موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية > منتدى تداول العملات العام

شروط الترند المكسور المطورة2013 لكيمو قشطة

منتدى تداول العملات العام

Like Tree9Likes

إضافة رد
 
أدوات الموضوع
قديم 29 - 09 - 2013, 12:47 PM   #1
عضو نشيط
 
الصورة الرمزية kimoeshta2012
 

افتراضي شروط الترند المكسور المطورة2013 لكيمو قشطة

شروط الترند المكسور المطورة2013 لكيمو قشطة


نبدا بسم الله شروط استراتيجية الترند المكسور المطورة 2013 الخاصة بيا وقابلة للتعديل
مني او من اي حد يلاقي تطوير ليها وممكن تنقلوها لاماكن تانية لكن لو سمحتوا قولوا تم النقل من العضو فلان عشان ده تعب مده كبيرة برضه عشان نستفاد كلنا

اول حاجة احنا بنخلينا مع الترندات اللي بتكون مرسومة من بداية الموجة زي الترند ده اللي علي الكيبل (الباوند دولار) وده ترند رئيسي يعني بلاش الترندات اللي بتكون من نص السكة دي بتكون فرعية ومش قوية زي الرئيسي
.


الشروط الخاصة بالطريقة
1/ترند ثلاثي الارتكازات زي الصورة كده وبيكون ليه خصائص معينة
اولا شغلنا علي الاربع ساعات وبس يعني ترند علي فريم اربع ساعات بس
ثانيا يكون اقل حاجة تلت ارتكازات زي منتوا شايفين ونخلي بالنا اننا ممكن ندخل علي ترند ارتكازين بس وبيكون قوي الي حد ما عشان فريم كبير لكن الثلاثي اقوي في كسره جدا
ثالثا تكون زاويته من 30 الي 60 درجة زي منتوا شايفين زاوية الترند قريبه من 45
وده المثالي بمعني ميكونش حاد او منفرج يعني ولا نازل منك قووووي للارض
ولا طالع منك اوي كأنه سلم واقف يعني تخليك زي الرسمه دي تقريبا او اعلي حاجة بسيطة او اقل حاجة بسيطة

رابعا مدته تكون اقل حاجة شهر من بداية الترند لاخره يعني ويفضل اكتر من كدة وطبعا يكون ترند رئيسي من بداية الموجة

ده اول شرط بتاع الترند ومن غيره باقي الشروط ولا ليها لازمه لانه ده الاساس اللي هنبني عليه باقي الشغل

2/تقاطع موفنجات 9 و 30 ا
كسبونشال ويكون قبل الكسر وده شئ اساسي
يعني لو التقاطع تم بعد كسر الترند الفرصة لاغية

وده شكل للتقاطع قبل كسر الترند عند المستطيل الموضح في الرسم وطبعا كل ما يكون التقاطع قبل الكسر علي طول بتبقي الفرصة اقوي وبرضه لو كان بعيد حاجة بسيطة مش بيضعف الفرصة قوي بنحاول احنا نقيم التقاطع بالعين



3/ مؤشر المومنتم كل الناس عارفاه طبعا لما تكون صفقة بيع لازم المو
منتم يكون تحت خط المية والعكس في الشرا

دول الشروط الاساسية واللي جاي من اضافتي

4/ في رسمة الباوند دولار فوق عند الترند هتلاحظوا في سحابة الاشيموكو + موفنج 62 اكسبونشال ودول بيكون في احترام للسعر عندهم يعني لو داخلين صفقة بيع لازم يكون السعر كسر الاتنين لتحت بيدي قوة للصفقة وطبعا بنجيب السحابة عادي من الميتا تريدر من مؤشرات + اوسكيليتور + اشيموكو كينكو هايو

5/ مؤشر الماكد
برضه الناس عارفه ولما بيكون تحت الصفر بيدي قوة للبيع والعكس في الشرا


6/لا
زم نهتم بالموفنجات العادية زي 55 و 100 و 200
يعني لو السعر في الدخول كان كاسر 55 و100 لكن 200 قدامه شوية علي ما يوصله بيكون افضل طالما مفيش حاجة منهم قدام السعر تعوقه لانها بتكون دعوم ومقاومات للسعر


7/
لازم نرسم الفيبو زي منا راسم فوق في الباوند
في الصاعد من تحت لفوق والعكس في الهبوط طبعا هنلاقي
اول مستوي يقابلنا هو 23 فيبو وهنا اهم حاجة ومن اهم الشروط
اننا لو بداية صفقتنا كان كاسر 23 فيبو يعتبر احنا دخلنا تصحيح الموجة دي من اولها وبيكون الدخول قوي وطبعا قوي الفرصة بتقل لما الكسر بيبعد عن 23 فيبو



