أخواني وأخواتي أعضاء موقع بورصات
السلام عليكم ورحمة الله ,,,,,,,,,,,,,
زي ماأتعودنا في منتدانا وخصوصا الأخوة محدودي الخبرة اللي زي حالاتي في هذا المجال الضخم مجال الفوركس وزي ماأنتم عودتوني ياأعضاء المنتدي اللي مابتبخلش بحاجة أو معلومة علي أحد الصراحة وأنا بخص بالذكر العضوين (الهوك وأستاذ شادي) الحقيقة مش عارف أرد جمايلهم أزاي بصراحة انا واقع في مشكله.....
بلا أدني شك أن التحليل الفني شئ رائع وجميل ولكن الحقيقة أنا بتلخبط في الأشكال وخصوصا لما يبقي منصة التداول لاتدعم الشموع اليابانية بتبقي صعبة أوي التنبؤ بأشكال (Chart patterns ) علشان كده الحقيقة في بعض الزملاء نصحوني بالميتاستوك أو الريل تيم أو الأوتوشارتست كوسائل تلقائية للتنبؤ بالأشكال وتحديد دقتها ومناطق الدخول والخروج ...
خصوصا الميتاستوك بل ياأصدقائي وصل الأمر أنك من خلال البرنامج ممكن تبعت (SMS ALERT) لتكون الاشكال والنماذج السعرية (للأمانة المعلومة ديه أنا سامعها مش متأكد منها)
ياجماعة أنا والله مجربتش أي واحد فيهم وخصوصا أن الهاندبوك بتاع الميتاستوك( 223 صفحة ) يعني فيزياء الثانوية العامة.....
ألتمس منكم يازملائي الفوركسية وأخواني المضاربين وأصدقائي ولاد كار الفوركس الواحد لو حد يعرف برنامج للتعرف علي الأشكال والنماذج السعرية يقوللي أنا والمبتدئين اللي زيي ورجائي وطلبي لو حد عنده تلخيص البرامج بعرضه .......... ويااااسلام لو متعرب يبقي عنب والله............
أنا طولت وأعذروني بس أنا فعلا كل مواضيعي الحمد لله أترد عليا الحقيقة فمعلش أنا هأطمع فيكم شوية
تقبلو تحياتي
أهلي و عشيرتي
المواضيع المتشابهه 
