رد: الايداع فى أف اكس سول
اقتباس:
المشاركة الأصلية كتبت بواسطة محمد عبد المحسن
بس لو عندي حساب جاري في سيتي بنك او باركليز او الأهلي سوسيته جنرال ممكن أعمل حوالة بنكية ل شركة fxsol ولا ايه النظام ياريت تفيدوني علشان ناوي افتح حساب جاري في بنك منهم إن شاء الله
وده لأني اعمال حرة ومقدرش اقدم ضمانات للفيزا كارد اللي حضراتكم بتتكلموا عليها.
شوف يا اخى طالما عند حضرتك حساب بنكي حضرتك هتروح لقسم الاستقبال فى البنك اللى انتا تابع ليه وتطلب منه عمل حواله بنكيه من حسابك بالمبلغ اللى انتا عايز تبعته الى حساب الشركه باذن الله مصاريف التحويل حوالى 30 دولار ده اللى انا اتحاسبت عليه وبتتخصم من المبلغ اللى انتا بتقرر تبعته بمعنى لو حضرتك هتبعت 1000 يبقى هيوصلوا باذن الله 970 دولار ده النظام المعمله في البنك الاهلي وتقدر طبعا تسأل على مصاريف التحويل فى البنك اللى حضرتك تابع ليه طيب بناءا على برضه الكلام اللى اتقال هنا ان اللى عنده كريديت كارد يقدر حتى يوفر موضوع ال 30 دولار ده وما يغرمش حاجه فلو ممكن انك تعمل كريديت بضمان الحساب نفسه يبقى حضرتك كده تقدر تبعت الفلوس بعد كده بشكل اسرع وكمان بدون عمولات كبيره اوي كده او على حسب ما قيل بدون عمولات نهائى
بس كمان لازم تعرف نظام الدفع بالكريديت بضمان حساب بنكي بيبقى اذاى يعنى لازم تعرف انتا تقدر تدفع مبلغ مساوي لكل رصيدك فى الحساب ولا نسبه بس من رصيدك ولا فيه حد اقصى للدفع فى الكريديت عشان تتجنب اي مشاكل فى الدفع وتبقى فى التمام يارب اكون اقدرت اوضحلك الصوره شويه ولو انتا لسه اصلا معندكش حساب بنكي قبل ما تعمل حساب اسأل عن امكانيه عمل حواله بنكيه خارج مصر بناءا على وجود حساب ليك بالبنك عشان تبقى كل اوراقك مظبوطه
والله نسال التوفيق والسداد
التوقيع
For ppl whom crying " Forex is a game, you should lose some to gain some "