دي الازواج اللي شغال عليها واثبتت نجاها في التحليل الحمد لله
يورو دولار (الزعيم)
استرالي دولار(اوزي)
دولار فرنك
دولار كندي
باوند دولار (كيبل)
نيوزلاندي دولار
يورو ين
باوند ين
نيوزلاندي ين
فرنك ين
استرالي نيوزلاندي
استرالي ين
كندي ين
استرالي فرنك
العدد 14
وباقي الازواج لو اثبتت نجاح علي اربع ساعات هنضيفها

طبعا الهدف بيكون ضعف الستوب ولكن

اننا هنقسم الصفقة علي صفقتين
واحدة التيك بتعها 1.25 الستوب
والتانية التيك بتعها 2.25 الستوب
وطبعا ده بيخلي المحصلة في الاخر لو ال2 جابوا تيك بيكون المحصلة 1.75 من الستوب يعني اوك يعتبر خسرنا جزء بسيط من الربح لكن هقولكم فوايد الخسارة دي
1/ان نفترض اننا عاملين الستوب 50 نقطة والتيك 100
وبعد الكسر السعر وصل +50 ربح وبعد كده ارتد وطلع ضرب ستوب طبعا هنكون خسرنا الصفقة ومعملناش حماية للحساب
وحتي لو بعد ما وصل+50 خلينا الستوب نقطة الدخول ده بيخلي فرصة انه يضرب الستوب علي الدخول ونخسر المكسب ده هتكون قريبة

لكن تعالي معايا نحسبها بالطريقة بتعتي لما يجيب تيك اول صفقة مش هتشيل هم الصفقة التانية لانه لو كمل في طريقه تبقي مصلحة ولو مكملش وطلع ضرب ستوب برضه هنطلع تعادل لكن هنكون وسعنا نطاق التحرك بتاع السعر هيبقي الستوب بعيد اقصد وطبعا ممكن نخلي الستوب نقطة الدخول في الصفقة التانية لكن الافضل اننا نسيبه

2/ الحالة النفسية بتكون احسن في الصفقتين بدل فتح صفقة واحدة بس



وبكده نكون خلصنا وممكن نعدل علي الشروط لو احتاجنا
اتمني المتابعه والمشاركة معايا
بالتوفيق للكل

الشروط دي مكتوبة في توقيعي ومن مجهودي انا ومن شغل كذا شهر
وده من شغلي في ورشة الكوندور اتمني تكونوا موجودين فيها ونستفاد كلنا لو في اضافات ولينك الورشة في التوقيع برضه


اذا اعجبك الموضوع و اردت نشره في المنتديات الاخرى فاستخدم هذا الرابط:
شروط الترند المكسور المطورة2013 لكيمو قشطة
http://www.borsaat.com/vb/t592003.html



التوقيع:


شروط الترند المكسور المطورة2013 لكيمو قشطة

هنافريق الكوندور

الفوركس مدرسة بس اللي يعرف يبقي مديرها
kimoeshta2012 غير متواجد حالياً   رد مع اقتباس
قديم 29 - 09 - 2013, 01:13 PM   #2
عضو برونزي
 
الصورة الرمزية dr_mro
 

افتراضي رد: شروط الترند المكسور المطورة2013 لكيمو قشطة

رائع جدا
استيراتيجية محترمة و إضافات قوية .. تسلم يا غالي



dr_mro غير متواجد حالياً   رد مع اقتباس
قديم 29 - 09 - 2013, 03:30 PM   #4
عضو جديد
 

افتراضي رد: شروط الترند المكسور المطورة2013 لكيمو قشطة

جهود مشكوره بس لو سمحت ممكن شرح اكثر حول الايشيموكو لانو هالموضوع شبه جديد لكثير مضاربين جدد متلي ..يعني بنسمع بالمقاومات والدعوم والقنوات والموفنجات ومؤشرات معينه متل الماكد وال ر اس اي .. بس يا ريت شرح اكتر كيف نتعامل بطريقه الترند مع الايشيموكة ؟؟ وكمان يا ريت توضحلنا اعدادات الموفنج افريج لل 9 و ال 30 والموفنجات 200 100 55 .. وكل الاحترام والتوفيق وانا متابع معكم في ورشه الكوندور جهود رائعه وجباره تستحق الاحترام



غيث الرحاحله غير متواجد حالياً   رد مع اقتباس
قديم 29 - 09 - 2013, 03:56 PM   #5
مضارب شرس
 
