موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية > منتدى تداول العملات العام

شرح لموقع فوركس فاكتوري و كيفية التعامل مع الأخبار

منتدى تداول العملات العام

Like Tree6Likes

إضافة رد
 
أدوات الموضوع
قديم 22 - 10 - 2012, 12:48 PM   #1
عضو برونزي
 

افتراضي شرح لموقع فوركس فاكتوري و كيفية التعامل مع الأخبار

شرح لموقع فوركس فاكتوري و كيفية التعامل مع الأخبار
السلام عليكم و رحمة الله وبركاته

حبيت أوضح للناس اللي مش قادرة تتعامل مع فوركس فاكتوري
بشرح مبسط ان شاء الله ازاي نتجنب وقت صدور الاخبار
علشان ما تبقاش سبب في ضرب ستوب لصفقاتنا
اسيبكم مع الصور

أولا لضبط التوقيت علشان يناسب توقيت مصر


و بعدين نختار
GMT +1



وبعدين نروح على صفحة الأخبار

لو اخدنا يوم الاتنين اللي فات كمثال
هنلاقي الأخبار 4 أنواع



1 - خبر أدامه علم أبيض
بيبقى على طول مكتوب ادامه
Bank Holiday
وده معناه أجازة للبنك الخاص بالعملة اللي عليها الخبر
وغالبا في اليوم ده ما بتبقاش السيولة عالية على العملة دي
فممكن صفقاتها تتأخر شوية على ما تحقق الهدف او ما يكونش في فرص عليها
لكن مش بيأثر في دخولنا على الصفقات للعملة دي


2- خبر أدامه علم أصفر
وده معناه خبر قليل الأهمية مافيش منه أي خطورة على الاطلاق
ما بنهتمش بيه


3- خبر أدامه علم برتقالي
وده معناه خبر بأهمية متوسطة و بردو مافيش خطورة منه


4- خبر أدامه علم أحمر
وده اللي يهمنا بقى .. خبر عالي الأهمية
بنشوف الخبر هيبقى الساعة كام وعلى عملة ايه
وما بندخلش قبل الخبر و بعده بربع إلى نص ساعة
يعني في المثال اللي في الصورة مثلا
الخبر كان الساعة
10:30 am
وعلى عملة الباوند .. يبقى معنى كده
اننا من الساعة 10 و ربع لحد الساعة 11 الا ربع او 11 الصبح
مش هندخل اي صفقات على الباوند في اليوم ده
يعني مافيش صفقات لا باوند دولار ولا باوند ين "المجنون"


دي اختصارات العملات اللي هتقابلوها على الموقع

AUD - الدولار الاسترالي
NZD - الدولار النيوزلندي
CNY - اليوان الصيني
EUR - اليورو
GBP - الجنيه الاسترليني "الباوند"
USD - الدولار الأمريكي
CHF - الفرنك السويسري
JPY - الين الياباني


في ملاحظات مهمة جدا

1- بالنسبة لليوان الصيني
حد هيقول هو ايه لازمته اصلا .. احنا مش بنشتغل يوان
خلي بالك ان الصين دلوقتي بقت الاقتصاد الأول في آسيا
يعني دي بقت قوة الشرق اللي بتواجه قوة الغرب المتمثلة في الدولار .. وبالتالي
الاخبار الصينية بتؤثر بشكل مباشر و قوي جدا على الدولار الاسترالي و بشكل أقل على النيوزلندي
يبقى لو كان في خبر على اليوان الصيني يفضل اننا نتجنب الاسترالي و النيوزلندي في الوقت بتاعه
خاصة خبر الميزان التجاري الصيني Trade Balance
وغالبا الاخبار بتاعته بتبقى من الفجر لحد الساعة 7 الصبح
يعني معظمها في غير وقت عمل الاستراتيجية


2- اخبار الين
مالهاش أي أهمية على الاطلاق ومش بتؤثر في السوق
يعني لو لقيت خبر عالي الأهمية على الين "باللون الأحمر"
ولا يهمك و اشتغل عادي جدا لأنه مالوش اي تأثير على السوق


