• 5:21 صباحاً




شرح موقع فوركس فاكتوري ( Forex Factory ) بالصور و بالتفصيل الممل

إضافة رد
Like Tree11Likes

عضو نشيط جدا
تاريخ التسجيل: Nov 2011
المشاركات: 519
معدل تقييم المستوى: 13
bony2 is on a distinguished road
09 - 04 - 2013, 10:39 PM
  #1
bony2 غير متواجد حالياً  
Arrow شرح موقع فوركس فاكتوري ( Forex Factory ) بالصور و بالتفصيل الممل
بسم الله الرحمن الرحيم


بسم الله توكلت على الله ولا حول ولا قوة الا بالله العلي العظيم

أن شاء الله انا هعمل سلسلة شروحات للادوات الأخبارية بمعنى الادوات اللى بتساعدنا فى التحليل الأخباري و المداولة عليه و باذن الله الشروحات هتبقى جديدة من نوعها و شرحها بالتفصيل الممل علشان كل ممبتدئ يبقى فاهم معانا كويس و هنبتدى فيها من السهل للصعب

( المواضيع اللى هنزلها معموملة بمجهودى و مش منقولة من اى موقع وانا عامل الشرح من فترة عندى علشان محدش يقول بس ان الموضوع قديم او نازل فى مواقع تانى لانه نازل باسمى على الصور علشان محدش يقول سارقه بس )

نبتدي على بركة الله
mohd_atef86 and Faarsaldeeb like this.
رد مع اقتباس

عضو نشيط جدا
 
تاريخ التسجيل: Nov 2011
المشاركات: 519
معدل تقييم المستوى: 13
bony2 is on a distinguished road
Arrow رد: شرح موقع فوركس فاكتوري ( Forex Factory ) بالصور و بالتفصيل الممل
2#
09 - 04 - 2013, 10:47 PM
موقع فوركس فاكتوري

www.forexfactory.com



و ده اللى هنبنى عليه شغلنا كله بعد كده و ده المصدر الرئيسى فى مواعيد الاخبار و اهميتها و تأثيرها على السوق و العملات

الاول هنفتح الموقع عادى من اللينك ده

www.forexfactory.com

هيفتح معانا بالشكل ده



ده الشكل القديم للموقع طبعا الجديد مش فارق عنه جديد هو الديزاين بس فى حاجات خفيفة فلعلشان كده مغيرتش الصور قوى يعنى

دلوقتى قبل اى حاجة نظبط ساعة الموقع على ساعتنا علشان نبقى ماشين صح مع الموقع

من البانر العلوى للموقع فوق هنلاقى موجود الساعة



بعد كده هندوس على الساعة و هيفتح معانا الصفحة ديه



من المكان ده هنقدر نغير مواعيد الساعة بتاعتنا على الموقع و كل واحد طبعا بيختار الساعة التابع لها



كده احنا تمام لحد دلوقتى نرجع بقى للصفحة الرئيسية للموقع علشان نشرحه حاجة حاجة ونفهم نقدر نستفيد ازاى من الموقع باقصى طريقة ممكنة

لما نرجع للصفحة الرئيسة بعد تغيير الوقت و ظبطه هنلاقى المربع ده



دلوقتى هشرحه حاجة حاجة بالتفصيل الممل الممل يعنى قوى هتزهقوا منى قوى يعنى



ده التاريخ يعنى ده كده معناه 21 فبراير و ديه علشان تعرف احنا شايفين اخبار يوم كام بالظبط لاننا شوية و هنعرف اننا نقدر نعرف كل الاخبار اللى هتحصل قدام مش فى وقتها بس

المهم نكمل



ديه بقى مواعيد الاخبار طبعا ده بساعتنا احنا علشان كده احنا ظبطنا الساعة فى الاول يعنى مثلا الساعة 3.30 يعنى الخبر ده معاده 3 ونص بتوقيتنا اللى ظبطنا عليه و فى الشرح احنا شغالين على توقيت مصر ( أم الدنيا )



ديه بقى العملات اللى هيكون عليها الخبر ( طبعا تنبيه احنا الصورة الرئيسة انا حاططها فوق انا دلوقتى بقسمها لحتة حتة علشان نفهم كل حاجة لوحدها )
المهم ديه بقى العملات اللى هيكون عليها الخبر اذا كان دولار او يورو او كده يعنى
أبو داوود7 likes this.
bony2 غير متواجد حالياً  
رد مع اقتباس
عضو نشيط جدا
 
