بعد نجاح الموضوع فى منتدى الجيران طلب منى بعض الاعضاء ان افتح الموضوع هنا ايضا لذا سأقوم بفتحه ف المنتدى و اسأل الله ان يكون سبب فى ربح البعض
فى الموضوع دا ان شاء الله هنرفق الفرص ال هتظهر ادامنا على الشارت و هرفق الشارت موضح الفرصة و سبب الدخول و اماكن التارجت و الاستوب ال هيكون غالبا فى حدود 30 او 40 نقطة للاتنين لان معظم صفقاتى بالشكل دا
و ايضا هيكون الموضوع لارفاق بعض نتائج صفقات الباينرى اوبشن ال بدخلها مع فرص الفوركس على نفس الزوج ال هكون فاتح صفقة عليه و فى نفس الاتجاه سواء شراء او بيع
و الحمد لله ماشى على النظام دا بقالى فترة و كل من تابعنى فى المنتدى المجاور يعرف كويس طريقتى ف المتاجرة ,,
ان شاء الله هنبدا من يوم الاتنين بعد افتتاح السوق قليلا ,,
بالنسبة للناس ال سألت عن طريقة شغلى و ازاى بدخل صفقات ب استوب صغير كدا و بتحقق الهدف
فا انا هشرح شرح مبسط لطريقتى لانها لا بتعتمد على مؤشرات ولا غيره هى بتعتمد اعتماد كلى على الحركة السعرية و ربطها مع التحليل الفنى الكلاسيكى
هناخد مثلا مثال على زوج الاسترلينى دولار ( الباوند )
اول ما ببدأ اتاجر ببص على الفريمات الكبيرة للزوج زى الشهرى و الاسبوعى و اليومى عشان اعرف الاتجاه ايه الفترة دى
و ليكن فى حالة الاسترلينى دولار هنلاقى الفريمات التلاتة صعود و اخرهم فريم الديلى الموضح دا
[عذراً, فقط الأعضاء يمكنهم مشاهدة الروابط ]
الاتجاه زى ما هو على شارت الديلى لاخر شمعة يوم الجمعة ال فاتت كانت صعود قوى و زخم صعودى كويس اوى خلى السعر يطلع و يقفل شمعة اليوم فوق خط هابط ترند هابط على الاسبوعى و فوق كمان منطقة مقاومة كانت قوية عند 1.5607
طيب يبقى كدا عرفت ان الاتجاه صاعد يبقى هشترى , بس هل يا ترى هشترى اول لما اليوم ال بعده يفتح ولا هستنى يصحح شوية ؟!
طبعا محتار , يبقى انزل ل فريم اقل شوية و هو فريم الاربع ساعات
و دا شكل الفريم بتاع الاربع ساعات
[عذراً, فقط الأعضاء يمكنهم مشاهدة الروابط ]
لقبت ان السعر ماشى فى قناة صاعدة وصل لحدها العلوى و نزل (( الاسهم الحمراء و الحد العلوى للقناة بالازرق ))
طيب يبقى اذا السوق فتح طبيعى و بدون فجوة سعرية لاعلى يبقى هستنى يصحح شوية عشان اعرف اشترى و يكون الاستوب بتاعى مش بعيد
طيب ادامى ايه نقاط تقابل السعر ف حالة نزوله للتصحيح , ادامى 1.5607 و دى كانت مقاومة قوية على الديلى اصبحت دعم قوى دلوقتى , لو عدى منها هيقابل 1.5574 و دا دعم على الاربع ساعات و كمان خط ترند صاعد ( باللون الاخضر ))
تمام اوى يبقى كدا عندنا نقطتين كويسيين نقدر نشترى منهم و احنا مطمنين ,, 1.5607 او 1.5574 (( لو واحد حريص يقسم عقوده على مرتين مرة من السعر الاول و لو نزل يبقى المرة التانية من السعر التانى ))
طيب الاستوب فين يا محمد ؟ و التارجت فين و ازاى احددهم ؟
سؤال جميل نرجع تانى لشارت الاربع ساعات هتلاقى ان السعر اول مقاومة هتكون بالنسبة له هى هاى يوم الجمعة و بعدها علطول المسافة مفتوحة لحد 1.5750 و ال هيوصلها بسهولة جدا ان شاء الله الاسبوع دا يبقى دا التارجت بتاعنا ,, و الاستوب بقى يكون فين ,,, دا بقى هنحددده على فريم الاربع ساعات برضه .. مش احنا عندنا خط ترند هابط تم اختراقه و الاقفال فوقه على الديلى ؟ طيب الخط دا لو روحنا للاربع ساعات هنلاقيه مرسوم يبقى علطول الاستوب هيكون اغلاق شمعة 4 ساعات تحت خط الترد المخترق دا .
شخصيا بستعين بالفريمات الصغير للمضاربة و استخلاص افضل اماكن الدخول حسب الحركة السعرية عليها لانها جزء من الموجة الكبيرة ال بتحصل على الشموع الكبيرة فا مهم اوى انك تبقى شايف كل التفاصيل
ارجو ان اكون وفقت ف الشرح و التوضيح و دا مثال للشرح فقط و ال عاوز ياخده ك توصية فا هى فرصة صحيحة ان شاء الله بس يرجى الانتظار ف اول كام ساعة ف السوق عشان نشوف الافتتاحات .