3- أخبار الدولار
دي أهم حاجة في السوق وبصراحة هي مش كلها بتأثر بردو
بس خلينا احنا نعتبرها ان كلها "اللي باللون الأحمر" ليها تأثير قوي على السوق
"احنا كلامنا كله عن الأخبار عالية الأهمية دي بس اللي بنهتم بيها"
لما يكون في خبر على الدولار معناه انك تفضل بره السوق تماما
لا تشتغل ازواج الدولار ولا ازواج الين
لأن أخبار الدولار بتأثر على ازواج الين بشكل غير مباشر
لأن زوج الدولار ين "USD/JPY" ده المايسترو بتاع السوق
حركته هي اللي بتتحكم في حركة العملات كلها سواء اللي مع الدولار او اللي مع الين
طبيعي لما يكون في خبر على الدولار انه هيأثر على الزوج ده بشكل رئيسي
وبالتالي هيأثر على السوق ككل
يبقى لا هنتاجر أزواج دولار ولا ين في وقت صدور خبر على الدولار


4- أخبار الاسترالي كلها بتطلع من الساعة 3 ونص الفجر لحد الساعة 7 الصبح خلال بورصة سيدني
يعني مش هتأثر على شغلنا على الاطلاق


أتمنى الموضوع يكون سهل حاولت ابسطه على اد ما اقدر

بالتوفيق للجميع و صفقات خضراء دائما إن شاء الله





اذا اعجبك الموضوع و اردت نشره في المنتديات الاخرى فاستخدم هذا الرابط:
شرح لموقع فوركس فاكتوري و كيفية التعامل مع الأخبار
http://www.borsaat.com/vb/t468047.html



محمد طره غير متواجد حالياً   رد مع اقتباس

قديم 22 - 10 - 2012, 12:49 PM   #2
موقوف
 

افتراضي رد: شرح لموقع فوركس فاكتوري و كيفية التعامل مع الأخبار

احسنت اخي على الموضوع-يا ليت يتثبت اسبوع



دراغي غير متواجد حالياً   رد مع اقتباس
قديم 22 - 10 - 2012, 12:56 PM   #3
عضو نشيط
 

افتراضي رد: شرح لموقع فوركس فاكتوري و كيفية التعامل مع الأخبار

فعلا هذا الموقع يعتبر من اهم مواقع الاخبار
بارك الله فيك



Forex future غير متواجد حالياً   رد مع اقتباس
قديم 22 - 10 - 2012, 03:59 PM   #4
عضو خبير
 
الصورة الرمزية شادي عبده
 

افتراضي رد: شرح لموقع فوركس فاكتوري و كيفية التعامل مع الأخبار

وعليكم السّلام ورحمة الله وبركاته

يواجه بعض الأعضاء مشكلة صعوبة التعامل مع مواقع الفوركس باللغة الإنجليزية؛ فجزاك الله خيرا على المساعدة والشرح الرائع .

تقبل تحياتي



التوقيع:
حلم المليون
شادي عبده متواجد حالياً   رد مع اقتباس
قديم 22 - 10 - 2012, 09:02 PM   #5
عضو جديد
 

افتراضي رد: شرح لموقع فوركس فاكتوري و كيفية التعامل مع الأخبار

مشكور أخي على الشرح الممتاز و بصراحة لم أكن أعرف هذا الموقع من قبل
بارك الله فيك .



التوقيع:
سبحان الله و بحمده سبحان الله العظيم
ضعها في توقعيك فكل مشاركة تكتبها تكسب منها الأجر إن شاء الله بسبب هذا التوقيع.
عــزيــز غير متواجد حالياً   رد مع اقتباس
قديم 22 - 10 - 2012, 09:50 PM   #6
عضو نشيط جدا
 

افتراضي رد: شرح لموقع فوركس فاكتوري و كيفية التعامل مع الأخبار

شكرا لكم ووكل عام وانتم بخير



اشرف غير متواجد حالياً   رد مع اقتباس
قديم 22 - 10 - 2012, 11:51 PM   #7
عضو جديد
 

افتراضي رد: شرح لموقع فوركس فاكتوري و كيفية التعامل مع الأخبار

بارك الله فيك ..

