روايات سعوديه جريئه جدا

،'،' ريمـــــــاس ،'،'

[صاحبة♥الاحساس♥المرهف]
بيضاء جذابــه طولها وسط و جسمها متناسق انيقه تهــتم بمظهرها بشكل ملفت أغلى على ابوها من نظره.. لفت دول أوربيه گـثيره وزارت دول عربيه -تونس الجزائر لبنان الأردن سوريا- عندها حلم تزور دولــه عربيه تعشقها لحد الجنون وابوها وعدها إذا فضى يصيفون فيها)





=====
ها١١١١١١١١١ي (انا هنــا)
========
..... انا ريماس بنت ناصر دلوعة البابا لأني ببساطه وحيدته..كان عندي اخو اگـبر مني اسمه فهد بس مات غرقان في المسبح وهو ابو سنتين،، ابوي وحيــد-امه وابوه- توفوا من صغره ورباه عمه=>(متزوج وماعنده عيال) وتوفى عمه وهو في الخارج يدرس ولما انتهت دراسته تزوج امي وجيت انا بعد وفاه فهد وبمرور سنتين توفت امي بالخبيث الله يگـافينــا شره و المسلمين.... عشت مع ابوي 4سنوات قبل مايستقر في السويد ثم سافر وتركني عند خالي حاتم وخالاتي وامي (جدتها ام امها تقول لها يمه) يجي لرياض من فتره لفتره يتطمــن علي و يجلس معي اسبوع لان ظروف عمله ماتسمح له يطول ويزورنا في الأعيــاد ويحرص يقضي العشــر الأواخر من رمضان گـل سنه في الحرم ويتعيــد في الرياض ثم يسافر من جديد
...ويوم صار عمري 10سنوات سافرت معه...
الوالد تشارگـ مع واحد من أصحابه اسمه احمد قطري لكن عايش بالسويد هو وزوجته (تعرف عليه بأمريكا يوم كانوا يدرسون ) وبدت شركتهم من هناك ودرست فيها سنــه وبعدها فتحوا أول فرع لشركه في النمسا و سافر ابوي عشان يديره و درست في النمسا (4 سنوات) بس الحمد لله ماگـانت مدرستي مختلطه ثم سافرنا بعدها لألمانيا درست (سنتيــن) ... ثم سافرنا لروما عشان ابوي يدرب احد موظفيــنه على أساسيات الاداره عشان يمسگ اداره فرع روما لأنا گـنا بنسافر لبريطانــيا السنه اللي بعدها عشان ادرس المرحله الجامعيه
....واخيرا استقرينا في بريطانيا وبتحديد لندن من3 سنوات وشوي .....
جالسه حاليا في غرفتي اگـتب لگـم تقرير مفصل عن حياتي....
...عمــري 21 سنه و هذي السنه الأخيره لي بجامعة اگـسفورد الحمد لله ادرس تسويق وتجــاره عشان أساعد الوالد ان شاءا لله في عمله ...(فروع الشركه في أوربا فقط بس من سنه فتح احمد شريك ابوي فرع في الأردن گـأول فرع في الوطن العربــي).....و الدور على شرگـة الوالد تفتح فرعها الجديد فتعاقد الوالد مع شرگـه العائله في السعوديه عشان تبني لهم الفرع الأول على مستوى الخليــج في الرياض بحگـم انه مجال عملهم وان شركة العائله شغلها مضمون و لايعلا عليه وباشروا في التنفيذ من 9 شهور وباقي 4 شهور على التسليم لان من شروط العقد بعد سنه يسلم المشروع .. وابوي يفگـر مع بداية نشاط الفرع يديره هو ونرجع لأمنا أم الخير ارض الحرمين الشريفين السعوديـه
.. الوالد يواجه مشاگـل من فتره في الفرع اللي بروما العاصمه الأيطاليه ويديره عن طريق الشبگـه العنگـبوتيه لأنه تابع لأداره ابوي وأحيانا يضطر يسافر له من وقت لوقت مع ان فيه تعب عليه بس ماحب يقطع جامعتي خصوصا انها اخر سنه لي و صعب اترك زملائي و صديقاتي و ربعي فقرر يديره بهالطريقه لحد ماأنتهي
الله يطولي بعمره.......
.. أما عن أهلي في السعوديـه فنزورهم بداية گـل اجازه يجلس ابوي أسبوع ثم يسافر لــجده مع سلمى (زوجته تونسيه حبوبه مره وقريبه لي عمرها 28 سنه تزوجها الوالد من5 سنوات بس ماجابت عيال)ياخذون عمره ثم يسافرون ويترگـوني عند خالي وامي شهر نسافر فيه لجــده



والطائــف أو الجنوب واهم شي نأخذ عمره أحس براحه وطمأنينه في بيت الله




أحب أصلي هناك وأعيش أجوا روحــانيه فيه...وأحيانا نسافر لشرقــيه هذا غير انا نخيم في الثمــامه كل ماجيهم ولازم جوله في الرياض على شرفي (بس من جد الرياض تستاهل من يلفها تغيرت مره وتطورت تطور ملحوظ كل سنه أجي هنا أشوف مشاريع جديده و منتزهات ومراكز توها مفتوحه




لدرجه اني أتمنى استقر هنا بصراحه مليت من برا ناس ماعرفهم ولا أثق فيهم بس قال وش حدك على المر قال اللي أمر منه)
صعبه اترك الوالد...... وبصراحه افتقد هالأشيا برا مع اني دايم أسافر بس سفرنا رسمي وحدي أروح السوق مو إن الوالد مقصر لكنه يصير مرتبط وانا خوافه مستحيل اطلع من دونه ...
اذكر مره جينا في السنه اللي افتتح فيها الملك عبد الله برج المملكه وكنت في السوق مع خالي وسمر ونواف وهند مرت خالي وشفنا الملك عبد الله.. الله يطول بعمره و صورته لبشاير لأنها مهيب مصدقه ويوم شافت الصور قالت عليك حظ ماتجين الا في السنه حسنه و شفتيه وانا هنا مابعد شفته.. ويوم أتذكر ردها اضحك على براءة هالبنت ياحبي لها












....وبعد ماينتهي الشهر يوصلني خالي للمطار









ويستقبلني ابوي وهم يجونا في الدوله اللي نكون إحنا مــستقرين فيها يصيفون لكن من 3سنوات صاروا يسافــرون للندن (لدرجه أحفظوا كل شبر فيها )مــو عشاني لا.... لوجود مازن ولــد خالتي يدرس لان ماعنده اجازه تذكر على قوله حامد زيد (كل مايوصل برحله يرجع برحــله جديده)... والحمد لله اني ادرس هناك عشــان اشوفهم ..
... احب الرسمـ عندي القدره ارسم شخص ماشفته إلا مره وحده.. رسمت كذا صوره لأهلي وناس أحبهم مثلا ابوي (أهديته الصوره بعد ما بروزتها وغلفتها في العيد كشكر وعرفان له) وخالي حاتم عطيته الصوره العام يوم سافر لنا في الصيف وارسم الآن صوره لإنسان قريب مني بس باقي وقت وانتهي منها... ورسمت اقرب صديقه لقلبي غدي.....
... على فكره ماقلت لكم عندي اخوان صح قلت اني وحيده امي وابوي بس اخواني اللي بقولكم اخواني من الرضاعه امي الله يرحمها يوم جابت فهد اخوي الله يرحمه رضعته هو واحمد ولد خالي مع بعض ويوم جابتني انا اكتشفوا المرض معها وعمري 4شهور و رضعتني خالتي أم ثامر فصاروا عيالها (ثامـر-معـتز-رينــاد
-مهنــد) اخواني بس اصافحــهم فقط عند السلام عدا أحمد ولد خالي سلامي (بوس) لانه ساكن معي في بيت خالي وبعد هو اقرب اخواني وعادني مثل سمر اخته...وطبعا عائلتنا مو كبيره ومحظوظه كوني مااتغطى عن احد إلا مازن وهيثم عيال خالتي أم هيثم و حتى لي فتره طويله ماشفتهم..
... أحب القصص الرومنسيه
وأحب اقرأ لشاعر مهــندس الكلمه"بدر بن عبد المحسن" والقنبلــه"حامـد زيـد"
واقرأ للكاتب نـزار قباني
"شاعر المرأه"عندنا مكتبه ولا مكتبه هارون الرشيد يشتري ابوي دايم كتب لاسافر حتى معرض الكتاب في الرياض مايفووووته عشان يشتري منه رغم انه مايقرا الانادرا ...
أحب الأغاني الخليجيه بشكل عام مع انه بحيـاتي ماشريت شريط ولانتظرت الأغنيه الفلانيه على القناه الفلانيه أشوفهم من باب الصدفــه بس تستهويني أغاني راشد الماجد والجسمي كلماتهم مؤثره وتدخل القلب من دون وسيط...
أحب الخير للكل وأكون مرتاحه يوم أشوف أهلي مرتاحين .. مااحب أنام كثير مثل خلق الله أحب اسهر
...و الليل بداية عالمي الخاص أبدا أبحر فيه بلا مجداف أفكر في كل شي في خالي حاتم أحب اهتمامه فيني وتنفيذ طلباتي من دون نقاش بس بحدود.. يعجبني اهتمام الكل فيني وأحب تواصل اخواني معي رغم مشاغلهم بس عمرهم مانسوني في اي مناسبه هم أول المهنئين لي ....و أفكر في سمر ياالله عليها حبوبه قريبه مني كثير كل شي فيها يعجبني تفهمني أكثر من نفسي أحيانا تترجم أفكاري لما اعجز عن صياغتها هي اقرب من أخت واحن من أم و اوفا من صديقه كلمات العالم ماتوفيها جزء من حقها ...
... ابوي وآه يابوي هو ابوي باختصــــــار (وحده ماعندها أسلوب) بس جد مو شويه الواحد عنده ابو.. خصوصا إذا مثل ابوي مافيه أعظم منه هو كل شي بالنسبه لي معه أحس بالأمان..و حريص على دراستي
...أحس بالانتماء العائلي مع أهلي كلهم خالاتي أعدهم مثل امي والشباب والبنات اخواني الكل هم اناو دمنا واحد وقلوبنا على بعض ادري اي فرد في العالم او بالأصح في الوطن العربي يحس بالانتماء لعائلته لكن انا غير عائلتي كياني أحبهم وأداري عليهم مااحب أشوفهم متضايقين احرق نفسي عشان أنور الدنيا لهم أحب أكون مصدر التفاؤل والبسمه عشان أسعدهم...
أفكر في بكره كثير رغم اني مو متشائمه لكن أفكر على حدود 4سنوات قدام وش ممكن يتغير من يتزوج من يجيله
عيال ومن يسافر ومن يموت الله يختم لنا بالشهاده..
والحمد لله مستوانا فوق الممتاز وفي السعوديه خالي وابو ثامر و أبوهيثم (رجال خالاتي) عندهم شركه مقاولات مشهوره و مستواهم فوق الجيد جدآ ويشتغل فيها هيثم ولد خالتي ومعتز اخوي حتى مازن ولد خالتي قبل لايسافر (اشتغل سنتين بعد ماترك الجامعه مع انه درس سنتين فيها وقرر يسافر يدرس بعد ماضيع 4سنوات من عمره)
... ويفكرون يفتحون فرع جديد بس للحين ماصار شي مدري عجز في الميزانيه أو نقص بالعاملين مدري ...
عائلتنا محافظه مدري كيف تفسر كلمه محافظه بهالوقت لكن اقصد نتغطى من شباب العائله والرجال الأجانب اما انااكشف وإحنا في الخارج يمكن لأني تربيت برا بس لاجيت هنا امشي سيده ..
حجيت مرتين الأولى مع ابوي وسلمى والثانيه من 3سنوات مع خالي حاتم وهند وأحمد وسمر وخالتي أم هيثم وابو هيثم وبشاير وميهاف وثامر وعنوده وريناد والعام حجوا الشباب بأصرار من خالي <هيثم ومعتز ومهند ومازن>
°°°°°°°°°°°°°°°°°°°°















