ورشة الانفجارات السعرية و رحلة التدبيل من غير خسارة

المشاركة الأصلية كتبت بواسطة nader_ph

معاك أخى فى انه توجد طرق وأستراتيجيات لا تعرف الخسارة أبدا .... أعيدها تانى وأقول (علشان الناس متفتكرش أنه خطأ غير مقصود ) ... أبدا ..أبدا ...
(**** بالنسبة للأنفجارات ...جربتها .. جميلة جدا وتعتبر سكالبينج لكن لم استمر بها ... أتمنى لك التوفيق ...)

أسمح لى اوضح كلامى :
- طبعا انت أول ما بتفتح الصفقة بتكون مسلبة بفرق السبريد ... ممكن واحد ينط يقول لك ... أمسك ... أهوه خسران اهوه ( ولو ان الأنفجارات لا يستمر فيها هذا الوضع كثيرا ..ولكنى أتكلم بصفة عامة )..
- و طبعا ممكن بعد 5 دقائق تلاقى الصفقة مسلبة 15-20 نقطة ... ينط لك واحد تانى أحنا كدا سلبنا كتير أوى نعمل أية ...
- وممكن الصفقة دى تقفلها على ستوب لوس حتلاقى واحد يقول لك .. لأ كدا احنا أستحملناك كتير قوى وأدينا خسرنا اهوه . أمال فين يا عم بقى المكسب بدون خسارة ...
- المشكلة ان أصابعك ليست مثل بعضها ...الناس أنواع :

1- نوع عايش اللحظة : وكل ثانية يبص على الرصيد ..كدا خسران .. لأ كسبان .. لالالأ خسران ..أهوه كسبت أقفل بقى على 3 بيب مكسب أحسن من الخسارة .

2- نوع بيحسبها بأغلاق الصفقة .. كدا كسبت ... أو كدا خسرت.

3- نوع بيحسبها يوميا ونوع أسبوعيا و شهريا ونوع سنويا وهكذا ..

طيب يعنى انا كدا بأخسر وللا بأكسب بدون خسارة ....
كل واحد وحساباته وأستراتيجياته .. مثلا من وجهة نظرى أستراتيجية دكتور ماهر لليابانى وبوحة أستراتيجية لاتعرف الخسارة ... المهم الألتزام بحسابات المخاطرة وادارة رأس المال الخاصة بالأستراتيجية والتى يحددها صاحب الأستراتيجية .. وأهدافها هل هى تارجت يومى أم أسبوعى أم ...

كلامى ده مش معناه تشجيع للأنفجارات .. لكن هو توضيح لكلام بيغيظ الناس كلها ... كل ما واحد يفتح موضوع بصيغة قريبة من موضوعك ... فى أى منتدى تلاقى ألف واحد داخلين يقولوا لأ لايمكن لالالالا ألعب غيرها ... دا كله علشان خايفين على المبتدئين .. أو أتقرصوا قبل كدا بالثقة الزائدة أما عن عدم معرفة بأدارة رأس المال .. أو عامل نفسى كالطمع او التردد والخوف .. علشان كدا الناس المحترفين مش بيقول مش حنخسر ..لكن بيقول انا جربت الأستراتيجية مدة كذا ... وكانت نتائجها كذا ... فى فترات من كذا لكذا ..وعيوبها كذا ومميزاتها كذا ... والناس اللى جربوها معايا قالوا كذا... ده اللى يهم المحترفين وميجرحش ولا يسبب خسارة للمبتدئين ...
معلش انا طولت فى الكلام ولسة عاوز اقول كمان .... لكن كفاية كدا يمكن تكون وجهة نظرى وصلت ...

وفى النهاية بالتوفيق أخى الحبيب ... ومبروك أرباحك مقدما ..
الله كريم ,,,,

المشاركة الأصلية كتبت بواسطة osama4x

ارجوك من غير ردود استفزازيه
هو انت ما استفدت مش الدرس اللي عطهولك الادارة عندما منعاتك من الدخول
اما عن الورشة فكنت في الفترة الماضية مشغول و ان شاء الله حنعود و بقوة للورشة