السلام عليكم
انا حلمت الحلم دا بعد الفجر وانا متجوزه وحامل فى الشهر التالت ..
حلمت ان ضرسى من ناحية اليمين تحت بيتلخلخ وانا مديت ايدى وخلعته وروحت على الحمام عشان اغسل الدم ملقتش الا دم قليل خالص او يمكن مش موجود دم ومحستش بألم خالص .. وبصيت فى المرايه لقيت نابى اللى جنبه تحت برضه بيتلخلخ برضه بعدين جيت اشده عشان اخلعه لقيت سنانى كلها طلعت من بقى ومسكين كلهم فى بعض زى ما يكون طقم اسنان كدا وبرضه محستش بألم .. بس قلت " ازاى هخلع سنانى كلها " وقمت مركباهم زى ما هما فى مكانهم تانى وخرجت من الحمام وماسكه ضرسى اللى خلعته فى ايدى لقيت قدام الباب جوزى فقمت ضحكت كدا وقولتله "خد " وقمت حدفاه فى ايده بسرعه كدا كأنى بهزر معاه وبلاعبه وبخضه قام هو اتخض ورماه من ايده بسرعه وقع ع الارض .. وتقريبا رجع بص عليه على الارض كدا وسابه .. والضرس كان زى ما يكون مش نضيف ولونه غامق مش ابيض خالص
بالله عليكوا فسرولى حلمى لانى قلقانه اوى لانى حامل ..
انا ملتزمه انا وجوزى الى حد ما كتير .. ومتجوزين من اربع شهور وكان حصل ما بينا اكتر من مشكله وجوزى حنين اوى وكان بيصالحنى علطول واحنا دلوقت مفيش بينا مشاكل الحمد لله بس فى شوية شكوك من جوايا لجوزى بس بحاول اغزى الشيطان وهو كمان بيحاول يثبتلى ان اللى بفكر فيه غلط والحمد لله احنا عامة كويسين مع بعض يعنى
تفسير حلم سقوط الضرس للحامل
الضرس اللي خلعتيه ده هم بينك وبين زوجك ورااح لان لونه كان غامق والناب اللي اتخلخل هو شكوك بتروح وتيجي بخصوص زوجك وهي من الشيطان لان اسنانك كلها كانت حتروح منك فاحذري وارمي الشكوك دي وراء ظهرك علشان بيتك وسنينك مع زوجك ما اتروحش والله اعلم
تفسير حلم سقوط الضرس للحامل