الصورة الرمزية Haithem Hussien
 

افتراضي رد: شروط الترند المكسور المطورة2013 لكيمو قشطة

اضافات جيدة اخي الكريم

وان شاء الله ورشة موفقة



التوقيع:
" لا تفرح بما آتاك ولا تحزن علي ما فاتك "

سبحان الله وبحمده ،،،، سبحان الله العظيم
Haithem Hussien غير متواجد حالياً   رد مع اقتباس
قديم 29 - 09 - 2013, 04:58 PM   #6
عضو نشيط
 
الصورة الرمزية kimoeshta2012
 

افتراضي رد: شروط الترند المكسور المطورة2013 لكيمو قشطة

اقتباس:
المشاركة الأصلية كتبت بواسطة dr_mro مشاهدة المشاركة
رائع جدا
استيراتيجية محترمة و إضافات قوية .. تسلم يا غالي
تحت امرك تسلم وياريت تتابعنا هناك وتشاركنا برأيك
اقتباس:
المشاركة الأصلية كتبت بواسطة سلطان شمس مشاهدة المشاركة
بالتوفيق والنجاح
تسلم وياريت تتابعنا هناك وتشاركنا برأيك
اقتباس:
المشاركة الأصلية كتبت بواسطة غيث الرحاحله مشاهدة المشاركة
جهود مشكوره بس لو سمحت ممكن شرح اكثر حول الايشيموكو لانو هالموضوع شبه جديد لكثير مضاربين جدد متلي ..يعني بنسمع بالمقاومات والدعوم والقنوات والموفنجات ومؤشرات معينه متل الماكد وال ر اس اي .. بس يا ريت شرح اكتر كيف نتعامل بطريقه الترند مع الايشيموكة ؟؟ وكمان يا ريت توضحلنا اعدادات الموفنج افريج لل 9 و ال 30 والموفنجات 200 100 55 .. وكل الاحترام والتوفيق وانا متابع معكم في ورشه الكوندور جهود رائعه وجباره تستحق الاحترام
بص يا باشا انا مش خبير في شغل الاشيموكو لانه بيكون ليه خطوط وحاجات تانية
لكن انا مجرد بحط السحابة بس مع الموفنج 62 اكسبونشال وبيكون فعلا ليهم احترامهم بالنسبة للسعر
وبالنسبة للاعدادات الطريقة موفنج 9 و30 دول اكسبونشال كلوز
وبرضه62 زيهم
لكن 55 و 100 و 200 دول عادي سمبل كلوز
اقتباس:
المشاركة الأصلية كتبت بواسطة Haithem Hussien مشاهدة المشاركة
اضافات جيدة اخي الكريم

وان شاء الله ورشة موفقة
تسلم وياريت تتابعنا هناك وتشاركنا برأيك



التوقيع:


شروط الترند المكسور المطورة2013 لكيمو قشطة

هنافريق الكوندور

الفوركس مدرسة بس اللي يعرف يبقي مديرها
kimoeshta2012 غير متواجد حالياً   رد مع اقتباس
قديم 29 - 09 - 2013, 05:42 PM   #7
عضو جديد
 

افتراضي رد: شروط الترند المكسور المطورة2013 لكيمو قشطة

بص يا باشا انا مش خبير في شغل الاشيموكو لانه بيكون ليه خطوط وحاجات تانية
لكن انا مجرد بحط السحابة بس مع الموفنج 62 اكسبونشال وبيكون فعلا ليهم احترامهم بالنسبة للسعر
وبالنسبة للاعدادات الطريقة موفنج 9 و30 دول اكسبونشال كلوز
وبرضه62 زيهم
لكن 55 و 100 و 200 دول عادي سمبل كلوز

معلش يا باشاا انت الباشا والمعلم الكبير قوي ...بس حلمك على صاحبك اذا انت مش خبير بالاشيموكو انا للان يا دوب اعرف احكي اسمها ... ممكن بس تشرحلي كيف تطبيقها على استراتيجية الترند لمكسور ...بمعنى احنا باستراتيجيه الترند المكسور بنحكي اذا كسر الترند وتقاطع الموفنجات ..... والايشموكو شو لازم يكون ؟؟



غيث الرحاحله غير متواجد حالياً   رد مع اقتباس
قديم 29 - 09 - 2013, 06:00 PM   #8
عضو نشيط
 
الصورة الرمزية kimoeshta2012
 

افتراضي رد: شروط الترند المكسور المطورة2013 لكيمو قشطة

اقتباس:
المشاركة الأصلية كتبت بواسطة غيث الرحاحله مشاهدة المشاركة
بص يا باشا انا مش خبير في شغل الاشيموكو لانه بيكون ليه خطوط وحاجات تانية
لكن انا مجرد بحط السحابة بس مع الموفنج 62 اكسبونشال وبيكون فعلا ليهم احترامهم بالنسبة للسعر
وبالنسبة للاعدادات الطريقة موفنج 9 و30 دول اكسبونشال كلوز
وبرضه62 زيهم
لكن 55 و 100 و 200 دول عادي سمبل كلوز

معلش يا باشاا انت الباشا والمعلم الكبير قوي ...بس حلمك على صاحبك اذا انت مش خبير بالاشيموكو انا للان يا دوب اعرف احكي اسمها ... ممكن بس تشرحلي كيف تطبيقها على استراتيجية الترند لمكسور ...بمعنى احنا باستراتيجيه الترند المكسور بنحكي اذا كسر الترند وتقاطع الموفنجات ..... والايشموكو شو لازم يكون ؟؟
لا يا باشا كبير ايه بس هههههههههههه
الكبير ربنا
عامة كلنا بنحاول نتعلم ونعلم بعض والفايدة تبقي عامة
بالنسبة للاشيموكو زي ما انا بينت في الشروط الطريقة ازاي تجبها علي الشارت وبالنسبة لبعد تحقيق شروط المكسور لازم يكون السعر نفسه او الشموع بمعني اصح تحت السحابة يعني تبض علي اخر شمعه اللي احنا شغالين فيها وتشوف السحابة من اليمين تحتها ولا فوقها وطبعا لو انت داخل بيع لازم السعر يكون تحت السحابة لانها زي دعوم ومقاومات للسعر لازم يكون كاسرها لتحت في البيع والعكس في الشرا وجرب تحط السحابة دي + الموفنج بتاع 62 اكبونشال هتلاقي فعلا لما السعر بيكسرهم لفوق بيكون اتجاه شراء طبعا مع تحقيق باقي الشروط
بالتوفيق واتمني اشوفك في لينك الورشة في التوقيع



التوقيع:


شروط الترند المكسور المطورة2013 لكيمو قشطة

هنافريق الكوندور

الفوركس مدرسة بس اللي يعرف يبقي مديرها
kimoeshta2012 غير متواجد حالياً   رد مع اقتباس
قديم 30 - 09 - 2013, 08:53 AM   #9
عضو جديد
 

افتراضي رد: شروط الترند المكسور المطورة2013 لكيمو قشطة

لا يا باشا كبير ايه بس هههههههههههه
الكبير ربنا
عامة كلنا بنحاول نتعلم ونعلم بعض والفايدة تبقي عامة
بالنسبة للاشيموكو زي ما انا بينت في الشروط الطريقة ازاي تجبها علي الشارت وبالنسبة لبعد تحقيق شروط المكسور لازم يكون السعر نفسه او الشموع بمعني اصح تحت السحابة يعني تبض علي اخر شمعه اللي احنا شغالين فيها وتشوف السحابة من اليمين تحتها ولا فوقها وطبعا لو انت داخل بيع لازم السعر يكون تحت السحابة لانها زي دعوم ومقاومات للسعر لازم يكون كاسرها لتحت في البيع والعكس في الشرا وجرب تحط السحابة دي + الموفنج بتاع 62 اكبونشال هتلاقي فعلا لما السعر بيكسرهم لفوق بيكون اتجاه شراء طبعا مع تحقيق باقي الشروط
بالتوفيق واتمني اشوفك في لينك الورشة في التوق

اكيد يا باشا بس " خد بالك " حفرمك اسئله بالورشه يعني تستحملني ولا اييييه



غيث الرحاحله غير متواجد حالياً   رد مع اقتباس
إضافة رد

جديد مواضيع منتدى تداول العملات العام


مواضيع سابقة :

استراتيجية من نار الحديثه والمطوره
Mark Douglas: Trading In The Zone
كل يوم نصيحة (نصائح للمبتدئين)

مواضيع تالية :

النيو زيلاندي دولار زمني ورقمي تحليل
مفكرة بورصات للبيانات الاقتصادية - الاسبوع من 30/9 حتى 4/10/2013
استفسار من باب الفضول

شروط الترند المكسور المطورة2013 لكيمو قشطة

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
¤©§][§©¤][ دورة الترند المكسور ][¤©§][§©¤ منتدى تداول العملات العام
الترند المكسور طريقك للمليون باذن الله(الترند الإنساني) منتدى المؤشرات و الاكسبرتات
ورشة كيمو قشطة لاعادة احياء استراتيجية الترند المكسور منتدى تداول العملات العام
الترند المكسور منتدى تداول العملات العام


روابط الموقع الداخلية


08:50 PM
Powered by vBulletin® Version 3.8.9
Copyright ©2000 - 2017, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة