موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية > منتدى تداول العملات العام

ساعدونى ...عاوزه افتح حساب تجريبى

منتدى تداول العملات العام

Like Tree7Likes

إضافة رد
 
أدوات الموضوع
قديم 08 - 04 - 2012, 12:05 AM   #1
عضو جديد
 

افتراضي ساعدونى ...عاوزه افتح حساب تجريبى

ساعدونى ...عاوزه افتح حساب تجريبى
السلام عليكم

انا عاوزه افتح حساب تجريبى ب 200 دولار او 250 دولار
علشان اتدرب على المبلغ اللى هبدأ بيه باذن الله فى الحساب الحقيقى
عملت حساب من اسبوع على الميتاتريد بس ب 50000 وحاولت اقلل المبلغ وفتحت حسابات تانيه عليه بردو مبيرضاش
موش فاهمه ايه اللى المفروض اعمله

ارجو مساعدتى وجزاكم الله خيرااااااا

اذا اعجبك الموضوع و اردت نشره في المنتديات الاخرى فاستخدم هذا الرابط:
ساعدونى ...عاوزه افتح حساب تجريبى
http://www.borsaat.com/vb/t396064.html



ام فيروز غير متواجد حالياً   رد مع اقتباس
قديم 08 - 04 - 2012, 12:13 AM   #2
عضو جديد
 

افتراضي رد: ساعدونى ...عاوزه افتح حساب تجريبى

شكراااااااا انا لقيت 3 خيارات اختار سنت اكونت ولا مينى ؟؟؟؟؟؟؟؟



ام فيروز غير متواجد حالياً   رد مع اقتباس
قديم 08 - 04 - 2012, 12:18 AM   #3
عضو نشيط جدا
 
الصورة الرمزية mohamed_eltaweil
 

افتراضي رد: ساعدونى ...عاوزه افتح حساب تجريبى

اهلا ام فيروز لعل غيابك عن المنتدى خير
لو محتاجة مساعده تانية احنا فى الخدمة
ودى وتقديرى ،،،



mohamed_eltaweil غير متواجد حالياً   رد مع اقتباس
قديم 08 - 04 - 2012, 12:26 AM   #4
عضو جديد
 

افتراضي رد: ساعدونى ...عاوزه افتح حساب تجريبى

السلام عليكم
شكرااا استاذ محمد لاهتمامك انا مكنتش غايبه انا كنت موجوده ومتابعه لورشه تحليل اليورو دولار للاستاذ جاليو
ودلوقتى حابه اعمل حساب تجريبى قريب من الحساب الحقيقى اللى عاوزه ابدأ بيه عشان اتدرب صح
وبصراحه انا موش فاهمه اوى اداره رأس المال اللى حضرتك بتتكلمن عنها
هل تقصد الهامش اللى انا قريت عنه فى كتاب الفوركس للمبتدئين ؟؟؟؟؟؟

وكمان موش فاهمه يعنى ايه سبريد

وشكراااا جداااااااااا لاهتمامك ووقتك



ام فيروز غير متواجد حالياً   رد مع اقتباس
قديم 08 - 04 - 2012, 12:49 AM   #5
عضو نشيط جدا
 
الصورة الرمزية mohamed_eltaweil
 

افتراضي رد: ساعدونى ...عاوزه افتح حساب تجريبى

اقتباس:
المشاركة الأصلية كتبت بواسطة ام فيروز مشاهدة المشاركة
السلام عليكم
شكرااا استاذ محمد لاهتمامك انا مكنتش غايبه انا كنت موجوده ومتابعه لورشه تحليل اليورو دولار للاستاذ جاليو
ودلوقتى حابه اعمل حساب تجريبى قريب من الحساب الحقيقى اللى عاوزه ابدأ بيه عشان اتدرب صح
وبصراحه انا موش فاهمه اوى اداره رأس المال اللى حضرتك بتتكلمن عنها
هل تقصد الهامش اللى انا قريت عنه فى كتاب الفوركس للمبتدئين ؟؟؟؟؟؟

وكمان موش فاهمه يعنى ايه سبريد

وشكراااا جداااااااااا لاهتمامك ووقتك
الحمد لله انك بخير
ويارب ديما بخير ولا تحرمينا من مشاركاتك الطيبة
بخصوص اسفسار حضرتك :
اولا spread هو الفرق بين سعر الشراء و البيع يعنى لما نقول السبريد فى زوج اليورو دولار 3pip
دة معناه ان الفرق بين سعر الشراء و سعر البيع 3 نقط ودة اساسى و بتاخده الشركه ليها (ممكن نقوله عموله الشركة) مع العلم ان زمان كانت الشركات بتاخد عموله + سبريد بس دلوقت بتاخد سبريد بس و السبريد بيختلف من زوج للتانى فمثلا ممكن تلاقيه اربعه نقط فى الباوند دولار و سبعه بب فى المجنون (الباوند ين) وهكذا وبيختلف السبريد من شركه للتانية يعنى مش ثابت
ثانيا بخصوص ادارة راس المال
ممكن تحملى الملف من الموضوع دة
ادارة راس المال
و بامر الله تفهمى القصة كامله
ولو محتاجه اى تفسير
كلنا فى الخدمه.
فى رعايه الله ،،،



