بسم الله الرحمن الرحيم
السلام عليكم اخباركم اليوم انا جبت لكم روايه فريده من نوعه بصراحه ترا اول روايه اكتبه وابي رايكم اذا حلوه ولا لا اوكي ترا عادي احب الصراحه انا اذا فيها شي غلط خبروني اوكي
عنوان الروايه : احبك حتى لو ما تحبني
اعرفكم بي الشخصيات :
عايلة ابو مشعل :
مشعل : عمره 27 حلو طويل ابيض له غمازه اذا ضحك طيب
ندى : عمرها 25 تهبل وطيبه وبيضه وطويله تشتغل بس ما تحب حد يجيب لها طاري الزواج ما تبي تتزوج الحين
*عبد العزيز : عمره 23 وسيم مغرور بشرته حنطيه متوسط الطول ما يعطي احد وجه*
ريناد : عمرها 21 حبوبه طيبه بيضه تدرس بالجامعه معاها بنات عمتها ويحبونه حيل*
روان : عمرها 17 اخر سنه بالثانويه مغروره نفس اخوها وعوبا حلوه حنطاويه وملسونه*
فهد : عمره 16 مزيون ابيض طويل فيه شويت غرور يدرس بالثانويه*
عايلة ابو فيصل :
فيصل : عمره 27رفيج مشعل حيل حلو ابيض طويل شوي عصبي
خالد : عمره 25 يدرس بره بقي له اخر سنه ويجي مزيون شايف نفسه بالمره ابيض متوسط الطول*
غدير : عمرها 22 بنفس جامعت ريناد اخر سنه لهاعصبيه بس حبوبه وحلوه
ريم : عمرها 20 مزيونه بالمره تخقق الواحد بالجامعه طيبه وعلى نياتها بيضه طويله ومتحب احد ينرفزها *
مي : عمرها 17 رفيجة روان حيل ومغروده وعوبا محد يقدر عليها وحلوه وبيضه*
*فروحه*: عمرها 15 تهبل وسوالفه حلوه بيضه خدوده حمر وعسل
عايلة ابو عبدالله :
عبدالله : عمره 25 يدرس بره معا خالد يهبل *مغرور نفس خويه هو وخالد قلوبهم مع بعض
عبير : عمرها 23 حلوه حنطيه خلصة دراسه وتنطر الوظيفه
طلال : عمره 21 يدرس بالجامعه حلو حنطي متوسط الطول يحب يتحرش وينرفز الواحد*
بدور : عمرها 19*حلوه بيضه طويله اول سنه بالجامعه عوبا وحبوبه*
البندري : عمرها 16 مغروره حلوه حنطيه تدرس بالثانويه*
عايلة ابو راشد :
راشد : عمره 26 يهبل طويل حنطي يحب خواته حيل ما يرضه عليم بالغلط*
راكان : عمره 23 خلص من الجامعه ينتضر الوظيفه مزيون يخقق الواحد وطويل البال وعصبي شوي ويعرف ينرفز الواحد*
تركي : عمره 21 يدرس مع طلال بالجامعه ابيض طويل حلو طيب*
مريم : عمرها 19 حلوه طيبه حساسه بالمره بيضه طويله اول سنه بالجامعه
نوره : عمرها 17 حلوه مره بس هاديه بيضه متوسطة الطول تدرس بالثانويه مع بنات عمها
عايلة ابو عبد الرحمن :
عبدالرحمن : عمره 25مزيون ابيض طويل حبوب وطيب*
حمد : عمره 23 يهبل حنطي متوسط الطول ينطر الوظيفه*
شهد : عمرها 21 طيبه حبوبه بيضه حلوه تدرس بالجامعه
نوف : عمرها 19 عربجيه بالمره تهبل طيبه اول سنه بالجامعه حنطيه متوسطة الطول
وليد : عمره 17 ابيض طويل مغرور ويحب يتهاوش بالثانويه
