██•… الباينرى اوبشن و علاقتها بالفوركس , امثلة و شرح تعليمى و رحلة عمل …•██

اقتباس:

المشاركة الأصلية كتبت بواسطة Leonardo'

تم الارسال يا غالى

تسلم يا باشا

بارك الله فيك

انت قلت هانبدأ رحله من أول الأسبوع ومش شايف اى تحليلات ولا توصيات ولا اى حاجه

طيب ان شاء الله نكمل شرح الامثلة بتاعت الباينرى اوبشن مع الشرح على الشارت ليه اخدنا الصفقة و كل يوم ان شاء الله هنزل مثال او اتنين من الصفقة المنتهية خلال اليوم و لو فيه صفقات خسرانة برضو هنزل مثال عليها عشان نعرف خسرنا ليه و نتفادى الخسارة ف المرات ال بعد كدا ( الموضوع مفيد ليا معاكم لانى براجع و بنبه نفسى لاشياء صغيرة ممكن اغلط فيها ) و ان شاء الله كلنا نستفيد
و هبدأ ب مثال اخدته يوم الجمعة الفاتت اخر يوم ف الاسبوع

المثال كان على الاسترلينى ( الباوند ) دولار GBPUSD
كان السعر فى هبوط على شارت الساعة طبعا الكل شاف الهبوط يوم الجمعة بالنسبة للباوند كان عامل ازاى و ناس كتير خسرت بسبب الهبوط دا
المهم انا شوفت اول شمعة هبوط على شارت الساعة كان هبوط قوى و ف اخر الساعة السعر بدا يصعد تانى لانه ارتد من منقطة دعم تمثل دعم شهرى عند النقطة 1.6196
انتظرت على شارت الساعة حتى كسر النقطة دى و قفل تحتها بس ب شمعة 5 دقايق اتأكدت انه كسر و روحت واخد بيع مع اول اعادة اختبار للسعر المكسور عند 1.61959 بالتحديد
اخدت عقد بيع 100 دولار لنهاية النصف ساعة لانى عارف حركة الباوند لو اخدته لنهاية الساعة ممكن يرتد تانى مع ان المكان صعب انه يرتد له تانى بعد ما كسره و فى وخم هبوطى بالمنظر دا لكن لقيت ان سهل السعر يواصل هبوط خلال النصف ساعة فقط علشان كدا اخدت عقد الاوبشن بيع لنهاية النصف ساعة
و دا شارت الساعة موضح مكان الدخول

[عذراً, فقط الأعضاء يمكنهم مشاهدة الروابط ]

و طبعا راقبت السعر على الفريمات الصغيرة الربع ساعة و ال 5 دقايق و مكنش فيه اى بوادر ارتداد و العقد كان مدينى لوقت طويل مكسب ما بين 45-50% بس انا كنت شايف انها مكملة فى اتجاهى عادى و هتدينى 85% مكسب فا كملت مع الصفقة للنهاية و السعر كان سلس ف الهبوط معملش انعكاسات تذكر
و دا شكل شارت الاوبشن و محدد مكان الدخول الانتهاء

[عذراً, فقط الأعضاء يمكنهم مشاهدة الروابط ]

و المبلغ المستثمر كان 100 دولار فى الصفقة دى و انتهت على مكسب +85% يعنى مكسب 85 دولار الحمد لله ( مع ان حسابى كبير لكن انا بتاجر ب نسبة ما بين 1-5% من الحساب ك حد اقصى و مش بغامر ب أكبر من كدا الا فى اخر الشهر من الارباح )