تحياتي



MOHANNAD_SA غير متواجد حالياً   رد مع اقتباس
قديم 23 - 10 - 2012, 12:04 AM   #8
عضو سوبر
 
الصورة الرمزية mohamed_sobhy
 

افتراضي رد: شرح لموقع فوركس فاكتوري و كيفية التعامل مع الأخبار

السلام عليكم
الله ينور يا استاذ محمد



التوقيع:
لا اله الا الله محمد رسول الله
'' اللهم إني أسالك إيمانا دائما وأسألك قلبا خاشعا وأسألك علما نافعا وأسألك يقينا صادقا وأسألك دينا قيما وأسألك العافية من كل بلية '
دعاء دخول السوق
لا إله إلا الله وحده لا شريك له له الملك وله الحمد يحي ويميت وهو حي لايموت بيده الخير وهو على كل شئ قدير
{الحمدلله الذي تواضع كل شيء لعظمته}
{الحمدلله الذي استسلم كل شيء لقدرته}
{الحمدلله الذي ذل كل شيء لعزته}
{الحمدلله الذي خضع كل شيء لملكه}
mohamed_sobhy غير متواجد حالياً   رد مع اقتباس
قديم 23 - 10 - 2012, 06:01 AM   #9
عضو نشيط جدا
 
الصورة الرمزية faridns
 

افتراضي رد: شرح لموقع فوركس فاكتوري و كيفية التعامل مع الأخبار

شرح اقل ما يقال عنة انة ممتاز ,,, مشكور جدا جدا استاذ محمد و ربنا يجعلة في ميزان حسناتك و كل الاعضاء يستفيدوا من الشرح و خصوصا اخبار كل زوج و تأثيرها علي حركة السوق



التوقيع:

faridns غير متواجد حالياً   رد مع اقتباس
قديم 23 - 10 - 2012, 07:43 AM   #10
عضو نشيط جدا
 
الصورة الرمزية hasannaef
 

افتراضي رد: شرح لموقع فوركس فاكتوري و كيفية التعامل مع الأخبار

مشكور يا غالي شرح ممتاز الله يكرمك



التوقيع:
ياكريم اللهم ياذا الرحمة الواسعة يا مطلعا على السرائر و الضمائر و الهواجس و الخواطر , لا يعزب عنك شيء , أسألك فيضة من فيضان فضلك , و قبضة من نور سلطانك , و أنسا ً و فرجاً من بحر كرمك , أنت بيدك الأمر كله و مقاليد كل شيء فهب لنا ما تقر به أعيننا و تغنينا عن سؤال غيرك , فإنك واسع الكرم , كثير الجود , حسن الشيم , فببابك واقفون و لجودك الواسع المعروف منتظرون يا كريم يا رحيم
اللهم لك الحمد والشكر كما ينبغي لجلال وجهك وعظيم سلطانك
hasannaef غير متواجد حالياً   رد مع اقتباس
إضافة رد

جديد مواضيع منتدى تداول العملات العام


مواضيع سابقة :

فيديو ...الدهب وتحليل اسبوعى جديد 22 - 10 - 2012
الأسوأ قادم ... اليورو ..
مفكرة بورصات للبيانات الاقتصادية - الاسبوع من 22/10 حتى 26/10/2012

مواضيع تالية :

ما هو مؤشر متوسط اتجاه الحركة (إيه دي إكس)؟
اشكركم كثيرا .. واستودعكم .. برؤية اخيرة .. واسألكم الدعاء
الاستراتيجية المنسية

شرح لموقع فوركس فاكتوري و كيفية التعامل مع الأخبار

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
فوركس فاكتوري منتدى الدروس التعليمية
موضوع اكسبيرت الاخبار من موقع فوركس فاكتوري!!!! منتدى تداول العملات العام
شرح مبسط لموقع الأخبار فوركس فاكتورى منتدى تداول العملات العام


روابط الموقع الداخلية


01:08 AM
Powered by vBulletin® Version 3.8.9
Copyright ©2000 - 2018, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة