رد: توصيات ونقاط فــــــــــــــولاذيـــــــــــــه
اقتباس:
المشاركة الأصلية كتبت بواسطة moaz.mob
شكراً للأستاذ أبو أصيل ..
عندي سؤالين ..
أولاً كيف يكون الهدف 20 و 40 نقطة ؟ يعني افتح صفقتين من نفس السعر ولكل واحد هدف ؟
ثانياً بعض الصفقات مثل اليورو دولار الأخيرة .. حققت 20 نقطة بشكل سريع .. هل يمكن لو عاد إلى نقطة الدخول .. أرجع أدخل مرة ثانية بنفس الستوب والهدف ؟
اسمحلي ارد على السؤال الاول اما الثاني ماعندي فكره ممكن ابو اصيل يفيدك فيه
في طريقتين
الاولى لنفرض انه حسابك يسمح لكل صفقه تدخل في 3 لوت
تحط 3 اوامر شراء مثلا
كل صفقه بمقدار 1 لوت
الستوب موحد 25 نقطه للكل
و الهدف الاول 20
الثاني 40
الثالث 100
لنفرض وصلت الصفقات للهدف الاول
نقوم بتغير ستوب الصفقتين الباقيه و نضع الستوب عند نقطة الدخول
انا عن نفسي ما احطها عند نقطة الدخول افضل احطها بربح نقطه وحده
في هالحاله اذا ارتد السعر بعد وصول الهدف الاول راح تقفل الصفقتين الباقيتين على هدف نقطه وحده او بدون ربح ولا خساره اذا فرضنا حطيت الوقف على نقطة الدخول
لكن اذا استمر السعر باتجاهنا و حقق الهدف الثاني
في هذي الحاله نحرك السعر عند الهدف الاول 20 نقطه و نترك الصفقه تكمل اذا وصلت الهدف الثالث نعمه اذا لم تصل راح تسكر على ربح 20 نقطه و الحمدالله
الطريقه الثانيه انه اذا وصل لهدفين ممكن تترك الستوب الثالث مثل ما اهو عند نقطة الدخول او نقطه ربح واحده عشان تعطي السعر مساحه اكثر يتحرك ليصل الى 100 نقطه
و كل شخص حسب اللي يرتاح
ممكن تكتفي في هدف ال20 نقطه و تطلع
ممكن تكتفي بهدفين
ممكن تسوي طريقه ثالثه و هي انك تتبع السعر
اذا وصل الهدف الاول ماتقفل الصفقات
فقط تحرك الستوب عند نقطة الدخول او نقطه ربح واحده
و اذا وصل الهدف الثاني تحرك الستوب عند الهدف الاول
و اكلما تحرك السعر باتجاه الربح تحرك الستوب لتحجز ارباحك في حالة ارتد السعر
هذا اللي اعرفه عن الدخول باكثر من هدف للصفقه الواحده
ان شاء الله اكون فدتك