اللهم صلّ وسلم وبارك على حبيبك خير الخلق أجمعين سيدنا محمد وعلى آله وصحبه وسلم
كتير مننا وخصوصا المبتدئين بنسمع كلمة برايس اكشن او سلوك السعر , واول مره بنسمعها فيها بنبقى نفسنا نفهم معناها لكن مش عارفين او مفيش حد بيشرحها اللي فهما بيفضل يكررها كتير والمبتدأ يسمعها منه ويتقهر اكتر لانه نفسه يفهم معناها وفيه كمان خبراء للاسف مش بيكونوا عارفين يعني ايه سلوك السعر
وده مش يمنع ان هناك عمالقه في البرايس اكشن
قبل مانشرح البرايس اكشن عاوز اقول ان البرايس اكشن بيساعدك تفك طلاسم الشارت وتحلله وهيساعدك في استراتيجيتك هيفلترهالك من الفرص الغير جيده وطبعا مفيش احسن من الفلتر اللي بيعتمد على سلوك السعر او نظرتك للشارت وديما ديما حط قدامك وجهة النظر المختلفه ومش تكون متعصب او متحيز لاتجاهك لان السوق مش هيمشي بمزاجك السوق ليه مزاج واحنا كلنا مجبورين نتمزّج على مزاجه
تعالو نعرف ايه هو البرايس اكشن او سلوك السعر
السعر ليه نوعين من الحركه ولايوجد انواع اخرى 1_الحركه في ترند 2_ الحركه في تصحيح
لكل نوع من انواع الحركه صفاته اولا : الحركه في ترند بتتوصف انها سريعه وغير متداخله ثانيا : الحركه في التصحيح بتتوصف انها بطيئه ومتداخله وديما بتيجي بعد الحركه في الترند , والحركه التصحيحيه ليها ميزه انك بتقدر تحصرها بمعنى انها بتكون ليها اشكال
اما تحصرها داخل قناه او مثلث او مستطيل
كده فهمنا ايه هيا صفات الحركه في الترند وايه هيا صفات او سلوك الحركه في التصحيح
الصفات دي او السلوك للحركه بيسمى السلوك السعري او البرايس اكشن
طبعا عايزين نطبق السلوك السعري ده ونستفاد منه في التجاره او في طرقنا وفي ناس بتاجر بالبرايس اكشن فقط
لكل فريم ترند واهم قاعده انك تتاجر مع الترند الاكبر للفريم اللي انت بتاجر عليه مش تتاجر على ترند الفريم نفسه
موضح على شارت الباوند دولار
ازاي كانت الحركه داخل الترند الصاعد من 1.4812 كان السعر كل شويه يصعد ويعمل قمه اعلى من قمه وقاع اعلى من قاع
في اي ترند لما السعر يعمل قاع اعلى من قاع بنقول عليه ترند صاعد واذا كانت القيعان متداخله وهو بيصعد هنفهم ان الصعود ده تصحيح داخل موجه اكبر (لانه زي ماقولت الن الحركه المتداخله من سلوك التصحيح )
الخطوط الخضراء على شارت الباوند بتقولنا ان السعر بيعمل قاع اعلى من قاع والقيعان دي مش متداخله يبقى احنا في الترند الصاعد ده بننتظر تصحيح وندخل شراء مع الترند ونحط الاستوب بتاعنا تحت اخر قاع صاعده عملها
نيجي مع بعض نشوف اخر حركه من القمه 1.7190 هنجد ان الهبوط منها هبوط سريع وحاد وده من سلوكيات الحركه في ترند_ وكسر اخر قاع صاعده في النرند الصاعد يبقى دي علامه وسلوك بيقولنا ان الترند بدأ يتغير لانه كسر اخر قاع صاعده في الترند الصاعد بموجه سريعه حاده يبقى على الاقل ان السعر يعمل تصحيح للموجه الصاعده من 1.4812 ويكون لمستويات 50_61.8% عند (1.6000_1.5720)
ليه قولت على الاقل لانه ممكن يكون بداية ترند هابطه ويواصل هبوط لكن انت كتاجر لازم تشوف اقل هدف او اول منطقة بيحصل عندها جني ارباح
تعالو نشوف الهبوط من 1.7190 هنجد ان السعر بيهبط لكن مصحوب بدايفرجنس
عارفين ايه معنى السعر يفضل يهبط وهو مصحوب بدايفرجنس ده معناه ان السعر بيفضل يهبط لكن بيفقد عزمه في الهبوط يعني السعر يهبط لكن المؤشر بيصعد وده علامه ان الهبوط بيفقد عزمه وانه قرب يدخل في تصحيح ممكن التصحيح ده يكون صغير وممكن يكون معقول لكن احنا ديما بنفترض ان السعر هيصحح الى 50% من اصل الهبوط من 1.7190 وعندها بيكون فيه فرص بيع لانه زي ماقولت ان الهبوط كسر اخر قاع صاعده بموجه حاده سريعه وده دليل على ان الترند اتغير ولو مؤقتا على الاقل 3 موجات هابطه ABC لانه لايوجد تصحيح بموجه واحده , عمرك سمعت تصحيح بموجه A فقط ؟!!