====
هــذي انــا باختــــــصار....
=======
أحب أتذكر دائما ذكرياتنا يوم كنا صغار ذكرياتي مع سمر وبشاير ومازن ومعتز وأحمد ومهند بقولكم مواقف أحبها وعمري مانسيتها كأنها صارت معي أمس من كثر ماهي مرسومه بخيالي ودي تعيشون معي لحظات منها أول موقف ...
... كان في بيت خالي حاتم عزيمه غدا لرجوع ابوي من السفر وكلن لاهي في الضيوف
المهم انا وسمــر بنت خالي (اخت احمد) و بشايــر بنت خالتي ام هيثم طلعنا لشارع مع انه محضور علينا في القوايل المهم علقت سمر جرس جيرانا (طولت على زر الجرس) وجت ركض للمكان اللي نتخفى فيه و جلسنا نراقب رده فعل ولدهم لاطلع ولا حصل احد ثم نضحك عليه ولدهم هذا بعمر مازن ومعتز نكرهه كلنا لأنه فلق مازن ولد خالتي من فتره(رماه بشي حصاه اوحديده و جرح رأسه ونزل دمه) وصرنا ننتقم منه وعشان الدقه و المصداقيه حنا ماخذين هالطريقه من العيال لابغوا يزعجون احد يسوون كذا(مهويــن) المهم بعد سمر جا دوري وسويت نفس سمر وتخبيت طلع الولد هالمره يسب ويلعن بصراحه معصب على الأخر.. بعدين وصل دور بشاير وطمرت(وقفت بسرعه كنايه عن الاستعداد التام لتنفيذ) وعلقت الجرس وركضت بس الله لايوريكم يوم تكرفست (طاحت طيحه قويه) وإلا ابن اللذينا طالع و شافها شكله مسوي كمين و واقف ورا الباب وإلا ماأمداه يجي بهالسرعه المهم هي شافته جتها أم الركب (عارض صحي مفاجئ يجي في الركب مع الخوف المفاجئ تعرفون الشد العضلي اللي يجي اللاعبين فجأه نفسه) مالكم في الطويله.. أقولكم ويمسكها ويطقها طق لين حبت الأرض (لو هالطق في يهودي اسلم ودفع الجزيه بعد).. أتوقع مارقدت ذيك الليله مغير تقلب في فراشها من حر ماتونس (حراره اللي تحس فيه) وعلى طاريه تقول سمر انه تزوج خذا وحده تهبل خساره فيه مع انه مو شين بس كذا تكرهه بشاير كره مو طبيعي تقول من الله وانا مدري..
(إلا والله من شي ذاقته.. )ههههههه
حاجه ثانيه كنت انا وسمر وبشاير نموت في شي اسمه شارع دايم نطلع ونلعب كوره مع العيال وإلا حريم مع البنات(للي مايعرف هاللعبه يعني نحط فلانه ام والثانيه بنتها والثالثه رجلها وهذي شغالتهم ونشكل كذا عائله وإللي رجلها متوفي وإللي ولدها مسافر...بس اتوقع اهل السعوديه يعرفون هاللعبه والشرح لغير السعودين) المهم نلعب في الأرض اللي ورا بيت جيرانا واحيانا حبشه وشكه (شبكه) المهم نصرف عمارنا مانجلس ...فمره و حنا نلعب عند باب بيتنــا تهاوشت مع عيال الحاره واحد منهم شات الكوره وجت فيني وانا من القهر رميتهــا في بيت الجيران و هالجيــران الله يخسهم طلعوا مسافرين و تجمعوا علي يــقولون طبي من الجدار جيبيهــا ورفضت يوم شافتهم سمر ناوين علي ركضت تنادي العيال كانوا يلعبون اتاري في الملحق(هذاك الوقت مابعد عرفنا البلايستيشن) نادتهم لان هالعيال شرانين وصلوا عقب مادفني واحد من عيال الكلب و طحت عاد انا يوم شفت العيال قمت ابكي وصارخ تقول مذبوحه عشان ينقضون عليهم مع ان الطيحه عورتني بس انا كبرت السالفه احب الاكشن والإثاره وفعلا تطاقوا معهم على طول حتى سمر معهم تطق (احس هالبنت مسترجله ...ترا الى الحين اقولها يومك صغيره كنتي ولد بثوب بنت تمووووت ضحك) اقولكم قال مازن لأحمد يدخلنا داخل و يسكر الباب بس انا كانت رجلي تعورني شالني مازن عقب الهوشه عشان يدخلني وانا لافه يدي ورا رقبته وقاعده اتأمله من كثر ماهو قريب احس بنفسه على خدي والولد منحرج ماتكلم (احسه يلعن بنفسه ابو التهور) أما انا مروقه على الآخر وقاعده اتفــرج عليه من قريب(ناقص احط رجل على رجل) وجهي مغسول بمرق ويوم دخلني الصاله حطني على الكنب وابتسم وطلع شوي و رجع حسبته ناسي شي بس جا و وقف قبالي/لحد زعلك قوليلي..
عاد انا بغيت انط بحلقه عشان ا من الفرحه.... يا حبي له ايه احبه هذا تفسير شعوري ذاك الوقت بس ماكنت اعرف اسم هالشعور (حلو احساس ان احد مهتم فيك)و لاني عارفه انه مايحب يسلم على الحريم تراجعــت حتــى جدتي وخالتي واجد لاسلم عليهم في العيد.......
وعلى طاري العيــد ...العيد عندنا له فرحــه خاصه خصوصا مع مازن ومعتز كانوا يقولون لنا ولأحمد ومهند نجمـع فلوس قبل العشـر الأخيره من رمضان وقبل عشر ذي الحجه ..نعطيها مازن يجمعها (هوى ياأمين الصندوق) مع إن مهند وسمر يرفضون مازن هو اللي يجمعها لانه سروق اربد(بمعنى محترف ومتعود) أما انا فلا تسألوني أثق فيه ثقه عمياء ..و قبل العيد بيومين يشترون من عند واحد في الحاره مشهور ببيع الشروخ بانواعها شهرته مثل شهرة نوير(هذي بياعه شروخ في الرياض اشهر من نار على علم ناس كثير يجونها من برا الرياض الله يرزقها ...دعايه ببلاش) ونوزيها(نخبيها) ليوم العيد مع ان خالي مهاوشهم عند الشروخ بعيد الأضحى بحجه انه عيد اللحم على قوله بس العيد غير مع الشروخ وريحتها ...
حاجه ثالثه بس هالسالفه مع صاحب البقاله(البراده على قول اهل البحرين) جنب بيت خالتي ام هيثم اسمه سليم وخالي حاتم قايل له لايسلفنا من كثر مايسدد هالبقاله عاد حنا ماشاء الله قبيله مهوب شوي فاندخل كلنا انا وشلتي ومازن وشلته(معتز واحمد ومهند) بتسألون عن ريناد بنت خالتي بقولكم هي وميهاف اخت مازن مايطلعون معنا مثل اول ينقال كبروا ..اقولكم حنا سبعه وزعنا مازن لضمان نجاح الخطه خمسه يدخلون لآخر المحل وينادون سليم على اساس ينزل لنا اشياء ما نطولها وإذا جانا ورى يدخل مازن يفتح الدرج وياخذ اللي يحصله بالواجهه على شرط يكفينا أما معتز يوقف برا يراقب لحد يدخل ويكشف مازن وبعد مايخلص يطلع بسرعه وإذا رجع سليموه مكانه يدخلون بسلام ونشتري اقصد نسرق بس سرق شريف مثل مااقنعنا بعض لانا نرد الفلوس له ومال خالي منه ... وهالحركه سويناها ولا عشر مرات لحد ماتغطينا ياهو مازن عنده مخ لكنه مو نظيف كل افكاره وسخه سرق وطق وهواش استغفر الله بس عسى صاحب البقاله يدفع زكاه عن المحل عشان يطول ما سرقنا مسمى صدقه ..
حتى جدتي ماسلمت من سرق مازن ومعتز على فكره مازن كثر ماهو مشهور بالسرق اذا شفنا معه شي غريب على طول نسأله من وين سارقه..ومن كثر ما هبل مازن ومعتز بجدتي تسمي مــازن"بليس" ومعتــز"غراب البين"
ومهنــد "محراك النار" لانه مشهور بالتحريض وفتان و احمــد"ابو البنات" وعشان المصداقيه اللي مسمي احمد مازن ومعتز مهوب جدتي لانه كثير يجلس عندنا ومايروح معهم..وكان عند جدتي بضاعــه تبيعها لنا عشان مانطلع احنا البنات لشارع يعني (بطاطس زيزو حار وكتشب وبسكويت ميزان وشمعدان وديمه ومينو و ريكو و علوك يابسه "مو اقول لكم مغبره" وبيبسي مايدل الثلاجه ومن هالبضاعه اللي انقرضت ههههه) فهي ماكانت تحطهم في الدالوب على قولتها ماعندنا بدو (بمعنى مافيه غريب يسرقهن)عاد ربي مسلط عليها مازن ومعتز والمشكله لاسرقوا ماياخذون شوي يكثرون عشان يكفينا كلنا ..بس لاجا معنا فلــوس نروح للبقاله وش نبي ببضاعة جدتي معاد إلاتنتهي من كثر ماابطت عندها(ايه اشوفها تغصبكم عليها ماعليه كملي كملي)ههههه... مع والله ماودي اظلم مازن ومعتز مايقصرون على جدتي في السرق عشان تجدد بضاعتها ولابعد لاانتهت ما ترميهم توزعهم علينا مسويه فيها كريمه (وين البلديه عنها) غامضتها ترمى في الزباله(وانتوا بكرامه) ولأحلى من كذا انا وبشور و سمر تثق فينا و نسوي الي تبي عشان تقول روحوا خوذوا حق(هذا الحق ياطويلين العمر بمعنى مكافئه مقابل الخدمه اللي سويناها) لدرجه صرنا قعيطيات مانسوي شي الا و تعطينا وتعطينا ...تقول عندها سوبر ماركت ماكأن الحال الله عالم به...وإن عيت سحبنا عليها..ههههه ..ماقلت لكم احمد ومهند ليش ما يسرقون مثل مازن ومعتز ببساطه جدتي مره كبست عليهم وهم في مهمتهم(الدور عليهم) و حشرتهم داخل و مردغتهم و من عقبها مالهم في السرق ينقال تابوا (من خاف سلم) ومازن ومعتز عاقبوهم عقبها كل ماسرقوا يعطونهم بطاطس ويقولون تقاسموه بينكم (واحد له بقيه الكيس والثاني ياخذ حقه بيده) ومره تهاوشوا على الكيس لانه اكثر من النصف الثاني قال معتز حطوا عزيمه(يفتح بطاطسهم ويحطه في الأرض وياكلون سوا) و لابعد من النذاله ياكل معهم من كثره الحين.......
... (روقوا هذي آخر سالفه)
كل ماتذكر هالسالفه اموووت ضحك كان عندنا جيران ولهم بنت اسمها ساره بعمرنا صديقتي انا و سمر كانت على نياتها ينقص عليها وبشور و مازن ومعتز مايواطنوووووونها ومازن ومعتز يطقونها دايم ويسمونها أم كشه مع ان شعرها ناعم بس امها مهملتها لأن عندها تؤام وآخر همها سويره على قوله بشاير ومره اتفقت بشاير مع الشباب يسوووون فيها مقلب من دون مااعرف انا ولاسمر لأنا لو عرفنا ماراح نرضى عليها... فاخطتهم تقنع بشاير ساره تكتب على سياره خالي وعطتها خطاط اسود أماالازرق لبشاير حنا رفضنا بالأول على اساس ياويلهم من خالي و سفهتنا بشاير وتحدتها والبنت دمها حار ماتحب التحدي ورحنا لسياره خالي لونها ابيض وقالت بشايراللي تكتب اسمها كامل الأوله هي الفايزه وعدت لهم سمر وبدوا وبشور تظاهرت ان قلمها مانفتح وساره شكت اسمها (ساره حمد فلان ال فلان الفلاني)سوت بشاير نفسها منقهره انها خسرت إلا هذا مازن ومعتز مقبلين قلنا لها امسحيه بسرعه ومسحت بيدها بس ماش ماراح وتفلت عليه الضعيفه(وانتوا بكرامه) و فركته بيدها و ماانمسح و يوصلون العيال (بصراحه رحمتها يوم شفت الخوف بعيونها كانوا ذاك الوقت مسوين لها رعب وصلت انهم متحلفين فيها إذا تطلع من بيتهم) حرااااام المهم مسكوها ودخلوها لخالي ويوم طلع وشاف اسمها انقهر بس ماطقها مثل ماتوقعنا قال لها انه عيب ولاتسويها مره ثانيه باسها لانها بكت وقال روحي لبيتكم وبعد مامشت هاوشنا حنا... بصراحه كنت بقول ان بشاير هي اللي قالت لها بس تراجعت لانها اكيد من خطط مازن ...تصدقون لها الوقت بشاير تقول ان مازن يسأل عن ساره الله يذكرها بالخير بس ماندري عنها لان ذاك البيت اجار مهوب لهم وسافروا من زمان ...
... فيه نقطه مهمه في حياتي ماقلتها لكم لي حكايه مع مازن صارت بيني وبينه وحنا صغار محد يعرفها غيرنا كنت في ثالث ابتدائي ناجحه رايحه لرابع وفي هالأجازه التهبت عندي اللوز مره مسويه لي قلق بسبب هالسكريم(بلاه مهوب حلال).. ايه صح ماحب اكذب هههههه اقولكم لدرجه ما آكل حاجه فقرر خالي اسوي عمليه طبعا بموافقه ابوي و حضر ابوي قبل موعد العمليه ورافقت معي خالتي أم ثامر وجلست 3ايام بعد العمليه في المستشفى مازارني لا الأولاد ولا البنات عدا احمد يوم العمليه مع خالي و حتى ماطول ...و مره زارتني خالتي أم هيثم ومعها مازن فرحت يوم شفته وكان عندي ابوي وخالي حاتم أما مازن من دخل وهو ماتكلم بس لاجت عيني بعينه ابتسمنا شافتنا امه وقالت وهي تطالعه/هذي ريماس يامازن(تطالع ابو ريماس)من دخلت المستشفى وهو بروح لريماس بروح لريماس..
(ابو الفضايح)
أبو ريماس/خليه يجي متى مابغى تراها بنت خالته (وطالع لمازن) متى مابغيت تجي وانا ابوك قلي وجيبك...
عاد ليتكم تشوفون وجهه من الأحراج وقبل لاينتهي وقت الزياره طلع ابوي وخالي بعد ماحب ابوي راسي هذا غير الهدايا اللي دفني بها كل ما زارني وبعد ماأنتهى وقت الزياره مشت خالتي ومازن ودخلت خالتي أم ثامر دوره المياه توضأ لصلاه المغرب قبل وقت الصلاه لانها وقت الأذان تنشغل بالحريم تقول ينامون فيها مايتوضون...دقايق وانفتح الباب ودخل مازن استغربت توني بقول ليه رجعت حط اصبعه على شفايفه يعني اسكتي والتفت (هو) يمين ويسار يدور على خالتي و يوم سمع صوت المويه بدوره المياه دخل بسرعه وقف عند السرير قريب مني ودخل يده في جيبه وطلع ورده نفس ورد حديقه المستشفى (الله يفضحك) ومدها لي وابتسم وخذيتها و عادي عندي باختصار (خبيله) طبعا الورد ذاك الوقت ماكان يعني لي شي.. ثم دخل يده مره ثانيه وطلع شي ما شفته لانه سكر يده ثم دخلها تحت وسادتي وطلع يده فاضيه ثم طالعني شوي... بيني بينكم وقفته كانت ثواني بس حسيتها شهر ودي اشوف وش حاط لي(مشفوحه) ومشى خطوتين ورجع لي(اشوا اني ماتهورت وشفت وش حاط) ثم باسني على خدي وطلع بسرعه اكذب لو قلت انحرجت أوتلون وجهي كثر ماركزت في المكان اللي كان فيه بعدين ذكرت الشي اللي حطه(تبين تفهميني انك نسيته ايه هين اصلا تعجبت وانتي تقولين طلع قبل ماتبلغين شفك يالمشفوحه بس انجزي) ههههه المهم اني رفعت وسادتي وحصلت سلسله نعومه مره اعجبتني مدري اذا عشانها حلوه وإلا لأنها من مازن خذيتها مو مصدقه للحين ان مازن شاريها لي يكفي اني كنت في باله شلتها و لبستها ودخلتها تحت لبسي عشان خالتي ماتحقق معي من وين؟!.. بس لو كنت بهالوقت كان ضميتها يكفي ان انامل مازن حضنتها....وبعد ماطلعت من المستشفى سافرت بعد أسبوع مع الوالد للخارج و شفت مازن في السنتين الأوليه من سفري و بعدها ماصرت اشوفه بحجة اني كبرت والولد حيوي مايدخل البيت بعكس معتز و مهند مطيحين عندنا x24 24واول ماتغطيت ارسل لي مازن دبدوب هديه نجاحي مع معتز....و بعدها انتهى كل شي بيننا والحب بدى يختفي مع صاحبه لان ما فيه وسيله لتواصل هالقلوب المتعطشه وبعد ماطلعت انا جوال أول شي جا في بالي ادق له بس ترددت خفت ماأعني له شي ومااعرف اشلون اتعامل معه اكيد تغير ماراح يبقى هو نفسه عشان كذا اختصرت ويمكن بعد اطيح من عينه وبعدها برد هالحب مع الوقت رغم ان هالذكريات تعذبني وتأسرني خصوصا يوم اتذكر الأهتمام والخوف اللي بعيونه والحين لي قرابه 9سنوات مو شايفته ومع هذا احس بشوق له ودي بس اجدد صورته في بالي مع اني كل يوم احضن هالدبدوب... والسلسله كثير البسها احسها بقايا حب برئ اكل الزمان عليه وشرب ...و مع اني اعيش قصه حب ناجحه بجميع المقايس بالجامعه بس ما قدرت انسى ولا اتنازل عن بقايا حبي السابق على قول المثل وماالحب إلا للحبيب الأول!! ....
سالفه ثانيه ...ادري طولت عليكم بس هذي آخر سالفه(مو تو هذيك آخر سالفه)لاجد هذي الأخيره...تدرون عاد عناد فيكم منيب قايله انتوا الخسرانين (ابركها من ساعه)........
°°°°°°°°°°°°°°°°°°°°°

