رد: الرجاء العاجل الاغاثة من محترفي الفوركس فقط
اسمحلي بالرد على موضوعك رغم أني مش من المخاطبين وهم المحترفين ..
أنا بس عايزك تاخد بالك من حاجة ممكن تكون غايبة عن بالك وهي في حالة سحب المبلغ بيكون في رسوم تحويل من البنك ، وهيا مبلغ ثابت لازم تكون حاطه في اعتبارك وكمان انت هتسحب الفلوس كلها من الشركة يعني هتقفل الحساب .. اعتقد بيزودوا 10 دولار كمان يعني في عملية السحب الرصيد هيوصلك ناقص 40 - 50 دولار ده غير مبلغ التحويل اللي اتدفع في البداية عند إرسال الأموال.. وبكده انت هتكون خسرت نسبة مش قليلة من مبلغ ال250 $ ..
عشان كده بقترح عليك لو انت مش مستعجل عليهم وماضي وصولات أمانه يعني المفروض أصحابهم مطمنين ومش مستعجلين ، اقترح إنك تعمل زي مانصحك الشباب تسيبهم وتنسى إنك ليك حساب حقيقي وتتعلم وتشتغل ديمو ولما تلاقي إنك اتعلمت وبقيت بتعرف تتوقع الحركة بصورة صحيحة بنسبة كبيرة وتكون استمريت فترة مش شرط شهرين ممكن أكتر المهم انك متشتغلش على الحقيقي إلا بعد مايكون السوق قدامك بقى واضح وبقيت فاهم حركته وحركات صناع السوق يعني احياناً بيهبط لاختبار دعم ثم يصعد مش تلاقيه بيهبط تبيع لأ تبقى فاهم هوا نازل يعمل ايه وممكن تستنى شمعة انعكاس من عند الدعم تأكدلك إن الدعم مازال قوي وفشل السعر في كسره ممكن تشتري وتحط الاستوب تحت الدعم وبخبرتك هتبقى عرفت تحط الهدف فين ..
أهم حاجة بعد ما تلاقي نفسك بقيت بتكسب فترة لا تقل عن شهرين وكل ماتزيد الفترة يكون أفضل عشان تكون مريت على معظم حالات السوق ، إنك تشتغل على الحقيقي بنفس الطريقة اللي كسبتك على الديمو .
آسف على الإطالة أنا بس حبيت أنبهك لموضوع مصاريف التحويل لإنها هتبقى نسبة مش قليلة من المبلغ وبدل ماتسحبها وتتعلم وترجع تعمل الفيلم ده تاني عشان تجيبهم تاني ورسوم إرسال الفلوس مرة أخرى ... إلخ
وفي النهاية القرار قرارك ..
تحياتي