انتهيت من التعريف بس مو يعني مافي شخصيات جديده بله في واجد وراح نتعرف عليهم بالقصه يله اخليكم معا القصه يويل الي ما يندمج هاهاها حبتين
الجزء الاول :
في بيت ابو مشعل :
الساعه 6 ونص صباحا*
روان : فـــــــــــــهد والله ترا اروح وخليك
فهد : وجع في حد يصارخ من الصباح تو الناس اول يوم دوام يعني مايحاسبون
روان : والله اذا تبي تتاخر كيفك ابي اروح امبجر عشان يمديني اسولف معا رفيجاتي
فهد : اسمله عليج بس اول يوم بعدين تسحبين على المدرسه هههه يعنني شاطره
روان : جب واحسن لي اروح مع السلامه
فهد : هذي عادي تسويها خل اروح ولحق عليها قبل لتروح
مشعل توه نازل : ياالله الواحد ميقدر ينام في هذا البيت ازعاج مو طبيعي خل افطر قبل لا روح الدوام*
ندى و عبدالعزيز نايمين ولا درو عن الدنيا
في المدرسه :*
وصلة روان وباقي بنات عمتها ورفيجاتها متفقين على مكان يتجمعون فيه الي هو تحت الدرج*
روان : هاي بنات*
البنات : هايات ويسلمون على بعض
*روان : وين مي ليكون غايبه وما قالتلي*ضربت روان على راسه وقالت : انتي علطول تفكيرج على الغياب*
روان : اي منو الي ضربني مـــــي اشوه على بالي غايبه كان ذبحتج
مي : ههههههه طالعوا اول سوال اشوه على بالي غايبه قومي سلمي بل اول بعدين خافي على تفكيرج الذكي هههه
روان والبنات سلمو على مي وقعدو يسولفون
رن الجرس وكل واحد راح على صفه روان ومي و اميره بصف واحد ونوره وساره ومنار بصف واحد و هيا ورغد وشيخه بصف واحد كلهم رفيجات مع بعض واتفقو انهم يتجمعون بالفرصه بنفس المكان ......
في بيت ابو فيصل :*
رن الجوال ورن ورن وتصحي على صوت الجوال اف منو الي داق من صباح الله وترد بصوت كله نوم : الوووووو
.......: بسج نوم انتي ماتشبعين يله قومي*
غدير : انتي شتبين كيفي ابي انام بعدين تو الناس رجان عبير خليني انام معندي احدملل
عبير : شنو تو الناس الساعه 10 يله قومي انا على الطريق ابي اجي عندكم ضبطي القعده اوكي
غدير : احلفيييييي خلاص الحين راح اقوم بس اخذ لي دش وعلى طول انزل يله مع السلامه*
عبير : هههههه يله مع السلامه*
وبسرعه تدخل غدير الحمام وتسبح واول ما خلصت لبست وعدلت شكله ونزلت وقالت حق الخدامه تسوي ريوق حقها هيا وعبير .......
نرجع للمدرسه :*
بالفرصه الاوله اتفقو البنات على انهم ينحاشون من الصف ويتلقون بالحمام بعد الفرصه هههههه امجنن المهم رن الجرس وتجمعو بالحمام روان ومي واميره ونوره وساره بس والباقي ما جو خافو ينصادون...
نوره : بنات انا خايفه ابي ارجع الصف*
مي : اقول تبين ترجعين ارجعي بروحج محد يبي يرجع معاج
روان : يله بنات خل نتفرق ونتلقا فوق اوكييي بالحمام الي فوق لحد ينسا
وطلعو البنات وحد وحده وتقابلو فوق .....
