ஐ◄██▓▒░ كافية بورصات للتحليل الاساسي ░▒▓██►ஐ

متابعين معاك وننتظر وبالعكس الموضوع مش رخم ولا حاجه
انا كان نفسي من زمان اتعلم التحليل الاقتصادي والنظره البعيده
واهي جات الفرصه

اقتباس:

المشاركة الأصلية كتبت بواسطة prince borsa

متابعين معاك وننتظر وبالعكس الموضوع مش رخم ولا حاجه
انا كان نفسي من زمان اتعلم التحليل الاقتصادي والنظره البعيده
واهي جات الفرصه

تسلم حبيبي الغالي

...

التوقيع

جاري اعداد الجزء الثاني من

العرض والطلب

ومن ثم مناقشة موضوع

" تطبيق واسقاط نظام العرض والطلب على النفط الخام "

التوقيع

اقتباس:

المشاركة الأصلية كتبت بواسطة dr_mro

رائع يا أستاذ مصطفى .. ربنا يجزيك خير
ممكن أرفع صباعي و أسأل سؤال و لا في آخر الحصة
تسلم يا غالي على الشرح الجميل و المبسط
همسة : لو ممكن تنويع الألوان في الموضوع هيبقى أروع و أكثر وضوحاً .. نخلي الأسئلة بلون و الإجابة بلون مثلاً ..
شكرا جزيلاً

اسأل وانا تحت امرك حبيبي الغالي ..

بالنسبة لتوجيهاتك بالنسبة للتنسيق سيأخذ بها في الجزء الجاري اعداده حاليا ...

بس ليا طلب عند حضرتك ياريت بدون ألقاب أفضل

تحياتي

التوقيع

اقتباس:

المشاركة الأصلية كتبت بواسطة dr_mro

الحتة دي أنا مش فاهمها أوي
الدولار كان بحوالي 80 ين من حوالي سنة .. تدخل المركزي الياباني و قلل قيمة الين لغاية 100 و أكتر .. يعني قيمة العملة اليابانية قلت تقريبا الخمس ..
تمام .. الصادرات اليابانية أكيد زادت .. بس ما هو برده المكسب قل لأن قيمة كل حاجة قلت في اليابان
مش قادر أفهم أوي الحتة دي .. ما هو الموظف الياباني كان بياخد 1000 ين قيمتهم قلت ل 800 مثلاً .. يبقى هيحصل تضخم
شكلي بعك مش كده
أتمنى يكون سؤالي واضح .. و شكرا يا باشا

تمام انا هرد عليك بالبلدي بعيدا عن الاقتصاد واعتباراته ونظرياته ..

هنفترض دلوقتي ان حضرتك عندك مصنع .. وانا عندي مصنع وبننتج نفس السلعة ..

لو السلعة دي بتتكلف ( تكاليف فقط ) 20 دولار وحضرتك هتضيف هامش ربح حوالي 4 دولار يبقى السعر الاجمالي 24 دولار والسعر ده معقول جدا ومن خلاله بعت حوالي 20 وحدة .. يبقى صافي الربح = 4*20= 80 دولار

انا بقى راجل اقتصادي وعاوز ازود من قدرتي التنافسية في السوق .. يبقى هفكر في اني اقلل سعر السلعة دي .. اكيد طبعا مش هينفع اقلل من التكاليف ( لاننا فارضينها ثابتة ) يبقى هقلل من هامش الربح وهخليه حوالي 3 دولار يبقى السعر الاجمالي حوالي 23 دولار بالسعر ده انا بعت حوالي 30 وحدة ( لأن سعري اقل منك في السوق ) يبقى صافي الربح حوالي 90 دولار وبكده هيكون الربح بتاعي اعلى من بتاعك .. على الرغم من ان سعري اقل من سعرك ..

هسألك دلوقتي سؤال .. معنى ان سعر السلعة بتاعتي اقل منك يبقى مرتب الموظف عندي انا نزلته لما نزلت سعر السلعة ؟!!

منتظر ردك

التوقيع

بسم الله الرحمن الرحيم

رجعنا تاني والجزء الثاني من الحلقة الاولى معانا وهي " العرض والطلب "
اتكلمنا في الجزء الاول عن الطلب ... والان وقت الحديث عن العرض ..

العرض :
هو العلاقة بين السعر والكمية المعروضة من السلعة .. وطبعا كل ما زاد السعر زادت الكمية المعروضة من السلعة .. !! في ناس هتستغرب وتقول ازاي ؟!!
تعالوا ندخل جوة دايرة اقتصادية صغيرة كده وبسيطة ...
هنفترض اننا في سوق وطبعا حضراتكم عارفين أن السوق في 3 عناصر ..
- بائع .
- مشتري .
- سلعة .
لو هنفترض ان السلعة دي سعرها 5 دولار والمشتري هيشتري منها 10 وحدات انما المعروض منها 7 وحدات بس .. !! تفتكروا ايه اللي ممكن يحصل ؟!!
الاول تعالوا بس نترجم الكلام بصورة إقتصادية ونقول : أن حجم الطلب على السلعة يفوق حجم المعروض منها لذلك سيؤدي ذلك إلى ارتفاع سعر السلعة مستقبلا ..
طيب ايه رأيكم نشوف البائع بيفكر ازاي !!
لو هنفترض ان البائع هو المنتج يبقى اكيد الراجل ده هيقعد قدام الدكانه بتاعته وهيشوف ان السلعة دي عليها طلب يبقى هيقرر انه ينتج كميات اكتر ويزود السعر .. من هنا بقى هنلاقي ان الكمية المعروضة زادت وفي نفس الوقت السعر زاد برضه مع افتراض ثبات باقي العوامل .
طبعا في عوامل بتأثر على العرض منها اسعار عناصر الانتاج .. اسعار السلع البديلة .. عدد المنتجين والتكنولوجيا المستخدمة في الانتاج .. واحنا مش هنتكلم عنهم بالتفصيل لأن اكيد حضرتك دلوقتي عرفت كل واحده بتأثر ازاي ..!!!
طيب واللي معرفش يا مصطفى !!
طيب نتكلم عن واحده فيهم بسرعة وانت هتعرف الباقي ..
لو هنقول اسعار عناصر الانتاج : اكيد طبعا لو انت منتج ولقيت ان اسعار عناصر الانتاج زادت يبقى هتفكر على طول في انك تقلل حجم انتاجك وبالتالي هينخفض المعروض من السلعة وبكده يكون اثر على العرض ..
تمام وصلت ؟!!!
إن شاء الله تكون وصلت ولو موصلتش انا تحت امركم
وهسيبكم دلوقتي وهحضر لموضوع النفط وازاي نقدر نطبق و نتكلم عن العرض والطلب بالنسبة للنفط وناقش الموضوع ده ..

تحياتي
مصطفى اليمني

التوقيع

كل اناء بما فيه ينضح
موضوع رائع من رجل اقتصاد
بارك الله فيك يادرش

التوقيع

الركيزة الثالثة
سهولة التداول ---- و ---- طريق النجاح

من المتابعين