=ملاحظه/ حركه التنوين في الروايه بكتبه نون على اساس يناسب نطقنا ..مثل < خساره فيك>> تصير خسارتن فيك
‏ ‏- ok‏ وهكذا...>
=التعريف ببقيه ابطال الروايه على حده (اسهل من كتابتهم في البدايه انا نفسي انسى الابطال في طريقه سردهم )...
°°°°°°°°°°°°°°°°°°°°





















«»‏«»‏«»‏«»‏«
♣خذني بحضنگـ ♣ 1
‏«»‏«»‏«»‏«»‏«»






/ههههههههههه دخلوا الكفتيريا واصوات ضحكهم تسبق خطاهم نحو الهدف (من اولها فصحى هونا) ..... [لا امزح بلاكم حاريــن]
======
المكان/لندن بالتحديد الحرم الجامعي..
الزمان/الساعه10ص بعد محاضره خفيفه على قلوبهم كانت للدكتور جورج>> فرنسي..يحب العرب بشكل جنوني ودايم يتكلم عن انجازاتهم و يحب شله ريماس و يسولف معهم يعرف ابو ريماس لانه رجل اعمال مشهور






===،'،'===
...و اصحاب الضحك والفله هم ريماس وشلتها ..
-غدي>>سعوديه صاحبة ريماس الروح بالروح..
-مشاعل>>اسم الشهره ميشو جزائريه حبوبه...
-بدر>> سعودي طويل وسيم رومانسي وفوق هذا متفوق...
-مازن>>سعودي نفس طول بدر رزه عيونه فيها جاذبيه غير طبيعيه شعره اسود ناعم وكثيف ...
-حمدان>>اماراتي مملوح و طيب لآخر حد و متفوق...

°°°°°°°°°°°°°°°°°°°°
حمـــدان ماكان حاضر المحاضره وجالس في كفتيريا الشله و على نفس طاولتهم من3سنوات... جالس ينتظرهم (الجامعه فيها كذا كفتيريا بس كفتيريا الشله معروف عند الكل واللي يبغاهم على طول يلقاهم فيه)
حمـــدان/ اعصابكم وش تضحكون عليه..
بـــدر/فاتك نصف عمرك!!
حمـــدان/ليــــــه؟
غـــدي/لو شفت جورج قوم مازن يناقشه وطبعا مثل العاده يلعب مع ريماس ‏xo‏ و ماجاوب قوم ريماس ونفس الحكايه وطمر بدر مع انه جنب ريماس بس عشان مايخرب خطته و قومني وهو حاط في باله مانيب مجاوبه لاني كنت اسولف مع ميشو تعلمني وش صار معها امس هي ومجدي(مجدي حبيب ميشو من نفس الدوله جزائري الشله يحبونه وهو من طينه بدر دافور) بس جاوبت وخربت عليه لانه كان بيقوم ميشو ثم جلسنا كلنا و مازن ماتاب كمل لعب و سوالف في دفتره مع ريماس وقومه جورج مره ثانيه ولا جاوب وقاله يجي قدام بس مازن رفض ..تفاجئنا بس قلنا يمكن عشان ريماس بس طلع مضيع جزمته لانه كان فاسخهم تحته ويوم عصب جورج عليه راح قدام من دون جزمه وجورج من العصبيه ماأنتبه له...
حمـــدان/غريبه هو رايق وعسل..
بـــدر/بس عسل إلا قشطه...
ميشـــو/ هو كذا بس مزون وريماس شيبوا براسه..
ريمـاس تطق ميشوعلى يدها/
ترا ماقلت شي طول المحاضره ساكته وماطلعت صوت...
ميشـــو/عشان كذا عصب متعود على نقاشك انتي ومازن واسئلتكم اللي مالها صله في المحاضره...
مـــازن/اسألتنا هذي اللي تطنزون فيها ترا نسألها عشان نثقفكم فقط لاغير...
ميشـــو/ايه بس خفوا عليه تراه يحبكم انتوا ومجدي!!
غـــدي/يعني لازم تدخلين مجدي في السالفه!!
الكـــــــــل/هاهاهاهاها...
حمـــدان/مزون وين لقيت جزمتك...
مـــازن بقهر/وين لقيتها بعد... اسأل اللي جنبك..
حمـــدان يطالع ريماس/معقـوـوـوـوله..
ريمـــاس/ههههه انا ماخبيتها الا بعد مانكد بي في اللعب ياخي ياهو غشاش...
مـــازن/ياعمري هذي شطاره مهوب غش وبعدين فيه مثل يقول اللي تغلبه اللعبه(يطالع حمدان)شافتني ذكي قالت غشاش...
غـــدي/خلاص خلاص فيه موضوع اهم العزيمه على مين اليوم...
ميشـــو/على ريماس..
ريمـــاس متفاجئه/لا حراااام عليكم والله ماكملت 5ايام عازمتكم..
مـــازن حمـــدان غـــدي/عليـــك إلا علــــــيك!!
ريمـــاس/حرام عليكم..
ميشـــو/مو شغلنا لا ضيعتي ..
ريمـــاس/والله ماضيعت عازمتكم يوم امتحان امممم
جوليا اللي هو يوم الأحد المفروض اليوم مازن يعزمنا...
مـــازن/لا يمي لاتورطيني لو سمحتي ومع هذا بسلفك لو ما معك فلوس...
ريمـــاس/لا معي وبعزمكم (ببتسامه) وجعله يحلكم..
الكل/ ههههههه
بـــدر/انا عندي اقتراح بما انا وقت امتحانات وش رايكم العزيمه تكون على اللي ياخذ اقل درجه...
حمـــدان /انا موافق...
مـــازن بسخريه /اجل بعد اكيد بتوافق ..
ريمـــاس وميشـــو/لاااا
غـــدي/وانا بعد احتج... على كذا العزيمه بتصير يوم علي ويوم على ميشو(تضحك) وما يرضيكم تخسرونا...
مـــازن/لاتخافون انا معكم...
الكــــــل/ هههههههه....
ميشـــو/لا انت و ريماس ما ينخاف عليكم لاصارت الدعوه فلوس تاخذون الأول....
مـــازن و ريمـــاس/هههههههه
....ومشاهم بدر على النظام غصب مو عشان مايدفع بس يبغى درجاتهم تصير تمام ومن بكره عزمتهم ميشو لانها اقلهم درجه وبعدها عزمهم مازن ثم غدي يومين ورا بعض... ثم ريماس في اخر امتحان تساوت مع مازن وعزموهم على الغدا برا الجامعه لانه آخر امتحان ..
لكن جو الامتحانات غير الكل يذاكر جد خوف من هالعزيمه. .(والله بدر عارف لهم..) ومازن وريماس دايم يعلقون على بعض ويتعايرون بين بعض في الدرجات خصوصا عند جوليا كانوا متفقين يذاكرون عشان يغيضونها بدرجاتهم وفعلا خذوا درجات عاليه عندها هم انفسهم ماصدقوا ....واليوم اللي بيخبرهم جورج بالدرجات قبل مايوزعها كانت غدي تقول انا حاسه ان العزيمه علي وماتوا ضحك عليها لكنه ماعطاها درجتها الا الاخيره ...اما على اماكنهم في قاعات المحاضرات معروفه في الوسط و قبل الصف الأخير بــ4 سطور ...من اليمين ميشو ثم غدي ثم حمدان ثم بدر ثم ريماس ثم مازن...
°°°°°°°°°°°°°°°°°°






بعد اسبـــوع الساعه 10ص
=======
..... كانت محاضرة الدكتور فهد >>سعودي... دخل مازن و ريماس وحمدان متأخرين لانهم كانوا يدورون غدي وبدر ويوم ماحصلوهم دخلوا بس تفاجئوا ان الدكتور رائد>> كويتي... موجود عندهم دخلهم لانهم ممتازين عنده وغريبه عليهم يتأخرون والمفاجئه الثانيه لقوا بدر وغدي والمشكله مالهم مكان عندهم .. حمدان حصل مكان عند ميشو ومجدي وجلس عندهم ...ومازن وريماس رجعوا ورا ومروا على بدر وغدي اللي كانت تضحك عليهم وتحلف بهم مازن لانهم ماحجزوا لهم مكان (مادروا انهم متأخرين مثلهم وزين حصلوا مكان جنب بعض)
ووقف مازن عشان تدخل ريماس لانه يبغى يجلس على الطرف...وبدت المحاضره فتحت ريماس دفترمحاضراتها وكتبت لمازن(الاجازه بقى عليها اسبوع بتسافر وإلا بتجلس هنا)
مازن(أكيييييد بسافر واحشيني الاهل)
ريماس(وش رايك تجلس هنا اسبوع وتسافر اسبوع)
مازن(مقدر ولو يوم واحد اصلا بطلع ذاك اليوم من هنا سيده للمطار)
ريماس بغيظ(ليش ماتغاب اخر يوم بالمره)
ضحك لانه قهرها وكتب(وانتي ليش محتره)
لاحظ رائد انهم مو منتبهين له ونبههم بس شوي وكملوا سوالف وقوم مازن يناقشه في الجزء المشروح وانقذه الطالب اللي قدامه فتح له دفتره وجاوب وجلس كتبت ريماس(احسن يوم قومك ... بس من وين عرفت الاجابه) مازن(انـــا هنـــا )ضحكت تموت عليه إذا قال كذا..(زين انتبه شكله ناوي عليك اليوم)
مازن (اقنعي ابوك وخليني اوصلك لسعوديه ونرجع مع بعض في نفس الطياره) ريماس(مقدر الاجازه قصيره وبنروح الأسبوع الثاني لروما)
مازن(عشان كذا كنتي تبغين اجلس اسبوع موعشاني عشان محد عندك...بس عناد فيك بسافر عند اهلي وبغيب الاسبوع الاول من الدوامات بعد)
ريماس(عــــــادي)
مازن(طيب سافري معي ترا ماخاسر الا انتي)
ريماس(إن شاء الله بس انتبه)
لف لها لقاها كاتمه ضحكتها قرب منها لحد كتفه ماجا جنب كتفها وقام يطالع لدكتور وهو يشرح...أما ريماس تفاجئت من قربه منها صح مازن جرئ بس مو لدرجه لاصق فيها ..سوت نفسها عادي وقالت انتبه لايقومني انا..فجـــــأه حست بيد على يدها زادت نبضات قلبها همس من دون يطالعها "بتشتاقين لي"
مشاعرها تكهربت وماردت حست بشرارات بين جسمها
وجسمه كانت بتسحب يدها من يده بس قلبها ماطاوعها حست بعروق يدها تنبض تحت يد مازن خافت يحس فيها و سحبتها لكن كان يقرا افكارها وسكر يده بقوه على يدها كل هذا وهم يطالعون الدكتور بس محد فيهم يدري وش يقول..ريماس ودها تبكي مو من الالم في يدها..لا من عاصفة المشاعر اللي اجتاحت قلبها بهالحظات ودها تحط راسها على كتفه ودها تقول احبك من دون خوف ودها تقول عورتني ياقلبي..حس مازن انه ضايقها خصوصا انه لاحظ انها تطالعه لف لها ببرآئه و انصـــــدم
شاف اللي يكره يشوفه عوره قلبه وده ماسوى اللي سواه قام يلعن نفسه ...صح شاف اللي حلم يشوفه بعيونها حب ومشاعر صادقه ووله وشوق
مع دمعه حاولت انها تمنعها بس ماقدرت لكن يكره يشوف دموعها..اما احساسه ماكان خوف كونه شعور بالفرح لانه عرف هالدموع ليه نزلت ...فك يدها شافهاحمراء من اثار مسكته قال من دون يطالعها
"اســـف" وقف وراح لدكتور تكلم معه بصوت واطي وطلع والتفت لها الكل غدي وبدر وحمدان وميشو ومجدي مستغربين من حركه مازن ومتفاجئين من ريماس لانها حاطه راسها على الطاوله...
.....
........
.....
بعد ماانتهت المحاضره اللي كانت اطول من ليالي الشتاء على قلب الشله طاروا لها وسألوها وش فيها بس مارفعت راسها ورفعته غدي غصب وشافوا دموعها حاولوا معها تقول لهم وش فيها بس مارضت دق بدر لمازن مارد وطلع مع حمدان يدورونه ومجدي استاذن وطلع..
ميشو/اش اللي صاير ريماس..
جلست غدي مكان مازن و مسكت يدها/وش صاير ليش تبكين وليش مازن طلع...
ريمـــاس/.......
دخل مجدي وخذا ميشو ....
لفت ريماس لغدي/مازن يحبني ..يحبني ياغدي...
غـــدي بفرح/هو اللي قالك ؟
ريمـــاس أشرت براسها بالنفي/هو ماقال بس افعاله قالت...!
غـــدي ضمتها على دخله مازن وبدر وحمدان...
غـــدي/هلا مازن ليش طلعت...
يوم سمعت اسمه رفعت راسها من كتف غدي ومسحت دموعها...
طالع ريماس وهي تمسح دموعها ابتسم وطالع غدي/ ابد حسيت اني عطشان وماقدرت اتحمل وطلعت... وجلس قبالها /اشفيك...
هزت راسها بمعنى مافيها شي..
غـــدي عرفت ان مازن يبغى يتكلم مع ريماس واشرت لبدر واستاذنوا هم وحمدان وطلعوا
.... اما ريماس كانت بعالم ثاني من دخل مازن كانت تتأمله وهو يتكلم مع بدر وحمدان قبل يطلعون ثم لف لها وأبتسم/ادري انك زعلانه بس....
تقاطعه ببتسامتها المعهوده/ من قالك زعلانه!!
بشك/مو زعلانه..
/لا بس بيني وبينك توقعتك رومنسي ماتوقعت تعبر عن مشاعرك بهالطريقه!!
/هههه وانا ماذبحني إلا هالرومنسيه اللي ماقدرت تعبر عن مشاعري...قلت اغيرها!!
مــازن وريمـاس/
هههههههههههههههههههه....
نزلت راسها فجأه ثم رفعته وركزت بعيون مازن ابتسمت و هزت راسها/ بشتاق لك...
فرح يعني هي تحبني مثل مااحبها ..تحبني مثل ماتوقعت..تحبنـــي تحبنـــي
..انتبه من سرحانه/ ريماس..
/نعم..
/تحبينـــي!!
فاجئها السؤال و قامت تجمع اغراضها ومرت من جنبه ومسك يدها/على ويـــن؟
وقفت تطالعه..
/لاتقوليـــن إيه وإلا لا... بس جد لاتزعلين..
/ههههه..
/وش فيك!!
/ولاشي..يالله تأخرنا عليهم وانا جوعانه ما أبغى افوت عزيمه حمدان...مدت يدها له ومسكها وطلعوا...