في بيت ابو مشعل :
ندى : اففففف متى يجي باجر عشان يبدا الدوام والله ملل خل اروح اقوم ريناد عشان تفطر معاي وراحت عند ريناد وقعدت تقوم فيها لما ردت عليها*
ريناد : ماني خلق اقوم خليني بحالي
ندى : ماعندي احد يله قوم*
ريناد : خلاص 5دقايق واقوم*
ندى : على منو تقصين عليه ها يله قومي*
ريناد : خلاص هذا انا قمت يله جهزي الفطور
ندى : اوكي لا تتاخرين*
ريناد :اوكيييي بس روحي
نرجع عند بيت ابو فيصل :*
غدير : ريووووووم يله قومي عبير وبدور راح يجون الحين ويفطرون معانا
ريوم : امانه ونااااااسه هيا يله بروح الحمام والبس وانزل الحين غدييييير
غدير : هممم
ريوم : ليش ما ندق على مريم وندى وريناد عشان يجود ونستانس مره*
غدير : والله فكره حلوه *ليش ما طرت على بالي والله انج ام الافكار*
ريوم : ههههه من زمان توج تدرين خلصي بس دقي شوفي يجون
غدير : اوكي انا بروح اتصل ونتي قومي
نزلت غدير واتصلت على البنات وقالو خلاص يبون يجون وغدير استانست وضبطت القعده وخلت الخدامه تضبط الغدا*
رن جرس الباب وغدير راحت تركض وتفتح الباب وانصدمت
نرجع حق الداجات :*
قعدين يسولفون ويضحكون وين بالحمام هههه المهم كان تققول روان للبنات : بنات خل نروح السطح والله وناسه
مي على طول : يله هيا هيا عاد الجو رهيب اليوم
نوره : انا ماني رايحه بعدين تصيدني المعلمه وتعطيني فصل انتو روحو انا ماني رايحه
منار : انا بعد بقعد هنا وانتو روحو بس ان انصدتو مالنا شغل*
اميره : انا ابي اروح بصراحه الجو يجنن*
روان : خلاص انتو اقعدو وحنا نبي نروح*
نوره : بنات امانه لا تروحون والله قلبي مو مطاوعني على اني اخليكم تروحون تكفون
مي : لا معليج شوي ونجي بسرعه صدقيتي
*
*نرجع في بيت ابو فيصل :*
ادري تبون تعرفون شنو الي صدم غدير وخلها تتروع هههههههه
غدير : بسمله انتو شلنون جيتو كلكوم بسرعه اكيد جنانوه توني متصله عليكم شلون تجون بسرعه ها اعترفو*
البنات : هههههه كنه مسوين لج مفاجا*
عبير : انا دقيت على البنات و مريتهم واعاد وحنا بالطريق اله وانتي تدقين على البنات
غدير : حياكم الله ادخلو البيت بيتكم
بدور : اكيد البيت بيتنا هههههه
مريم : اقول خل ندخل وله ما تحلى السوالف اله عند الباب ها ردو
البنات قعدو يضحكون بعدين ادخلو وافطرو وسوالف وضحك ......
نروح عند باريس :*
خالد : اقول عبدالله ماشتقت للسعوديه*
عبدالله : بلى ابي اروح اشم هوى السعوديه
خالد : اقول هذا الشهر عطله بنزل للسعدوديه بصراحه اشتقت لهلي 6 سنوات ماشفتهم
عبدالله : والله حتى انا اشتقت لهم شراك نسوي لهم مفاجاه لهم*
خالد : خلاص ما نعلم احد يله العطله بعد شهرين ونص*
نرجع عند المهبل :
روان : يله بنات ما في احد*
راحو البنات يركضون وصعدو السطح
مي : الله الجو جميل واي يليت جبت الكامره حسافه روان جبتي الكامره
روان : ههههه اكيد مستحيل افوت اول يوم من دون تصوير*
اميره : انتبهي لا ياخذونه منج بس بصراحه الجو ولا احلى منه فضيع مره
روان : اميره تصورين معانا انا ومي نبي ناخذ لنا صوره*
اميره : لا حبيبتي بس جيبي انا اصوركم
مي : اوكي يله صوري*
قعدو البنات يصورون المباني والجو الفضيع
روان : يله بنات خلنا ننحاش بسرعه قبل لا يرن الجرس او يشونه احد*
راحو البنات ينزلون شوي شوي اله كان يشوفون الطريق وا ما نتبهو للي جاي عندهم
......: بنات منوين جاين
تروعو البنات ولفو على الصوت وانصدمو.