تاريخ التسجيل: Nov 2011
المشاركات: 519
معدل تقييم المستوى: 13
bony2 is on a distinguished road
Arrow رد: شرح موقع فوركس فاكتوري ( Forex Factory ) بالصور و بالتفصيل الممل
3#
09 - 04 - 2013, 10:51 PM
دلوقتى طبعا بعد خانة العملات هنلاقى الوان كده أحمر و برتقالى و أصفر و ساعات بتبقى أبيض فانا دلوقتى هشرح ايه الالوان ديه بتعبر عن ايه نمشى مع بعض بقى ( قولت بالتفصيل الممل الرخم يعنى )

اللون ( الأحمر )


ديه بقى يعنى أن الخبر مهم جدا جدا جدا و قوى و ده معناه ان الخبر بيكون تأثيره قوى على السوق فالعملة اللى هيكون عليها الخبر يعنى نشوف زى الصورة أول خبر معانا

نرتيب ازاى بيانات الخبر هيكون بالشكل ده :


يوم الخبر : 21 فبراير
وقت الخبر : 2.30 صباحاً بتوقت مصر و ده طبعا لانى ظبطت توقيت مصر على الموقع
العملة الخاص بيها الخبر : الاسترالي بمعنى ان الخبر هيأثر على اى زوج فيه العملة ديه .
أهمية الخبر : هنلاقى اللون الأحمر يعنى الخبر مهم و لازم ناخد بالنا منه قوى.

- - - - - - - - -

ناخد بقى اللون اللى بعديه اللون ( البرتقالى )


اللون البرتقالى بيعبر عن ان الخبر متوسط الاهمية و طبعنا هنعمل نفس اللى عملناه فوق مع الخبر الاحمر بالنسبة لما نحب نترجم يعنى العملة ووقت الخبر و كده

- - - - - - - - -

ناخد بقى اللون اللى بعديه اللون ( الأصفر )




اللون الأصفر بيعبر ان الخبر ضعيف على العملة مش زى الأحمر و البرتقالى

- - - - - - - - -

ناخد بقى اللون اللى بعديه اللون ( الأبيض )



اللون الأبيض معناه ان بنوك العملة ديه اجازة و ساعتها ماننصحش اننا نشتغل فى فترة سوق العملة يعنى زا المثال أن البنوك الأمريكية أجازة يبقى نخلى بالنا فى فترة السوق الأمريكي و هيبقى فى تذبذب قوى
bony2 غير متواجد حالياً  
رد مع اقتباس
عضو نشيط جدا
 
تاريخ التسجيل: Nov 2011
المشاركات: 519
معدل تقييم المستوى: 13
bony2 is on a distinguished road
Arrow رد: شرح موقع فوركس فاكتوري ( Forex Factory ) بالصور و بالتفصيل الممل
4#
09 - 04 - 2013, 10:55 PM


ديه بقى خانة البيانات الخاصة بالخبر يعنى مثلا الخبر ده بيتكلم عن ايه بالظبط و تفاصيل اكثر عنه فى كل حاجة كان اخر ميعاد امتى و اخر نتايجه و هكذا يعنى

طيب لما نحب نعرف هنعرف ازاى اقولك انا انت كل اللى هتعمله هتدوس على المربع الأزرق قدام الخبر اللى تحبه و هيفتح معاك بالطريقة ديه




ديه مثلا انا فتح معلومات خبر متوسط الأهمية على عملة الين هنلاقى كل حاجة مكتوبة عنه
( اكيد مش هقراها و اترجمها هنا كمان )

نبص بقى بعد خانة التفاصيل هنلاقى الشكل ده




طيب ده معناه ايه ياعم الحج نشوف مع بعض

Actual : و ديه نتيجة الخبر لما يظهر فى وقتها بتننزل فيها على طول علشان نعرف الخبر جيه كويس على العملة ولا وحش ولا زى ماهو ماتغيرش ازاى بقى نشوف مع بعض



لما نلاقى الخبر ظهر كده باللون الأخضر ده معناه ان الخبر جيه فى صالح العملة و انه المفترض يعلى سعر يعنى صعود يعنى شراء العملة ديه فى وقت الخبر قدام اى عملة اخري

طيب ولو جيه كده



و جيه النتيجة باللون الأحمر يعنى ديه بقى معناه ان الخبر جيه سلبى على العملة يعنى عملية هبوط وبيع للعملة ديه قدام اى عملة أخري

