كيمو باشا ايه رايك فى الفرصة دى على الباوند فريم 4 ساعات
بالتوفيق ومنتظرين المشارك من الاعضاء فى الفريق
بس خلي بالك يا معلم الترند ده علي ارتكازين بس مش بيكون قوي في كسره زي الثلاثي
انا علي فكرة كنت زيك كده في الاول مش عارف افرق بين الترند القوي واللي مش قوي اوي
فنتا مع الوقت والتعود هتقدر تعرف الترند القوي من زاويته ومدته وارتكازاته وخلي بالك لما بيكون ترند قوي هتبقي مطمن شوية انه لما يتكسر بشر كتير في العالم هتدخل في اتجاهه لانه طالما قوي يبقي كله راسمه ومستنيا كسره ده برضه شوفته في اكتر من صفقة وحاول ترجع للصفحات اللي ورا حوالي 20 او 30 صفحة لورا هتشوف فرص شوف شكل الترند فيها برضه والفرص عاملة ازاي وقارن باللي في دماغك عشان نستفاد
انا مش قصدي اعقدك في كل صفقة او حاجة والله لكن احنا بنتناقش عشان نطلع بأفضل طريقة للشغل
لان مش مهم ندخل مثلا 20 صفقة في الشهر ونخسر 10 او اكتر منهم
اللي يهمنا ندخل مثلا 10 او اقل لكن تبقي واثق اكتر منهم
وفي ملاحظة تانية زي ما قلتلك افضل كسر بيكون عند بداية التصحيح اللي هي 23 فيبو ولو مش فاهم معني التصحيح
ملخصه هو مثلا السعر فضل صاعد مدة كبيرة حوالي شهر او اقل او اكتر فطبيعي ان اللي داخل شرا العملة هييجي عليه وقت هيبقي في وقت اخد الارباح انه هو الصفقة بتعته وصلت للتيك بروفيت معني كده انه عمل بيع للصفقة وهكذا مع باقي الناس فالسعر يبدا ينزل تاني من مستويات معينة او لاي سبب للتصحيح سواء خبر او حاجة
وطبعا الدخول في اي صفقة ميكونش في وقت خبر مهم لونه احمر عشان مش بيكون في احترام للتحليل في اغلب الوقت ايا كان ايه هو الخبر لاني مش بهتم بيهم طالما مش بدخل في وقت الاخبار ومفيش احترام للتحليل سعتها
المهم
كده كده اي اتجاه سواء صاعد او هابط لازم يريح شوية ويعمل تصحيح يعني يعكس اتجاهه شوية وياأما يكمل في اتجاه التصحيح ده او انه يصحح شوية ويرجع تاني لمساره الاصلي فحنا ميمهناش في اتجاهه غير نقطة الكسر دي وربنا يسهله بعدها ههههههههههه مش هتفرق
اللي عايز اقولهلك انه لما بيكسر الترند مع كسر 23 فيبو بيكون لسه السعر بياخد نفسه ومبداش لسه في الاتجاه الجديد عشان كده بنخده من المنطقة دي عشان ناخد الاتجاه من اوله
فنتا هنا يعتبر السعر وصل لمستوي 50 قبل الكسر فتعتبر حتي لو كانت الفرصة كويسة من حيث انه الترند قوي وتلت ارتكزات ومن اول الموجة الصاعدة او الهابطة وباقي الشروط
مكنتش هدخل عليها ده بالنسبة ليا يعني من الشروط اللي بينتهالك الصفحة اللي فاتت بالنسبة للفيبوناتشي
علي فكرة الكلام ده مش مكتوب في ورش الترند المكسور ده انا اكتشتفه وانا شغال
وبرضه كل حاجة قابلة للنقاش عشان نوصل لاحترافها ويعتبر للاسف الاسبوع ده مفيش غير االصاعد بتاع الكيبل اللي قلتهولك في الصفحة الليي فاتت وده طبعا مجرد رأيي بقولهولك