ام فيروز likes this.
mohamed_eltaweil غير متواجد حالياً   رد مع اقتباس
قديم 08 - 04 - 2012, 12:56 AM   #6
عضو جديد
 

افتراضي رد: ساعدونى ...عاوزه افتح حساب تجريبى

شكراااااا جدااااااا السبريد يعنى فرق العمله بين بيعها وشرائها
وشكرا على الملف جارى قراءته

هو انا بس بما انى مبتدئه موش عارفه ايه افضل شركه ممكن اعمل فيها حساب تجريبى او احسن منصه زى ما بيطلق عليها فى عالم الفوركس
وكمان ازاى اعرف السبريد فى كل شركه ؟؟؟؟



ام فيروز غير متواجد حالياً   رد مع اقتباس
قديم 08 - 04 - 2012, 01:18 AM   #7
عضو جديد
 

افتراضي رد: ساعدونى ...عاوزه افتح حساب تجريبى

قريت الملف وفهمته تقريبا هو المقصود بيه الهامش المستخدم اللى كنت قريت عنه فى اسرار الفوركس للمبتدئين

انا بس مبحبش اعتمد على النظرى احب اطبق عملى عشان افهمه اكتر
دلوقتى عاوزه اعمل حساب جديد بمبلغ بسيط
اعمل ايه بالزبط ؟؟؟؟؟؟؟
وااااااااسفه على الازعاااج



ام فيروز غير متواجد حالياً   رد مع اقتباس
قديم 08 - 04 - 2012, 01:41 AM   #8
عضو نشيط جدا
 
الصورة الرمزية mohamed_eltaweil
 

افتراضي رد: ساعدونى ...عاوزه افتح حساب تجريبى

اقتباس:
المشاركة الأصلية كتبت بواسطة ام فيروز مشاهدة المشاركة
شكراااااا جدااااااا السبريد يعنى فرق العمله بين بيعها وشرائها
وشكرا على الملف جارى قراءته

هو انا بس بما انى مبتدئه موش عارفه ايه افضل شركه ممكن اعمل فيها حساب تجريبى او احسن منصه زى ما بيطلق عليها فى عالم الفوركس
وكمان ازاى اعرف السبريد فى كل شركه ؟؟؟؟
لو بنتكلم فى حساب تجريبى فاى شركة تفى بالغرض ولا هناك فرق الا فى بعض الامور
اولا السبريد وزى ما شرحت فى المشاركة السابقة فكلما كان السبريد اقل كل ما كان فى مصلحتنا لاننا بندفع نقط اقل للشركة
ثانيا توقيت افتتاح المنصات : فى منصات بتفتح الساعه11 بتوقيت مصر يوم الاحد مساء وعلى سبيل المثال FXsol وفى منصات بتفتح الساعه 12 منتصف الليل (الاثنين) وعلى سبيل المثال wwm طيب اية الفرق ؟ الفرق ولا حاجة دى مواعيدها كدة ودية مواعيدها كدة
ثالثا : العملات و السلع المسموح التداول عليها : فى منصات بتسمح بالتداول على العملات و الذهب و النفط و المعادن باكملها و المؤشرات القيادية زى الداوجنز و كاك و اسهم شركات امريكية زى جوجل و ياهو و بيبسى و كمان عقود الخيار و المشتقات بانوعها ،،، وفى شركات بتسمح بالتداول على بعض العملات و بعض السلع السابق ذكرها ولكن مبدئيا كل الشركات هتلاقى فيها العملات اللى كلنا بنتداول عليها فمش هتفرق معاكى الشركة
رابعا : الرافعه المالية ودية مهمه جدا وللعلم ان كل الشركات اللى مقرها فى امريكا وبعض الدول لا تقبل برافعه مالية اكبر من 1:50 ولكن خارج امريكا بتلاقى شركات بتوفر رافعه ماليه حتى 1:400 وفى شركات مجنونه ولا انصح بها زى اللى لينكها فوق دية بتوفر رافعه 1:2000
انا شخصيا حسابى الرئيسى الحقيقى فى شركة FXsol uk يعنى (مقرها بريطانيا) وبتسمح ب 1:400
خامسا : سرعه سيرفر الشركة و تنفيذ الصفقات و انا بحب الشركات اللى مفيهاش ديلنج ديسك و لكن مع الاسف الاغلب من الشركات دلوقت فيها ديلنج ديسك حتى الشركة اللى فاتح فيها حسابى الحقيقى
الديلنج ديسك : هو غرفه خاصه بشركه السمسرة تقوم من خلالها بتنفيذ صفقات العملات فهى تعتبر وسيط بين مزود الاسعار (البنوك) و العميل (المضارب)
طبعا هتسالنى طيب وايه المشكله هقولك ان فى بعض الشركات مش تمام بتنفذ الصفقات فى بعض الاوقات مش بتبقى فى مصلحه العميل يعنى لو السوق متجهه هبوطا و نفذتى امر بيع مباشر (ماركت اوردر) ممكن تنفيذ الصفقة يتأخر ثوانى يكون السعر هبط مثلا عشر نقط ولا حاجة عن السعر اللى كنتى عاوزه تدخلى عليه (فى ناس تقولك دى تهنيج سيرفر ولكن للاسف دة شغل ديلنج ديسك و بيعملوا الاوردر بيندنج لحين ثبات الاسعارعند مستوى معين) و لو حبينا نفتح حساب فى شركة مفيهاش ديلنج ديسك هيبقى فى شروط معينه مثلا حد ادنى للحساب 100000 دولار
الشىء التانى و المفروض ان السبريد ما يبقاش ثابت لان المنصة بتبحث عن افضل سعر شرا موجود حالا و افضل سعر بيع موجود حالا فمش معقول ان كل الناس هتبيع و تشترى فى نفس الوقت باسعار الفرق بينها ثابت ديما يعنى تثبيت السبريد شىء مش منطقى ومع ذلك بنقبل بالامر الواقع وخلاص
انصحك بالشركات المعروضة من خلال المنتدى
وانا افضلهم بالترتيب كالتالى
fxsol
wwm
fxdd
fxcm
بخصوص النقطة التانية فى استفسارك
وهو ازاى تعرفى السبريد
بكل بساطه ادخلى منصة الشركة و اطرحى سعر البيع من سعر الشرا على اى زوج وهو دة السبريد
ملحوظة : فى برنامج اسمه ميتاتريدر ودة منصة اساسية لكل الشركات وهو المفضل لاغلب المستثمرين فى سوق الفوركس لان بيسمح بالرسم على الشارات و استخدام اداوت التحليل الفنى و ما الى ذلك ،،،
وطبعا كل شركه لها منصة خاصة بيها من تصمميها وقد يكون لها اكثر من منصة و العميل له حرية الاختيار مع العلم ان المنصات الخاصة بالشركات (المصممة خصيصا) دية قد لا تسمح بالرسم على الشارت
اتمنى اكون افدتك و اسف على الاطاله ولكن لازم اكون امين فى توصيل المعلومه
تحياتى ،،،