الشرح مقتبس من بعض شروحات اخوة سابقين و مضاف لها شرحى
الخيارات الثنائية Binary Option
هى خيارات تدخل ضمن الخيارات المستحدثة والتى تدفع عائد ثابت عندما ينتهى الأوبشن فى حالة In the money
عند إنتهاء الصلاحية .
يعرف أيضاً بـ Digital Options الخيار الرقمى ، وهى أكثر شعبية فى تجارة الفوركس ،
ومنذ عام 2008 تم الموافقة على إدراجها فى السوق الأمريكى على عدة أسهم ومؤشرات وصناديق المؤشرات المتداولة ETFs .
على عكس Plain Vanilla Option العادى ، حيث يدفع Binary Option عائد ثابت طالما إنتهى فى حالة In the money
بحلول إنتهاء الصلاحية ولا يهم ماذا يكون السعر آنذاك .
وهو يشبه وضع مبلغ معين من المال كرهان على إنتهاء الأصل الأساسى أعلى أو أقل من السعر المستهدف .
Binary Call Option
هو خيار ثنائى يراهن على إرتفاع سعر الأصل الأساسى فوق السعر المستهدف .
فتدفع لك عائد ثابت عند الإنتهاء والأصل الأساسى أعلى من السعر المستهدف ،
والعوائد عادة معبرة عن نسبة من الإستثمار الأصلى .
فإذا إنتهى الأصل الأساسى أسفل من السعر المستهدف ، فإنتك ستخسر كامل إستثماراتك فى تلك الصقة أو نسبة معينة منها .
مثال :-
لنفترض اننا اشترينا عقد باينرى على زوج اليورو دولار باستثمار 100 دولار من سعر 1.3000 بهدف ان يغلق السعر بعد ساعة اعلى من ال 1.3000
فإذا انتهىت الساعة انتهىت مدة العقد فوق ال 1.3000 و لو بنقطة فهذا يسمى In The Money و يكون العائد 85% تقريبا على استثمارك اى يكون العائد 85 دولار تضاف على 100 الاصلية
و اذا انتهى وقت العقد و السهر تحت ال 1.3000 التى اشترينا منها ف اننا Out of the Money فستخسر كامل استثمارك
و فى بعض الاحيان يغلق العقد على نفس النقطة التى دخلنا منها فيكون العائد هو هو كما استثمرته اى يعود لك مبلغ الاسثمار كما هو
افتراضي
Binary Put Option
هو خيار ثنائى يراهن على إنخفاض سعر الأصل الأساسى أسفل السعر المستهدف .
فتدفع لك عائد ثابت عند الإنتهاء والأصل الأساسى أقل من السعر المستهدف ،
والعوائد عادة معبرة عن نسبة من الإستثمار الأصلى .
فإذا إنتهى الأصل الأساسى أعلى من السعر المستهدف ، فإنتك ستخسر كامل إستثماراتك فى تلك الصقة أو نسبة معينة منها .
صلاحية الخيارات الثنائية Binary Option Expiration
الخيارات الثنائية لها العديد من فترات إنتهاء الصلاحية قصيرة كالدقائق وطويلة كالشهور
إعتماداً على السوق وعلى الأصل الأساسى ، الخيارات الثنائية المتداولة
المدرجة فى السوق الأمريكى عادة تأتى بثلاث شهور أمامية لإنتهاء الصلاحية
بينما الخيارات الثنائية المتداولة فى سوق الفوركس قد تكون لديها
مدة إنتهاء صلاحية قصيرة كالساعات أو الدقائق
الباينرى اوبشن باختصار هو انك بتاخد عقود خيارات على العملات ل وقت معين عند انتهاء الوقت دا بيتحسب سعر الاغلاق و نشوف اذا كان اعلى و لا اسفل السعر ال انت دخلت منه و على حسب الصفقة ال دخلتها فيه صفقة شراء و دى اسمها ف السوق Call يبقى لازم السعر يغلق بعد الفترة الزمنية اعلى من نقطة دخولك عشان العقد بتاعك يكسب , و فيه البيع و دا اسمه Put و دا لازم العقد يقفل تحت نقطة دخولك و لو حتى بنقطة
اما فى حالة ان السعر اقفل على نفس نقطة دخولك بعد انتهاء المدة بتاعته فا بيرجعلك تانى نفس المبلغ ال دخلت به زى ما هو لا ناقص ولا زائد
مثال
انت مثلا شايف ان اليورو دولار صاعد و لنقل خلال الساعة القادمة
و السعر الان 1.3000
خلاص قررت تشترى
هتاخد عقد شراء Call
المدة الزمنية بتاعته ساعة
يبقى لازم الساعة تقفل فوق ال 1.3000 ان شالله حتى تقفل 1.30001 عشان تبقى كسبان
فا بعد انتهاء الساعة بيتحسب سعر الاغلاق
لو السعر اعلى من 1.3000 هتكسب تقريبا ما بين 72% الى 85% من قيمة العقد حسب الشركة بتاعتك و الوقت ال كنت داخل فيه
لو السعر اغلق تحت النقطة 1.3000 و لو حتى ب 0.1 من النقطة هتخسر كامل استثمارك للعقد
لو العقد اغلق على نفس النقطة و دى نادرا لما بتحصل بيرجعلك نفس المبلغ ال دخلت بيه تانى