اقتباس:
المشاركة الأصلية كتبت بواسطة dodo1122
السلام عليكم ورحمة الله وبركاته
اخى الفاضل صاحب الموضوع
رسالة من اخت لك ليس لى مصلحة فى اى شئ ولا اخذ باى توصيات من اى احد ولكنى اتابع التحليل فقط
اسمح لى يا اخى
عنوان الموضوع مستفذ
فى كتير ناس مبتدئين بيدخلو الفوركس وهم مصدقين وهم كبير اوى اسمه ان الفوركس تحط فيه 100 دولار بعد يوم بالكتير اوى هايبيضو بقدرة قادر وتقوم من النوم الصبح تلاقيهم 10000دولار
ازاى معرفش
المواضيع اللى زى موضوعك ده بتثبت عندهم الفكرة وبتشجعهم اكتر على الدخول بطرق انتحارية
احنا المفروض علينا بصفتنا ناس عندنا بعض الخبرة اننا ننصحهم ونعرف المبتدئ ان الموضوع مافيهوش اى فانوس سحرى
لا خالص
كده احنا بنقوى قلبهم ان اللى يقدر يستلف ويدين نفسه عادى يستلف ماهو فى يوم الفلوس هاترجعلة 200ضعف
واللى ممكن يطلع اخر جنيه معاه على امل انه هايجيب الديب من ديله
وفى الاخر انتا بنفسك اللى قايل فى رد من ردودك الاخيرة انه ايه يعنى لما تغامر وتخسر
اقدر اقولك ان كده حرام
الاقتصاد فى البلاد العربية اصبع ضايع
والناس بقت تعبانة اوى من قلة الفلوس
والحياة بقت صعبة
وكده انتا بتشجع الناس على عمل صفقات بمنتهى التهور
رجاء بلاش تفهم انى بهاجمك لسمح الله
بس انا نفسى كلنا نفكر فى بعض
ونفكر فى طرق تخلى العرب ما يفضلوش هما رقم واحد فى الخسارة من الفوركس
عاوزين نرفع من شان بعض
عايزين نرتقى
وعلى الحب دائما نلتقى
ارجو تقبل مرورى
الاخت الفاضله ياريت حضرتك تراجعى كل كلمة كتبتها فى الموضوع وانا قاعد بقول يا عالم ياهو يا ناس يا افاضل محدش يعمل زى منا بعمل يا خلق ابوس رجليكم انا بتصرف بتهور ولا انصح احد يفعل مثلى يا جدعان مليش زفت مصلحه معنديش فانوس سحرى ولا عندى سر مخبيه ولا عايز اى شىء من حد ومش بدير حسابات ولا بشتغل لحساب حد حتى اسم الشركة الناس اتحايلت عليا مرضتش اقول اسمها عشان ابعد عن اى شبهات الناس القديمه اللى هنا عارفه انى تعبت خساير وتعبت بحث وجه الوقت لما ربنا كرمنى حبيت افرح وادى امل للناس وقلت مليون مره محدش يعمل زى منا بعمل عشان انا متهور ومجنون مغامره بالله عليكى وعليكم كلكم ناقص ايه مقلتوش وانا مع كل مشاركة كنت بنصح محدش يعمل كده ردى عليا غلطان فايه؟؟؟؟؟
حطيت كشوف بالتفصيل الممل وقلت عشان التشكيك وعملت اللى محدش عملة ومخفتش ولا داريت على شمعتى وقلت افرح وافرح الناس معايا كفرت انا مثلا ؟؟؟؟ غلطان انى بفرح وبحذر فنفس الوقت محدش يقلدنى ؟؟؟؟
طب ادارة حسابات ورفضت وقلت انا بغامر واسحب واغامر وبتمرجن بس انا بحسبها كويس انى بتاجر بمبالغ صغيرة واسحب ربحى واجرب تانى بمبلغ صغير ايه المشكلة فده؟؟؟؟؟
هو ليه الناس متعبة وبتحبط اى حد كده وبتكسر عزيمتة لما يحقق اى شىء ؟؟؟
وا يعنى ازم كلها تبقى دراما ومواضيع من عينة الحقونى اتخرب بيتى ؟؟؟؟
وربنا انا اتخنقت وندمان لكن انا ببص على الناس الكويسة اللى من جواها خير وبتحب نجاح الاخرين وكنت عارف ومتاكد انى فى ناس مبتحبش الخير ولا النجاح لحد طب ليه كده ؟؟؟؟
طلبت من حد حاجه؟؟؟
قلت لحد تعالى اشتغل لحسابك ؟؟؟
قلت انا عندى سر وعشمت الناس به ولعبت بدماغهم؟؟؟؟
ليه يا محترمين احباط ده ؟؟؟
متشكرين يا بهوات جدا