رد: حلمي 150 الف دولار فقط
اقتباس:
المشاركة الأصلية كتبت بواسطة GIORGIO
السلام عليكم ورحمه الله وبركاته
معاكم اخوكم طارق بدرس طب بالسنه الخامسه الان واحلم اكمل بامريكا واختبار اختبار USMLE عشان ادخل الماتشينج لكن تكلفه الاختبار والدراسه وقفت عائق بطريقي فارشدني احد الاصدقاء لسوق العملات ومنتدى بورصات فسجلت وقراءت قليلا لكن راح اظل مبتدئ واحتاج المعونه من اخوتي المتقدمين عني في هذا المجال دخلت حساب تجريبي خسرت 900 دولار وربحت بعد ساعه 200 دولار لكن على هذا الحال لن استطيع تحقيق حلمي
قيمه التدرب للاختبار تكلف 33 الف دولار وقيمه التدريب للمستشفى في التخصص الي بتمناه تكلف 20 الف دولار للسنه وراح استمر لخمس سنوات دراسه وهدفي مبلغ 150 الف دولار واخرج من السوق في مده اقصاها سنتين لكن لاعلم بكم ابتداء واي انواع الحسابت
اتمنى من الاخوه الكرام بما اني مبتدئ في سوق العملات ابداء النصح لي والتوصيات واتمنى ان تأخذوا بيدي لتحقيق حلمي
اشكركم جزيل الشكر
اولا ربنا يعينك على دراستك و يوفقك فيها
ثانيا انا هكلمك بمنتهى الامانه فارجو ما تزعلش من كلامي
انت بتقول ادامك سنتين فانا هحاول اديك الخلاصه
مبدأيا لازم تفتح حسابين واحد ديمو وواحد حقيقي و كل واحد فيهم يبقى على الاقل ب 40 الف دولار
الديمو هتشتغل عليه بأي استراتيجيه تعجبك و ان كنت افضل استراتيجيه الدخول المعاكس و ترند الرومانو ليك كبدايه لسهولتهم و فعاليتهم
الحقيقي اول سنة ما تدخلش عليه صفقات بدماغك لأنك والله هتخسر طب نعمل فيه ايه
نعمله خطة تدبيل على مدار سنتين
السنه الاولى من 40 ل 80 الف
السنه التانيه من 80 ل 160 الف
السنه عباره عن 52 اسبوع يعني لو طلعت في اول سنه كل اسبوع بمكسب صافي 1000 دولار هتعدي الخطه كمان و تاني سنه 2000 دولار في الاسبوع
صعبه؟ طب تعالى نحسبها
هنفترض انك هتدخل 3 صفقات اسبوعيا فقط لا غير و متوسط الربح هو صفقتين اسبوعيا ومتوسط الخساره هو صفقه اسبوعيا يعني بمعدل صفقه رابحه اسبوعيا
طيب لو قلنا ان مجموع عقود ال 3 صفقات 40 دولار يعني الصفقه الواحده ب 13 دولار و الصفقه دي كسبت من 50 ل 100 نقطه معنى كده انك هتطلع اخر السنه الاولى بمبلغ يتراوح من 74000 ل 107000 دولار
ممكن؟
اه ممكن بس ازاي
اولا الالتزام بالخطه الموضوعه بحذافيرها
ثانيا الابتعاد كل البعد عن مديري الحسابات لان ما حدش هيخاف على تعبك زيك
ثالثا انا قلتلك ما تدخلش صفقات بدماغك اومال بدماغ مين ؟
بدماغ موصي الناس كلها بتثق فيه
زي مين؟
افضل 3 من وجهه نظري هم اساتذتنا خالد العويني و احمد عزام و هيثم
و ان كنت افضل في حالتك هيثم
طب ليه
لأن هيثم بينزل تحليلاته كل اسبوع مما يتوافق مع الخطه و خصوصا ان توصياته رقميه يعني مافيش اسهل من كده و توصياته ما اقولكش اللهم صل على النبي
اما فنيا فالتلاته ما يتخيروش عن بعض بس استاذ خالد ممكن يجي شهر ما ينزلش تحليل
بس اما تحليله ينزل حاسب بالمليمتر يا حبيبي بالمليمتر
و احمد بينزل تحليلات كل اسبوع بس الستوبات كبيره نوعا ما لان الاهداف ضخمة
ميزته ان صفقه كسبانه بمقام 4 خسرانين عكس معظم المتاجرين
بس هل نفسيتك ممكن تستحمل 4 صفقات خسرانه ورا بعض في انتظار الخامسه الكسبانه خصوصا انك لسه بتقول يا هادي
علما بان والله التلاته ما يتخيروش عن بعض و التلاته اساتذتي و حبايبي بس انا حاولت اختار الانسب ليك ماديا و نفسيا و خططيا و كل حاجه
و ربنا يوفقك للي فيه الخير