""(ســـلطة التـــــاكو)""وااااااو جنان ...
هـــذي صــــورتهــا...
المقادير : 
(الكميه للصينيه الوسط زي اللي بالصوره اذا بتستخدمين البايركس الكبيره دبلي المقدار)
- خس قدر خمس ورقات . (انا استخدمت اكثر)
- جزر خمس حبات . (إذا كانو صغار اما إذا كبار حبتين تكفي)
- جبن تشيدر . (مو شرط اللي بالصوره انا استخدمت كرفت)
- علبة ذرة حلوة .
- دجاج مسلوق. (انا استخدمت "رضوى" اذا الصينيه الوسط صدرين وإذا الكبيره ثلاث صدور)
- ثاوزند ايلاند .
- شيبس التاكو ينباع بالتميمي .
* جبن التشيدر زي اللي بالصوره اللي عليه صوره بقره + صوص الثاوزند إيلاند + شبس التاكو بنكهة الكاري زي اللي بالصوره
مكونات الصلصة :
- علبة لبنة . تقريباً ثلاث او اربع ملاعق
- علبة لبن زبادي .
- ملعقتين طحينة .
- ملعقتين مايونيز .
- ليمون قدر حبتين .
- ملح حسب الرغبة .
الطريقة :
1- يقطع الخس الى شرائح و يبشر كل من الجزر والجبن التشيدر . 
2- يخلط الدجاج مع صوص الثاوزند ايلاند . ( نقطعه قبل مانسلقه اولاَ وثانياً , قطعيه على شكل اصابع عريضه شوي طبعاً مو طول اصبعتك لا نص الاصبع تقريباً وبالنسبه للصوص تقريباً ثلاث او اربع ملاعق)
3- في صينية التقديم يوضع طبقة من الخس ويترك نصفه للطبقة الأخرى ثم تضع نصف كمية الجزر ونصف كمية الذرة وبعد ذلك جبنة التشيدر ثم يوضع الدجاج كاملا ويوضع فوقه شيبس التاكو ثم توضع نصف كمية الصلصة .
4- الان نعود لوضع الطبقة الثانية من جديد خس – جزر – ذرة – ثم الصلصة واخر شي نرش جبنة التشيدر من فوق ، وعلى الجوانب نوزع الشيبس .
5- يزين على حسب الرغبة .
وعليكم بالعاااااااااااافيه
سلطة التاكو مقادير سلطة التاكو طريقة عمل سلطة التاكو اسهل طريقه لعمل سلطة التاكو
المواضيع المتشابهه 