نروح عند الشركه :
..... : مشعل لحضه انطرني*
لف مشعل وابتسم : هلا والله يا مرحبا بك يافيصل ليش متاخر*
فيصل : بصراحه راحت علي نومه انت شلونك مع الدوام و عمي موجود*
مشعل : والله الحمدلله والوالد موجود بالمكتب توني طالع من عنده وكان عنده ابوك سلمت وطلعت وكانوا يسالون عنك
فيصل : اوكي بروح اسلم عليهم وارجع لك
مشعل : افطرت او اروح اطلب لك من الكافتيريا*
فيصل : لا روح اطلبلي والله جوعان*
مشعل : خلاص انا انتظرك اوكي
فيصل : اوكي
راح فيصل المكتيب ومشعل راح يطلب
دخل فيصل : السلام عليكم
ابو مشعل وابو فيصل : وعليكم السلام*
ابو فيصل : وينك فيه*
فيصل : والله راحت علي نومه*
ابو مشعل : شلونك يا ابو محمد
فيصل : والله تمام*
ابو مشعل : فيصل ترا في ملفات اوصلت اليوم وخليت السكرتير يحطه لك على المكتب*
فيصل : مشكور يا عمي يله انا بروح تبون شي عمي يبا
ابو مشعل وابو فيصل : لا مشكور روح بس
فيصل : يله عن اذنكم
ابو مشعل وابو فيصل : اذنك معاك
نرجع عند بيت ابو فيصل :
بدور : بنات شرايكم نروح الملاهي*
مريم : لا منقدر اليوم باجر تبدا الدوامات
عبير : خلاص نتفق على يوم ونروح
غدير : لا تنسون ان كل خميس نتجمع في بيت جدي*
ريوم : عادي نروح يوم الجمعه*
غدير : يا ذكيه يوم الجمعه عوائل*
ندى : عادي نكلم الشباب يودونا
شهد : لالا مانبي شباب بعدين ما اقدر العب
ريناد : عدل منو الي راح يخلينا نروح بروحنا لزم رجال معانا
بدور : حنا شكو بالشباب اهم شي نستانس
غدير : والله انج صاجه شوفو اول ما نوصل ننحاش عشان مايعلقون علينا خاصتن تركي وطلال*
ريناد : لا هذول يهونو عادل شنو تقولين عن فهد و وليد على طول يتهاوشون
نوف : الله يعينا بس نفس ماقالت غدير ننحش
ريوم : اوكي بس الله يعينا على روان ومي*
ندى : خلينا منهم شنو راح تلبسون*
عبير : نلبس اسكيني والجوتي فلات وبلوزه فوقه جاكيت لنص نفس مال سمر بالعشق الممنوع هههههه
بدور : اوكي يعني نطقم بالبس اوكي لا تنسون النظرات الشمسيه
مريم : انتو على كيفكم تخططون يمكن محد يودينا شراح نسوي*
نوف : خلوها على روان ومي نفر عقولهم ونخليم يكلمونهم يوم الخميس شرايكم
*البنات : خلاص اوكي لا حد ينسا الخطه
نرجع عند المهبل :*
روان تهمس حق مي واميره : جات ام اربع اعيون قطع الله يعينا
...... : شنو تسون فوق يله معي على المديره
مي : لا ابله نرجس احنا ماصعدنا فوق
روان ردت على طول : ابله نرجس احنا سمعنا صوت وطلينه على الدرج بس ما رحنا فوق ابله صدقينا
ابله نرجس : لا قدامي يا روان انتي ومي واميره ماراح تمشي علي كذبتكم
اميره : ابله صدقينا*
روان : خلاص بنات خلنا نروح ونقول حق المديره ان سمعنا صوت فوق وهي راح تصدقنا ويمكن يطلع في حد فوق بعدين حنا نتكافا وابله نرجس راح ينخصم من معاشها
ابله نرجس : لا بنات انتو روحو الصف وانا بنادي الفراشات يشوفون في حد فوق
مي : اوكي ابله انتبهي*
روان ومي واميره راحو وهم يضحكون ويقولون مسكينه اكيد اي مصريه راح تخاف على معاشها هههههه وراحو عند نوره ومنار وقالو لهم شنو صار وقعدو يضحكون ورن الجرس وراحو الصفوف ودرسوا وخلص اليوم الدراسي ودعو بعض البنات وراحو ...
