رد: ### ورشة الدروس و المعلومات###
ادارة راس المال و الورقة و القلم
التلت حاجات دول اهم من التحليل الفني و الاساسي لانك ممكن تكون محلل كويس اوي بس ممكن ميكنش عندك ادارة راس مال كويسة فتخسر الي كسبته في 10 صفقات في صفقة واحدة
طبعا كل واحد فينا لازم يكون عنده خطة راس مال خاصة بيه هوه بنفسه و الخطة دي مختلفة بين الناس علشان كل واحد فينا راس ماله غير التاني و طريقة شغله غير التاني
بس
حاولو على اد متقدرو متخسروش اكتر من 2% في كل صفقة
بالنسبة للورقة و القلم لازم كل ما يحصل معاك حاجة تكتبها و تسجلها
دي حاجة مهمه اوي
و الاهم من ده تعرف السبب..
يعني مسلن ممكن تسجل اسعار النفط و ارتباطها بالدولار كندي و ايه الي حصل لما ده نزل و ده علي
و المهم اوي كمان انك تحلل قبل والسوق يفتح و كل يوم بعد مالسوق يقفل
يعني مينفعش نصحى الصبح و نحلل.. لازم نحلل على روقان ..
و لو مسلن شفت في فرصتين حلوين اوي الاسبوع ده..
الدولار فرنك و اليورو دولار مسلن .. يبقى تقفل كل حاجة تانية و تركز بس في الاتنين دول..
حتى لو ربنا موفقكش.. عمرك متخش في حاجة تانية الا لما تحللها بهدوء..
شكراا
التوقيع
لمه تيجي تحلل حلل و انت رايق و فايق