آخـــر يـــوم في الجامعه قبل الأجازه(الاجازه اسبوعين استراحه وبعدها يكملون الدراسه) ...
=======
ماعند الشله إلا محاضره وحده الساعه9 وتنتهي11 وكانت لدكتور جورج ..بعد مـــاأنتهت طلعوا معه وسألهم إذا بيسافرون وسأل ريمـــاس إذا بتسافر لسعوديه... ثم سلم عـــليهم ومشى وطلعوا من الجامعه فـــرحانين...
... اخيرا جت هالأجازه و بترتاح الجامعه من الدوشه المده هذي إلى عوده طلابها لستئناف الدراسه مع انها مو طويله 15يوم بس يرتاحون من المحاضرات وملل الدكاتره و الروتين في بلاد الغـــربه... عزمهم بدر في المطعم على غدا محترم بعده طلعوا مع بعض لنهر التايمز عدا ميشو لانها راحت مع مجدي وحمدان دق له واحد قريبه يشتغل بلندن ..وحجز بدر لهم في السفينه بس ريماس رفضت مثل العاده واصروا عليها بس مافيه امل تغير رايها وركب بدر وغدي لان غدي قالت نفسها فيها ... بقى مازن و ريماس ..
صد لها/ ليه ماركبتي...
/انا اخاف بس انت ليش ماركبت معهم...
/هذا انتي قلتيها مابي اتركك يالخوافه...
/هههه انا اخاف من المويه لكن هنا عادي..بس انت كان ركبت...
/تراني ركبتها ولا مليون مره بس كنت ابغاك تشوفين الفلل والقصور والشركات والمناظر الأثريه من وسط النهر ...
... راحوا لمنتزه مازن يروح له دايم مع شباب العائله اذا جو للندن...جلسوا فيه من الساعه 3 العصر ضحك وسوالف مابقى موضوع ماتكلموا فيه إلا حدود علاقتهم او وش ممكن ترسي عليه خصوصا انه مابقى إلا 4 شهور على نهاية السنه وبعدها بيرجع هو لسعوديه وهي بتعيش مابين السعوديه و روما... كان الجو بارد نزلت ريماس جزمتها وشالتها و قامت تمشي على الثلج




استغرب/ ليش تسوين كذا؟
/احب امشي على الثلج..
بمرح /بس كذا توقعت تأخر الرماتيزيوم...
طالعته بغيظ وضحك عليها وقامت تكور ثلج وتحلته به ...
وتمشوا إلى الساعه10م ثم راحوا لسوق لان مازن يبغى هدايا لأهله ودخلوا مول كبير قالت /كل واحد يتسوق لحاله واللي يخلص يدق على الثاني..
وافق ودخلوا كل واحد راح من جهه معاكسه لثاني مازن كان يكذب هو شاري هدايا اهله من زمان بس لو ماقال كذا بترجع لبيتهم لانها تأخرت فحب يجلس معها اطول فتره ممكنه..أما ريماس قالت يتفرقون لانها تبغى تاخذ له هديه وراحت لقسم الهدايا ...و بعد ½ ساعه يدور ما لقى شي لريماس ... دقت له وطلع لها..ماتت ضحك يوم شافت الدبدوب اللي معه كان كبيــــر يعني مازن شايله مابين من جسمه من ورا الدبدوب إلا راسه ورجلينه..لونه بيج اعجب ريماس هالدبدوب سوا شكله أو كبر حجمه...وقف ونزله على الأرض وضحك على حركه ريماس كانت حاطه يدينها على راسها من كبر الدبدوب



..وطالع يدينها فاضيه/ ماأعجبك شي...
/ لا... بس كيف بتشيل هذا...
/ اعجبك انا...
/ وش تبغى فيه؟! .
/ لبشاير أختي تحب الدباديب..
حست بالغيره من هالبشاير مو كافي اني كل ما أشوفه تدق له او يدق لها و فوق هذا شاري لها هديه و بيسافر لهم ويتركني وبيشوفنه ويتهنون فيه... مع انها اخته و عادي اللي يسونه مع بعض اخت واخوها بس ريماس حست بالغيره وخلاص...
... طلعوا من المول وتعشوا ثم وصلها مازن للفندق حقهم ونزلت..
/ريماس..
لفت له/نعم..
نزل وخذا الدبدوب /اتمنى تقبلين هالهديه المتواضعه .. وعطاها إياه.. رفضت تاخذها بحجه انه شاريه لأخته...
/من قالك شاريه لغيرك..
/انت قلت لأختك!
/بشاير شاري لها من اسبوع...
قامت تطالع الدبدوب ثم رفعت راسها/ مشكور يا...
/ هههه يااا ايش...
بخجل/ياأحلى مازن..
مـــازن/ بــــــس!!
/ ليه وش كنت متوقع
بمرح/ سلامتك...
/ طيب كيف اشيله..
/عادي هو يشيلك !..هههههههه وصافحها
/ نام بدري عشان تصحى بدري..
... تواعدوا يشوفها بكره قبل طيارته بوقت...ورجع ...
...
.....
.......
...........
.......
.....
...
الساعه ½ 7ص ...
=======
... دقت لمازن تطمن إذا صحوا وكانوا احرص منها لانهم صحوا ونزلوا يفطرون
اما هي افطرت مع ابوها و سلمى ثم دقت لغدي وطلعوا لشباب مع سواق ريماس وركبوا اغراضهم وطلعوا يتمشون مع بعض لحد الساعه 8 دخلوا المطار... لان طيارتهم الساعه 9ص ... وراح بدر وغدي يختمون الجوازات ومازن و ريماس واقفين يطالعون غدي وبدر ليما بعدوا لف لها لقاها تطالعه ابتسم/وصلنا اخر المشوار...اقصد المطار وشوي وبسافر ...
ريماس/حطت يدها على قلبها و غمضت/ آآآآه
بخوف/اش فيك ...
فتحت /حسيت بنغزه!!
بخوف/من ايش!!
ابتسمت بعذوبه/منـــك...
بادلها الابتسامه/عشان بسافر..
بجديه/لا عشاني ما حب اسمع الكلام هذا..
/اي كلام..
/آخر المشوار... اخر المطاف...ومن هالكلام...
/ اها بس جد حنا وصلنا آخر.....(وسكت) لانها رفعت له يدها عشان مايكمل...
وطلعت من جيب بنطلونها نوتا صغير وحطته بجيب التشيرت حقه..وطلعت علبه مسكت يده وحطتها فيها/لاتفتحها الا بغرفتك في السعوديه ...
/ مافيني صبر...
تذكرت مازن ولد خالتها يوم اهداها السلسله يوم كانوا صغار وابتسمت...
/ ضحكيني معك...
/هههه لا ولاشي..
شاف بدر وغدي من وراها راجعين لهم حب يستغل كل ثانيه معها....
/ريماس..
رفعت راسها كانت تلعب بجوالها لان مازن احرجها بنظرتها/ نعم..
ماكان يبغى يسافر قبل ما يتأكد من مشاعرها مع انها دايم تقوله يالغالي/بتشتاقين لي؟!
بخجل/ أكيــــــد..
/بتكلميني؟!
/ اكيــــــد..
/بوحشــــــك ..؟!
/اكيــــــد..
/بتفقدينــــــي؟!
/اكيــــــد..
/تـحبــيــنـــي؟!
/اكيــــــد..
لحظـــة صمـــت..............
..بعد ماستوعبت سؤال مازن وجوابها نزلت راسها...
/ههههه من متى؟؟
عصبت لانه استغل برائتها /انت شتقول..
شاف بدر وغدي ما يفصلهم عنهم سوا خطوات/و لاشي..
/ بس انا ما....
غـــدي/طولنا عليكم..
لفت لهم وسكتت..
مـــازن/لا ابـــدآ.
غـــدي/يا الله والله بيصير لكم فقده...
مـــازن/ اكيــــــد (يطالع ريماس اللي صدت عنه وابتسم)
(يا الله انا وش فيني ليه قلت له ..معقوله كان يستدرجني عشان اقول له اوفففف وانا اللي اقول بخليه على اعصابه
لحد مايرجع بس آه منك يامازن والله بشتاق لك كل ثانيه ودقيقه وبتوحشني وبكلمك كل يوم
لحد مااطفشك وبحبك ضعف حبك لي مليون مره.. بس لا تطول علي) كل هذا يدور في خاطر ريماس...
وبهالوقت كانوا البقيه يتناقشون في الوقت المتبقي لطائره طالع مازن ريماس/يا هوه نحن هنا..
ابتسمت وشالوا شناطهم لاحظ شرودها نزل شنطته و استاذن يجيب له مويه بارده من السوبر ماركت اللي قدامهم مشى خطوتين عشان مايشكك بدر وغدي في نيته ثم لف لها/ تخاويني..
لحقته بس هو مادخل السوبر ماركت سحبها لدورة المياه
(عزكم الله) و وقفوا قبال غسالات اليدين وسكر الباب...
قرب منها مازن لحد ماتبقى بينهم الا مسافه صغيره وحط عينه بعينها وهي تراجعت كارده فعل طبيعي مسك يدها وحطها على صدره وهي صدت عنه...
بجديه/اوعدك هالقلب مايسكنه غيرك وإن حب غيرك لدوسه برجليني!...
ابتسمت له ابتسامه ذوبت قلبه وحركت كل خليه بجسمه ... اضطربت مشاعره قرب منها...كان ناقوس الخطر يدق عنده تدارك نفسه وحب راسها لانه كان بيا بس صرفها بالحظه الأخيره...ريماس كانت حاسه باللي يدور في باله لكن ماقدرت تمنعه كأن جسمها انشل عن الحركه ويوم حب راسها ماقدرت تقاوم شذى عطره اللي خدرها...ماحست الا وهي ترمي نفسها بحضنه وهو كان محتاج لهالتهور وحضنها لصدره وقام يلعب بشعرها بكت من 3سنوات حبته بجنون حبته اكثر من نفسها بس كان صعب تعبر عن هالمشاعر وجا الوقت والوقت المناسب اللي تعبر فيه مع انه ياما تسبب في نزول دموعها اذا شافته بصدفه او احد قالها انه مع ليال
(كويتيه تحبه بس هو عادي عنده حتى بدر وحمدان يكرهونها لان ملابسها عاريه ماكأنها بنت خليجيه وتحكمها عادات وتقاليد وفوقهم دين بس الكلام لهلها مو لها) رفعت راسها له وتركها و وقفت قباله وتلاقت عيونهم متعطشه لهذا التلاقي كأنهم ماشافوا بعض من سنين قالت بدموع/لا تتـــــــــأخر...
ابتسم وهو يشوف دموعها الكفيله انها تذوب قلبه رفع يده ومسحهم/احـــــــــاول
سحبت يدها من يده ومشت
/ريماس.
ريمـــاس لفت له وهي تمسح دموعها كارهه سفره عنها هو لاغاب يوم جنت عشان تشوفه كيف بيسافر عنها اسبوعين/لبيـــه...
ابتسم ومسك يدها و طلع خاتم من جيبه وحطه بأصبعها