بعض الملاحظات ال عاوز اقولها عن الصفقة :
- لازم تبص على الفريمات كلها قبل ما تبدا اى صفقة ( الاسبوعى - الديلى - الاربع ساعات - الساعة - النصف ساعة - الربع ساعة - الخميس دقايق - الدقيقة ) انا عارف انه صعب لكن مع الممارسة لو بصيت على كل شارت لمدة 5 ثوانى هتعرف انت عاوز ايه من الزوج و رايح فيه
- الثقة فى اتجاه صفقتك يخليك تصبر معاها للنهاية ( و برضو اى بوادر تغيير فى الحركة مش عيب انك تخرج على اى ربح موجود )
- عدم التشتييت .. يعنى متبقاش قاعد شغال فى صفقة و الصفقة شغالة و باقى نص الوقت عليها و تروح تبص على المنتدى ولا الفيس بوك ولا تكلم حد .. ركز فى صفقتك عشان اى بوادر تغيير تخرج علىطول
- و الصفقة شغالة دايما تابعها على الفريمات الاقل من وقت انتهائك ( يعنى ف الصفقة دى كنت بتابعها على الربع ساعة - ال خمس دقايق - الدقيقة )
- لا تطمع مهما كانت ثقتك فى الصفقة ( يعنى انا هنا كان ممكن ادخل ب 1000 ولا 2000 دولار اكسب 850 ولا 1600 دولار فى صفقة فى نص ساعة لكن لآلآلآلآ انا حاطط لنفسى شكل معين و جدول و خطة معينة ملتزم بيهم مهما كانت المغريات و دا ال مخلينى مكمل ف سوق مغرى زى الاوبشن ) و زى ما قولت لما بحب اغامر بيكون من الارباح اخر الشهر

انا كدا خلصت المثال دا و ان شاء الله هنزل مثال تانى جى على اليورو ين المشاركة الجاية , لو فيه اى استفسار اكون مبسوط جدا بالاجابة عليه .

المثال الثانى على يوم الجمعة 4 اكتوبر
المثال على زوج اليورو ين

الصفقة اخدتها بعد صفقة الاسترلينى بعدة ساعات

التذبذب كان هو السمة الواضحة على تحرك ازواج الين نتيجة تذبذب زوج الدولار ين المحرك الاساسى لكل ازواج الين ( نتيجة اغلاق الحكومة الامريكية و تذبذب الاسهم الامريكية ايضا )
كان التذبذب مائل للهبوط على زوج اليورو ين نتيجة للهبوط ف زوج اليورو دولار
على شارت الساعة كان الوضع العرضى المائل للهبوط هو السائد لكن لا يوجد ترند هابط واضح الا مع منتصف بداية الفترة الامريكية بدء السعر ف الهبوط و بشموع هبوط ما بين 20 الى 25 نقطة
فقررت المتابعة لاخذ صفقة بيع اوبشن من احسن سعر مناسب
مع اغلاق السعر على شمعتين هبوط لاحظت ارتداد السعر اكتر من مرة الى مستوى 132.37 و هنا المتابعة مهمة جدا عشان تعرف ايه هو المستوى الجاذب للسعر ( الناس ال اشتغلت بالفوليوم قبل كدا هتعرف كلامى كأن المستوى دا نفس المستوى الجاذب للسعر عن شارت الفوليوم )
تابعت السعر على فريم الساعة و النصف ساعة و مع فاتتاح شمعة ساعة جديدة هبط السعر سريعا و ملحقتش اخد الصفقة , انتظرت النصف ساعة الاخرى من نفس الساعة و لما السعر طلع لمس مستوى الجذب ال قولت عليه الموضح ف الشارت عند النقطة 132.37 اخدت عقد بيع
و دا شارت الساعة موضح مكان و شكل الحركة و مكان دخول الصفقة

[عذراً, فقط الأعضاء يمكنهم مشاهدة الروابط ]

السعر لحقته عند 131.354 و هنا ملحوظة كويسة
لو السعر ال انت عاوزه هرب منك نقطة او اتنين و كان الوقت بتاعت نصف ساعة او اكتر خد الصفقة , لكن لو السعر هرب اكتر من كدا استناه يرجعلك تانى لو مرجعش خلاص مش مهم شوف صفقة غيرها لكن متجريش ابدا ورا السعر