ehabco2011 likes this.
mohamed_eltaweil غير متواجد حالياً   رد مع اقتباس
قديم 08 - 04 - 2012, 01:42 AM   #9
عضو نشيط جدا
 
الصورة الرمزية mohamed_eltaweil
 

افتراضي رد: ساعدونى ...عاوزه افتح حساب تجريبى

اقتباس:
المشاركة الأصلية كتبت بواسطة ام فيروز مشاهدة المشاركة
قريت الملف وفهمته تقريبا هو المقصود بيه الهامش المستخدم اللى كنت قريت عنه فى اسرار الفوركس للمبتدئين

انا بس مبحبش اعتمد على النظرى احب اطبق عملى عشان افهمه اكتر
دلوقتى عاوزه اعمل حساب جديد بمبلغ بسيط
اعمل ايه بالزبط ؟؟؟؟؟؟؟
وااااااااسفه على الازعاااج
تقصدى حساب حقيقى ولا تجريبى؟



mohamed_eltaweil غير متواجد حالياً   رد مع اقتباس
قديم 08 - 04 - 2012, 01:47 AM   #10
عضو جديد
 

افتراضي رد: ساعدونى ...عاوزه افتح حساب تجريبى

اولا اشكرك على شرحك الوااافى اللى افادنى افااادك الله وازادك من علمه

وانا اقصد حساب تجريبى اتدرب فيه على الحساب الحقيقى
لانى انوى ان افتح حساب حقيقى بعد ما اتدرب بمبلغ 250 دولار تقريبا مبدئياا
علشان موش اغامر بمبالغ كبيره من اولها كده



ام فيروز غير متواجد حالياً   رد مع اقتباس
إضافة رد

جديد مواضيع منتدى تداول العملات العام


مواضيع سابقة :

هل يوم الاثنين القادم جميع الاسواق عطلة؟
}{ الاسبوع الحالى }{ اما آن الاوان ---- !!!
هل يحدث ذلك دائما مع شركه fxsolution

مواضيع تالية :

نظام التحوط الآمن مبادلة يوميا Safe Hedging System - Daily Swap
الباوند ين هل قرر الهبوط الى 126.60
تحميل كتاب أساسيات و إرشادات و أسرار التداول بالعملات

ساعدونى ...عاوزه افتح حساب تجريبى

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
افتح حساب تجريبي مجانا مع شركة forexyard منتدى برامج التداول و الشارتات و الشركات


روابط الموقع الداخلية


11:39 AM
Powered by vBulletin® Version 3.8.9
Copyright ©2000 - 2017, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة