رد: استراتيجية التنين نين نين نين نين
اصدقائى الاعزاء عملتلكم مؤشر بيعتمد على نفس الفكرة ممكن نزوده للاستراتيجة بتاعتنا لمزيد من القوة و الحسم فى اتخاذ القرارات
أولا نخلى بالنا ان احنا منطبقش الاستراتيجية و خلاص لازم نفكر الاول و نحط كل العناصر اللى بتوفرها الاستراتيجية كلها جمب بعض علشان نشوف مواطن القوة و مواطن الضعف قبل ما ندخل , لو استخدمنا المعطيات اللى بيدهالنا مؤشر 3M و مؤشر better volume الاتنين مع بعض هنوصل لقرار سليم فى النهاية ان شاء الله
المؤشر الجديد مش جديد
ازاى فزورة دى ؟
الاجابة لأ
المؤشر الجديد هو هو مؤشر 3M بس باعدادات تانية بتورينا فين لفات الترند
يعنى لو سألت نفسك سؤال الشارت ممكن يلف و يعكس فين هتلاقى المؤشر ده بيجاوبك بنسبة 80% صح .
خلى بالك انا ليه بقول بنسبة 80%؟
لأن لو فيه اى حاجة فى الدنيا بتدى نسبة 100% مكانش حد غلب
الحمد لله من أول ما فتحنا الموضوع الاستراتيجية بتاعتنا بتدى نتايج هايلة جدا و انا شايف انها مش محتاجة حاجة زيادة طب ايه لازمة المؤشر الجديد؟؟؟
لازمته بس زيادة فى التأكيد و فى نفس الوقت تسهيل معرفة وقت انعكاس الشموع و لو لقيت نفسك متلخبط منه شيله و استخدم المؤشرات القديمة بس كفاية ,, ماشى يا جامد اوعى تنسى
بص فى الصورة اللى جاية دى المؤشر الجديد لونه اخضر
اولا هتدخل عادى جدا على طريقتنا و برضه على مستهدف 20 نقطة
لو لقيت الخط الاخضر قاطع الخط الاحمر و فى نفس الوقت نفس الخط الاخضر محافظ على شكله كخط مستقيم تتطمن ان انت فى الاتجاه الصح
اما بقة لو لقيته هيبدأ يلف تعرف ان السعر ممكن يلف من هنا و يرتد للاتجاه العكسى فتبدأ تتأهب لاى غدر ممكن يحصل
المؤشر فى المرفقات يا شباب و مستنى رأيكم و اسئلتكم
بالتوفيق ان شاء الله