اخدت الصفقة بيع عقد اوبشن على اليورو ين من سعر 132.354 لنهاية الساعة و كانت مدة الاوبشن حوالى 25 دقيقة
الترند كان هابط و انا اخدت الصفقة من احسن سعر تقريبا فا مكنش فيه اى قلق من ان شمعة الساعة ترجع و تقفل خضراء ( مع ان الين مجنون و يعملها ) لكن كنت بتابع الصفقة على الفريمات الصغيرة و مكنش فيه قلق منها لكن برضو مغامرتش بمبلغ كبير , المبلغ المعتاد انى ادخل بيه على نفس خطة عملى هو هو مش بيتغير الا ف اخر الشهر لو عندى شهية مخاطرة

دا شارت الاوبشن

[عذراً, فقط الأعضاء يمكنهم مشاهدة الروابط ]

السعر قفل تحت سعر دخولى بحوالى 14 نقطة فى صالحى و كان يكفينى 0.1 من نقطة عشان اكسب
تم الدخول ب 100 للعقد و تم ربح +85% يعنى 85 دولار الحمد لله

الاعتماد كان ف الصفقة دى على الحركة السعرية نفسها و الاتجاه خلال الانتراداى ( الهابط )
و على خطوط الدعوم و المقاومات الهامة لتحديد اماكن الاختراق او الكسر و احسن اماكن لفتح الصفقة
المؤشر الى فى الصورة تقريبا مؤشر المهندس وضاح عطار للدعوم و المقاومات الهامة و بعض مؤشرات البايفوت بوينت و هى ما اعتمد عليها اعتماد اساسى مع تمبلت الاستاذ جمال بسيس على الاربع ساعات لتحديد نفس الغرض ايضا
- لا للطمع مهما كانت صقتك من الصفقة
ازواج الين غدارة ( الدخول فيها بحذر و بوقت كافى )

اى استفسارات انا حاضر

الف شكر على الشرح الوافي والامثلة بس انا لسى جديدة ممكن ترسلي على الخاص اسماء الشركات الموثوقة واريد اعرف هل في امكانية فتح حساب تجريبي والا لازم ابدأ بحساب حقيقي
والف شكر

طيب انا هشرح صفقة دخلتها على اساس تحليل اساسى و خبرى اكتر منه تحليل فنى و الصفقة لسه شغالة و هنتهى بعد 20 دقيقة تقريبا
قبل بداية السوق الامريكى الاسهم كلها الفيوتشرات كانت واقعة بسبب انهم لسه موصلوش لاتفاق بشان موضوع الدين الامريكى عشان كدا الاسهم كلها كانت داون و طبعا احنا عارفين ان الاسهم الامريكية ماشية عكس الدولار الامريكى من بعد ازمة الرهن العقارى فى اواخر 2008 .
اخدت عقد شراء للدولار ين لمدة نصف ساعة و للعلم برضو كان السعر على دعم قوى على الاربع ساعات و الساعة و بقاله 3 ساعات بيرتد من نفس المنطقة عشان كدا اطمنت للشراء مع كمان افتتاح البورصة الامريكية على هبوط للاسهم
و دى صورة مكان العقد و صورة الاوبشن شغال حاليا و لما ينتهى هنزل صورته و كمان صورة من شكل الفيوتشرات قبل بداية البورصة الامريكية

[عذراً, فقط الأعضاء يمكنهم مشاهدة الروابط ]

[عذراً, فقط الأعضاء يمكنهم مشاهدة الروابط ]

[عذراً, فقط الأعضاء يمكنهم مشاهدة الروابط ]

تم الانتهاء من الصفقة على ربح +75%

[عذراً, فقط الأعضاء يمكنهم مشاهدة الروابط ]

استاذي - استاذ محمد ممكن ترسلي اسامي الشركات الموثوقة واللي جربتها ورايك فيهم لاني ناوي اجرب شركة ioption ومب عارف هل هي موثوقة ام لا لان بعض الناس حسب بحثي في النت قالو انها موثوقة وبعضهم لا

اخ محمد ممكن لو تتكرم اذا في استراتيجيات معينة في الاوبشن تعطي لنا نجربها على الديمو وشكرا

السلام عليكم
بالتوفيق ان شاء الله وربنا يزقك اخي محمد
بس كنت عاوز اسألك ايه هي الشركة اللي حضرتك مسجل فيها
لانو بهذا المجال بالذات آلاف الشركات نصابه