/ لاتفسخينه لحد مارجع"تاملها بسرحان" وإذا طالعتيه اذكريني...
هزت راسها بالموافقه..
بابتسامه/ Broms
(وعـــد)
‏ ‏/ Broms‏ ...
قام يتأمل هالملاك اللي بيوحشه كثير...
/احممم طيارتك!
مسك يدها ومشوا بيطلعون والتفت على ورى لان ريماس وقفت لقاها مبتسمه وابتسم/أش فيك؟
/بتشتاق لي؟
/ أكيـــــــد..
/بتكلمني؟
/ههههههه أكيـــــــد..
/تحبني؟
/على طول!ههههههه أكيـــــــد بس اسألتك ناقصه!!
ههههههههههه
وطلعوا حصلوا بدر على اعصابه
بـــدر/كان نمتوا هناك بعد...
ريمـــاس/ليـه طولنا!!
غـــدي بمرح/لا بس بدر خايف الطياره تخليه...
مـــازن يكلم غدي/خاف طيارة ابوه ...ثم لف لبدر (يضحك) أنا هنا وغمز له!!
بـــدر سحبه من يده /امش الله يخليك مامضيعني الا انت ...ويوم بعدوا شوي عن البنات بـــدر/ وين المويه اللي شريتها..
تورط ثم ضحك مشكلته مع بدر انه فاهمه/شاريها اتمنظر بها وإلاعشان اشربهاوارميها...
بـــدر/تصدق صدقتك ...
مـــازن/شي راجع لك..
ثم لفوا للبنات
/يالله مع السلامه عنوده.. اشوفك على خير(وطالع غدي)ديري بالك على نفسك و عليها...
غـــدي/ افا عليك اعتمـــد..
ومشوا وقبل مايدخلون الصاله لف لها واشر شافها تمسح دموعها...ودخل أماهي من دخل مازن ضمت غدي وقامت تبكي...

°°°°
°°°°°°
°°°°°°°°
... اليوم سافر مــازن وبــدر لسعوديه والليله طيارة ميشــو ومجدي للجزائر وبــكره طيارة حمدان للأمارات وبــقى انا مقدر اسافر لان الاجازه قصيره وبجلس مع ابوي بنســافر بعد اسبوع لروما و غدي متــعوده ماتسافر لأن اهلها معــها عدا اخوها الكبير بسعوديه متزوج وهو اللي بيجــي لهم..




في السعوديــــه>>المطــــار
=======
...وصل الاخ المحبــوب الأبــن البار الشـاب الوسيم الــرجل المثالي ... مازن ابــن26 ربيعا ابــن الغربه عانى منها الكثير وعاش فيها غريب وبها تحمل
3سنوات من عمره...مــــازن
الشاعري الرومنسي المحب المخلص الحنون ...مــــازن عاد من جديد لتحضنه ارض بلاده وتغطيه سمائها ويداعبه هوائها ...سيبقى فتره وجيزه ليعيش كل لحظه بها بين اهله واصحابه واحبائه... ويعود ادراجه من جديد بعد ان يملئ رئتاه حب ووفا وذكرى لوطنـــه الأم..
...استقبله هيثم اخوه وخاله حاتم ومعتز ولد عمه...وطاروا فيه هذا المزيون ابو معاذ..







+سبــحــــان الـله+
+سبحـان الـله+ +سـبـحـان الـلـه+
+ســـبـحـان الـلـه+
+سـبــحــان الــلـه+ +ســـبــحـــان الـلـه+
+سبــحــــان الـله+
+سـبــحــان الـلـه+
+سبحـان الـله+
+سـبـحـان الـلـه+
+سبــحــــان الـله+











بيـتـ ابو هيثــــم






>> مجلس الرجال...
=======






الكل مرتبش وفرحان بمازن
لحظات مرت ضحك سوالف قهوه شاهي دخون هذا واقف يصب القهوه وهذا يعدل شماغه وهذا يتكلم في الجوال
وفجـــــــــــــــــأه
عم الصمت وهدأ المكان وتعلقت العيون على من القا تحية الإسلام بصوته المرح صوته الجهوري صوته الذي يميزه الجميع واخيرآ ردوا السلام والابتسامه تعلو محياهم ....وقف الجميع مستبشرين بحضوره ابو هيثم اول واحد هلا فيه/مرحـــبا بهالصوت ... وجاه مازن طاير وسلم عليه وحب خشمه وراسه ويده...
أبو هيثـــم/يامرحبا والله وشلونك وانا ابوك..والحمد لله على سلامتك..
مـــازن/الله يسلمك ..وشلونك انت عساك طيب..
أبو هيثـــم/بخير وسهاله يوم شفتك...
أبو ثامـــر قرب من مازن وقال لأخوه/ اجـــل هو ولدك لحالك!!
لف له مازن وضحك/ حيـــا الله عمي ..
أبو ثامـــر/حيا الله الشيـــخ.. وسلم مـــازن وحب راسه...
ثم سلم على الشباب كلهم...
واخيرا طمن(نزل راسه=او دنق) على جده "ابو محسن" وحب راسه..شلونك ياجـــدي..
الجـــد/هلا وغلا بالغالي
...ومسك يده وجلسه جنبه...
وشلونك عساك طيب...
مـــازن/بخير جعلك بخير...
الجـــد/عسى ماتعبت...
مـــازن/لا الحمد لله.
الجـــد/وشلون المدرسه!!
مـازن بأستغراب /المدرسه!! ثم لف لشباب وماتوا ضحك/ايه المدرسه ماعليها زينه.
الجـــد/وعساك بتنجح...
مـــازن/ههههه وراك غاسل يدك مني!!
مهـــند/نورت السعوديه يابن عمي..
مـــازن/يعني تبي تفهمني عايشين بظلام من رحت لـــين اليوم..
حاتـــم بمرح /لا مهوب لهالدرجه..
مهنـــد/الظلام هنا يالمزيون ...وأشر على صدره..
الكـــل/وااااااااااو.....
وقام مازن وجلس جنب ابوه/شخباره ابو مـــازن...
ابو هيثـــم/بخير وانا ابوك...
ابو ثـامــر/يامتى ترجع لنا و تخلص من هالروحات وانا ابوك!
مـــازن/هـانــت ياعمي الحمد لله....إلا شخبار خالتي..
ابو ثـامــر/بخير تسأل عنك.
مـــازن/تسأل عنكم العافيه...
...ثم بدا الضحك والتعليق والسوالف ...وبعد مرور ساعه طلع مــازن يسلم على اهله...
םםםם
םםםםםם
םםםםםםםם

<عائـــ لة ابــو هيــثم>
=======
(ابو هيثم/ تــــركي اب مثالي في هذا الزمن...يخاف على عياله ويداري مشاعرهم عمره ما قال لأحد منهم لا في شي لمصلحتهم حكيم و خبير.. رجل عصامي كافح لبنأ شركة العائله مع ابوه واخوه وبعد وفاة ابوه مسك الشركه مع اخوه ابو ثامر و ولد عمته ابو نواف)
(أم هيثم/نــــوف طيبه لآخر حدود الطيبه وحنونه على عيالها وعيال اخوانها اللي توفوا.. و احيانا شديده لشي فيه مصلحه لهم...انسانه مؤمنه بقضاء الله وقدره)
(هيثــــم/ اكبر عيالهم يلفت الانتباه برزته وتزانه يموت على اخوانه متزوج ريناد بنت عمه عنده تركي عمره سنتين ...ماسك قسم المحاسبه في شركة العائله)
(مــــازن /اصغر من هيثم اجتماعي بشكل غير طبيعي يشبك مع اي احد بسهوله يدرس في لندن وهذي آخر سنه له شاعري مليان مشاعر واحاسيس انسان راقي بتعامله يملك موهبه الكتابه عنده مقالات جنان لدرجه يقولون له اخوانه يجمعها في مجلد شرط يصير مليونير أوعلى الأقل ينشر في مجله بس يقول كتاباتي مشاعري الخاصه و شي خاص فيني... ولصراحه عنده الفاظ مؤثره واسلوب روعه مقالاته باختصار تمس وتر حساس لكل المحبين... على فكره المفروض كان يدرس في امريكا اوراقه قبلت هناك وكل شي تمام بس قرر يدرس بلندن لكثره العرب هناك و الخليجين حدث ولاحرج اللي دراسه واللي علاج واللي مصيف واللي مهاجر هناك)
(ميهــــاف/ 22سنه جميلـه .. تخرجت من الجامعه العام تخصص احياء.. تتميز بقلبها الحنون على اخوانها وابوها وامها خطبها معتز ولد عمها بس للحين ماردت وهي تموووت فيه)
(بشــاير\
[صاحبة�الروح �المرحه]
جمالها هادي جسمها حلو وشوي طويله آخر العنقود عمرها20 سنه جامعيه تدرس علم نفس باقي لها سنتين وتتخرج)......
...ومعهم في نفس البيت عم ابوهم وخال امهم يقولون له الشباب والبنات جدي ...اسمه محمد له ولد اسمه محسن اسر في حرب الكويت الى إن مات... و زوجته ماتت قبل ما يتوفى ولده بسنه واحيانا يروح لبيت ولد اخوه الثاني(أبو ثامر)




......
.........
=======
.... دخل مازن من باب المطبخ اللي من جهت مجالس الرجال..




