رد: امجدونا للتوصيات السوبر ملكية
وآآآآآآآآأسفاه ياشباب
الله يسامحكم واحد واحد والله حرام حرام حرام يكون هذا مستواكم في صفحتي بالذات انا اتعب تعب مهو بسيط واقعد احلل لكم 27 او 26 عملة واكتب في كل عملة 3 اسعار بيع وشراء وبايفوت بوينت وفي النهاية بدل مااحط الورقة في جيبي وافتحها وقت ماابغى اشوف الأسعار فين وصلت اقوم ارجع مرة ثانية اكتبها لكم في المنتدى الى درجة وصلت لمرحلة اصبحت احس بكمية الام شديدة في يدي بسبب الكتابة الله يسامحكم واحد واحد انا اسهر واجلس على الكرسي الى ان تنام رجولي ويتصلب ظهري واحس بشد قوي في رقبتي وارد على مشاركاتكم واقعد احرق في دمي واعصابي عشان افهمكم واحد واحد ومااحس بتأنيب الضمير في داخلي وفي النهاية ادخل اليوم واقرا مشاركاتكم عشان يرتفع ضغطي واحس بصداع في راسي للأسف ياشباب ضحك عليكم السوق وكنت عارف انكم راح تستعجلو لكن ماحبيت اني اظلمكم بظني فيكم وقلت يمكن تكونو فهمتو المغزى من كلامي ولكن للأسف القليل اللي فهمو نعم اقولها وبكل اسف وبحرقة قلب القليل اللي فهمو مغزى كلامي كل واحد فيكم فرحان ان العملات وصلت لسعر البيع او الشراء او قبلها ب 10 او 20 او 30 نقطة وفي الحقيقة من حقكم تفرحو لكن اللي مهو من حقكم تعملوه انكم تعصوني وتعصو كلامي وتدخلو في الصفقات من راسكم ابغى اسئلكم سؤال هل انا عربي زيكم ولا اعجمي هل انا اتكلم بنفس لغتكم ولا لغتي بربرية انا ماني قايل لكم الدخول يكون بعد الوصول لسعر البيع او السعر الشراء او قبلهم ب 10 او 20 او 30 نقطة وقعدت ازعق واصيح واقول الدخول يكون بعد كسر الترند بعد كسر الترند بعد كسر الترند وقلت كمان اذا دخلنا بناء على كسر الترند واختراق خط ال 21 لاخر خط معناه الهدف يتقسم على مرحلتين المرحلة الأولى سعر الشراء او البيع والمرحلة الثانية نترك الصفقة الى ان تظهر شروط الخروج من الصفقة زي ماسار بالزبط في اليورو هذا الأسبوع خسارة فعلا خسارة اني شرحت كل شي ووضحت كل شي وفهمتكم كل شي وفي النهاية يو ديس ابوينت مي يعني بالعربي حطمتوني من جد حطمتوني من جد حطمتوني كل واحد يدخل من راسه وقاعدين تمسكو الصفقات اللي ماسار فيها كسر ترند وتركتو الصفقات اللي حصل فيها كسر ترند وحققت ارباح واللي يقهر من جد انكم ماجبتو سيرتها ابدا انا شايف اني وصلت معاكم لنهاية المشوار لأني بصراحة معد قادر اواصل لأسباب تخصني واسباب اخرى تتعلق فيكم ساعات احس اني قاعد اكلم نفسي وساعات احس ان شرحي دون المستوى اللي تتمنوه وساعات احس ان التوليفتين جدا جدا صعبة عليكم على الرغم كلها عبارة عن اختراقات خطوط في خطوط ماني شايف وماني داري فين التعقيد فيها ولمن حبيت اني اتعلم واستفيد وافيدكم بعلم جديد اللي هو التوصيات الرقمية وقمت اطور في هذا العلم لقيت نفسي في وادي وانتو في وادي انا اشوف ان الصفحة هذي وقتي انتهى فيها الافضل ليا ولكم اني اقلكم سلام عليكم واخليكم تكملو المشوار مع مؤيد او لو كان كمان وجودها يضايقكم انا مستعد اخاطب الإدارة عشان اقفل الموضوع بالكامل وسبق اني سويتها في موضوع توليفة رائعة بصراحة كل شي في مشاركاتكم يدل على عدم فهمكم لكلامي او اصراركم انكم تمشو اللي في راسكم وانا مااحب اني اعاند احد ولا ابغى احد يعاندني فعشان لانزعل من بعض ولايكون في خاطركم شي عليا ولا يرتفع ضغطي وتزيد الامي واحزاني وجروحي لمن اشوفكم قاعدين تخسرو وعشان مااحس بتأنيب الضمير انا افضل اني اطلب السماح الان منكم واحد واحد واقلكم سامحوني وفرصة جدا سعيدة ورائعة وحلوة اني التقيت فيكم واتعرفت عليكم والله يستر عليا وعليكم دنيا واخرة والوجه من الوجه ابيض زي مابدئنا بالطيب والمعروف اودعكم الان ان شاء الله بالطيب والمعروف واتمنى لكم التوفيق من اعماق قلبي وسامحوني ياشباب لو قصرت في حقكم ونصيحة من قلب محب لكم خلوكم مع التوليفات الموجودة في صفحة 206 اقروها كويس وطبقوها على الميتاتريدر على صفحتين منفصلة عن بعض عشان تفموها بالشكل الصحيح وبالنسبة للمؤشرات ترى مافي اجمل من نقاط الباربوليك ومؤشر الفري ريكومند اللي سبق اني ارفقته في صفحة 291 او 293 هذي تقريبا هيا اهم مؤشرين تقدرو انكم تشتغلو عليها وتستخدموها وترى التوليفة ياشباب والله ثم والله انها رائعة وممتازة وحلوة وجميلة جدا جدا جدا اللي فيكم يبغى يعرف طريق الأرباح يشتغل على كسر الترند واختراق خط ال 21 لاخر خط ومن النهاية هو هذا الفوركس واهم شي توزيع اللوت على العملات اللي تتكون فيها الفرص بالشكل الصحيح اتمنى لكم التوفيق في امان الله والله يحفظكم ويرعاكم
اخوكم ومحبكم دوما وابدا
امجدونا1
الفوركس مدرسة تكتيك وفن وهندسة
المواضيع المتشابهه 
3237Likes