وحاول بعد كده تجيب الفرصة لايف يعني اول ما يحصل الكسر عشان تشوف اللي هتكون ناويه حصل ولا لا عشان ده هيبين لك حاجات وانت شغال
وهو عامة الشهر اللي فات الفرص اللي ظهرت للمكسور كانت حوالي 2 او تلاتة كل اسبوع لكن طالما مقدرتش ترسم ترند اعرف انك برة السوق وده وقت تذبذب بالنسبة ليك وطبعا ده احسن بدل ما تنزل البحر وانت مش ضامن الموج
اخر جملة هقولهالك هي جت في بالي وبحب افتكرها دايما
الفوركس زي المرجيحة يوم تحت وفوق هههههههههه مش قصدي اغني الاغنية
اقصد انه يوم صعود ويوم هبوط شرا بيع شرا بيع
هي كده فعلا احنا بقي اللي يهمنا نركب المرجيحة دي صح زي عبده موته ههههههههههههههه
يعني تشتغل بالطريقة اللي تكون امان شوية وبتتكرر كتير عشان المرجيحة تاخدنا لبر الامان اللي هو التيك بروفيت اغلب الوقت
انما لو المرجيحة جاية عليك وانت وقفت قدامها يعني عكس الاتجاه وبتعافر معاها اكيد عارف ايه اللي هيحصل
اتمني ميكونش كلامي تقيل عليك او علي حد سواء في الرغي او في الاسلوب او نوعية الكلام نفسه
وطبعا الدخول فى الفرص المضمونة اكثر امان و ان شاء الله هراعى كل كلامك اللى قولته
تعبتك معايا و قعدتك تكتب الكلام ده كله ربنا يجزيك خير
ومتابع معاك ان شاء الله
وطبعا الدخول فى الفرص المضمونة اكثر امان و ان شاء الله هراعى كل كلامك اللى قولته
تعبتك معايا و قعدتك تكتب الكلام ده كله ربنا يجزيك خير
ومتابع معاك ان شاء الله
سلام عليكم
أول مشاركة لي مع فرصة gbp/usd أتمنى من السادة الخبراء التصحيح اذا كانت توجد اي اخطاء
فقط ننتظر حصول التقاطع في الموفنج افرج لتكتمل الشروط
السلام عليكم
بعد اذن الفريق
هرد عليك بالرسمة الصح ، انت راسم الارتكازين غلط ، حاول تخلي النقطتين بتوع الترند اللي بتتحكم فيهم يتحطوا تحت افضل قاعين تشوفهم طالما اتجاه صاعد ، وهتلاقي انه لسة لم يتم كسر الترند
هرد عليك بالرسمة الصح ، انت راسم الارتكازين غلط ، حاول تخلي النقطتين بتوع الترند اللي بتتحكم فيهم يتحطوا تحت افضل قاعين تشوفهم طالما اتجاه صاعد ، وهتلاقي انه لسة لم يتم كسر الترند
تمام وطبعا الترند اللي علي الاربع ساعات اللي في الصفحة اللي ورا اقوي عشان فريم اكبر ومدة الترند اكبر ومرتكز علي 3 مش 2 فحنا بنحاول نبقي في الامان وبالنسبة لمدة الترند لما بتكون فوق ال20 يوم او شهر بيكون ترند قوي فعلا وان شاء الله نتاكد من موضوع المدة ده لانه عايزين نشتغل علي الترندات القوية بس
وطبعا الترند اربع ساعات بتاع الكيبل الصفحة اللي فاتت ده مدته داخلة في شهرين يعني مفيش قوة بعد كده لو اتكسر هينهار لتحت بنسبة عالية ان شاء الله مع تحقيق باقي الشروط
انا فعلا فرحان انه الناس ابتدت تتناقش وتتكلم صدقوني ده الصح هنلاقي نفسنا اتعلمنا اسرع وبطريقة اكتر اتقان