قصيده في العادات والتقاليد

السلام عليكم ورحمة الله وبركاته ..
هذي قصيده كتبتها في العادات والتقاليد القبليه وخصيت فيها قبيلتي وعزوتي زهران ؛؛
مع احترامي *الشديد لهذي العادات بس مضمون القصيده ان هذي العادات بعضها ابكت وقهرت ناس مالهم ذنب ..
يمكن بسبب تجربه مرت في كل قصائدي ولم انساها وصارت في كل قصيده اذكرها وكان من ضمن ضياع هذي التجربه هي العادات والتقاليد ..
اتمنا ماتفهموني غلط بس الشاعر إذا حب تغزل ومدح واذا كره ذم ماكره ..

كلي امل تنال رضاكم ،، والعذر الشديد لقبيلتي العزيزه ،،'

تعال ننسى مامضى من خيانات
ونرحل بعيد نعيش برى القبيله

زهران ياديرة هلي من قديمات
ياعزوتي يا أحلى ورودن جميله

ماعاد لي خاطر اعاصر حكايات
جدي وجدك والليالي الطويله

مليت من قولت عبرنا المتاهات
لا والمصيبه واثقن في دليله

ولو تسأله من هو رفيق المسافات
جاوب بعالي الصوت مافي مثيله

في نظرتي هذا زمان المسرات
حب وتألف والبشاشه بجيله

لو رحت كل الكون حتى المجرات
ما راح ألاقي من يجي واشتكيله

راح إللذي كانت عيونه وسيعات
راح وتركني مع همومن ثقيله

كل القبايل تفرح وزهران بالذات
تفرح لانك انت بس تنتميله

انت الخيال الحلو واحلى العلاقات
وانته حكاية حب خل وخليله

بس البلا في ما يسمون عادات
يعني ولد هالعم ماعنه حيله

عادات تقتل عشقنا والمسرات
هذي ورب البيت عاده بخيله

لاوالمهر ستين وسبعين مرات
عشان تتزوج فتاتن جميله

والله بنات اليوم جدآ حزينات
والشاب ينزل دمعته وسط ليله

ليلن سهرته اشتكي ظلم عادات
تحطم قلوب البشر هالقبيله

أخوكم /سعود الزهراني