السلام عليكم ورحمة الله وبركاتة
انا اليوم جبت لكم اشعار أحبها وهي اساسا للشاعر المفضل لدي وهو ابن فطيس المري شاعر رائع ومتألق
وأشعاره جميلة وانا من المعجبين جدا بهذة الاشعار ابيكم تشاركوني وتشوفون اشعاري إلي احبها
مع إني موشاعره بس احب استمع للشعرر كثيرر
ماراح اطول عليكم
هذه مجموعة من قصائد محمد ابن فطيس المري ي ان شاء الله تعجبكم والموضوع متجدد دائما
لكل محبين الشاعر الكبير شاعر المليون محمد بن فطيس المري ، واهديكم اياها...
ابن فطيس جديد 2011 الله يسامح غلاك
غيبتك لو هي دقيقة تعتبر صدة
الوقت عقبك سجن وغيابك سياجه
لاتعتذر لي ترى ما عاد في شدة
أعيد حكيٍ يكود الصدر مخراجه
دامه يوصف بجود إبيك و بجده
وشلون تبخل على المجروح بعلاجه
وشلون قاواك قلبك رده و صده
مع إنه بين عليه الضعف و الحاجة
يا قو قلبك برد يمينك و رده
بخلت بمصافحه و أرهيت باحراجه
لوما سقا غيم عينه جرهدي خده
تراه يبكي و قلبه يلحق اخلاجه
و لوشفته يمازحك تراه من جده
الضحك عن درب ضيق الصدر ما عاجه
غير الوله و الغلا عليك وش حده
يا درب ليله و يا مسراه و سراجه
كنه يعرفك قبل يلقاك من مده
مع إن ما بينك و بينه امواجه
هواك بدوٍ نووا القلب بالشدة
و رياض قلبي لشوف البدو محتاجة
و الوصل بحرٍ متى أنت بتسمح بمده
السيف صبري و بحرك شح بأمواجه
و قصيدي إللي قريته و اللي اعده
قديم لا يزعلك معناه و اخراجه
و فراغ قلبي غلاك أرهى على سده
ليتك تشوف الغلا و أبراجه و عاجه
أقوى رياح العذل ما تقدر تهده
و لا الجفا لو تنفس هدم أبراجه
تغانم الوصل لأن البعد لا بده
ياتيك في يوم ثم ياخذك بأدراجه
إللي لي إنك تلين و تترك الشدة
و إللي لك إني ما أسولف بك لهراجه
لانيب زعلان و إلليني أرتجي مده
يا باب قلبي و ياقفله و مزلاجه
زعلك تغلي و من تزعله من قده
مدام كلن يبي دربك و منهاجه
غالي و تبخل علي و تطول الصدة
الله يسامح غلاك و يلعن الحاجة
انشاء الله تعجبكم ولا تنسون التقيم
التعديل الأخير تم بواسطة خادم القرآن ; 18 - 04 - 2012 الساعة 02:13 AM 
ابن فطيس جديد 2011 الله يسامح غلاك
