رد: ███●تعالى تاجر معايا .. فرص بالشارت .. فوركس و اوبشن ● ███
يا شباب تنبيه عشان انا جالى رسايل كتير بخصوص موضوع الاوبشن من الاعضاء , يا شباب مش اى شركة فى المجال دا هتكون محترمة ,, الاوبشن فيه شركات كتيرة نصاية و شركات ممكن يكون مقرها مجرد مكتب ف شقة مش اكتر و ابقى قابلنى لو عرفت تاخد فلوسك اصلا ال اودعتها حتى ,,, عشان نكون متفقين على حاجة انا جربت شركات كتيرة اوى ف المجال دا و طلعت ف الاخر ب كام شركة حوالى 4 تقريبا هما ال طلعوا محترمين من حيث المنصة او السحب و الايداع و الذى منه و عشان كمان ميبقاش اعلانات على المنتدى كدا ان كل شوية حد يسألنى عن بروكر الفلانى او البروكر العلانى يا ريت ال عاوز يفتح حساب ف الاوبشن او مهتم بيه يسالنى قبل ما يفتح ف شركة هو ميعرفهاش او مش واثق فيها ال عاوز يسالنى عام يسأل وانا هرد بس من غير لينكات احتراما للمنتدى ال احنا فيه لانه اصلا منتدى فوركس مش اوبشن و ال عاوز يسألنى خاص مفيش اى مشكلة بالنسبالى انا بفتح الرسايل كل يوم و برد على كل الناس ..
حاجة كمان مش كل بروكر يقولك هديلك بونص 50% ولا 100% تروح عامل ايداع علطول نصييييييحة والله من شخص مجرب كتير محدش ياخد اى بونص من اى بروكر حتى البروكرات المحترمة ال بقولكم عليها برضو بلاش حد ياخد بونص لان البونص ببساطة هيقيد حركتك ف حسابك و هتبقى ملزم انك عشان تسحب انك تنفذ عدد معين من العقود , لك ان تتخيل ان كل 100 دولار بونص لازم تنفذ ادامها عقود 20 الضعف يعنى 2000 دولار ! تخيل بقى ! فا يا ريت كل واحد يتاجر بفلوسه هو شخصيا فقط لا غير و واحد واحدة هتلاقى الرصيد بيعلى و الدنيا ماشية تمام و بلاش الطمع و بلاش الدخول بالرصيد كله ولا ب نصه فى صفقة واحدة على امل التدبيل فى صفقة ولا اتنين ,, ممكن تحصل معاك و تكسب و تدبل بس ف النهاية هتستمر على الطريقة دى و هتخسر كل الرصيد .. و ممكن متمشيش معاك من اول مرة و تخسر كله ف غمضة عين
حبيت احذر بس بعد ما جالى استفسارات كتيرة ف كذا منتدى عن تجارة الاوبشن , لكن مع تحذيرى دا بنصح ال يقدر يشتغل فيها يشتغل لان مكسبها حلو و حساب اوبشن جمب حساب الفوركس هيسندوا بعض زى منا بعمل .
بالتوفيق يا شباب و انا تحت امر اى حد عاوز حاجة بخصوص الموضوع دا
المواضيع المتشابهه 
53Likes