السلام عليكم ورحمة الله وبركاته
لا تفزع من العنوان .. ولا تتوقع الكثير
عنوان الموضوع يبدو كدعايا إعلانية لدورة تدريبية .. أو خدمة بمقابل
أقولها وبملئ فمي
انا اعرف السر
I KNOW THE SECRET
ولنكون أكثر شمولية ... أنا اعرف سر النجاح في كل أسواق المال !!
كفاياً تشويق
هبدأ بمثال بسيط جدا لتوضيح السر (THE SECRET)
العملة : اليورو دولار
السعر الحالي : 1.3000
رأس المال : 1000$
هذا هو الحال معنا جميعاً
رأس مال , أزواج , خبراتك السابقة, ولكن هناك حلقة مفرغة
السر The Secret ينقسم لشقين
1 و 2
شفتوا الحلاوة [IMG]http://www.************.com/vb/images/smilies/biggrin.gif[/IMG]
الشق الأول من السر :-
نسبة المخاطرة من إجمالي رأس المال !!
بالبلدي يعني أقصى خسارة لا قدر الله ممكن تخسرها في الصفقة الواحدة تبقى كاااام ؟
الخبراء بيقولوا من 2%-5% من إجمالي رأس مالك
يعني لو معاك 1000 دولار
يبقى أقصى خسارة هي
1000 قسمة 100 ضرب 2 = 20$
يعني أقصى خسارة لو ضرب وقف الخسارة بتاع صفقتك ما يزيدش عن 20$
--- انتهى الشق الأول ---
الشق الثاني من السر وهو الأهم على الإطلاااااق
وهو ما يسمى Risk/Reward Ratio
بمعنى نسبة الربح اللي ممكن تحققه في الصفقة الواحدة مقابل نسبة الخسارة
بالبلدي برضو لو داخل بـ 2% من الألف دولار فقط يعني اقصى خسارة ليك هتكون 20$ صح ؟
خد دي بقى .. وبناء على الخسارة المتوقعه هنحدد الحد الأدنى للهدف المتوقع
بس خليك معايا وصلي على الحبيب ( صلى الله عليه وسلم )
الخبراء بيقولوا .. نسبة العائد\الخسارة لا بد أن لا تقل عن 1:1.5 وبعضهم قال 1:1.7
يعني لو الخسارة بتاعتك 20$ يبقى الهدف لازم يكون ( 20 ضرب 1.5 = 30 $ )
وانا انصحك واقول لك
في اي حال من الأحوال يجب الا تقل نسبة العائد\الخسارة عن
1:3
اييييوة 1:3
طيب ليه يا عم ايهاب قلت 1:3
اقولك تعالى نحسبها
لو انت مخطط الشهر ده انك تدخل 10 صفقات كحد أقصى
معاك 1000$
بنسبة المخاطرة من رأس المال 5% كحد أقصى ( يعني 50$ اقصى خسارة في الصفقة )
واخترت ان العائد\الخسارة = 1:3
ودا معناه ان هدفك على الأقل لا بد أنه يكون 3 اضعاف وقف الخسارة
(50$ ضرب 3 = 150$ ) في الصفقة الواحدة
تمام كدى ؟
هنفترض ان السوق عملها معاك ( لا قدر الله) وخسرت 6 صفقات من أصل 10 صفقات
الحسبة هتكون كالآتي :-
6 صفقات خاسرة × 50$ قيمة الخسارة = (300$) خسارة
4 صفقات رابحة × 150$ قيمة الربح الدنيا = 600$ ربح
الصافي = 600-300 = 300$ ربح ؟؟؟؟
مع أنك ربحت 4 صفقات فقط من الإجمالي ( أي نسبة نجاحك في توقع الحركة 40% فقط !!)
تعالى نحسبها بشكل اسوأ
السوق عملها معاك تاني ( لا قدر الله برضو) وخسرت 7 صفقات من اصل 10
7 خاسرة × 50$ = (350$) خسارة
3 رابحة × 150$ = 450$ ربح
الصافي = 450$ - 350$ = 100 ربح برضو !!!
100$ دي بتمثل كام % من الـ 1000$ ؟؟؟؟
يعني تخيل أنك تقدر تعمل 10% من حسابك شهريا بشكل مش هقول مضمون ولكن شبه مؤكد
اذا يا إخواني \ اخواتي
نسبة العائد\الخسارة هي السر الحقيقي وراء نجاحك في الفوركس ... بل وفي أي سوق مالي
ونسبة المخاطرة ( 2-5% ) هي اللي هتخلي حسابك صامد لحد ما تنتهي الـ 10 صفقات المتفق عليها على خير
تخيل معايا تاني .. 10 صفقات بس في الشهر .. نسبة النجاح المطلوبة 30% بس .. نسبة العواد بتاعتك 10% من رأس مالك .. والأعصاب 100%
والآن ... اصبحت تعرف السر الحقيقي
ناوي على ايه ؟
هتدور برضو على استراتيجيات الوقف فيها 200 نقطة والهدف 30 ؟
أو حتى الوقف 30 والهدف 30 ؟
بجد ناوي على ايه ؟ يهمني رأيك
طولت عليكم معلش .. واتمنى للي
ما سمعش السر يقرأ الموضوع تاني وتالت على رواقة
واللي فهم الموضوع يفكر بعقلانية فيه
واللي فكر فيه ينفذه لو حب ينجح في الفوركس
تحياتي [IMG]http://www.************.com/vb/images/smilies/eh_s(7).gif[/IMG]
أخوكم : إيهاب بدوي
هذه مشاركة أعجبتني في منتدى الجيران فنقلتها لكم كما هي بدون أي تصرف
تحياتي وتقديري