رد: استفسار بخصوص شركة Exness
اخى mmrmms هكلمك بصراحة
انت متحامل جدااا على الشركة دى و على الاخ عمر و بصراحة انا شايف انه زيادة عن اللزوم و اكسنس مش من نوعية الشركات دى خلى بالك يعنى مش من نوعية شركات بير السلم و كدة
انا حسابى معاهم ميني و ممكن اوريك كشف الحساب سحوباتى تخطت ال 10 الالف دولار و انا بستخدم المانى بوكزر على فكرة و دايما السحب بيكون فورى يعنى فى نفس اللحظة .
الاخ عمر راجل محترم جدا و ما شوفتش منه اى حاجة وحشة و فى مرة كان عندى مشكلة فى المنصة علقت شوية وقت الخبر و قولتله و المشكلة اتحلت فى اقل من 24 ساعة دة غير انى كان عندى مشكلة فى تفعيل حساب و هو انهى المشكلة و حسابى اتفعل
يعنى بصراحة انا شايف انك مزودها اوى مش اكسنس اللى يتقال عنها كدة و عن تجربة
سيبك من كلام اى حد لان مفيش شركة مفيهاش مشاكل من وقت للتانى لكن اكسنس مش بشوف فيها مشاكل غير نادرا و بيتم حلها من عندهم بمنتهى السرعة .
سيبك من اى تعليقات و جرب بنفسك و احكم بعدها من تجربتك انت لكن مش تنقل كلام قديم و تقول الشركة كذا و كذا على فكرة انا ممكن اجيبلك مواضيع بتتكلم عن نصب شركات عملاقة من ضمنهم الشركة اللى انت بتضارب فيها , المهم انك تجرب بنفسك قبل ما تقول دى نصابة و دى مش نصابة .
كلامى بقى للاخ عمر , لا تحزن من كلام الاخ يمكن يكون له تجارب سيئة مع شركات تانية لكن شركتكم جميلة جدا و انا عن نفسى حققت ارباح كتير و ما شوفتش طعم الربح بجد غير لما ضاربت على منصتكم و الاسبريد الرائع اللى هو فعلا اقل سبريد شوفته بس ياريت بقى تعملولنا سبريد ثابت قريب هيكون جميل اوى برضو =D
انت مش فى محل دفاع يا عمر سيب اللى يقول يقول.
انت شخص مهذب و امين و كفاية وجودك معنا هنا انت شخص محترم جدا .