- - - - - - - - -

نشوف بقى الخانة اللى بعديها

Forecast : ديه بقى المتوقع للخبر يعنى النتيجة المتوقعة له

- - - - - - - - -

اللى بعديها

Previous : و ديه نتيجة الخبر قبل كده كان وصل لايه

- - - - - - - - -

ندخل بقى على حتى صغيرة كده ماحنا قولنا ممل ممل يعنى



ديه بقى الفلتر يعنى ايه بقى الفلتر ديه ياعم الحاج و نعمل بيه ايه
تقدر تختار العملات اللى عايز يظهر الخبر بتاعها بس و كمان تقدر تختار نوع الخبر اللى يظهر اذا كان قوى او متوسط او ضعيف او أجازات البنوك
bony2 غير متواجد حالياً  
رد مع اقتباس
عضو نشيط جدا
 
تاريخ التسجيل: Nov 2011
المشاركات: 519
معدل تقييم المستوى: 13
bony2 is on a distinguished road
Arrow رد: شرح موقع فوركس فاكتوري ( Forex Factory ) بالصور و بالتفصيل الممل
5#
09 - 04 - 2013, 10:58 PM
طيب دلوقتى عرفنا كل حاجة عايزين نشوف بقى ازاى مثلا نقدر نعرف اخبار الايام و الاسبوع و الشهور اللى فاتت نشوف بالصور

فى اعلى الصفحة من فوق هنلاقى الشكل ده



هندوس على كلمة Calender

هيظهرلنا الشكل ده



و ديه زى ماحنا شايفين الآخبار السابقة و نتائجها طبعا

- - - - - - - - -

طيب احنا عايزين دلوقتى نعرف ازاى بقى هنجيب الأخبار الجديدة كلها و نعرفها هقولك ليها طريقيتن و الاتنين واحد بس هشرحهم بردوة

الطريقة الأولي

و احنا فاتحين صفحة Clander

هنلاقى فى الجنب الشمال فى جدول بالشكل ده



ده بقى نقدر من خلاله نعرف الاخبار فى اى شهر احنا عايزينه و معادها امتى او اليوم الجاى و هكذا

- - - - - - - - -

الطريقة الثانية

و احنا فى الصفحة الرئيسة برة هنلاقى على الشمال الجدول ده



لو دوسنا على السطر اللى معلم عليه ده هيفتح بالشكل ده



هتلاقيه قام بالواجب و جابلك اخبار الاسبوع الجاي و كده يبقى عرفنا نجيب اخبار اليوم و الاسبوع الجايين
bony2 غير متواجد حالياً  
رد مع اقتباس
عضو نشيط جدا
 
تاريخ التسجيل: Nov 2011
المشاركات: 519
معدل تقييم المستوى: 13
bony2 is on a distinguished road
Arrow رد: شرح موقع فوركس فاكتوري ( Forex Factory ) بالصور و بالتفصيل الممل
6#
09 - 04 - 2013, 11:01 PM
ديه بقى شوية حاجات كده مفيدة فى الموقع احطها علشان نبقى عارفينها



و ديه شرح للكلام اللى انا شرحته قبل كده بردوة و شرح الاشكال فى الموقع و كل حاجة عنها فى الاخبار



ديه rate ( الفائدة ) البنوك المركزية للعملات

- - - - - - - - -

دلوقتى واحنا برة فى الصفحة الرئيسة ننزل تحت فى أخر الصفحة هنلاقى المربيعن دول



ده بيانات عن حركة العملات مباشرة من على الموقع بس اهم حاجة نعلم صح فى خانة Live

و نقدر نشوف الهاى و اللو بتاعهم بردوة

- - - - - - - - -

المربع الثاني




و ديه بردوة نعلم على Live علشان ده هيبين لنا احنا شغالين فى سوق ايه دلوقتى و السوق التالى هيفتح امتى و هيقفل امتى و هكذا

Faarsaldeeb likes this.
bony2 غير متواجد حالياً  
رد مع اقتباس
عضو نشيط جدا
 
تاريخ التسجيل: Nov 2011
المشاركات: 519
معدل تقييم المستوى: 13
bony2 is on a distinguished road
Arrow رد: شرح موقع فوركس فاكتوري ( Forex Factory ) بالصور و بالتفصيل الممل
7#
09 - 04 - 2013, 11:03 PM
دلوقتى بقى نشوف تأثر خبر قوى على الشارت بيبقى عامل ازاى اهو بردوة علشان يبقى شوفنا كل حاجة و ظبطنا تمام