وحصل ريمان "شغالتهم أو البشكاره على قول اهل الامارات" /ها ا ا ا ا ي ...
لفت لصوت شافت مازن "هي تموووت عليه"..
ريمــان /وا ا ا ا او..WeLcome
ومسحت يدها من المويه وصافحته بحراره...
ابتسم من حركتها وصافحها/فيه احد هنا...
ريمـان/yes
/طيب نادي لي احد...
ريمـان/ok..
سمع صوت ميهاف وركض يتخبأ توقعها جايه للمطبخ وصدم سواري(خادمه ام ثامر) همس/Excuseme
‏(المعذره)
سواري/no problem
(لا مشكله)
طلع لصاله بعد ماطول ينتظر.بس وينها من ثواني سمع صوتها بس وين راحت شافها داخله من الحديقه معها تركي ولد هيثم وعزوز ولد ثامر شكلها جايبتهم من الشمس ...
شافه تركي ولد هيثم وصرخ بصوت عالـــي/ااااذن.
رفعت راسها وشافت مازن مطمن لتركي عشان يشيله ابتسمت ابتسامه صادقه من قلب يموت عليه وراحت له
شال تركي ي/وشلونك حبيبـــي!!
تركــي/تيب..وين هتيه؟
(وين الهديه)
ضحك/وراك حار مهوب الحين!
بعصبيه/اتى
/عساك ماتطقني بس ..لا راح عزوز عشان ماياخذ هديتك...
وباسه ونزله يوم وصلت ميهاف وقدم لها وفتح يـــدينه وضمها..مع هالبنت ينســى هموم الدنيا كلها يحبها موت واسراره عندها .. قريبه منه بدرجه كبيره...صح يحب دلع وخبال بشور ويحب يدللها ...بس ميهاف غير تفهمه على طول وتترجم نظرات عيونه للغه مفهومه...
وميهاف بحضنه/ والله وحشتينـــي وحشتينـــي!!
/وانا اكثر...
فكها ومسك يدها/شخبارك ..
/انا تمام
.. قامت تتفحص وجهه نورت السعوديه
/هههه كل من شافني قال نورت السعوديه والله من الشلخ عندكم!!...
/هههه...الحمد لله على السلامه...وإلا بعد اكذب في هذي..
/والله على حسب نيتــك .. الله يسلمك...فيه احد داخل..
/أيه خالتي وريناد واهل خالي وجدتي..
شاف بشور جايته تركض بعد صرخه سمعها الرجال اكيــد... وبلهفــه وشـوق حضنت اخوها وبوسته على خشمه وراسه وهو ميت ضحك هذي بشور ماتعقل /الحمد لله على سلامتك..
مـــازن/الله يسلمك شخبارك؟
ببتسامه/ازقـــح بس انت كيفك وش اخبارك وشمسوي..
مـــازن/ بخيـــر الحمد لله...
... طلعت امه من مجلس الحريم بعد ماخبرتها ميهاف.. يوم شافت مازن مسحت دموع الفرح ومشت له وهي تسمي عليه وتلبي قلبه وقدم مازن لها مبتسم وسلم عليها وحب راسها/يا الله يمـــه وش له هالدموع؟
/غصب عني وانا امك!!
/الله يعين..طمنينــي عنـك.
/بخير ربي يعافيك ويسلمك..
بشايـــر/يمــه يمـــه
سفهتها/ وكيف دراستك و اختباراتك...
/الحمد لله..
بشايـــر/يمــه يمـــه
/عافيـــه خلينـــي اشوف اخوك..
بشايـــر/هذا وهو توه واصل وسافهتـــني بعدين وش بتسويـــن!!
أمهـــا/ماعليكي منه!!
يطالع بشاير ويضحك عشان يغيضها/ ياشين الغيـــره
..."ولف لأمه" شخبارهــا جدتي وخالتي!!
/مافيهم إلا عافية ربي..ادخل سلم عليهم مابه احد...
ودخل بعد ماعطت بشور البنات خبر ان مازن بيدخل يسلم ..
مـــازن/احـم احـم ...ياولــد ودخل ..الســـلام عليـــكم..
الكـــل/وعليـــكم الســـلام..
قامت خالته/ياهلا ويامرحبا..
سلمت عليه ودخل يسلم على جدتـــه..
الجـــده ضمته بقوه مازن يتميز بمكانه مرموقه في العائله/بشرني عنك يابوي..
مـــازن/الحمد لله بخيـــر..
الجـــده/عسى.. وإن شاء الله خلصت..
/لا بقى علي حول4 شهور..
تطمنه/عجله وانا امـــك على الحي والسالم...
/الله يعين ....
/الله يوفقك ويسنع امرك ويرزقك بنت الحلال...
طالع ميـهاف قدامه وابتسم ...
ولف لجدتـــه/انتي وشلونك الحيـــن...
الجـــده/احمد ربي وشكره ماشكي باس...
مـــازن/الحمد لله وصد لصوت انثوي يعزه..../الله يسلمك وشلونك انتي ووش اخباره نواف...
........../الله يسلمك...
(هذي هند مرت خاله) ...
ثم سلمت عليه ريناد والعنود دخلت بشاير معها عصير ووزعته على شرف مازن..دق جواله بنغمة رساله سكره من دون يفتحها وكمل معهم ساعه الا ربع ثم شال تركي وطلع مع ميهاف للمطبخ..وفتح الرساله في طريق لقـــاها من
"عنـــود الريـــم"
((قل لأمـــك سمـــح الله خطاهـــا...جـــابتك فتنـة
للقلـــوب الرهيفـــه))
عطى الجوال لميهاف..وقامت تضحك..
/شكلها ذايبه...
بثـــقه/بس ذايبه قولي منتهيـــه..
ابتسمت بشك/ شكلك
شكلك مغبي عني شي..
ضحك/تقدرين تقولين بس بعديـــن بقولك على رواقــه...
وطلع لرجال وهي رجعت للبنات.
.....
.........

العــــــصر فضى البيت ودخل مازن مع ابوه وهيثـــم راجعين من المسجد..مالقوا احد في الصاله استاذن وطلع لغرفـــته يرتاح .. وشاف ميهاف تصلي لان غرفتها جنب غرفته/تقبل الله..
ودخل غرفته ...وانسدح وابتسم يوم ذكر رساله ريماس الظهر.. وطلع جواله فكر يدق بس قال ارسل الحين وبدق لها الليله..و ارسل/
(ابســألك عن شي مابين الضلوع ماتشوفه بس تحس وتسمعــــه لايكل ولايمل ولايجوع بس يوم تصد عنه توجعــــه دوم يبكي ولا بكى ماله دموع ولا بكى من حبكم أبكي معــــه عرفته وش من الأشياء يكون؟ إذا عرفته تراك عرفت حبــك وين موطنـه)

====
المكــــان/لنــدن
في البلكونه حيث تقف هناك مبلله بالمطـــر ..
======
سمعت صوت مسج دخلت على امل يكون من مــازن و فرحـــت يوم شافت المسج بأسم"شبيــه الـريــح"
معناه ما انشغل عنها مثل ماتصورت انه بيكون في عز دوشته هناك بين ناسه واهله واخر شي يفكر فيه هي بس الحمدلله مع انها انقهرت يـــوم مارد عليها الظهر بس اسعدها انه مانساها...
وردت/
(لو دريت ايش صارلــي في غيابك ماكان طــاري الفراق اليوم يقفي بك الـــبعد طول علي والشوق ماجابـــك ياليت طيفك يحن اليـــوم ويجيبك)
========
طلع من دوره المياه



بعد شور جدد نشاطه وفتح شنطته عشان ياخذ علبه ريماس والنوتا من بنطلونـــه وراح لسرير







وفتح علبه ريماس حصل ميداليه على شكل مجسم صغير (تقدر تسكر يدك عليه) من زجاج ثقيل الوزن لبنت خياليه مثل الملاك باسه ورجعه للعلبه وفتح النوتا ..
الصفحه الأولــى كاتبه فيها بخط رووووعه
(من السهل أن ينسى الانسان نفسه ولكن من الصعب أن ينسى نفسا سكنت نفسه)
الثانيـــه(جميل أن يكون لك قلـــب أنت صاحبه ...ولكن الأجمل أن يكون لك صاحب أنت قلـــبه)
الثالثـــه(سهــل أن اشتاق لك ...وصعــب أن اجدك كلما أشتاق ...!!)
الرابعـــه( من المستحيـــل أن أمحو ذكرياتـــك من قلبي أو أن تكون في يوم ورقه طـــواها النسيــان)
--- قرا قرابه 10ورقات ثم حطه تحت وسادته وغمض عيونه تمهيد لنوم....

םםםם
םםםםםם
םםםםםםםם





بعـــد المـــغرب بساعه ونص طلع ابوهيثــم وهيثــم وجده وأمــه و بشايـــر...لبيت اخوه لان عنده عشاء عازم مــازن ...
وجلست ميهاف على اساس تلحقهم مع مازن راحت للمطبخ وطلعت حلى من الثلاجه و سوت عصير وطلعت لصاله دقايق ونزل مـازن وشاف اللي قدامها/هاه نمشي وإلا تونا بدري ...
/ لا تونا اجلس..
جلس/وهذي جلسه اش عندك...
عطته العصير خذاه منها /الموضوع ومافيه اشتقت لك!!
/مهوب كثري والله ..
/شخبار الدراسه..
/ماشيـــه!!
/ بس ماشيـــه..
يضحك/وزينــه بعد...
بمرح/ اجل مهيب زينه وانت جالس6 شهور ماشفناك..
بجديه /والله ماأفضى تطبيق وامتحانات وبحوث وحـــاله قشرا...بس بصراحه لاجيت هنا انسى التعب وابو ابوه..
/الله يـــعينك...
/انتـــوا وش اخباركم وكيف امي معاد تعبت!!...
/لا الحمدلله..
/وابوي شخبار الشركه معه!!
/ماشيــه...شخبار عنودك ...
/آآه ياميهاف ياحبــي لها..بس اليوم خبلت بي.. نسيت احط جوالي على السايلنت و ازعجتني مسجات ومكالمات لدرجه اعطيها مشغول!!
/وليــه ماقفلته...
/ لا ماحب اقفل في وجهها...
/طيب كان رديت...
/ قالوا ثور قال احلبوه..اقول قايم من النوم تقول كان رديت!!
/عـــاااادي...
/لاياقلبي ما بغاهاتسمع
صوتي وتوني قايم من النوم...
بسخريه/قول كذا...طيب دقيت لها...
/ايه بس عقب ماطيرت عقلها ..وقامت تهاوش علي ليـــه اعطيها مشغول..قلت اني كنت تعبان وصحيتينـــي وقامت تضحك(تلفت)ويـــن بشور اجل؟!..
/راحت مع هيثـــم..
نزل كاسه/هاه نمشي معتز ينتظرني الحين...إلا على طاريه وش قررتـي بموضوعـه.
مبتسمه/كل شي بوقته حلـــو!!
/ابن الحلال عند طاريــه هذا هو دق..
/خلاص بلبس عبايتـــي..