نرجع حق الشركه :
دخل فيصل مكتب مشعل وقال : اقول مشعل خلصت شغلك
مشعل : شوي واخلص ليش تبغا شي
فيصل :لا بس نبي نروح نتغدا الشباب عازمينا على مطعم
مشعل : خلاص دقايق وخلص*
فيصل : انا بروح السياره اوكي
مشعل : اوكي انا الحين انزل لك
وراح فيصل ولحقه مشعل بشوي وركبو سياراتهم وراحو حق المطعم واول مانزلو راحو داخل اله يستقبلهم راشد*
راشد : يا هلا ومرحبا*
مشعل وفيصل : هلا فيك*
راشد : تفضلوا داخل الكبينه*
مشعل : اقول منو موجود*
فيصل : عبدالرحمن موجود*
راشد : كل الشباب موجودين*
ودخلو وسلمو على الشباب وقعدو يسولفون
عبدالرحمن : اقول يا الربع مساعد والشباب يبون يقنصون وعزمونا تبون تروحون
مشعل : والله الحين انا ما اقدر علي شغل واجد مره ثانيه
فيصل : والله انا بعد ما اقدر
عبدالرحمن : على راحتكم انا بروح*
عبدالعزيز : انا بعد ماني مفوت علي الروحه
راشد : متى راح يمشون*
عبدالرحمن : انشاء الله السبت
راشد : اشوف نفسي اذا فاضي اروح معكم*نايف : وانا بعد اذا فاضي اجيكم
مشعل : عبدالعزيز لا تنسى ان يوم الخميس نتجمع عند بيت جدي يعني فضي نفسك
عبدالعزيز : لا مو صج عاد متواعد معا الربع
فيصل : اقول ما في من ولا مناك كلكم في البيت عند جدي يبيكم*
عبدالرحمن : لا اكيد كلنا هناك عشان جدي*
راشد : راح ننام هناك او نسري
مشعل : حسب ما سمعت ان الكل راح ينام*
راشد : الله عاد فله الشباب كلهم موجودين
فيصل : بصراحه وناسه بس ناقصين خالد وعبدالله الله يردهم بالسلامه
الشباب : امييييييين
وقعدو على السولف وتغدو واستانسو وراحو كلن على بيتا ....
في بيت ابو فيصل :
عبير : بدور يله نبي نروح*
غدير : تو الناس اقعدو بعد
عبير : لاخلاص تاخرنا والله ما قصرتي غدا وتغدينا بعد شنو تبينا نسوي شرايج ننام عندج بعد ها*
غدير : هههه يريت جان تلقيني طايره من الفرحه اح يليت صج
بدور : اقول احلمي بنات تبون نوصلكم
مريم : يليت ما عندي احد يوصلني
البنات : كلنا نبي نروح وياج
ريوم : اوففففف ملل اقعدر شوي بلييييييز
عبير : سوووووري ابي اروح اجهز اغراضي لدوام وانتم بعد جهزو حالكم باجر تتلقون بالجامعه على الاقل تتلقون مو انا بروحي اقعد معندي حد ولا اعرف احد جديده
مريم : يله بنات*
مع السلامه وهم طالعين اله مي نازله من السياره وهم صعدو السياره دخلت مي البيت
مي : ياسلام اول ما دومنا علطول تجمعتو والله انكم نذاله
ريوم : اقول الناس بالول تسلم بعدين تحاسب وبعدين انتي شكو كيفنا نتجمع انتي ملج دخل فاهما
مي : خلاص يمه اكلتني انا ما قلت شي
غدير : ههههه والله يا مي محد يقدر يسكتج غير ريوم ههههه
مي : اقول انتي سكتي اوكي*
ريوم : ههههه ردي عليه لا تخلينها تجعمج
اله الباب ينفتح فيصل : السلام عليكم
البنات : وعليكم السلام*
مي تركض : فصول حبيبي قاعدين يزفوني
فيصل : ليش تزفون ميوشي
ريوم : اقول هيا الي بدات والله
مي بدلع مصطنع : كذابه انا ما بديت عليها وتطالع ريوم وتطلع لها السانها
ريوم : فيصل شوف شقاعده تسوي لي من وراك
فيصل : بس خلاص عن الازعاج امي وينها
غدير : لحد الحين عند جارتنا ام سلطان الي توفه ولدها سلطان بحادث
فيصل : الله يرحمه لزم اروح اعزيهم وشوف بدر اليوم ليش ما داوم اثاري السالفه جذي
*
**
نروح عند وليد وفهد :
وليد : اقول فهد شرايك نعزم الربع ونروح المجمع ونتمشا فيه ونتعشا منها ومنها نتغزل
فهد : والله ماعندي مانع نروح نغير جو مع الشباب ونستانس
وليد : خلاص يله نمر الشباب
فهد : اوكي
تجمعو الشباب وراحو المجمع وقعدوبالكافتريا*
فهد : وليد شوف هذي الله عيونها تخقق
وليد : ما عندك ذوق شوف هذيك بصراحه جسمها رهيب
فهد : يعني انت الي عندك ذوق
وليد : سعد سعود وين راح
سعد : هذاك هو يرقم البنت
فهد : والله انه نذل راح ولا قال لنا*
سعود : اسف تاخر شوي*
وليد : والله انك نذل ليش تروح وما تقول لنا
سعود : روح جنا في احد ماسكك*
فهد : الله شوف هذيك تهبل بروح لها*
وليد : انثبر ما بقى شي ويجي الاكل*
سعد : لما تاكل روح على كيفك*
فهد : اوكي
جا الاكل واكلو وهم طالعين راحو عند التاكسي كان يفتح وليد البوك كان ينصدم *
وليد : فهد كم بقى معاك
فهد : ليش
وليد : ما عندي فلوس لتاكسي *
فهد : معاي خمسه ريال بس
وليد : انا بعد معي خمسه ريال سعود سعد كم معاكم*
سعد : انا معي 10 ريال*
سعود : انا معي 10 ريال بس
وليد : اشوه لقينه افلوس عشان التاكسي
فهد : ثاني مره لزم نحسب احساب التاكسي*
راحو الشباب كلهم بيوتهم*
( وعدا هذا اليوم بخير وجا اليوم الي بعده )
في بيت ابو فصل :
غدير : ريوم بسرعه ترا بروح تاخرت على الجامعه*
ريوم : خلاص جايا
ام فيصل : يله موفقين ان شاء الله ان تبهو على انفسكم*
ريوم وغدير : ان شاء الله مع السلامه
في بيت ابو مشعل :
ريناد : مشعل بليييييز بسرعه*
مشعل : ليش ما تروحين بالسواق
ريناد : لا تنسى ان روان راحت وخلتني
مشعل : احسن منو قال لج تاخري
ام مشعل : بس جننتي اخوج من الصباح
ريناد : مام تاخرت*
مشعل : خلاص يله بسرع لاتموتين ههههه
ريناد : اوكي مام مع السلامه*
ام مشعل : يله مع السامه
في بيت ابو عبدالله :
عبير تركض من الدرج : انا بروح معلي منج
طلال : ههههه شوي شوي لا تطيحين
عبير : احترم نفسك ترا مالي مزاج
بدور : طلول لا تكلمها بعدين تذبحك كااااااك
عبير : انا ماني راده عليج واذا تبي تلحقين الحقيني ليني بروح مع السلامه
بدور : طلول تبي شي*
طلال : لا سلامتج
بدور: اجل يله مع السلامه*
عاد جات ام عبدالله وقالت : الله يعيني عليهم*
طلال : ماعليج منهم وتعالي افطري معاي
ام عبدالله : لا بس مابي الحين قوم ترا تاخرت ما بقى شي ويرن الجرس
طلال : لهدراجه تبين الفكه مني*
ام عبدالله : لا شدعوه انت الغالي
طلال : على بالي خلاص انا بمشي يله مع السلامه توصين على شي يمه
ام عبدالله : لا سلامتك*
في البنك :*
عبير : السلام عليكم
.....: وعليكم السلام
عبير : وين غرفة الاجتماع
.....: على طول كملي سيده واول باب ادخليه
عبير : مشكور اخوي
.....: العفو
راحت عبير ودخلت الاجتماع واول ما خلص الاجتماع ودو كل وحده مكتبها معا عبير بنتين جدد وبنفس القسم*
عبير : مرحبا
......: هلا
عبير : اعرفج على نفسي انا عبير وانتي
.......: انا اسمي سميه
.......: وانا اسمي شيخه
عبير : تشرفنا
سميه وشيخه : هلا بيج
*
وعد اليوم على خير
رايكم بالروايه وابي ردود لا تستحون عادي قول لي اذا حلوه ولا لا اكمل او لا ههههههههههه اهم شي عندي الصراحه وتقيمكم
احبك حتى لو ما تحبني للكاتبه كلي احساس ورهف
المواضيع المتشابهه 
