رد: نحذر الذهب ( وجهة نظر )
اقتباس:
المشاركة الأصلية كتبت بواسطة hossamsafwat2
احد الاخوه سألني على الخاص بخصوص الذهب وانه معاه عقد من 1500 فبيستفسر هل ليه عوده اليها ولا لأ
تعالوا نتفق على حاجه التحيز في الفوركس ديما هيسببلك الخساره , علشان كده خليك مع المستويات وسيبها هيا تحددلك الاتجاه
شخصيا مش متحيز لاتجاه لكن بحلل بناءا على كون الاسعار اسفل او اعلى مستوى معين وبيتم استخراج المستويات عن طريق الترقيم الموجي للحركه فهناك ترقيم اساسي وهناك ترقيم بديل ولكل ترقيم نقطة تحول بمعني انه اذا كان الترقيم الاساسي هابط فهناك نقطة تحول ليه لو اخترقها السعر هندخل على طول في السيناريو البديل اللي هو عكس السيناريو الاساسي يعني صاعد
ندخل في تحليل الذهب
السيناريو الاساسي للذهب ذكرت انه طول ماهو اسفل 1345 ويليها 1392 فهو هابط ان شاء الله
السيناريو البديل للذهب انه طول ماهو اعلى 1240 فهو مازال صاعد
نستنتج ايه من السيناريوهين ؟
نستنتج انه المستوى 1240 اذا الذهب اخترقه هيعني مزيد من الهبوط لان السعر صعد بموجه دافعه منه ولو كسر قاع الموجه يبقى الموجه الدافعه جزء من تصحيح وليست بداية صعود او ترند مؤقت
هنبسطها علشان فيه اخوه مش بيعرفوا التحليل الموجي مع اني بتكلم بعيد عن المصطلحات العلميه الصعبه
ببساطه لو السعر كسر 1240 يبقى مزيد من الهبوط
تيجوا نشوف الاسعار دلوقتي هنلاقيها بتقرب من المستوى 1240 يبقى اللي مع الصعود هيعتمد السيناريو الاحمر لانه يعتبر سيناريو مش هنتجاهله وممكن السعر يدينا صعود قوي وقتها هيكون ركب الموجه الصاعده
اما اللي مع الهبوط فالمناطق الحاليه مش مناطق بيع وان مناطق البيع كانت في التحليل السابق ومش حبيت اذكرها لاني بحلل فقط ومش اتحمل مسؤليه الشبهه في المتاجره على الذهب
وهيعتمد السيناريو الازرق
بالمناسبه اللي ملاحظ هيلاحظ ان السيناريوهين فيهم صعود على الاقل الى 1292_1300 كمنطقه اما لمواصلة الهبوط او تجاهلها واستمرار الصعود
حصن المشترين الاخير هو 1240 كسرها هيؤدي للهبوط علشان كده هيحاول المشترين يدافعوا عنها
للتذكير
السيناريو الاساسي عندي هو السيناريو الهابط (الازرق)
اما الصاعد فهو البديل (الاحمر)
وبالتوفيق للجميع ان شاء الله
هل السيناريو حاليا هو استمرار صعود الذهب ؟