحش علي جاب اصلا اضيع اسبوع عليا من غير اي ربح ( او حتي محاولة ربح لانها ممكن تبقي خسارة ) . وتقبل مروري استاذي وعايزك تخرج كل اللي عندك احنا عايزين نستفيد . طبعاً شرفتنى بمرورك ولكن مش هقدر أقولك غير اللى قولته للأستاذ mrbody وبعدين أنا بشتغل على زوج الباوند ين فقط وماليش دعوة باليورو دولار وبعدين لو انت مش مطمن للسوق ماتدخلش إلا لما يأكدلك الإتجاه بتاعه وشوف الشارتات اللى فاتت وانت تقدر تحكم كويس
اقتباس:
المشاركة الأصلية كتبت بواسطة ahmadforex
مع احترامي طبعا لرايك يا درش بس الجاب يجب تغطيته حتي لو بعدها باسابيع بس في الاخر لازم هيتغطي دي معلومة انا عارفها كده انه هيتغطي هيتغطي مش مهم امتي و لكن دلوقتي اصبح من المهم نعرف هيتغطي امتي علي حسب الاستراتيجية دي و ده الي انا مستني الاخ شريف يوضحهولنا ان شاء الله
و شكرا يا درش علي كلامك و متهيالي ان كلنا بنتكلم في نفس النطاق و منتظرين الاخ شريف يعرفنا وجهة نظره
إزيك يا أستاذ أحمد منور الموضوع
طبعاً الجاب بيتغطى على مدار الأسبوع زي ما شفت فى الشارتات اللى فاتت
اقتباس:
المشاركة الأصلية كتبت بواسطة نادر
اخ شريف موضوع غايه في الاهميه
وارباح جيده انشالله والى الامام
مرحب بيك أستاذ نادر وهوة فعلاً موضوع غاية فى الأهمية وربنا ييسر وتكون استراتيجية ناجحة
طبعاً عايز الإخوة اللى محتاجة تأكد على نفسها وتتأكد من كلامى تطبيق هذه الإستراتيجية على حساب تجريبى هذا الأسبوع من بدايته اليوم بالليل إن شاء الله
لو الجاب فتح لتحت ندخل كلنا شراء من افتتاح أول شمعة فى الأسبوع ولو فتح لفوق ندخل بيع بردو من افتتاح أول شمعة فى الأسبوع على شارت الساعة إن شاء الله