رد: ஐ◄██▓▒░ لأول مرة ◄ التحليل الاقتصادي ░▒▓██►ஐ
بسم الله الرحمن الرحيم
والصلاة والسلام على رسول الله سيدنا محمد وعلى آله وصحبه أجمعين ،، أما بعد إن شاء الله سيتم الحديث من خلال هذا الكتيب في بعض الموضوعات الاقتصادية والمتعلقة بشكل مباشر بالتداول في سوق الفوركس
تنويه : سيتم عمل الفهرس بمجرد الانتهاء من الحلقات كاملة ..
إن شاء الله الكلام هيكون بالعامية المصرية ..
بسم الله نبدأ على بركة الله موضوعنا الاول وهيكون بخصوص العرض والطلب بس قبل ما نبدأ لازم أنوه عن حاجة مهمة جدا ..
" كرجل إقتصاد مينفعش اقول اننا هنتكلم عن الموضوعات الاقتصادية المتعلقة بالتدوال في سوق الفوركس لأن اكيد الاقتصاد هو الفوركس والفوركس هو الاقتصاد ومفيش بس اكيد في حاجات مش هنحتاج اننا نتكلم فيها زي مثلا :
- نظرية المنفعة : ده على سبيل المثال مش هنستفيد لما نشرحها أنما ممكن نتكلم عن حاجة بسيطة جدا منها فيما بعد لو احتجنالها ،،، وهكذا .. وعلشان كده قولت بشكل مباشر "
إن شاء الله كلامنا هيكون بسيط جدا جدا وهيكون في صورة حلقات متتالية إن شاء الله وكل حلقة هيكون فيها موضوع من الاقتصاد هنتكلم فيه بأسلوب بسيط جدا بعيد عن عقد الاقتصاديين وإن شاء الله هيكون في وسائل مساعدة للتوضيح وإحتمال يكون في حلقات في صورة فيديو مصور إن شاء الله ..
أولا بس علشان الناس تكون صاحية معانا .. يعني ايه اقتصاد ؟؟!!
نقول مع بعض يعني إيه اقتصاد بشكل بسيط جدا ومن خلال مثال سريع ..
لو هنفترض ان حضرتك معاك أرض زراعية وكل يوم بيجيلك منها 2 تفاحة بس حضرتك محتاج 3 تفاحة علشان تشبع كل يوم .. اهو دي مشكلة كبيرة جدا .. علشان حضرتك تشبع من التفاح وتستريح الجماعة حبيايبنا عملوا علم اسمه علم الاقتصاد لحل مشكلة التفاح " المشكلة الاقتصادية " واللي هي عبارة عن موارد محدودة ورغبات متجددة وغير محدودة .
دلوقتي بعد ما عرفنا ليه في حاجة اسمها اقتصاد هندخل في حلقة النهادرة وهنتكلم عن العرض والطلب ..
نتكلم في الاول عن الطلب :
الطلب هو العلاقة بين سعر السلعة والكمية المطلوبة منها .. ده تعريف الكتب .. والاقتصاديين بيقولوا ان العلاقة دي عكسية ! طيب تعالى نتأكد من الكلام ده ..
لو هنفترض أن حضرتك مثلا نزلت السوق ولقيت ان سعر الاناناس حوالي 2 جنيه اكيد تلقائي هتشتري حوالي 10 حبات طبعا .. لأن لو قارنت السعر بالسعر العادي ممكن تلاقي الحباية بحوالي 25 - 30 جنيه فأكيد حضرتك لو محتاج الاناناس في الوقت ده هتشتري كمية كبيرة منه ساعتها انت لو اشتريت هتشتري 10 حبات بحوالي 20 جنيه .. انما لو السعر العادي هتشتري الحبة بـحوالي 25 جنيه !! يعني لما السعر نزل حضرتك اشتريت اكتر ولما السعر زاد حضرتك اشتريت أقل وطبعا ممكن العكس .. يعني مثلا لو حضرتك لقيت الاناناس غالي مش هتشتري منه انما لو لقيته رخيص هتشتري منه .. ده هو الطلب طبعا في عوامل بتأثر في الطلب مش هنتكلم عنها .. تعالوا نشوف مع بعض رسم بسيط جدا بيوضح العلاقة بين السعر والكمية المطلوبة .
طيب تعالوا نتكلم عن الطلب والعرض من خلال العدسة الفوركسية ..
تعرفوا لما نسمع خبر مثلا ان الولايات المتحدة الامريكية زاد نسبة الاستثمار الاجنبي فيها بنسبة 20 % ساعتها هنقول طبعا ان دلوقتي في زيادة في الكمية المطلوبة من الدولار لذلك هنلاقي ان الدولار سعره بيرتفع تلقائيا لأن الكمية الموجودة من الدولار ثابتة انما اللي بيطلبوا الدولار زادو بنسبة 20 % فأكيد كل واحد هيسعى انه ياخد الدولار الاول فممكن يشتريه بسعر أعلى ..
طيب تعرفوا ان امريكا دخلت في صراع اكتر من مرة مع اليابان بسبب سعر الصرف !!
اليابان معروف انها دايما بتسعى ان سعر الصرف بتاعها يكون متدني ( في حدود مستويات معينة ) وده لأن اليابان تعتبر من أكبر الدول المصدرة على مستوى العالم علشان كده هي لما تقلل سعر الصرف بتاعها قدرتها التنافسية في السوق هتكون اكبر .. يعني مثلا انا كمنتج لما الاقي ان سعر المواد الخام هيكلفني 2 مليون دولار لو اشتريت من اليابان انما لو اشتريت من البرازيل هيكلفني 2.2 مليون دولار اكيد هدور على الارخص ... لذلك الصراعات قائمة بسبب الين الياباني بين امريكا واليابان ..
طيب انا حاسس اننا دخلنا شوية والموضوع بدأ يكبر شوية وممكن ناس تكون استرخمت الموضوع علشان كده دلوقتي هناخد راحة لغاية بكرة ونكمل بكرة مع العرض إن شاء الله وبعد كده هنتكلم عن موضوع شيق جدا وهو ..
" تطبيق نظام العرض والطلب على النفط الخام "
المواضيع المتشابهه 
59Likes