Ψ◄███ ترند البساطة ( للكبار فقط ) ███►Ψ

المشاركة الأصلية كتبت بواسطة Mostafa Elyamny

وكالعادة نقوم بتذكير الناس بالفرص اللي اتكونت خلال الاسبوع ولم نلحق بها ..

وده علشان الناس تحاول تعتمد على نفسها وتشارك في انها تطلع فرصة لأنها حاجة مش صعبة بعون الله

طبعا الفرص دي راحت عليا انا كمان ولكن الحمد لله ده رزق والرزق زي الموت هيجيلك يعني هيجيلك

امبارح كان معانا حوالي 4 فرص قبل اجتماع الفيدرالي وكانوا معظمهم على ازواج الدولار كلهم كان الوقف بالنسبة للهدف 1:3 تقريبا أو اكثر في بعض الصفقات وكلهم جابوا الهدف ولله الحمد

يعني حوالي 6 % من الحساب وعلى فكرة كان في فرصتين أول الاسبوع على AUDCHF و AUDJPY على ما اتذكر وبرضه الاتنين جابوا الهدف وكان الوقف نفس الحكاية وانا رفضت اني انزلهم علشان الناس متقولش ده مش بينزل الفرص غير بعد ما تحقق الهدف ..

وربنا يعلم انا اي صفقة بدخلها على الاستراتيجية على الحساب اللي شغال عليه ( حقيقي ) بنسخها على الديمو وبنزلها هنا في وقتها .. بس برضه بكرر انا موجود النهاردة ومش موجود بكرة ..

واديكم شايفين امبارح بس 6 % لو حد كان صاحي للشارت كان جابهم ( طبعا اللهم لا اعتراض ) والحمد لله امبارح كنت فاتح اللاب جنبي وانشغلت بتحضير الاقتصاد لسكاشن الطلبة عندي ونسيت الشارت ..

على العموم اكيد الخير جاي اكتر بس اللي بطلبه من الناس ياريت الناس متستناش اني انزل انا فرص تدور بنفسها واكيد إن شاء الله هتوصل واحب اطمنكم بعون الله مش محتاجين اي طريقة تاني أو مش محتاجين انكم تشتتوا نفسكم بين الطرق ( ده لو معتبر ان الفوركس تجارة وعاوز نسبة معقولة كل شهر ومش من النوع اللي بيدور على تدبيلات في ايام ) وعن نفسي تركت العمل بمعشوقي الهارمونيك وفقط اشتغل بتلك الطريقة ..

موفقين يا شباب ودعواتكم معانا