هاي اعضاء المنتدى المحترمين اليوم انا يمكن اول مره اجرب اختار من هالقسم اضافه موضوع جديد انا دايم اقرى الصراحه بس تجربتي خلتني احب افيدكم وودي ودي الصراجه الكل يجربها لاني بصراحه كثير فرحانه وحلمي الوردي تحقق ولله الحمد مين فينا ما يحب البحر والباخره من واحنا صغار وكل واحد فينا اكيد يتخيل نفسه يركب باخره ويمشي فيه بالبحر عدة ايام البحر هو روح الحياه هو تلك الاسطوره التي نصف بغموضه وعمقه بعض الناس ، له جمال لاتجده في غيره ولونه الرائع الجذاب واسماكه الكثيره واشكالها العديده والوانه البديعه ونرى ايضا جواهره ولالآلئه البيضاء، جماله لايقاومه الانسان، وروعة بريقه هذا الذي جذب الزائرين والباحثين حيث اخذ انظارهم وعقولهم واصبحو يمارسون هواياتهم فيه ، فسبحان الذي خلق لنا هذا البحر يحمل بواخر وسفن ولا يحمل مسمارا صغيرا مع كبره وعظمته.. هذه البواخر منها ما يحمل البضائع ، ومنها ما تحمل الناس للنقل وهذا ما دورته في راسي كي استمتع فيما خلق الله لنا.. وفي مره كنت اتصفح المواقع السياحيه لان في بالي نية لنوع جديد من السفر في بالي رحلة بحريه اقتنعت بالفكره وعزمنا على الرحلة البحريه وبدينا ندور على احسن الشركات السياحيه من ناحيه العروض بهذا المجال وتكون موثوقه فجأه طحت على اعلان عباره عن رحله 7 ليالي في شرق البحر المتوسط (|الذهاب والعوده من فينيسيا) وتتوفر فيها وسائل الترفيه الممتعه والتنقلات جميعها بالسفينه وقريت في الاعلان ان كلشي متوفر على متن السفينه قلت لزوجي وتحمس للفكره كثير وقلنا نجربها ، ورحنا على مكتب سياحه هنا في الشرقي قريب منا اسمه ركسون والله يمدحونهم ومجربينهم ورحنا سالناهم عن الرحلات البحريه اللي عندهم او الرحله اللي احنا قرينا عنها والا قالوا والله موجوده هالرحله عندنا على باخره اسمها نرويجان جيم
والجو بهالفتره مناسب انه نطلع فيه رحنا وتوكلنا على الله وحجزنا التذاكر الى ايطاليا ونمنا ليله بالاوتيل وطلعنا ثاني يوم عالباخره واااااااااو مره مره غريب هالشعور وهالتجربه ولكم عاد تتخيلوا كيف كانت الاجواء على متن السفينه طبعا كانت الوجبات تقدم مع المشروبات البارده والساخنه وكانت تقام انشطه متنوعه ووسائل ترفيهيه واستعراضات بجميع المرافق مجانا ومطاعم ومقاهي ودور سينما ودور استعراضات
صارحه تحس انك حطيت فلوسك بمكانها صح وتلف ايطاليا واليونان وكرواتيا وفي كل بلد ننزل ونلف وننبسط ونتفرج ونستمتع ونشتري ونرجع مره ثانيه للباخره نكمل المسيره واااااااااااااااو خياليه يا جماعه جربوها وانا متاكده انها رح تعجبكم وتدعولي اتمنى من كل من يحب الترفيه انه يجرب هالرحله لانها فريده من نوعها وهذي بعض الصور اللي حبيت اوفرهالكم
التعديل الأخير تم بواسطة خادم القرآن ; 16 - 06 - 2012 الساعة 10:26 PM
واخيرا حلمي في الرحلة البحريه تحقق
المواضيع المتشابهه 