םםםםםםםםםםםםםםם

... رجــع مــازن وامــه و ابــوه وميهــاف وبشــور من بيت عمه ..وجلسوا في الصاله يسولفون مع مازن..
ثم وصــل هيثم وريناد وتروكي بعد ½ساعه ...
وطلعت ريناد فوق بعد مادخلوا ام هيثم وابوه ينامون أما هيثـم وولده جلسوا ...وخذا مازن الريموت يقلب في الدش وحصل افلام كرتون وعداها قاله تركي يرجع بس مازن مشاها وقاموا يعلقون عليه ويضحكون عصب وجلس في حضن ابوه وجاه النوم وقاموا يحلتونه وإلا لاغمض ينادون بأسمه بصوت عالي عشان يطيرون عنه النوم..
تركــي لف لأبو بسرعه كانه تذكر شي/بوي...
هيثــم/لبيـــــه..
تركــي/هايدي برت بيتر(هايدي مرت بيتر بس هو نص الحروف يبلعهم...)
هيثــم استغرب سؤاله/لا لــيه...
تركــي فاتح عيونه على الأخر/إلا...
هيثــم/من يقوله؟..
تركــي/اواف(نواف)
هيثــم/يا هالنواف الحين تكذبني وتصدقه!!
مــازن/طيب وانت وش حارق رزك قل إيه...
هيثــم/ماحب اكذب عليه!!
مــازن / اي كذب من شفتهم يترززون على الضلعان وانا غاسل يدي!!...
هيثــم/ههههههه..
بشايــر تكلم هيـثم/وانت احمد ربك لو طلع ولدك على نـواف بن حاتم...
مــازن/وانا اشهــد!!
ميهــاف/ مازن وش سوى نواف يوم شافك...
مــازن/بغى يستخف و لايقول عشاني لاتسافر...
ميهــاف/علمك ابوه انه يقول اكثر واحد احبــه مازن ثم انت...
مــازن/ههههه ايه يعلمني خالي يقول ياأجلس هنا يا خذه ودرسه على حسابــك...
قلت ياولــد انا ادور احــد يتبناني هناك...
وقامت تضحك بشايــر على رد مــازن..
بشايــر/طيب نواف تغيــر عقبك..
مــازن/ايه تغيــر حتى هالمفعوص بعد طلع له لسان عقبي مع اني ماافهم عليه(يتكلم عن تركي)...
بشايــر/يبــي له من يفك الطلاسم ...
مــازن/ههههههه...
هيثــم/هيــه بشور ترا ولدي يسواك..
بشايــر/إيــه هيــن!!

םםםםםםםםםםםםםםם

؛،.» بيت أبو ثامــر«.،:
>>العــــــصــر...
==========

«عائــ لة ابـو ثامــر‏«
(ابو ثامـــر/ عبد العزيز يحب الخير للكل ويعد عيال اخوه وولد عمته مثل عياله... اكبر من اخوه ابو هيثـــم .. اما مجال عمل شركتهم
"تصميـــم معمـــاري وبنـــاء")
(أم ثامـــر/نوره ام مثل جميع الأمهات تحب عيالها وتخاف عليهم وطيبـــه)
(ثامـــر /اكبر عيالهم معيد بالجامعه يدرس Eng lish
درس بالخارج وتزوج من العنود بنت خاله الله يرحمه طبعا من اختيار اهله لانه مايؤمن بالحب قبل الزواج وبعد ماعرفها حبها لحد الجنون وصارت كل شيء له... وعندهم يارا3 سنوات وعزوز اكبر من تركي بـ 3شهور)
(معتـــــز/طويل ملامحه متناسقه يشبه مـــــازن ولد عمه في كل شي نفس الطول ونفس الجاذبيه ومع هذا اصحاب واكثر من اخوان..خاطب ميهاف اخت مازن و ينتظر الموافقه..ويعمل بشركه العائله..وله اسماء كثيره اشتهر بها منها:
هنوف/اسم متداول بين اصحابه...
عادل امام/اسم القاه عليه معيد بالجامعه يوم مازن كان يدرس معه...
مرته لمازن/اسم متداول بين الشباب ودايم يقولونه له عشان يغايضونه...)
(رينـــــاد/ أم تركي بعمر ميهاف وصاحبتها ملامحها هاديه ونعومه تكره الازعاج والفوضئ محبوبه عند ابوها و امها واخوانها كونها البنت الوحيده بينهم متزوجه من هيثم ولد عمها)
(مهـــند/ آخر العنقود دلوع ومحبوب عند الكل ..فاكهه العائله يدرس صيدله وهذي اخر سنه تطبيقيه له...مشهور برقص مايكل جكسون يحب الاستعراض والحفلات والفله)
םםםם
םםםםםם
םםםםםםםם











... دخل ثامر الصاله






لقى امــه وجدتــه(مسيره عليهم)/السـلام عليكــم..
/وعليكــم السـلام والرحمه..
طمن وحب راس جدته/ شخبــارك يا جده...
الجــده/بخيــر ربي يسلمگ.
ثامـــر/وين من زمان عنك!
الجـــده بسخريه ممزوجه ببتسامه/اما انتم اللي تنشافون!
ثامـــر/هههه وشلون السكر!!
الجـــده/زيـــن...
ثامـــر/إذا بغيتي تشوفين هو زين وإلا..لا دقي لمهند ترآه كذا ..(واشر بصبعه)
الجـــده تضحك/من سمعك قال ماهوب كل يوم عندنا بكشف عليك بشوف ركبتك بحللك عشان السكر بشوف نظرك كم إلا مـــدري وشهو!!...
ثامـــر وامـه/هههههه...
الجـــده/ميـــر يوريه خالك مايقصرمعه وإلا لو علي فسخني...
ثامـــر مات ضحك...
أم ثامـــر/هذا بعد جزاه...
الجـــده/لاوالله مايقصر ابو عبدالعزيز ..الله يخليه لعين ترجيه..
أمـه /آمـــين...
تلفت ثامر ثم قال لأمه/يمــه وين العنود اجل..
الجــده/طلعت تجيب عبايتها بتخاويني لخوانها...
ثامــر/طيب بطلع ابدل وانزل اوصلكم...
الجــده/ لا اجلس لين تنزل ثم رح...
ثامــرضحك لانه عرف قصد جدته/هههه ليــه!!
الجــده/لو طلعت عندها سرا الليل مانزلتوا...
ثامــر/هههههههههههه
الجــده/اضحك لأمك...
دخل مهند يوم شاف جدته ضحك يحب يطفشها/مرحبا مليــون بمعذبني...
ثامــر بمرح /ياولــد
بس جدته ماردت عليه..
ثامــر/هههههه
الجــده التفتت لثامر معصبه/وانت للحين هنــا!!
ثامــر/تقولين لاتروح...
الجــده/رح ولاتبطي علي ترا ان ابطيت بروح على رجليني..
مهنــد/ابوك ياتهديد.. انا اشهد انك زاحفه..
الجــده/..................
(ساكته تتحشى هبال مهند)
مهنــد يلعب في جواله(ببتسامه)/اجل بتروحيــن على رجلينك..
الجــده/.................
مهنــد/ههههه...
الجــده/وش يضحكك؟
مهنــد/لا ذكرى عابره..
الجــده/الغابر وجهك ياللي ماتستحي...
مهنــد/هههههه
الجــده/ماتقولي وش اللي يضحكك..
مهنــد/ذكرى غابره..اااا اقصد عابره..
.........
םםםםםםםםםםםםםםם




















فـــوق عند عصافير الحب!!
========
.. أول مادخل غرفته





شافها تعدل شعرها بيدها عند المرايه قرب منها و ابتسمت ولفت له..
/اوف وش دراك عني كنت بهبلك ....
/هههه حرام عليك...
/طيب وش دراك عني ..ولاتقولين حسيت..
/لا المره هذي شفتك في المرايـــه...
انتبه لشكلها كانت حلوه مع انها ماحطت إلا كحل ومسكره و لابسه جلابيه تفاحيه وطالعه جذابه قرب منها وهي قامت تضحك على شكله لاسوا فيها متفاجئ يطلع جنان ..حطت يدها على خده وابتسمت..
/ليش تضحكين..
/ههههه......شكلك كانك واحد بيسرق له سرقه!!
/هههه ..عمـــري..
/لبــــيه.
يهمس بأذنها/وش رايك تهونين ونجلس مع بعض ولهــــان عليك..
/ليه تدري وين بروح!!
/إيه قلبي قال لي..
/ياسلام وش قالك..
/إنك رايحه لسمور ياهنيها فيــــك..
/قل ماشاء الله..ترا حدي هالأخت...
/ماشاء الله بس وش قلتي؟؟
بأصرار/ No way
/عشانــي..
‏ ‏/ Iam sory
/حبيبـــك!!

‏/Nooooo
/ابو عزوز
/لاا ا ا ا ا
‏ ‏/PLeez
/حبيـــبي مقدر..
ضمها ولف يدينه وراها وهمس بأذنها/فوتي الروحــه ونقضي سهره صباحيه في المكان اللي تبغينــه!!
تتفكك منه/ ماحب الأغراء..
/هههه و(مسكها بخبت).

بعصبيـــــــــــــــه
وصـــــــــوت عالــــــي....
"وخـ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــر"
.....
........





םםםםםםםםםםםםםם
-من اقتحم على العنود وثامر خلوتهم؟؟
-وش بتسوي الجده لثامر لو تأخر عليها؟
-والأهم مازن كيف بتكون اجازته؟؟
םםםםםםםםםםםםםםם
اول جزء بعدين بنزل الجزء الثاني\\\اسعد بلقياكم وانتظر