أحس أني فقدتك و ازعج اللوعة على مافات
..................... وأعظ أنامل الحسرة عليك ب وحشة أيامي
بعد غيبتك ماتت فرحتي بس الغلا مامات
..................... ظميت لشوفك ولاغير شوفك يروي الظامي
تمنيتك تحس بغيبتك في ناظري بالذات
..................... تجي تنشد عن احوال الذي في حبكمهامي
ثلاث ايام مرت والحزن داخل خفوقي بات
..................... بقى قلبي معذب والوجع في داخلي عامي
جبرنا الوقت نبعد عن بعضنا والمدى حسرات
..................... تغيب من العيون وشوفتك في وسط الاحلامي
حزين الحال وآوجاعي بصدري ترجمة ونات
..................... يميني تصفق اليسرى ندم واحس بأعدآمي
خطيره سلة اوجاعٍ(ن) تداعت لأجلها العبرات
..................... تراها في عيون العاشق اخطر من تسونامي
دوى صوت القهر من داخلي متعاقب الزفرات
..................... يدندنها حبر مايقدره لو كثرت اقلامي
ذبل ورد الامل واصدر بدل شهد النحل آهات
..................... تداعب شوق متوقد وجرح من الآسى دامي
رسمتك صورت (ن) تاقف عليها عالي الهــامــات
..................... من اصغر شخص لين اوصل لحد المنصب السامي
زهمتك واعرف انك وافي ٍ ياسيد الخفرات
..................... زهمتك والهوى سقم ٍ يدوج ب داخل اعظامي
سمار الليل حل وزل واقفت لذة السمرات
..................... سما سم الهواء ب بيوت شعرجرحها نامي
شعوري في غيابك صعب توصف حاله الابيات
..................... احسه مثل وسع البحر بالاطراف مترامي
صورّ ترسم ملامح شوق ولكن ماتت الرسمات
..................... على ذيك الملامح والامل ياشوق قدامي"
ضــوانـى لــيـــل يـاطــولــه ولابـه نــور او شـمعــات
..................... ظـلامــن مرخــى ســدولـه يـجـيــب الحــزن واوهــامي
طريـقـي لذكـرياتـك.. لـو تـمــرّه تـتعـب الـخـطـوات
..................... بتلـقـا لك وفا مزروع إلى آخـر خطـوة بـأقـدامـي
ظروفي دون وصلك بالمحبة خانت الهقوات
..................... تمنيت المحبة تأخذ آلامي من آلامي ..!
على أوتآر الندم أعزف كثير الهم والويلآت
..................... وجسد ما مضى وأبكي على البآقي من حطآمي
غيآبك هدّ حيلي يآلغضي طوّلت في الغيبآت
..................... لو إنّي كنت كآفر: من غيآبك بعلن إسلآمي
فقدتك وابتدأ قلبي يصارع هادم اللذات
..................... وفي عيني من اللوعه بروق(ن) مزنها اركامي
قصيدي في سواك أبكم وتتكاثر به الغصآت
..................... وحرفي صار من بعدك يتيم ب دار الأيتآمي ~
كتمت الحرف في صدري وعيني تكتبه دمعات
..................... يغـنيه الفـؤاد اللي يـدق العـود باسقـامي
لقيتك صدفه بدربي / وُسكنت بداخلي بسكات :
..................... لو ان الوُقت بي يرجع / أجيك اسابق اقدامي !
ملكت القلب بغيآبك وانا أقضي أصعب اللحظات
..................... وطرف العين من ساعة غيابك مابعد نامي
نويت الصد بغيابي وجيت أسابق الأوقات
..................... أسير بدنيتي تايه.مابين الهند والشامي
هيامي زاد من بعدك ب فضفض لك شقا اللوعات
..................... أبيك تشوف طيرن حر عقبك ما بعد حامي
وقفت أناشد غيابك و غديت أحاسب الهفوات
..................... وبديت اندم على وقتٍ مضى وأعض الأبهامي
يشين البعد والذكرى على عهدن لنا قد فات
..................... ياليت ايامنا ترجع وأجدد فرحة أيامي
التعديل الأخير تم بواسطة خادم القرآن ; 16 - 07 - 2012 الساعة 02:41 AM 
قصيدة شعر رائعة
المواضيع المتشابهه 
