توصياتي ونظراتي ورؤيايا

انا حاتكلم عن وجهة نظرى الشخصية وتحتمل الصواب والخطأ
هو فعلا عنده صعود على فريم الديلى و4 ساعات لكن عند مقاومة عنيفة عن 129.83 ممكن يحدث ارتداد من عندها.
لو اجتازها حيروح ل 130.32 ويرجع يرتد منها.

ما يؤيد ذلك انه حاليا كسر الترند الهابط على فريم الساعة لو استمر هذا الكسر حتى نهاية الشمعة وافتتاح شمعة جديدة فوق الترند ان شاء الله يواصل الصعود
والله اعلم

ربنا يستر يا هشام
اصل انا كنت عاملة اوامر بيع معلقة ونسيت اقفلها قبل ما انام
قمت الصبح لقيت الاوامر متنفذة 3 اوامر بيع بيبداؤ من 162.40 و126.65 و127
ولاول مرة اسيب اوامر معلقة وانام لانى دايما بقفلها الاول
فى كل الحالات ربنا يستر

وعاوزين كلنا نتذكر ان الساعة 3 بتوقيت مصر 4 بتوقيت مكة ان فى خبر على اليورو
ربنا يجيب خير ان شاء الله

ان شاء الله خير واحنا معاكى
اولا لو العقود بكمية مش كبيرة ادخلى شراء بلوت يعادل كل العقود مرة واحدة يعنى لو اجمالى العقود مثلا .4 لوت ادخلى بعقد واحد شراء الان .4
وبعد كدة الامور تهدأ وتتضح ونبدا نفك الهيدج واحدة واحدة على مهلنا المهم نوقف نزيف الخسارة.

بامر الله خير يا هشام
واضح ان الخبر ماكانش مؤثر
ياريت يا هشام انتا وكل القائمين على التحليل تئتونا بكل جديد
شكرا لك وشكرا لكم جميعا

ياريت المحللين الكبار اللى موجودين يوافونا بالخبر اليقين اليور ين يحكمل صعود ولا حينزل تانى انهارده

محدش بيقدر مهما كانت خبرته يرمي كلمة بصعود او هبوط الموضوع بيحكمه ترند عام بيتكون علي مدار كذا يوم و بيحكمه اخبار و تحكمات دول و بنوك كبيرة اهم شيء هو الدخول في الصفقات بلوتات دايما صغيرة مهما كان الحافز للدخول و الاغراءات

صحيح كلامك بس التحليل الفنى يا عماد المتمكنين منه بيقدرو يعرفو مسار الشمعة اللى جاية ايه
يعنى مثلا دلوقتى شمعة الساعة السابقة عملت شكل دوجى انا مش عارفة ان كانت اسمها الرجل الشنوق ولا ايه بس الشمعة بتحدد مسار الشمعة اللى بعدها اللى بيعرف تحليل بيعرف بقى الشمعة اللى بعدها بيضاء او خضراء

دوجي صريحة بس اليورو ين من الازواج اللي حركتها سريعة جدا يعني امبارح اتحرك 100 نقطة نزول في خمس دقايق و طلعهم تاني من غير اي مشكلة يعني لو خبير دولي و فاتح صفقة بستوب 100 نقطة ممكن يتخبط فيها بسهولة

[QUOTE=emad_1398;1309497]دوجي صريحة بس اليورو ين من الازواج اللي حركتها سريعة جدا يعني امبارح اتحرك 100 نقطة نزول في خمس دقايق و طلعهم تاني من غير اي مشكلة يعني لو خبير دولي و فاتح صفقة بستوب 100 نقطة ممكن يتخبط فيها بسهولة[/QUOT

كلامك حقيقى جدا انا عن نفسى خسرت خسارة كبيرة جدا الاسبوع اللى فات فى حركة من حركات اليورو ين اللى انت بتقول عليها دى