يبقى ببساطه مش تشتري على امل التصحيح وانتظر التصحيح علشان تبيع
حبيت اقدم ولو حاجه بسيطه لعل هناك من يستفيد او انها تنورله الطريق قدام حجات مكنش شايفها
وبالمناسبه علم وتسلسل الموجات ده علم رائع وكبير والتحليل الموجي قبل ماتفكر انك تتعلمه اتعلم سلوك السعر داخل الترند وداخل التصحيح علشان يسهل عليك تتعلم ترقم الشارت ومش تنسى اهم قاعده لاتحيز او تعصب لاتجاه وكل الاحتمالات لازم تضعها امامك علشان توصل وتكون دقتك عاليه واول الخطوات لتعلم التحليل الموجي (لايوجد تصحيح بموجه واحده على الاقل 3 موجات ABC) لو لقيت في الشارت تصحيح بموجه واحده او هبوط حاد وبعده واصل صعوده اعرف ان الموجه الواحده دي جزء من فلاته ودي اكتر حاجه بتقرف المحلل الموجي ف عيشته وعلشان المساعده تذكر دائما _ انا عارف وقتها هتتنسي _ تذكر انك لاترقم الفلاته عكس الترند لانه حتى لو صحيحه لكن احتمالها ضعيف لانها عكس الترند وانما رقمها مع الترند
بالتوفيق للجميع ان شاء الله
جزاك الله كل خير يا عمدة كل ما ذكرته الاساسيات المهمه لتحركات الاسعار وهو اول شيء نحتاج فهمه ثم البحث عن انسب طريق للسوق بناء ع الربط بين هذه المفاهيم كتّر خيرك
( وديما ديما حط قدامك وجهة النظر المختلفه ومش تكون متعصب او متحيز لاتجاهك لان السوق مش هيمشي بمزاجك السوق ليه مزاج واحنا كلنا مجبورين نتمزّج على مزاجه )
نتمزج ع مزااااجه يا عيني هذي الفلسفه ع اصولها والا بلااااش
الاروع مرورك اخي الكريم ,
لكل شخص ميوله لاي نوع من انواع التحليل وفيه شخصيات بتتقبل تحليل عن تحليل آخر وبتبدع فيه اهم حاجه كل واحد يدور على اللي بيناسب شخصيته وميوله
اما فيما يخص اللي ذكرته فده زي ماقال اخونا allumby اساسيات مهمه بتفتحلك طريق لو حبيت تتعلم اي نوع تحليل سواء كلاسيكي او موجي او غيره
بالنسبه للتحليل الموجي اي مبتدأ هيقرا عنه هيمر بمراحل يأس ومن ضمن المراحل انه هيقول التحليل الموجي ده ضعيف ووهم دي مرحله مهمه هيمر بيها لو تجاوزها هيبدأ يوقف على الطريق السليم ويعرف قوة التحليل الموجي وتابع الباوند وهو هيقولك قوته ان شاء الله
اما في مايخص تعمقي وشرح التحليل الموجي هكون صريح معاك صعب جدا عليا محتاج مجهود كبير ووقتي ضيق جدا, علشان كده اتعلم وابدأ بنفسك وكتير بدأو ووصلوا مرحلة اليأس ومنهم من كمل وابدع ومنهم من توقف ورجع يبحث عن اساليب اخرى لانه اكتشف ان الاسلوب ده لايناسب شخصيته
وفي مايخص المده ف دي بتختلف من شخص لآخر لكن مش هتقل عن سنه للوصول لمرحله متقدمه يعني بدل مايكون الترقيم بالنسبالك صعب جدا هتبدأ تشوف الشارت كأنك بتتصفح كتاب ان شاء الله
جزاك الله كل خير يا عمدة كل ما ذكرته الاساسيات المهمه لتحركات الاسعار وهو اول شيء نحتاج فهمه ثم البحث عن انسب طريق للسوق بناء ع الربط بين هذه المفاهيم كتّر خيرك
( وديما ديما حط قدامك وجهة النظر المختلفه ومش تكون متعصب او متحيز لاتجاهك لان السوق مش هيمشي بمزاجك السوق ليه مزاج واحنا كلنا مجبورين نتمزّج على مزاجه )
نتمزج ع مزااااجه يا عيني هذي الفلسفه ع اصولها والا بلااااش
بالنسبه لليورو دولار مازال بيتحرك في ترند هابط السعر بيهبط وبيبحث عن دعم علشان يصحح كتير بيفترض انه هيصحح من الدعم الفلاني لكونه مستوى فايبو او دعم سابق وهكذا لكن من فين هيبدأ يصحح ده في علم الغيب علشان كده قولت انه بنفترض نقاط دعم على امل التصحيح , لكن حتى يتم التصحيح هنبقى منتظرين يصحح علشان نبيع ومش هنشتري على امل التصحيح لان الترند مازال هابط ولايوجد اي سلوك يدعم الشراء
اتفضل ده تحليل على المدى القريب http://forum.borsaat.com/t161541-1618.html#post1679182
اما مايخص المدى المتوسط والبعيد ده مش وقته لان اليورو عليه كذا سيناريو وعلشان مش نعيش الوهم في الافتراضات نسيب السعر يختزل بنفسه السيناريوهات وعند وضوح الرؤيه نضع التحليل ان شاء الله