السلام عليكم ورحمه الله وبركاته ..
مساءكم \ صباحكم جميل مثلي
ندخل بالموضوع ":)
مثل ماهو واضح من العنوان الاستغلال ..
اسوأ شعور لما يكون شخص تعزه وتقدره وتكتشف انه يستغلك ..
بكتب موقف صار لنا مع جارتنا وبناتها ..
هذي جارتنا صديقه امي من سنين وعشره عمر وبناتها متربيين معنا ونحبهم ونعزهم لكن الي اكتشفته ان فيهم صفه شينه وهي الانانيه والاستغلال .. يعني حنا نحبهم ونعتبرهم من اهل البيت ومانخبي عنهم شي ولو يطلبو اي شي نعطيهم لكن تفاجأنا منهم انه لو طلبنا اتفه الاشياء يسحبون علينا ..
زي مثلا الاكلات دايم لما يجونا يعجبهم الي نسويه من معجنات وحلويات ومن الطبيعي لما يعجبك شي تسأل صاحبته عن الطريقه ونعطيهم عادي لكن لو حنا طلبنا يسحبون ولا يغيرو السالفه يعنني ماسمعنا ..
اوك ممكن تكون امور تافهه جدا لكنها منرفزه ومع هذا خلاص نطنش ومانهتم لكن الي قهرني قبل فتره جو عندنا وامي عزمت جاراتنا اول مره يتعرفو عليهم المهم وحده من جاراتنا اعجبها الاكل الي جابوه ولما راحت بيتها دقت على امي تبي الطريقه وامي قالت لها انه صديقتها الي سوته وهي ماتعرف وصفته :)
الحرمه اصرت الا تبي الوصفه وترجت امي تجيبها من صديقتها ..
حنا بالواتس مسويين قروب فيه صديقه امي وبناتها وماشاء الله عليهن 24 ساعه فيه وجت امي ارسلت لهم قالت الحرمه تبي وصفه اكلتكم مرره اعجبها قالو طيب .. ويومين مادخلو الواتس
ليه كذا ؟ قسم بالله انها اكل اكــــــــل مابتدخلك الجنه لحالك ليه الهروب والتسحيب !!
مع انه مو جديد عليهم لكن الي قهرني انهم فشلو امي مع الحرمه ..
قسم بالله تصرف وصخ تاخذون الي تبونه منا واتفه الاشياء تستكثروها علينا هذا وحنا عشره عمر ليه الانانيه ! ..
حتى دايم لما نروح المول معهم ونشتري كابتشينو وحلويات انا ادفع انه عادي صحبات مابيننا حساب لكن الي صدمني انه مره كانت معي بنتها وبصراحه كنت مطفره مامعي غير عشره ريال :)
قلت للبنت اليوم كل وحده تحاسب لنفسها انا مامعي احلف عليكم :) ..
وطلبت لي كابتشينو وهي طلبت لها مويه بس ..
انا حسيت بالذنب قلت بنفسي حرام يمكن كسرت بخاطرها انه مامعها وانا اشتري لنفسي.. لكن الي صدمني انها فتحت محفظتها قدامي ماشاء الله فيها خير :)
قلت لها ليه ماتطلبي لك كابتشينو او شي حار :)
قالت لا يختي تكفي المويه ماله داعي ..
يعني السالفه بخل بس !
وانا طول هالفتره احاسب بدالها عبالي مسكينه وهي مستغلتني والله انه حزت بخاطري اقرب صديقه ومتربيه معي مثل اختي تتصرف معي كذا ..
وغيرها مواقف كثير تكشف لك اشخاص لو يطلبو عيونك تعطيها لهم وبالاخر تكتشف انهم يستغلونك ومايقدرونك ويستكثرو عليك ابسط الامور ..
هل تعرضتم لمثل هذي المواقف ؟! وبرأيكم ماهو التصرف المناسب له ؟! ..
اترك المايك لكم
وشفط جماعي :)
التعديل الأخير تم بواسطة خادم القرآن ; 23 - 09 - 2013 الساعة 05:07 PM 
الاستغلال
المواضيع المتشابهه 
