سيرفر ب 6 دولار في الشهر والدفيع ليبريتي او بايزا

السلام عليكم ورحمة الله وبركاته

بعد بحث طويل على الانترنت عن افضل وارخص السيرفرات من نوع VPS وجدت هذا السيرفر اللي اسعاره تعتبر ممتازة جدا بالنسبة لبقية السيرفرات اللي موجودة على النت

مش هطول عليكو ايجار السيرفر ده بيعتمد على نظام التشغيل والامكانيات اللي انت عايزها في الجهاز وانا هنا هشرحلكوا طريقة الاشتراك في اقل قائمة سعرية لان اللي عايز السيرفر عشان يشغل عليه اكسبيرت مش محتاج غير امكانيات بسيطة جدا

لو انت عايز نظام التشغيل لينكس ( انا متعاملتش معاه قبل كده ومعرفش ينفع تشغل عليه اكسبيرت ولا لا ) بيبقى سعر الايجار 5.95$ في الشهر

اما لو عايز يبقى نظام التشغيل ويندوز ( انا مشغل عليه الاكسبيرت بتاعي ومفيش منو مشاكل ) هيبقى السعر 7.95$ في الشهر


طبعا في نظامين للدفع شهري وسنوي والسنوي بيبقى ارخص من الشهري على سبيل المثال ال VPS الي شغال بنظام الويندوز شهريا ب 7.95 $ اما سنويا ب 79.50$ يعني الشهر هيقف ب 6.63$
الميزة في السيرفر ده انك ممكن تدفع عن طريق ليبريتي ريزيرف او البايزا ودي حاجة مش موجودة كتير في بقية السيرفرات

وانا عامل شرح بسيط بالصور عشان الموضوع يبقى سهل على الجميع ان شاء الله

اولا للاشتراك اضغط هنا

هتظهرلك الصفحة دي :



وبعدها هتظهر الصفحة دي هتلاقي فيها نوع السيرفر وامكانياته ومكانه اختار اللي يناسبك



هتظرلك الصفحة دي :



وبعدين تيجي الصفحة دي :



وتملا بياناتك اللي في الصفحة الجاية اهم حاجة يكون رقم التليفون صحيح وجمبك لان مجرد ما تنتقل للخطوة اللي بعدها هتجيلك مكالمة على رقم التليفون اللي انت مسجلو والنظام الالكتروني هيدلك رقم من اربع ارقام مطلوب منك على الموقع



هيوصلك على الايميل رسالتين الاولى فيها لينك تضغط عليه

هيفتحلك صفحة تدخل على حسابك وتدفع زي مابتدفع في اي موقع تاني

بمجرد من انتهائك من الدفع وفي خلال 48 ساعة ( انا وصلتني الرسالة في اقل من نص ساعة ) هيوصلك رسالة على الايميل فيها بيانات السيرفر اللي اجرته ادخل عليه وتعامل زي ما بتتعامل مع الكمبيوتر الشخصي بتاعك

لينك الاشتراك مرة تانيه هنا

بالتوفيق للجميع باذن الله

التوقيع

السلام عليكم
اولا شكر وتقدير على هذا الموضوع الرائع
وجزاك الله خير
بس معلش سؤال
اخبار سيرفر الشركة ايه شغال كويس ولا كل شوية بيقطع السيرفر
وشكرا لك مقدما
بتوفيق

عرض ممتاز و مفيد جدا
وبما انك جربت السيرفر ده
يا ريت تردلنا على استفسار الاستاذ سمير
لان مهم جدا عمل السيرفر بانتظام مع الاكسبيرتات
وبارك الله لك وجعله فى ميزان حسناتك

التوقيع

إلا رسول الله

التوقيع

بتوفيق اخى الكريم
وشكرا على عرض الشركة

معلش ممكن شرح مده التقطيع كان قد ايه يعني ثواني ولا ساعات ولا ايه

اخي هوا اللي بيحصل ان انا فاتح على الكمبيوتر بتاعي نفس الحساب مع باسوورد المشاهدة وبتابع الحساب بشكل يومي بحس ان الاكسبيرت مش شغال بدخل على السيرفر بلاقي ان السيرفر مقفول يعني shut down بمجرد ما اشغله واشغل الميتاتريدر الاقيه اشتغل عادي واخر مرة راسلت الدعم بتاع الشركة ومن ساعتها محصلش اي مشكلة في السيرفر
هل هوا ده قصدكم بالتقطيع ؟

التوقيع

شكراً على الموضوع لكن عرض كهذا شوية صعب أقبله والسبب أن الشركات القوية تبدأ عروضها من 25$ وطالع فوق. يعني بالنسبة لي هناك شركات افضل لاينقطع السيرفر تبعها إلا مرة في السنة أو مرتين على أكثر تقدير.

أنا جربت بعض الشركات ولحد الآن شركة واحدة هي الأفضل بين الجميع

وبالتوفيق

جميل وشكرا لك

وياليت يفيدونا الاخوه الى جربوه

والله اللي انا عرفته ان موضوع ان السيرفر بيقطع ده بيبقى بسبب ان بيبقى في اكتر من VPS موجودين على عقدة واحدة لو واحد من ملاك هذه السيرفرات حاول يلعب في العقدة دي وده بيبقى بسبب التجسس طبعا السيرفر بيقفل وبالتالي ده يعتمد على سلوك المستخدمين معاك على نفس العقدة مش على الشركة

اما 25$ يعتبر كتير جدا بالنسبة المتداولين الصغار

شكرا على مرورك

التوقيع