نشوف كده الاول



انا اختارت خبر الوظائف و ده على الدولار الامريكي و الخبر باللون الأحمر يعنى زى ماقولنا خبر قوى و مؤثر على العملة بشكل قوى

نشوف ان نتيجة الخبر جت اخضر و جت قوية يبقى زى ماقولنا ان كده المفروض يحصل صعود للدولار و هبوط اى عملة اخرى امامه يعنى المفروض بنشتري الدولار قدام اى عملة و نبيع اى عملة قدام الدولار طيب نشوف بقى ازاى الخبر ده أثر على الشارت

هقتح شارت اليورو دولار




شوفوا اليورو قدام الدولار حصله هبوط ازاى علشان ده معناه ان الدولار على و حالة الشراء عليه كتيرة

( انا اخدت من الخبر ده فى دقيقة واحدة 100 دولار و خرجت هوا )

طيب نشوف بقى الدولار قدام الفرانك مثلاوقت الخبر حصل ايه



اوووبا يارجالة الدولار شوفوا الدولار نط نطة حلوة و محترمة


- - - - - - - - -


حد يسئلنى ويقولى ليه انا فاتح على شارت النص ساعة ، اوضح بقى ده لان الخبر كان 3.30 ونص فكده بقى نفتح على شارت النص ساعة


طيب لو الخبر مثلا جاى الساعة 4 يبقى نفتح شارت الساعة تمام يارجالة



كده اكون خلصت شرح أول اداة و أن شاء الله الباقى هيكونوا مفاجاة .. منتظر تعليقاتكم على الشرح
bony2 غير متواجد حالياً  
رد مع اقتباس
عضو فـعّـال
 
تاريخ التسجيل: Jan 2010
الدولة: EGYPT
المشاركات: 1,977
خبرة السوق: 3 الى 5 سنوات
معدل تقييم المستوى: 16
HOSSAM ELSAWY is on a distinguished road
افتراضي رد: شرح موقع فوركس فاكتوري ( Forex Factory ) بالصور و بالتفصيل الممل
8#
09 - 04 - 2013, 11:05 PM
الف شكر على موضوع من اهم المواضيع بالفعل في سوق الفوركس
ده يعتبر أ ب فوركس الفوركس فاكتوري ده مهمة جدا رغم ان الناس نسياها
شكرا على الشرح الوافي والرائع
HOSSAM ELSAWY غير متواجد حالياً  
رد مع اقتباس
عضو جديد
 
تاريخ التسجيل: Apr 2013
المشاركات: 104
معدل تقييم المستوى: 11
MangerX is on a distinguished road
افتراضي رد: شرح موقع فوركس فاكتوري ( Forex Factory ) بالصور و بالتفصيل الممل
9#
09 - 04 - 2013, 11:13 PM
شرح أكثر من رائع و أنا قريت الموضوع كله بحذافيره ^_^ تسلم ايدك في انتظار مفاجأاااتك
MangerX غير متواجد حالياً  
رد مع اقتباس
عضو نشيط جدا
 
تاريخ التسجيل: Jan 2011
الدولة: https://t.me/pump_upp
المشاركات: 918
خبرة السوق: أقل من 6 شهور
معدل تقييم المستوى: 14
amr-fx is on a distinguished road
افتراضي رد: شرح موقع فوركس فاكتوري ( Forex Factory ) بالصور و بالتفصيل الممل
10#
09 - 04 - 2013, 11:29 PM
شرح موفق ورائع منك لمن لايعرف التعامل مع هذا الموقع
amr-fx غير متواجد حالياً  
رد مع اقتباس


إضافة رد

أدوات الموضوع


جديد مواضيع منتدى تداول العملات العام

المواضيع المتشابهه
الموضوع كاتب الموضوع المنتدى مشاركات آخر مشاركة
فوركس فاكتوري hames منتدى الدروس التعليمية 3 29 - 04 - 2013 02:12 AM
موضوع اكسبيرت الاخبار من موقع فوركس فاكتوري!!!! phen0m منتدى تداول العملات العام 8 05 - 03 - 2012 12:07 PM
شرح مبسط لموقع الأخبار فوركس فاكتورى alexandriafx منتدى تداول العملات العام 5 06 - 09 - 2010 11:08 PM


05:21 AM