لو في فرص جديدة هنحطها ونتناقش فيها ونتعلم كلنا ان شاء الله عشان نقدر نثبت اكتر علي شروط الترند المكسور ونثبت عليها بأمر الله
بالتوفيق للكل اتمني المشاركة
يا ريت تتفضل و ترفع لنا مؤشر وضاح جولد و توضح طريقة استخدامه و اهميته
وكمان الموفنج 62 توضح لنا ليه الرقم دا بالذات و كل التحية ليك
بص يا معلم عشان نبقي دايما في السليم خلينا مع الترندات اللي بتكون من بداية الموجة بمعني
انت لما تصغر الشارت اكتر عندك في الترند بتاعك ده هتلاقي لسه في شموع تحتيه بمعني ده يعتبر ترند فرعي فحنا بنخلينا مع الترند اللي بيكون من اول الموجة زي الترند ده اللي علي الكيبل (الباوند دولار) وده ترند رئيسي
ودي اول فرصة موجودة معانا الاسبوع ده بس انا مستنيها تستوي ويكسر الترند مع باقي الشروط وندخل معاه ان شاء الله ودي اول فرصة متاحة لان مفيش ترندات صاعدة متاحة علي ال14 زوج اللي انا شغال عليهم لاني مش بحب اشتغل علي الترندات الهابطة ههههههههههه مش بتيجي معايا كويس وطبعا مقدرش اقولك متشتغلش عليها لو انت فيهم تمام مع تحقق الشروط يبقي دوس فيهم يا معلم لكن انا بتكلم عن نفسي
المهم دي الصورة
ترند قوي علي الاربع ساعات وزاويته جيدة ويعتبر داخل في شهرين بالنسبة للمدة بتعته يعني ان شاء الله لما يتكسر مع باقي الشروط هيكون كسر قوي وهنقدر ندخل بتيك ضعف الستوب
دي الازواج اللي شغال عليها واثبتت نجاها في التحليل الحمد لله
يورو دولار (الزعيم)
استرالي دولار(اوزي)
دولار فرنك
دولار كندي
باوند دولار (كيبل)
نيوزلاندي دولار
يورو ين
باوند ين
نيوزلاندي ين
فرنك ين
استرالي نيوزلاندي
استرالي ين
كندي ين
استرالي فرنك
العدد 14
بالنسبة لباقي المؤشرات وهي سحابة الايشموكو + موفنج افردج 62 اكسبونشال
دول لما بيكون السعر كسرهم وقفل تحتهم بيكون الاتجاه هابط والعكس في الصعود
وجرب تحطهم هتلاقي في احترام فعلا ليهم اغلب الوقت
وبالنسبة لمؤشر وضاح جولد موجود في المرفقات وده مؤشر مساعد لكن انا فعلا اللي يهمني اكتر من المؤشرات هما الشروط التانية المهمة وهقولك عليها
1/ تقاطع موفنجات 9 و 30 اكسبونشال قبل الكسر
2/ ترند ثلاثي الارتكزات قوي من حيث الزاوية من 30 الي 60 درجة ومن حيث المدة يكون مدة طويلة
3/ المومنتم يكون مع اتجاه الصفقة
4/افضل كسر بيكون كسر الترند مع كسر مستوي 23 فيبو او يكون هيقابل مستوي 23 فيبو قدامه لان ده مع التجربة اتضح عشان ده اول مستوي تصحيح فبيكون الكسر في اوله وبيكمل في الاتجاه جامد وارجع للصفحات لورا وهات الفرص كلها هتلاحظ كده انه بيكمل لسمتوي 50 او حتي لو وصل
38 وارتد بنكون ساعتها حاطين الستوب نقطة الدخول فمش هيهمنا انه يرتد
وطبعا احنا بنرسم الفيبو علي الموجة الصاعدة من تحت لفوق يعني من اقل نقطة في الترند الي اعلي نقطة في الترند الصاعد والعكس في الهبوط
5/ لازم نهتم بالموفنجات 55 و100 و 200 العادي
انه يكون مفيش حاجة منهم قدام السعر لما ندخل يعني يكون مثلا كسر موفنج 55 و100 ولسه قدامه شوية علي ما يقابل 200
او يكون كسر 55 ويكون الباقيين بعاد عنه وهكذا
بختصار مينفعش ندخل ونلاقي في وشنا موفنج منهم قريب جدا عشان في احترام للسعر ليهم
6/بالنسبة للموفنج 62 والسحابة الاشيموكو برضه يفضل اننا نكون كاسرنهم لاسفل في صفقة البيع والعكس برضه
ولو مكسرش السحابة ممكن ساعات بتكتفي بكسر الموفنج وبس
لكن مع توافق باقي الشروط وممكن نستني لما يكسر السحابة برضه بس بيفوت علينا كذا نقطة
لان السعر داخل السحابة بيكون في مرحلة تذبذب
7/ مؤشر الماكد برضه بيأكد لنا الاتجاه مع المومنتم
8/ مؤشر وضاح جولد ده جبته من احد المواضيع بعد اذن صاحبه وملخصه لما بيكون الخطوط الخضرا كاسرة الخط الاصفر بيكون الاتجاه شرا ولما بيكون الخطوط الحمرا كاسرة الخط الاصفر بيكون بيع
لكن انا مش بخلي اعتمادي علي المؤشرات اوي عشان بتتبع السعر انما بتكون تاكيد دخول لما الشروط بتتوفر
بالتوفيق ليك وللكل ونتمني المشاركة من الجميع ونشوف راي وافكار كل الناس
هو بصراحة انا حاليا مبقتش اشتغل علي اي فريم غير الساعه والاربع ساعات وبس عشان بيكون فيهم مصداقية عالية خصوصا لو ترند قوي
عامة برضه لو حابب تشارك بفريم اقل شاركنا برضه وكلنا نتعلم من بعض
ممكن يكون معلومة بسيطة محدش واخد باله منها لكن تغير مسار شغلنا خالص
مستنيك دايما يا حبي وحاول تركز في الكلام اللي فوق ويكون برضه الترند قوي ثلاثي الارتكاز ويكون من اول الموجة
بالتوفيق ليك واتمني نتناقش عشان نستفاد